happyfatgoodfat's Profile

對上一次來burgeroom應該已經係6-7年前 😂 今日好想食burger, 所以黎再試下佢有冇維持高水準 😏 我星期三大約三點鐘來到銅鑼灣的burgeroom，都有啲客坐出面，幾個朋友黎食漢堡飲啤酒，真係好chill, 個環境舒服 👍下午2:30-5:30 有tea time mini burger set, 細食或唔係好餓可以揀呢個 ✅ 包迷你漢堡+薯條+野飲，都係$60 only, 十分抵食！我好肚餓，所以叫返regular burger size. 總共叫左三樣嘢：1. Foie gras beef burger 鵝肝牛肉漢堡 🍔$1682. Guacamole cheese fries 牛油果醬芝士薯條 🍟 $683. Mini hash brown with blueberry sauce 迷你薯餅配藍莓醬 🥔 $58如果多啲人，我絕對會叫再多啲 😆 佢除咗漢堡，小食類食物都十分豐富。講返正題，鵝肝牛肉漢堡好好食，外層麵包外脆內軟，鵝肝牛肉好juicy, 但唔會油膩，配合醬汁蕃茄生菜，呢個組合正 😋牛油果醬芝士薯條有驚喜，好大份足料，粗薯條加牛油果醬同蕃茄粒，加埋超濃厚芝士，配合得好好，牛油果醬解左芝士油膩感。即使凍左，難得都仲好食 ✅✅ 特別推介幾個朋友一齊share迷你薯餅配藍莓醬：無試過薯餅點藍莓醬來食，幾特別，不過始終習慣點番茄醬來食多啲 🤣另外一讚嘅係佢免加一 ☺️…Read More

星期六自己一個食晏晝，揀咗呢間粉麵店，食咗一餐十分滿足，令到週末好開心嘅一餐 😋叫咗一碗崩沙牛腩河，見到好多客人都揀呢個 😜 仲見到有酥炸門鱔皮，平時食炸魚皮食得多，但係未食過炸門鱔皮，好奇所以都叫咗黎試吓。首先黎左炸門鱔皮（$32）平時食炸魚皮，我鍾意浸落湯一兩秒就即刻食，但係食呢個炸門鱔魚皮，真係要浸係湯耐啲。因為佢係比平時嘅魚皮厚實，浸落湯耐d可以幫助去除炸物嘅油膩感，同時間絕對唔會令到魚皮淋左，食落口都仲係卜卜脆。推介大家同朋友嚟食，又鍾意食炸魚皮嘅話，可以share試吓 👍👍 有啲炸門鱔魚皮好大塊，浸唔哂落碗湯度 🤣 正呀！好快崩沙牛腩河粉（$46）都黎左好好食呀 😍😍 之前無食過崩沙牛腩，原來崩沙牛腩係「位於橫膈膜附近、牛肚兩邊腩位，腩上有薄膜」。好有牛味，肉質鮮嫩，有層薄膜令到口感更豐富，唔係筋黎，所以唔會鞋口。樂園煮得好好食，同個湯底好夾！我覺得係樂園必食，大家一定要試下 ☺️☺️…Read More

龍驤係尖東新開嘅日式餐廳，有齊壽司、鐵板燒同埋串燒，推介大家來試佢嘅午市套餐或者book場開party 🥳我嚟嘅時候係星期五公眾假期晏晝12點，由於唔係返工日子，唔多人，可以任意坐鐵板燒或者壽司吧枱，我揀咗坐鐵板燒枱，可以睇住師傅煮同傾吓計更加滋味開心😋選擇左omakase驤餐（$328）同埋鐵板燒水餐（$238）首先送左個蒸蛋同日式麻醬沙律重頭戲登場 — 壽司同手卷🍣 首先要讚下服務態度，所有侍應同師傅都十分之有禮貌友善，詳細介紹每一款壽司款式同埋食嘅次序，並且十分留意食客嘅需要，令到整個用餐過程都好開心 👍壽司拼盤有齊吞拿魚、海膽、帶子、左口魚等款式，魚生新鮮，口感豐富，令人10分滿足。以$328 價錢加上這個服務，我覺得抵食 🌻其實我同朋友兩個女仔食完一個壽司套餐已經幾飽 🤣之後上鐵板燒套餐，好多野食 😂 鐵板燒套餐有鵝肝同埋豬肉、炒椰菜、炒飯同埋味噌湯唔知道大家從圖片睇唔睇得出，個鵝肝係好大舊，同豬差唔多大細🤤🤤師傅不加過多調味料去醃或烹調，等我哋可以食到食材嘅原味最後嘅炒飯都好食😋特別感謝Carol鐵板燒師傅，好好傾又友善，大家記得去搵佢！…Read More

三點三 下午茶時間 ☕️ 龍城都好多人食，人山人海大家可以睇吓個下午茶餐牌，就知點解咁多人食。下午茶餐好有誠意，超多選擇，小食類又有，粉面又有，同埋有啲好少係出面下午茶餐見到嘅小食，例如蓮藕餅同埋XO醬蘿蔔糕，勁吸引 😭 但我得一個胃，只能忍痛揀一個。下午茶時段晏晝兩點到六點，推介可以同朋友嚟食，咁就可以試多啲唔同嘢食 ☺️最後揀咗香脆炸雞髀配家鄉蓮藕餅，凍奶茶🧋即係餐牌上下午茶7E 🤣首先講吓炸雞髀，有驚喜，原來入邊有咖喱味，雞肉好嫩滑juicy，雞皮炸粉唔厚，好香脆 🤤蓮藕餅有一粒粒蓮藕，唔係得啲粉嗰種，好食！食完個下午茶餐，忍唔住叫多個叉燒酥，$5咋下次想試吓其他麵包，見到佢有一個榴槤菠蘿包，好好奇係乜嘢味道。食完唔使食晚飯 🤣🤣好飽！…Read More

呢間新開係厚福街嘅台灣餐廳抵食好味 🤤 佢地點真係好方便呀，係厚福街街頭 👍 餐廳細細間，木系裝修，幾有台灣感覺，啱返工黎食lunch或者下午茶，都見好多人買外賣。我係下午茶4點時間去，所以無叫佢招牌的飯麵，但我見到好吸引，下次再叫！我叫左個芝士肉鬆蛋餅+小麥胚芽奶綠加珍珠，好邪惡好幸福的下午茶 🥰唔好以為蛋餅得芝士同肉鬆會好少份量，份量好足，食完好飽 😂小麥胚芽奶綠有驚喜，好重小麥味，表面仲有d小麥胚芽碎，好正 🤤🤤🤤 會再encore! 侍應們好年輕，都好好態度 👍 …Read More

一個星期去咗兩次，呢間將軍澳新開嘅海底撈係我喺大陸同埋香港食過咁多間海底撈體驗so far最好！雖然新開，侍應們都非常有禮貌殷勤同細心👍💖第一次去係星期二晏晝，唔需要排隊。第二次去係星期六晏晝，好彩有預先電話訂枱，因為我前一日星期五打去訂位嘅時候， 12/ 1點呢啲時間已經full Booking，所以book咗11:30呢個早啲嘅時間。不過佢有預留三分之二嘅枱比walk in服務態度一如以往的好，仲令我有驚喜嘅係以下幾點：一、見到我自己玩電話，主動提供手機支架二、主動幫我撇油三、我叫咗蕃茄湯底，侍應主動推薦隱藏菜單四、生日佈置有心思，貼咗氣球同埋生日快樂喺窗五、見到我夾面雞手鴨腳，侍應主動幫手夾面而家新開張有提供午市套餐，星期一至日，下午四點前都有，好抵食 🤤 有齊魚/肉、蔬菜、同埋主食。我兩次都食到好飽，食埋佢啲小食，甜品，水果，飯後雪米滋⋯⋯真心覺得抵食，服務態度都好好。環境乾淨衛生，佢哋而家都有美甲服務啦 ☺️ …Read More

朋友一早remark左呢間位於The One 3樓新開嘅日式輕食餐廳 🤤 所以就約咗佢行街前，嚟呢度食食午飯🥣首先位置來講，冇得輸係the one入邊，好方便其次裝修係石屎冷淡風加木頭，再加啲綠色植物，坐得舒服。我覺得特別嘅一點係佢哋設有戶外座位，雖然今次我哋無坐到出面，但係天氣好，有陽光的冬天坐係較為開揚嘅地方都應該幾舒服👍事不宜遲入正題，我哋兩個女仔分別叫咗人氣no 1嘅黑毛和牛牛扒丼（$78）同埋牛舌溫泉玉子丼（$88）首先嚟咗黑毛和牛牛扒丼，好有驚喜，呢個價錢食到呢個質素嘅牛，勁重牛味 🥰 加左d沙律醬，同炸蒜片，好夾👍咁當然呢個價錢都唔好期望有好多牛，約莫五、六塊。之後到牛舌溫泉玉子丼，牛舌份量好夠，好彈牙 🤤 值得一讚嘅係每碗飯都有唔少份量嘅火箭菜，可以平衡牛的油膩感。總括而言， $100都唔使呢個質素，係幾抵食，推介黑毛和牛牛扒丼…Read More

唔使再山長水遠去九龍城啦如標題所述，係銅鑼灣都有好好味嘅泰菜，唔使再山長水遠去九龍城啦 😆地理位置方便，係銅鑼灣c出口，向灣仔方向行大約5分鐘就到 👌餐廳佈置舒服，比起好多同類型中低價位泰菜餐廳的裝修，呢間明顯有擺心機，色彩繽紛，坐得舒服。我哋2個女仔食晚飯，只叫左3個菜式都已經食到要打包 🤣 埋單$240豬肉碎生菜包：勁惹味，比想像中辣，但對於譚仔10小辣嘅我仍可handle ✌️炭燒豬頸肉：大份好嫩滑，醬汁好夾 🤤 直頭想叫碗白飯送呢2個菜式菠蘿海鮮炒飯：好食足料，夠火候 🔥有大蝦同蠔，絕無欺場，夠2個成人食三個菜式都十分滿意，同朋友異口同聲話再黎過，覺得可能仲未係好多人推介呢間餐廳，值得一推再推！…Read More

一直都好想試nuttea, 因為奶蓋就飲得多，但從來冇試過堅果奶茶，好好奇係咩味道😝 今日嚟咗九龍灣呢間應該係新開張嘅 nuttea, 菜單上有好多選擇都好特別好吸引，幾番掙扎後選擇左伯爵朱古力堅果奶蓋茶，見今日香港終於凍返少少，想試下濃味野。杯奶蓋茶十分真材實料，足料到爆 🤤 感覺好幸福，將甜品同茶飲結合左一齊。上層有濃厚堅果味的奶蓋同朱古力粉，夾埋伯爵茶配合，好正呀 🥰 如果一個女仔飲 😂 應該可以當一個下午茶，飲完好有罪惡感 🤣 下次會想試吓都好多人叫嘅四季春堅果奶蓋茶。想大讚收銀靚女姐姐 👍👍佢好友善 friendly, 主動推介佢哋12月新出嘅栗子茶飲，可惜我得一個人就淨係叫咗一杯。建議大家去九龍灣ikea行街，可以順便黎nuttea飲堅果奶茶 😙 好近架…Read More

呢間韓燒帶到驚喜俾我首先性價比，而家lunch time無時限，可以12點食到3點（唔確定淨係閒日定周末都係咁）其次食物種類非常多元，唔單止有牛豬雞羊，仲有好多海鮮，包括蝦、帶子、魷魚、青口同埋生蠔。就算炸雞都有好幾款口味。麵飯類都冇揸流攤，有水冷麵、辛辣麵、溫泉蛋紫菜飯等 🔥🔥肉數我首選薄切西冷牛扒同牛肋骨 🤤 好嫩滑，肥瘦適中 👍 海鮮我推薦扇貝同鯖魚，鯖魚我少啲係其他韓燒見到。肉類、海鮮、炸物、麵飯係scan qr code自己落單，上得好快。出面buffet區都超多選擇，沙律、前菜（青瓜、雲耳、雞翼），中式湯，牛油粟米、瓜、菇、菜、腸都有。甜品區有雪糕、dreyers雪條、泡芙、orea杯等。最最最驚喜有軟糖 😍服務態度都好好 👍…Read More

同3個女仔朋友喺星期日lunch time 12:30嚟到，好彩有預先訂位，如果唔係冇位 見到食評話係最好食嘅蒜蓉包，見到有12 塊，以為一個蒜蓉包會食飽我哋四個，比預期冇咁飽，同埋對個蒜蓉包可能太高期望，冇想像中咁好食，缺乏蒜味。如果下次嚟，反而會叫其他薄餅或者意粉食。因為蒜蓉包食唔飽我哋 😂 叫咗個雙拼薄餅（canadian + parma). 都ok 👍性價比都OK，4個人埋單$425…Read More

睇人推介炑八下午茶好抵食，就嚟咗一試下午茶時段2:30開始，我大概2:40到，唔需要排隊，好多空位。坐低之後自己scan QR code落order. 我發現每間炑八嘅下午茶餐牌都好似有啲唔同。我叫咗$48嘅牛肉流心蛋飯，冇加嘢飲，亦都冇加小食。都算快上菜，個牛肉飯超級大份，我冇食lunch，都食唔晒 😂 好彩冇叫小食食物質素OK，性價比高，服務正常，適合閑日下午茶肚餓自己去食下👍…Read More

呢間係暫時全香港餃子類別排名榜首的餐廳，所以好高期望，希望可以滿足我濃濃的餃子魂 😂 由於價格偏貴，我選擇較平價的兩併細碗煎餃試吓先（韭菜豬肉&雲耳椰菜豬肉），有7粒。我算偏細至正常食量的女仔，佢嘅餃子唔大粒，7粒作為午餐絕對唔夠食 😂勝在餃子皮與餡比例適中，煎得恰到好處 👍 好食，不過未到好想再食，或者下次應該叫其他特別款，先食到個價值。…Read More

無得外遊，只好郊遊 😂😂星期日黎梅窩行下，來之前search過梅窩有咩做，所有嘅文章都推介來食津津星期日限定嘅蟹茄湯檬。由於我唔鍾意食蟹，亦見到OpenRice有食評話麻麻哋，所以叫咗同樣星期日限定的蕃茄湯檬同埋平時都可以order的越南春卷撈檬。蕃茄湯檬好食，不過味道偏向港式風味。反而非限定的越南春卷撈檬有驚喜，佢嘅春卷係炸米紙卷，$45來講非常好食 😋 越南菜越嚟越貴，喺市區食一個撈檬至少$60-70。所以我建議大家可以試吓非假日限定嘅菜式。我都見到好多人叫一般湯粉麵或者多士。…Read More

實在太掛住韓國，唯有食韓國美食，一解思鄉之愁 😂今日襯返工食lunch，嚟呢間想食咗好耐，超級多好評嘅韓國餐廳疫情關係，坐booth都有版格住，幾安全佢嘅lunch Menu真係好抵食，平均$60-70 ，我叫咗個鹹蛋炸雞，本身諗住好寡，所以叫多個經典薄餅。首先食lunch，佢有kimchi同粉絲任攞每個set都會有飲品，可以係飲品櫃自取。所以即使你叫炸雞set, 都唔使擔心淨係食雞。而且炸雞配左醃蘿蔔同埋沙律，好解滯。鹹蛋炸雞10分邪惡，極香鹹蛋黃味！如果叫薄餅，都唔使擔心，佢會有免費炸雞粒送 😁 所以食咩餐，食物種類都有variety建議第一次嚟嘅話叫炸雞，話晒係佢哋嘅拿手菜 👍…Read More