joico's Profile

出尖沙咀行街街，行下TheOne，又行下美麗華。行到有點累又有點肚餓，就找間餐廳坐下休息下去到街尾都没找到什麼好吃，就從街角7-11和漢堡包店轉入內街，向前行就見到有一間柔和燈光的餐廳Harmony。看似幾舒服就入去坐下。店員很親切有禮，為我們奉上温水，再介紹今天有什麼好吃的。因為太累不想想了，就點二人餐吧。先來一個吞拿魚薯仔沙律，碟子很美，有柚子汁和調味豉油，好開胃再來蟹肉味噌湯，蟹肉好鮮味，好味牙。。黑松露鵝肝多士，好濃黑松露味，多士好脆主菜有牛油三文魚扒和小牛排，好味還有甜品日本芝士蛋糕，正環境真係坐得很舒服，店內亦播住輕鬆音樂，好適合約朋友一齊在這裡gather下。之後一定會再來…Read More

尖沙咀厚福街附近呢一間石燒牛平時成日都排晒長龍今日咁啱我哋晏收工，見到唔係好多人，就一於試吓餐廳點餐係喺門口呢部自助機度點嘅，收費都係電子收費唔收現金，如果大家下次你就要留意番呢一點啦😮牛嘅種類都有好多款，有分唔同部位🤔，第一次食唔係好清楚邊個部位適合自己，我哋就參考左店員嘅建議去揀😋另外佢都會有分到重量，可以按返自己嘅需要去決定要幾多我揀咗牛肩胛肉眼，老公就揀咗隔膜我哋兩個都揀咗200g, 仲配埋套餐可以無限添加飯/意粉/薯蓉、同埋沙律🥗牛肩胛肉眼嘅肉質比較林燒至五成熟就啱啱好啦老公揀嘅隔膜牛味就比較濃，口感比較爽口餐廳嘅醬汁係自助形式攞嘅，有燒肉汁同埋柚子汁，我比較喜歡燒肉汁，甜甜地，點肉食好夾，而柚子汁酸酸地，可以解油膩總括啲牛都好有質素，價錢合理我下次會再幫襯少少美中不足就係餐廳入邊嘅抽風唔係好夠，油煙味比較重，食完之後成身都好香😂…Read More

早排經過留意到呢間環境唔錯既西餐廳酒吧，今晚放工同老公黎試下😊餐廳環境氣氛都不錯，座位不會太迫，都係高身吧檯我地叫左1個沙律、2個主食share橙漬鮮吞拿魚無花果菠菜沙律（$158）無諗過佢會咁大份，咁多吞拿魚😂吞拿魚完全唔會腥，好鮮嫩😋菠菜帶點鮮甜既味道👍🏻美國安格斯牛肉芝士漢堡（$138）我想話呢個漢堡真係超級好食呀！❤️塊漢堡扒好厚好juicy🤤而且又係超大份！呢個價錢真係好超值！薯條都好好食，好有薯味😋下次黎都要再食呀！三文魚子烤三文魚寬條麵（$188）有好多魚子，而且一點都唔腥三文魚係烤到半生熟，外脆內軟😋個忌廉汁亦唔會太漏稀杰度剛剛好👍🏻正呀！呢間餐廳既食物質素真係好高！而且份量好多！CP值超高！下次都會再幫襯！👍🏻…Read More

老公係燒鵝迷😋呢間燒味店，由未開張時老公已經好心急話要去試之前我地都光顧過幾次，都係食lunch多，今次第一次黎食晚飯，老公話要食豪d😂我地叫左2個一人餐，燒味份量比碟頭飯多好多😆1人餐同2人餐既最大分別係燒味可以雙拼，咁我地就可以叫4個不同口味😁我地叫左燒鵝、叉燒、豉油雞、燒腩仔燒鵝基本上係每次黎既必食item👍🏻呢度既燒鵝有陣好獨特既煙薰香味，燒鵝唔會肥，皮脆肉嫩❤️叉燒甜度剛剛好，半肥瘦，肉質好稔豉油都好滑，入味但又唔會太咸燒腩仔個皮勁脆呀！咬落去卜卜聲！😋一層肥肉一層瘦肉，極度邪惡😆呢個一人餐真係好多野食😆有一碟雙拼燒味、油菜、白飯或粉、例湯或飲品，份量好足，我老公一個大男人都夠晒食👍🏻價錢$128，都算抵食👍🏻…Read More

上次朋友帶過我來呢間有韓國oppa的韓國餐廳食野，感覺不錯，今晚專登帶老公黎試下😋呢間餐廳都幾旺場，星期一晚都爆滿，要等一陣先有位牛助骨湯(Small) $168湯既牛肉味十分濃郁，入面仲有韓國粉絲，吸晒湯味，彈牙好味😋韓式沙律 $90沙律醬汁甜甜地，幾fresh幾醒胃😊👍🏻芝士炸雞 $238炸雞去左骨，啖啖肉😋雞都炸得剛剛好！外脆內軟，入面既肉質仲好稔有肉汁👍🏻溝埋芝士一齊食，好正呀！😍店子不算太大，但座位尚算唔迫，係比較嘈少少埋單5百幾，算中價…Read More

喺佐敦附近放工揀咗呢間韓式燒烤同老公撐枱腳佢哋有分幾款餐我哋揀咗國王御膳 $278任食食物種類都好多選擇牛肉嘅種類都有好多款第一round我哋每樣都叫咗少少嚟試吓啲肉睇落都OK新鮮牛有唔同部位選擇啱晒我呢個牛魔王食韓燒我最鍾意就係有蛋格放蛋汁依家有少少特別佢哋嘅蛋汁入邊放咗粟米燒到半生熟嘅蛋夾埋燒肉同菜一齊食就最正除咗肉類之外都有一啲海鮮選擇我自己幾欣賞虎蝦大大隻夠彈牙除咗燒肉之外仲有其他熟食不過我哋食咗一輪肉之後都冇叫太多熟食叫咗一個泡菜湯試吓泡菜味都好濃夠辣買家每人$300左右價錢都算合理不過就略嫌呢間餐廳嘅抽風系統麻麻地，店內油煙比較多如果改善下就更好啦…Read More

今晚又同老公黎緣聚食放題屯門區有質素放題非你莫屬:)先來一輪刺身一如既往的有水準新鮮甜美我自己最欣賞油甘魚，魚油味十足仲有牡丹蝦，稔口鮮甜另外帶子都好正！又大粒又甜壽司選擇不算太多，我地叫左幾款來試，吞拿魚壽司不錯呢度的熟食選擇很多！而且以放題黎講亦算很高質炸物、燒物都好出色其實仲有西式扒類，不過忘記左影竟然仲有花膠翅大大塊花膠呀！竟然係放題出現正呀喂！辣雞翼尖老公話好惹味，一路食唔停口送酒之選飲品有熱維他奶，呢樣真心驚喜…Read More

之前去過佢地尖沙咀分店fine dinner覺得好正，今晚黎旺角店再試下旺角店的風格同尖沙咀好唔同，感覺比較年輕感，休閒風格，外面仲有個露台，同朋友happy hour都唔錯:)同上次尖沙咀一樣，佢地問我地配酒安排，我地好放心交左俾佢地幫我地揀因為我本身唔太飲酒，揀左杯cocktail，入面有玫瑰、荔枝、檸檬汁、梳打水，再加左百里香，味道清清地，有荔枝果甜味，飲既時候會聞到百里香既清香味老公就配左杯紅酒，佢話入口好甜溶芝士莎樂美腸沙律($168)經理話呢個係呢度招牌菜佢批芝士落黎果刻真係好震撼好邪惡呀！沙律有燒過既生菜、火箭菜、薯仔、露筍等等，撈埋溶芝士一齊食真係好正芝士亦唔會太咸或太漏，味道同軟度剛剛好焗田螺($138)將佢配合埋薯蓉，同埋焗得好脆既多士一齊食，個口感層次好豐富海鮮湯($128)我同老公2碗既配菜係唔同的，老公係大蝦，而我係蜆同埋帶子個湯好香蝦膏同埋香蝦味，唔會太咸，呢個好讚帶子同蜆都好鮮味，煮得剛剛好，肉質好嫰慢煮八爪魚($268)估唔到八爪魚肉質可以煮得咁稔，口質有點似食緊雞肉，再配合加入左熱情果既醬汁食，可以中和左個飽滯感覺，成個味道令人好有驚喜牛肉三重奏寬條麵($168)入面有3種牛肉，包括免治牛、牛柳、同埋類似牛展既肉，口質豐富有層次，麵條煙韌，一問之下原來係佢地店自製麵條，好有heart甜品($98)最後甜品亦係驚喜之作馬達加斯加雲呢拿雪糕，用液態氮整成，口感好幼滑2個口味，中間果個配合埋紅桑子雪葩一齊食，多左一份莓果的酸甜味菠蘿布甸，有新鮮菠蘿肉，第一次食，幾新鮮:)…Read More

近來真係開左好多間食Omakase的日本料理店，今晚老公又帶我去食好西一上到去，我地被安排坐係吧檯，對住個靚靚維港景，真係正到呢我地今晚既menu十分期待食刺身之前，侍應先端上一道前菜，個螺彈牙鮮味再黎就係刺身環節侍應端上左一塊鹽板，我同老公都好新奇師傅為我地端上幾片蜜柑鯛，介紹我地可先試原味，再可以包住蔥段，係鹽板上面碌一圈調味食我個人比較喜歡原味，魚味中帶有淡淡到蜜柑果味，好特別！深海池魚鮮甜，魚油適中，口感軟稔針魚味道比較清新鮮鯖魚又無諗過原來鯖魚都可以生食，魚油味好濃，加入左紫蘇同薑葱，帶出左個鮮味bb吞拿魚師傅話呢款吞拿魚少於8kg, 入口既口感比一般吞拿魚嫰滑，少少彈牙汁烧金目鲷魚皮燒到有少少炭燒味粒貝爽口，味道偏向淡口吞拿魚腩魚油十分充足，味濃之後就係壽司環節魚獅魚味道偏濃，魚油多赤貝師傅放上去之前會拍一拍個貝，令佢收縮，爽口彈牙:)釜山白蝦由好多隻細蝦組成，好黏口，鮮甜北海道海膽師傅話係來自平山商店，肥美味濃三文魚子卜卜卜卜卜，魚油在口中爆發，一點都唔腥，十分鮮味千葉縣鮑魚唔會韌，口感稔而嫰滑天婦羅有鲍魚，牛秋魚，茄子麵豉湯最後，甜品有富良野蜜瓜，鮮甜多汁，十分適合食完豐富的一餐後享用除左蜜瓜，仲有雪糕，我揀左開心果雪糕，老公揀左柚子雪葩全晚欣賞住維港夜景豪嘆晚餐仲可睇埋幻彩詠香江，真係眼睛同味覺共同的享受…Read More

其實已經第n次幫襯啦！我同朋友聚會聖地之一:)無他既，食物好食，環境舒服，地點方便燒安格斯牛肉麻醬沙律($95)牛肉口感都好林，肉味濃沙律菜配麻醬好夾:)不過就略嫌佢落得太多油啦。。。下次走油都perfect啦！炸雞翼($52)炸得香脆入味HeSheEat漢堡($128)每次都要食既item之一超好食佢地自己整既漢堡扒牛肉味好香好濃而且肉汁係勁豐富最鐘意就係佢配合個菇，好夾好回味春雞黑松露意大利飯($128)以前呢個飯係用番紅花，而家轉左黑松露，都一樣咁好味黑松露味道好香濃，春雞亦幾嫰滑Mocha ($32)咖啡都係keep住水準好香濃，如果大杯多一倍就正啦！…Read More

今晚黎呢度，其實係為左網上講好hit既甜品塔，打卡而黎一坐低店員就同我地講而家做緊一個好抵既promotion,開一枝酒就送6隻蠔、或者甜品塔、或其他一份主菜仲有另外其他食物仲會全單7折呀！因為老公要揸車，我地今晚無飲酒，反而揀左試佢地既特色飲品顏色已經好星空好吸引而家仲好好飲生蠔我地叫左3款Live Oyster 南非～南非生蠔不嬲都係我最愛好甜，唔會太richFine De Claire Special 法國~好creamy, 有少少金屬味，蠔味濃郁Britanny 法國～海水味比較濃，鮮甜黑松露野菌薄餅(7折後$83)餅皮脆簿，上面有好多野菌，配合黑松露，味道好濃郁火焰西班牙黑毛豬鞍扒 (7折後$111)口質都好林，多肉汁，不過如果佢加少少配菜例如薯條就好了韓式醬燒安格斯牛柳粒 (7折後$76)個牛柳好林呀！配合左個燒烤醬，甜甜地，好味The Love of Eiffel (7折後$181)最後當然要食打卡甜品啦！侍應會在下面放乾冰飄晒煙咁，即刻要拍片打卡呃like啦！甜品有好多款，包括朱古力、馬克龍、芝士蛋糕、慕絲等等老實講，本身對佢既味道唔會配好大期望，但估唔到又出奇地ok喎，呃like之餘都算有水準！…Read More

今晚老公帶我去Fine Dinner浪漫一下，我地去左朋友介紹既呢一間西餐廳環境氣氛好好，除左坐位隔離比較近之外我地叫野食之後，侍應問我地配咩餐酒，因為對呢方面無咩認識，就叫左佢地幫我地揸主意:)餐前首先2杯白酒 Cheers鴨肝配藍莓、芒果醬($118)鴨肝比鵝肝油份少一點，感覺無咁膩，不過口質都好幼滑入口即溶的感覺配合埋芒果醬同埋藍莓醬，甜甜酸酸，剛好中和左鴨肝的油膩感黑松露忌廉湯($136)黑松露味道十分濃郁質感creamy墨魚汁意大利飯($258)呢個飯令我好有驚喜飯的質感剛剛好，唔會太淋或太硬呢個係比較少有地方可以食到的口感慢煮黑毛豬($298)肉質都好林，有炭燒味包住入面的肉汁，入口一咬就必出黎主菜又有另一款白酒配合朱古力心太軟($88)由於我自己都有焗蛋糕的關係，對心太軟都有少少堅持我好欣賞呢個心太軟，食落口會知道，佢係真正用朱古力蛋糕醬，調教好合適時間同溫度焗出黎而唔係一般有些甜品店咁用軟心朱古力造我覺得呢個心太軟真係好好味呀！味道令我好難忘全晚成餐飯都令我好滿意:)由餐酒，前盤，主菜，去到甜品都一樣好出色令我好有驚喜下次都會再黎幫襯:)…Read More

同事話尖沙咀近排開左間新日本餐廳食Omakase，之前去其他日本餐廳食都係晚上食，午餐食都係第一次:)餐廳坐樓唔算多，一排吧櫈，另外加一張4人枱，我同朋友今日被安排坐4人檯我地揀左壽司12件，店員話因為我地唔係坐吧台，壽司會一碟咁上首先頭盤有沙律，個汁好特別，粉紅色，酸酸地，問一問原來個汁係用左梅同埋醋調配而成好開胃茶碗蒸蒸得好滑壽司一盤咁上好精緻11件壽司：杜丹蝦：黏口，味道好甜鱸魚：面層燒過，有淡淡炭燒味燒拖羅：油份好充足，入口即溶，油香餘韻真係令人好滿足牙帶魚：比較淡味的白身魚，味道清新中拖羅：魚油無燒拖羅咁多，但魚味都好濃郁，肉質好林秋刀魚 ：魚油多，魚味濃我最愛的其中一款魚生平政魚：係大條油甘魚，感覺味道比平時食的油甘魚爽口少少，魚油多池魚 ：魚味比平政魚淡少少，配合蔥花味道好夾:)帶子 ：呢個好甜呀！而且好黏口赤貝 ：爽甜新鮮，唔會有腥味海膽：海膽就唔駛多講，鮮甜，沒有押味，又係我最愛之一三文魚子櫻花蝦炒飯三文魚子大大粒漲卜卜櫻花蝦炸到脆卜卜，唔同口味的配料一啖食落口，好豐富！最後可以揀烏冬、蕎麥麵或麵豉湯，我揀左烏冬:)呢個就正正常常，最尾食埋飽晒整體成餐水準不錯，$400 Omakase套餐算幾抵食…Read More

呢間係平時同爸爸飲茶的酒樓其中之一，剛剛爸爸話見到酒樓近排有優惠，$28一隻大大隻肥雞一家人決定去試下頭抽走地雞($28)今晚黎既目的之一，當然要叫豉油雞原本諗住隻雞應該唔會好大隻，特價嘛！唔會抱好大期望但係點知！！！隻雞勁大隻呀！雞肉好嫰滑豉油好入味，又唔會太咸大澳香蝦骨($78)經理推介我地食既，有好香蝦醬味咸香味泰皇蝦球炒通菜($78)炒得幾惹味，不過就略嫌油左少少豉汁蒸白鱔($108)正呀喂媽媽最鐘意食白鱔:)佢地蒸得剛剛好魚肉嫰滑肥美十分新鮮生煎包($38)又係另一特價之選有6件，大大件，煎得好香口，內餡肉汁豐富海皇冬瓜盅($98)瓜肉厚，入面既料仲超多！十分足料湯味道清甜消暑一流…Read More

之前已經幫襯過The Grill Room銅鑼灣店，今晚約左朋友黎尖沙咀店chu下先😎我地今次坐吧檯，可以見到廚房環境menu好簡單，一眼睇晒巴馬火腿溫泉蛋黑松露配幼露筍沙律 ($78)黑松露油濃香，露筍好嫰，無草青味燒大蝦配香草蕃茄扁意粉 ($148)燒大蝦有炭燒味，新鮮彈牙，意粉煮得剛剛好，唔會過林炭燒美國安格斯肉眼配黑松露薯泥 ($318)件扒好大件，上面燒成網格，賣相好吸引我地揀左5成熟，切開入面，好靚既粉紅色超吸引！肉質好林好幼嫰入口一咬嘩嘩嘩！肉汁必晒出黎！黑松露薯泥 ($48)個薯泥有驚喜喎！黑松露味道同牛油味十分濃郁！薯泥口感好滑食物水準十分出色下次會再幫襯…Read More