koala0701's Profile

話說之前同朋友黎過呢間餐廳食飯當時食物質素尚可接受, 用餐感覺亦算愉快所以母親大人生日, 就決定Book呢間餐廳,一家人一齊食餐飯慶祝啦點估到呢次會係一次唔多愉快的用餐經驗首先我地係Book左夜晚8點4位的, 我同父母7點50分就到左,入到去攞Menu黎睇, 有位長頭髮戴眼鏡嘅女侍應(簡稱A)一直企喺我地隔離, 我媽咪同佢講:「一係轉頭先, 我地仲有一個人黎緊」,A就勁大反應:「咁同你地講聲先，我地一陣就會full house，會好忙嘅，你地而家唔落呢，等陣如果啲main dishes 要等好耐，等一個鐘果啲，就唔好追問我地點解!」我心諗:嘩!點會咁樣同客講嘢? 頂多咪話食物製作需時, 可能會需要等耐D,同客人解釋返,點會直接同個客講自己好忙,叫人地唔好催佢。之後, 我妹準時8點黎到, 好快就決定到食咩,A幫我地點餐啦, 點完之後,佢同我地講:「你地唔叫埋甜品啊?」我地就話等陣先決定, 佢又話:「我地D甜品製作需時嫁, 好似Apple crumble要整成20分鐘,如果你地趕時間, 最好叫定先咯, 唔係一陣先叫可能又要等好耐」留意返, 我地從來冇話自己趕時間,唔知點解佢要催我地落單, 又要催我地叫甜品。食物方面, 我地叫左個risotto, 一個carbonora,一份黑毛豬扒同一份肉眼扒公道D講,食物質素正常, 所以呢篇食評唔著眼喺食物度喇。咁食完main dishes,因為係母親大人生日, 所以我Book枱時落左request喺甜品碟度寫字, 咁就叫甜品啦,嗌左個Apple crumble (應該係我食過最難食嘅一件Apple crumble,完全同想像中嘅係兩回事), 黎到咁我地想影相啦, 由於其餘兩位侍應都唔得閒的關係, 我地叫左A幫我地影, 其實影一,兩張就夠,阿A就拎住我部電話,郁黎郁去咁, 我地以為佢搵緊角度,就緊燈光啦, 點知佢已經開始影緊, 又唔出聲唔數123, 搞到我地笑到緊曬,又唔敢換位轉pose,一睇,原來佢影左好幾張一模一樣嘅。真心,唔係求佢影得靚, 但可唔可以唔好咁求L其啊?話曬慶祝生日, 尋晚遇到個咁嘅侍應,真心好掃興,其實除左個甜品外, 其他食物質素, 價錢,餐廳環境都尚算OK,openrice book位又有優惠本想推介朋友幫襯的但因為A嘅服務態度, 我決定唔會咁做因為我唔希望自己嘅朋友都會有如此不愉快嘅用餐經驗真心希望餐廳可以正視問題…Read More

首先, 食物來說,質素是不錯的也有Main menu半價優惠~所以不太在乎服務質素的朋友, 不妨一試。好了, 說說為甚麼這會是一次不太愉快的用餐經驗首先, 我電話訂座和當日入座時, 都沒有人提及到有用餐時間的限制當晚,我跟朋友約7:30pm到達餐廳營業時間到10pm (有人8:10pm想入內用餐都被拒諸門外 (當時尚有幾張吉枱) )8:30pm女侍應走過來跟我們說last order了我們隨即點了甜品以為就算last order,我們還可以慢慢邊吃邊聊天大概8:45pm, 員工已開始明顯地準備收工, 關抽油煙機, 關抽氣扇, 洗碗洗到超大聲...9:00左右, 我們還在吃甜品, 廚房已收拾好, 一位男性員工站在我們看到的位置, 讓人感覺到他就是等得好無聊, 所以要玩手機重點: 吃完甜品我們馬上結帳離開, 侍應跟我們說正門已鎖, 要我們從後門離開明知還有客人, 為甚麼要鎖正門呢?從未試過吃飯吃得如此大壓力感覺阻礙他們收工, 認真罪大惡極如果當初有說清楚用餐時間有限製的話, 我們會先行預計好的~而不是我們邊吃邊承受店家所施予的壓力。…Read More

喺某一個周末下晝,我同細佬兩個人去到呢一間甜品店。店門貼住一張紙,寫住星期六,日營業時間係2pm開始,當時已經係下晝三點,店入面除左兩位開緊餐,疑似店員嘅少女外(一位坐背對門口),就冇其他人。我地開門問:「請問開左未嫁?】背對門口果位, 頭也不回地答:「開左」,咁我地見出面好鬼曬, 就入去坐低先啦...入到去, 攞Menu黎睇,想嗌杯軟雪糕食,剛才開餐兩位少女話部雪糕機未砌好,要消毒但佢地唔識,要等另一個店員返黎。咁我地就嗌左個毫無難度嘅木瓜奶啦~跟住兩位就開始喺廚房度"攪機"喇,一時攪到部機出煙, 一時攪到部機噴水,兩位就係咁叫,旁若無人咁款,呢個時候, 開始有其他客陸續入黎,佢地都唔得閒招呼。大約3:45分, 另一個店員(即係識整甜品果位)返到黎,我地就再點野食啦,嗌左客朱古力心太軟+曲奇雪糕;同一客魔鬼天使軟雪糕。其中一位少女攞餐具比我地,而其中一隻匙羹係有朱古力漬嘅...等多20分鐘左右,首先魔鬼天使送到,雪糕不夠滑,雪味太重,朱古力味不濃也不膩,尚算合格。敗筆是其後的心太軟,心太軟的重點理應是切開時慢慢漏出來的溶岩朱古力,但這個心太軟切開, 就是一個普通朱古力蛋糕><令人大失所望。食物得過且過,店員態度散漫,店舖衛生有待改善,3大問題,如果再不改善, 相信都很難經營下去。…Read More

不算是Alice in wonderland的忠實fans,但看到雜誌介紹這家餐廳,覺得不妨一試, 跟朋友聚會,拍照應該是不會錯的選擇, 所以便預約了某週六的下午4時正。當天我跟朋友3:55pm就到達了, 當時餐廳滿座,直至過了訂位時間15分鐘左右才獲安排座位。餐廳的確有不少愛麗絲的相關佈置, 但由於地方太小的關係, 會令人覺得到處拍照會妨礙到別人很不禮貌的感覺。唯一適合拍照的地方就是近門口的一個backdrop而已。食物方面, 我們點了一份Mr. White Rabbit Face (意式蘋果意大利飯), 一客Flamingo’s Croquet (秘製紅黑鴛鴦雞翼), 一客Alice’s Pink Tea Pot (黑松露芝士忌廉夜烤多士)以及一份Tweedledum n Tweeedledee (牛肉芝士迷你漢堡+雞肉豆腐迷你漢堡)。意大利飯算是不過不失, 只是以$148一份來說,略嫌份量太少。另外烤多士送到時已凍曬同淋曬, 黑松露又不夠香濃, 漢堡包乾爭爭完全不吸引。最奇怪的是雞翼用朱古力醬同茄汁, 恕我接受能力低, 茄汁都算,朱古力醬真係九唔搭八。想講:豉油/可樂/滷水都可以做到深色的效果的飲品方面, 朋友喝的東西我沒試到不宜評價。本人喝的是Alice Kingsleigh (凍藍忌廉溝鮮奶), 我實在想像唔到點解忌廉溝鮮奶咁簡單都可以整到咁難飲, 雖然大拿拿$54杯,我都頂唔順飲唔曬。服務方面, 除左一個著黑色制受嘅女仔比較友善少少之外, 其餘幾個,你叫A,A又望住B,坐低左一陣舉左勁耐手都冇人黎serve我地。一間餐廳就算未能做到兩全其美都起碼要喺食物質素或服務態度當中搵一樣係說服到人去再幫襯,我只能講, 綜合所有條件因素, 佢只能說服到我唔再去,亦唔會推薦其他人去幫襯。…Read More

因家人和自己都愛吃忌廉蛋糕，便四處尋找漂亮又好味的cream cake,結果，機緣巧合地發現了這家蛋糕店，便不能自拔的愛上了。😍😍第一次光顧這家店是一年前妹妹生日的時候，那時不想隨便在連鎖麵包店買個蛋糕給她，便上網搜尋哪裡有價格合理賣相又漂亮的蛋糕，因初次嘗試，為保險起見，選擇了該店招牌的玫瑰忌廉蛋糕。取蛋糕那天，一見到成品，完全覺得$298是物超所值，光是蛋糕上的玫瑰唧花及蛋糕旁的裝飾就值回票價。😍😍蛋糕質地鬆軟，忌廉味道剛好，不會太甜亦不會太淡，配以黑加侖子味啫喱粒，酸酸甜甜的效果出奇地搭配😋😋當天每位吃過蛋糕的人都讚不絕好。👍🏻👍🏻自從那次之後，幾乎家中所有紀念日我都會在Cake 2訂購蛋糕，每次都回味無窮，絶無令我失望過。如果要我說出這家店唯一一個值得改進的地方，就是用來裝蛋糕的盒太大了，每次要找地方存放都叫我花盡腦汁，要知道並非每個家庭都有個又大又多空間的雪櫃的😂😂…Read More

麻打一向鍾情於奶油蛋糕，她總不太欣賞坊間佈置得美輪美奐的巧克力或忌廉蛋糕。然而，現今市面上有賣奶油蛋糕的食店買少見少，真怕這人間美味會自此失傳於人間。話說前兩日，放工後見時間尚早，到佐敦閒逛之際，偶然發現了這間位於寶靈街的傳統餅店。店內裝潢簡單，貨品種類一目了然。最吸引的是，這裡的麵包，西餅價格相比一般連鎖式麵包店，價格較為相宜。忽發奇想：不知像這種傳統餅店還有沒有奶油蛋糕賣？冒昧的問了老闆娘，結果皇天不象有心人。答案是：有！1磅$80~最少要訂1磅。一家4口，1磅差不多了，馬上訂了個給麻打。兩天後取貨，蛋糕佈置得相當精美，粉色的玫瑰襯托著兩只小鳥，師傅還用心的為蛋糕圍上了花邊，煞是漂亮。重點是，實物絕對不只一磅，差不多都有磅半了，果然傳統餅店才有這種童叟無欺的精神。味道方面，麻打吃後直豎姆指，我想她確實又找回了久違了，昔日的味道。作為女兒的我，也感到相當的欣慰。謝謝你，三藩市餅店。…Read More