紅磡師奶's Profile

平日中午12點到達，行斜路行到身水身汗，初時覺得冷氣略為唔夠，起碼半個鐘先抖順條氣。叫左午餐菊，選左大虎蝦及小牛排。三文魚籽蒸原殼蛋，蛋好滑；原隻鮑魚，新鮮及爽脆，煮到恰到好處；虎蝦肉質唔錯；牛小排牛味一般，乾咗少少；味噌湯一般，我只淺嚐幾口；炒飯非常足料，好多櫻花蝦，好味道；最後有炒菜、豆沙餅及雪糕，非常滿足既一餐。美中不足係師博太急趕，全部食物一氣呵成做好晒，我同朋友食得慢，又掛住傾計無留意，後上幾樣食物都攤凍晒。總結午餐確係抵食，唔知係疫情關係，還是午飯時間比較靜，離開時只得6位客人。…Read More

行完先施到樓上food court搵食，見到呢間唔少人幫襯，即管一試，豚肉、雞翼都嫩滑，雞翼十分非常入味，白飯新鮮熱辣，最後連汁都清晒，加埋兩串串燒及罐裝飲品，飽到反肚，有機會一定再黎幫襯。…Read More

黃埔區少有呢類抵食又唔駛等位嘅非集團式快餐店，由新開張幫襯到而家，雖然間中會失準，試過飯唔熱或炒野過咸，但咖哩豬扒飯+自家涼茶依然係我嘅至愛，間中都會捧場。但近來唔知係咪生意愈做愈好，貌似老闆娘嘅收錢亞姐就愈做愈無耐性，問一個簡單問題都會黑口黑面、話中有骨，睇到樓上兩個食評，原來街坊們都有同感😰 希望唔會因爲佢嘅態度問題趕走啲客而做唔住，到時就少左個搵食好地方！…Read More

地鐵站去斧山道運動場必經之路，早兩晚跑步前試左魚皮、牛腩、牛筋、生菜，魚皮未浸湯已經淋左，牛筋好入味口感一洗，讚！為左個牛筋，今晚又心思思再黎，三餸河+一罐玉泉忌廉承惠$27:）…Read More

星期日朝早去, 多數食以下食物:火腿通粉:通粉好滑, 軟硬適中煙三文魚炒蛋厚多士: 炒蛋夠滑,煙三文魚份量十足雞扒雙蛋厚多士: 雞扒份量十足, size係x心既一倍有多, 不過煎蛋略為多左少少油再黎一杯即磨咖啡, 真係飽得好緊要, 承惠$24。已經好耐無去大集團餐廳(i.e.美x, 太x)食早餐, 連續幾個星期日都去marco都未厭 ...good!…Read More

星期日11:45am去到門口, 雖然無訂位, 但係見入面水淨河飛, 即管去問一問有無位。 門口個男仔: 有, 不過12:30前一定要食完埋單!!我: 唔係好夠時間喎, 如果無人等遲少少得唔得?門口個男仔繼續無情地答: 12:30前一定要返番張枱最後, 我地一行3人當然無幫親啦。 大佬呀, 如果無人等都唔可以坐耐d, 仲要咁唔憂做既態度....分明趕客…Read More