tazokeli's Profile

有一段長時間冇食傳統韓國菜，今日心癢癢同屋企人去銅鑼灣shopping 就諗起呢間曾經經常幫襯嘅韓國餐廳。去到發現有好多小朋友同家庭客，原來今日有維港無人機表演。 座落世貿呢間韓國餐廳，出名裝修靚，景靚，入邊欣賞維港景一邊食高質韓國燒烤，確實真係一個享受。一走入餐廳，侍應好熱情咁招呼我哋坐低咗喺窗邊位置，斟好熱茶就送上前菜。前菜有六小碟，泡菜係咁多個小碟之中最好食，辣度適中，亦唔會好酸。我哋點咗兩個牛肋骨，一條又醃另一條醃。牛肉高質，燒熟仍然係好腍，有醃過嘅比較好食，所以我哋再encore。人蔘雞湯好好味，雞肉嫩滑，裏面嘅糯米有淡淡的人蔘味，雖然好飽，但係我哋都成個清晒。喺韓國餐廳裏面，比較少見到鱔魚，所以我哋又叫嚟試吓，估唔到又幾好食。鯖魚係我每次必點嘅食物之一，果然係冇令我失望，外脆，魚肉juicy。值得一讚嘅係，侍應見到我有兩個小朋友，好細心咁問我需唔需要幫我將啲食物剪開，呢個舉動都幾窩心。海鮮煎餅有好多海鮮，但如果可以再脆啲會更完美。總括嚟講，名家都係我喺香港食過最好嘅韓國餐廳之一。 以景觀，食物質素同埋服務，性價比還是算高的。…Read More

荃灣揾食勝地路德圍餐廳充塞咗林林總總不同local美食，幾點去都有好多選擇。 行經青山公路段嘅時候，見到一間幾型格嘅全藍新店，仲有我最愛嘅墨西哥餅同沙律卷😍入去落order嘅時候，發現店主同店員都係韓國人，要用英文溝通。 點餐之後等咗大約10分鐘，即叫即製嘅墨西哥餅就有得食喇。 墨西哥餅同沙律卷份量都幾大，料好足。十個美味！ 水牛雞翼令我尋回美國留學時嘅味道。朋友們點咗牛肉飯同芝士牛肉漢堡都讚後話，幸運嘅事係原來嗰一日佢地prepare緊新kimbap menu, 喺我地等候期間oppa店員拎咗出嚟俾我試食同問我comment,佢地解釋想要試到完美先真正放入新menu。 真心欣賞呢個作為小店嘅態度,所以立即執筆俾個comment呢間有heart小店。…Read More

未成為米芝連食店之前喺老店已光顧過好幾次，生煎包確實出色，皮肉份量剛剛好，好juicy湊巧喺荃灣，即刻同友人行去新店試吓。 新舖唔大，都幾多員工，不過大部份人都係喺一個類似包餃子嘅station埋頭苦幹，只係得一個好親切嘅先生落order. 叫咗一個麵，一個粉絲湯，一份生煎包加兩枝豆漿。 生煎包煎得恰到好處，入面好多汁，友人一咬個包，噴到我一身都係汁😅 熱騰騰，好好吃。 麵同粉絲非常一般，淡而無味，麵餸腐皮卷同餃又酸又咸，完全放棄，可能係唔合我口味吧！下次來還是會再吃生煎包的！…Read More

終於有機會去一試呢間聽說了好久的肉餅飯專賣店。Menu基上係會煎肉餅，配料繁多，想像以內同外都有。 原本想一試榴連肉餅，可惜已售罄，唯有試下是日精選加皇牌芝士。我地5個人叫外賣，一人揀一款，不吃豬的與飯無緣，只可以吃蝦寶。 XO醬海參，松露牛肝菌，馬拉盞吊片，皇牌芝士。 總括來說，它們之間嘅味道沒有大分別，因為可能本身醃製咗嘅豬肉偏咸，配料嘅味道都被淹蓋了，肉餅只覺外面有點油而內裡好乾。 皇牌芝士更咸，吃一口已經不能再吃下去。意外地，蝦寶十分美味，用料夠，味道剛好，配合新鮮生菜加上鬆軟牛角飽，確實好吃！ 可能外賣對食物質素有些影響，但整體而言及對肉餅嘅情意結，下次還是會來再試堂食的。…Read More

九龍區喜愛吃印尼菜嘅朋友相信對峇里一點都不會陌生，位於佐敦幾十年，我細細個就食到大。 上星期去錯咗舊址，仲慨嘆緊點解一間咁有風味嘅餐廳唔見咗嘅時候，幾日後我得知原來只係搬舖，立即要帶屋企人去幫襯。入到新舖，感覺煥然一新！以前濃厚嘅舊感覺同長年嘅聖誕佈置已經完全抹掉，取而代之嘅係既有東南亞風情又摩登嘅感覺。 待應同前枱已經係新一代，很不同的感受！ 唯一沒有大變動的應該是菜式吧！晚飯時候沒有很多人，枱與枱之間沒像以前般狹窄，燈光有點暗，好relax..好有Bali 高檔餐廳嘅氣氛。 今日點了我以前一直會點的指定菜式巴東牛肉- 鎮店之寶，味道一流，肉質鬆軟，口感十足，配飯一絕！ 必吃！粟米餅- 呢個都係必點小食，甜甜嘅粟米加上蝦炸成入口鬆脆嘅餅，十分回味。 曾經，配上甜酸醬而唔係以家嘅茄汁，真心覺得茄汁太酸，同甜甜嘅餅唔係好夾，希望佢地會轉返以前嘅醬啦！份量細咗，而家一客只得四件，但裡面嘅蝦係多過以前。蜜糖雞翼- 一向都好喜歡嘅味菜式，尤其係呢度永遠都烤得剛剛好，味道又唔會太甜嘅雞翼。 不過而家一碟只得三隻😓。炒貴刁- 完全唔油，炒得剛剛好，用料沒有很豐盛，但味道一流。 連唔食洋蔥嘅我都覺得勁多洋蔥嘅炒貴刁好好吃！ 蝦醬通菜- 呢碟菜係全晚最唔欣賞嘅，味道好淡，無咩味！ 除左食到小小咸味之外咩味都食唔出！整體而言，新舊峇里都無令我失望過。 新舖俾我嘅新感受係舒適美味嘅，無以前嘅親民感，但有咗格調。 無以前嘅大份量，換來而家嘅精品小碟。 無以前嘅重口味，變成而家嘅無咁咸，無咁油同唔太甜。 …Read More

曾經有一段時間經常幫襯，鐘意佢地小菜例湯樣樣有水準，再度光顧真係感覺大不如前。 例湯係好足料，但係十分咸，個湯本身已經好濃味，仲要落咁多鹽，飲咗少少已經唔想再飲落去。海哲味道其實好好，但係都係超咸，開頭以為底嗰啲係唔知咩豆，食落先知係唔知醃咗幾耐嘅超咸又林哂嘅花生。完全唔想食。燒鵝啲肉係無味嘅，又唔夠熱，係要靠連皮同勁多酸梅醬去刺激味蕾。炒蟹嘅蟹唔太新鮮，蝦又係一個字-咸金銀蛋芥菜係全晚最正常嘅一碟菜。所以餸都咁咸，呢碟淡淡地嘅最受歡迎。…Read More

圓方新店登場，剛開幕時一直見要輪侯，到今日見到唔係太多人，急不及待去食個lunch 。入到內堂比從外望內去寬敞好多，座位亦夠舒適。一坐低侍應就送上茶同開胃菜-花生拼麻味十足嘅麻辣豆腐干。南小館四小拼-可自選四小食烤麩唔錯，正正常常，馬蘭豆乾真係有啲乾，口水雞同花雕雞認真地唔係好食到咩味，因為都係胸是骨位，厚皮，無肉咁嚌。牛肉麵好多牛肉，味道都幾好又夠林。 敗筆在於麵質，似係新鮮麵伴隨住以防啲麵癡住嘅粉一齊煮完無過冷河嗰種口感。 擔擔麵麵質都係一樣，再加上好淡又好杰嘅湯，吃着難受，食左兩啖就收咗口上海粗炒一碟得五六條菜仔，炒到乾得可憐。整餐最令我覺得最失望嘅非小籠包同咕嚕肉莫屬。其實唔係關煮嗰個人事，因為小籠包其實皮薄多汁，咕嚕肉亦香脆，但係，連咕嚕肉呢道咁濃味嘅菜式都唔可以遮蓋到豬嗰種唔新鮮嘅雪藏味.....小籠包基本上係咬多一口都唔想。飲品選擇都幾多，叫左無咩味嘅燒仙草同埋ok嘅Oreo 沙冰。 還不及要收茶芥送上的第一杯清茶好飲😞食材如此，相信我絕對無下次。…Read More

第一次光顧午市，食客不多，可以在銅鑼灣寧靜地午饍感覺良好。餐廳內座位夠空間，侍應親切有禮。午餐選擇都幾多，樣樣都係飽肚之選。最後揀左牛肉飯餐同天婦羅蕎麥麵餐牛肉飯大碗又多料，牛肉醃料味道剛好，無一般牛肉飯咁甜，牛肉有口感。日本飯底帶黏，配着牛肉吃，好好吃天婦羅只得少少幾塊，蝦已是小小瘦瘦的。 蕎麥麵爽口彈牙，令整個菜生色不少。可能因為係lunch special吧，食材同價錢都有影響絕對明白。 整體來說，呢個食物質素，味道同價錢絕對值得一個好嘅評價，期待下次試一試dinner。…Read More

喜歡kitty嘅朋友一定唔可以錯過呢度，因為裡面影相實在太正！我地只係叫咗三碟點心，因為先叫三碟，食過已經唔想再叫落去。唔流沙既流沙包個餡好少，包嘅部份唔夠熱又硬！靚係幾靚，不過好睇唔好食。Kitty蝴蝶咸水角，造型唔似，唔脆又唔係"林bet bet",真係唔知點形容嗰個奇怪嘅口感，總而言之就係無下次囉。乾既蝦餃，唔知係咪因為要整kitty個造型嘅關係，蝦餃個皮真乾到裂，最後淪為佈景。呢度嘅食物真係強差人意，但純粹影相朝聖的話，絕對不會失望。…Read More

途經尖東，有機會試下呢間都稍為有名氣嘅車仔麵。 下午茶時間雖然唔滿座，但都好有人氣。下午茶套餐都幾抵食，但係嚟到點都要試下車仔麵加招牌推介。 叫左個三餸油麵，九轉茄子同通菜。油麵同魚皮餃係一般貨色，街市買到自己煮果種。紅腸又厚又薄，厚果舊係頭位，有6cm咁厚。雞翼陣雪味令我完全食唔落口。腩汁湯同清湯無分別，所以成碗麵係無味嘅！滿心期待嘅九轉茄子肉都係空歡喜一場，茄子老，汁嘅味道同平時煎釀三宝嘅甜豉油完全無分別。整體而言，名過其實，餐牌嘅描述會令人有所期待，但食物方面真係有好大嘅進步空間。 …Read More

好久之前已在日本試過嘅沾麵，香港今年終於冒起喇！。 今日放工後到尖沙咀朝聖，可能係過左晚飯時間，並沒有人等位。沾麵同拉麵嘅大不同係沾麵為保持彈牙，所以煮嘅時間很短，吃起來比較硬身。 沾麵汁很重口味，因為麵身滑，汁要夠濃，就算不整條沾上汁也可帶出味道。這裡的麵條不錯，軟硬適中(但對於食開拉麵或soba嘅人嚟講係叫做硬)。海胆鮮甜，魚子腥咸同個汁好夾。 呢度個濃湯汁相信係adjust過較適合香港人口味，比較起日本嘅無咁咸，但口感依然濃厚！ 唯一想要嘅係如果沾汁隻湯碗大少少會更好，吃得更爽快！…Read More

嚟到奧海城，當然要試試呢間新開口卑又好嘅南洋家鄉菜。 星期六晚上好多人等，等左半小時左右終於可入座。餐廳內光線充足，裝修有點像中式小菜館，感覺十分舒適，好有用膳氣氛。前菜車厘茄 入口涼涼的，有點話梅味，有點白醋味，十分開胃！車厘茄已經被去皮，十分貼心， 經過醃製後，醬料更加入味！炸淮山炸皮很鬆脆，美中不足嘅係准山本身無味，炸皮又無咩味，兩樣加埋好似食緊炸粉球。 下次唔會再叫！炸蝦棗其實我只係食到芋頭味，似芋角多啲。 炸得好好，一啲都唔油膩，內餡軟綿綿，縱使吃不出蝦味，仍不得不讚！呀婆涼瓜炒蛋涼瓜被切得很細很薄，加上勁有蛋味嘅蛋炒得火喉剛剛好，涼瓜軟硬度同蛋嘅份量又恰到好處，美味！海鮮豆腐 玉子豆腐本身已非常好食，比豆腐花更滑，又豆腐味又有蛋味，配上海鮮茨汁，一流！ 必食！金銀蛋菠菜同廣東式嘅有啲唔同，呢到嘅上湯好少，蛋花好多，每一條你夾入碗中嘅菜都會沾上好多蛋花。比起廣東式更好食。排骨豬骨湯拉麵拉麵煮得唔夠，好硬！ 湯底又過油，好淡。排骨是兩小塊，乾猙猙的！泰式海鮮炒米酸酸辣辣炒米粉配上海鮮，米粉炒得好乾身，加上濃濃蛋味，真係想一吃再吃！ 推介！咖啡雞呢個係我幾抱有期望嘅餸，但係有點失望！ 先食雞皮，炸得好脆，第一下口感覺得自己係食緊咖啡味爆谷。 再食肉，食一舊已經好膩！ 雞本身已經有啲咸，再加上過濃嘅咖啡味，膩上加膩！ 而且雞件炸得太耐好乾好硬！後話-佢地個dessert menu都幾吸引，不過今日要等太耐，無時間食-呢度嘅餸大部份portion幾細，除左個炒米粉。-晚上10點就last order，如果8點先入到座，要甜品可以早點叫-好多人等位，建議先訂位或早啲去排…Read More

熱騰騰淋汁落去時會'喳喳'聲嘅鐵板餐係不少人喜歡嘅港式美食，今日專誠去花園餐廳滿足一下突如其來嘅欲望！Lunch time 去到都幾多人, 位與位之間都幾迫。仲未安頓好，侍應已經問 紅湯定白湯，飲咩餐茶？ 由於我朋友係外國人，就在我翻譯期間，個侍應俾左個好唔耐煩嘅樣我！1分鐘內，湯已到，立即要我落order我地點左2個lunch set羅宋湯味道不俗，傳統港式西餐羅宋湯，不像西餐那樣杰身，是稀稀的，有好多椰菜那種。 隨湯上的軟餐包暖暖的，伴着湯吃份外美味！鐵板石斑鐵板西冷鐵板肉一來到都沒有汁的，一放低先會問要洋蔥定黑椒，然後一整pot拎過嚟淋上。雖然黑椒有點過辣，但較為惹味！石斑一食落好明顯係好一般果隻雪藏魚柳，好在個洋蔥汁夠濃味才不致於太難食。西冷好大塊，都幾厚！ 我叫7成熟，切開左真係7成剛剛好。 當然咁嘅價錢會期望舊肉會有幾好，但係食落都唔差喎，雖然牛味欠奉，但唔會太林又唔會太韌，加上辣辣黑椒汁另有一番滋味。後話如果要跟飯or 意粉，落單嘅時候記得講，因為佢地唔會問就default係薯條（縱使menu寫住係配飯or 意粉)，到再問佢地要飯嘅時候就要加10蚊…Read More

光顧the night market不下20次，每次帶小朋友嚟都感覺良好，waiter n waitess親切友善，每次都會為我準備好highchair, 顏色筆同塗鴉紙。佢地有半開放空間枱同卡位，都係安排小朋友坐嘅理想位置。我地一行三人加兩個小朋友，因為每碟菜式嘅份量都不多，所以叫咗六七碟嘢都可以差不多食哂！三杯雞球 - 煎堆似的雞球，皮薄，好脆口，餡又夠惹味！沙茶牛肉麵- 份量非常少，但食物味道一流! 沙茶味好濃，但又唔會好膩！牛肉湯麵- 淡淡的，跟台灣差遠了珍珠咖啡- 好喝！咖啡味濃，珍珠都好彈牙！唔喺menu裡面，可以將奶茶改咖啡。炒米粉- 縱使我要求走肉，全素嘅米粉都很足料，同台灣夜士食到嘅一樣好食，讚！蛋包飯- 賣相討好，蛋皮煎得好靚！但係飯太濃味，而蛋皮上的茄醬亦放得太多，有點膩！黑糖馬拉卷- 細細件，賣相精緻。 好鬆軟又唔會太甜，大人小朋友都啱食後話- 標榜無msg餐廳- 滿$500可送餐到九龍站上蓋屋苑- 有塗鴉kit俾小朋友塗顏色- 有兒童餐具- 食物味道質素不時每次都一樣美味，但可以接受。- service 一定係你會返轉頭嘅原因之一…Read More

三妹嘜係一間好warm嘅泰菜，家庭式運作，泰國人主理，味道正宗，亦係我心頭好之一。餐廳每樣食物都有水準，如果只吃美食，不顧環境，呢度一定係我嘅首選！生蝦 - 夠凍，蝦好鮮甜，個汁都幾辣，但十分好吃！鹽燒魚 - 必吃！ 香茅放入魚肚內，用鹽一起燒，燒嘅時間同咸度剛剛好！ 泰式炒河 - 足料，好多菜同肉，味道一流馬拉盞炒椰菜苗 - 非常辣但十分惹味，只係略嫌炒得未夠，菜有點硬！後話 -- 越夜越多人，成日無位- 枱與枱之間無咩空間，好迫- 鹽燒魚，燒雞翼要等很久，我試過等半小時…Read More