Doremi食客01's Profile

一行四人走在旺角街頭，肚子餓，想找吃的。但旺角太多選擇，又碰巧我們四人都是選擇困難症，所以特別糾結。走到兆萬，看見放題火鍋任食！我們二話不說就走上去了。當然我們也害怕會否中伏，結果，這躺火鍋之旅沒有失望，反而幾有驚喜。火鍋店人流很多，生意好好，若不book位，真的要等上15-20分鐘！剌身放題再加上火鍋放題，都只是$189位，當然是選這項啦！湯底方面，店員向我們推介了新推出的海鮮鍋，仲向我們保証一定足料！於是我們便試試這海鮮鍋到底有多猛料！當然，也有其他不錯的選擇！個人就好想好想試試烤魚湯底，聽說店員還會即場拎條生猛大魚在客人面前，俾客人過目過目後才拎去索湯底。下次一定會試試這道！食火鍋的指定動作當然是先去拎醫料！各式各樣都準備齊全！我真係好鍾意佢地呢個火鍋醫料兜的設計！一次過滿足我３個慾望！一開波第一道菜當然是刺身啦！擺設靚靚，每件肥美厚身！我以為火鍋店主打火鍋，但原來刺身放題也同樣十分出色！呢一件拖羅真係不得了！壹火鍋在刺身放題方面做得什至比其他日本放題店更為出色！有驚喜！主角登場！北海道海鮮鍋！！真係一如店員所講，十分足料！我覺得不能用足料去形容，要用猛料！分別有最少8隻青口、4大隻帆立貝、松葉蟹、4隻大鮮蝦、4隻大肥蠔，仲有其他新鮮靚配菜！真係抵到喊！仲要係好好食tim！滾呀滾呀！正呀！已經急不及待了想食了！快ｄ熟啦！鮮味大蝦！不需任何醫料，直接享用，保留蝦原有的鮮味！呢隻帆立貝真係夠曬肥美！今次配上少少醫料，更能把帆立貝的鮮味帶出！生食帆立貝就食得多，但原來熟食也好好食！食左好耐，終於俾我地食完個松葉蟹鍋！打邊爐又怎能夠沒有以下菜式呢？雪花肥牛、嚮鈴、檉子、豬、墨魚滑、花膠以及３色丸！雪花肥牛冇得頂了！入口即溶不用說，牛身雪花香很濃！讚！總結這躺火鍋之旅，沒有中伏，反而深深地愛上這樣的火鍋！下次一定再上黎！…Read More

黎到MK，香港文化的集中地，原來想去食富有香港本地文化的太興燒味。但原來，近年的太興集團也變得夕元化，不只有本地香港文化的餐廳。於是，我地幾個人便選擇了太興集團旗下的宮崎日式燒肉。進到店鋪，充滿街頭風味。在吃燒肉前，客人已飽嘗了型格日本街頭風味。一坐低，就點菜？一坐低，店員便為我們開了爐，熱氣立時撲面。好多款式的燒肉選擇，真係難倒一班選擇困難症的人。第一道上桌的食物，就是宮崎招牌菜，八色燒肉！八種不同口味的燒肉！幸好爐已燒熱，肉一來，便可立即9秒9地燒！一路望，口水一路留......太肚餓了！另外，宮崎除了生肉之外，仲有熱食可供選擇！可以頂下肚先！而且，與其他日式料理店比較，質素不會比下去！終於可以食到第一款燒肉！好開心！其實我好想一個人食曬八款！但相信以後會冇FD做～～～腸是台灣的最出色？在宮崎食到的肉腸不比台灣的遜！令我encore, encore 再encore 的就是呢個芥末一口牛！芥末不會太多以致攻鼻，反而份量剛剛好，把調牛肉調和到另一種風味！好正！總結，太興集團成功的地方，就是可以把每項手上的業務做得極致！太興燒味如是，茶木如是，宮崎日式燒肉也如是。…Read More

黎到老銅，食ｄ乜野好？一行二人走了一段路，看見京都廣場，餐廳林立，不知如何抉擇。由於我們都非常肚餓的關係，所以便選擇了食放題！與其他日式放題一樣，呢到咩都有得食咁滯。但至於好唔好，就真係要試一試啦！話口未完，剌身上黎啦！因為本人真的十分喜愛食刺身，而且嚇見組長ｇｅ刺身十分肥厚！與出面的放題店比較的話，組長的刺身厚度先勝一籌！至味道，三文魚不會太凍身，而且魚鮮味香！出面食過某間放題店，三文魚刺身係冇味的！組長的三文魚刺身不但厚，而且十分新鮮！油甘魚誰不愛吃？！不但肥厚，而且還有吃得出的鮮！我是三文魚的死忠！而且聽說組長的火炙三文魚壽司十分馳名！但我心想，就算多馳名，也只不過是放題級別吧？！但一上桌，我就知道組長的火炙三文魚壽司是真的高過放題級別。燒過的三文魚，魚鮨濃，鮮味重！配埋壽司飯，一流！愛吃花之戀壽司的朋友，都一定會喜歡它那酸酸甜甜中帶著魚鮮味的味道！我也不例外！組長放題的壽司都真係好足料！完全好似一間日本料理般！花之戀壽司上邊的蟹籽多到跌落黎！十分抵食又好食！黎到食放題，當然要試一試燒物！而我今次選擇了牛舌。大家可以清楚見到，食放題都可以食到厚切牛舌，真係好爽皮！而且牛舌上面淋上了幾陣的燒汁，令牛舌帶甜，十分惹味！總結來說，真係好滿足！組長放題，真的可以說是香港放題組別的組長！味道出色，食物新鮮夾大件！不錯！…Read More

來到尖咀，什麼都有得買，什麼都有得吃。因此，要選擇吃什麼真的是人生永遠都解決不到的事情。來到H8，選擇這麼多，最後我們選擇了H8的 Captain，不是張保仔，是真正 Captain House。Captain House 的選擇很多，為了讓客人有新鮮感，菜式又會不時轉換。單是飲品就已經有兩個半版！喜歡酒精的朋友會十分開心！就如我一樣。 一坐低，店員便問我們需要什麼飲品先。我二話不說，當然你地ge招牌飲品啦！佢同我講，招牌飲品有好多，於是便建議我們嘗嘗將會推出的新飲品。我又二話不說：好！(其實我都說了很多~~~~~~~~~~)於是，過了十五分鍾左右，我個杯黎了！一上黎紅紅地，店員跟我說裡面加了果汁，而且混合了gin酒、Lum酒和啤酒，味道帶甜，不會苦澀。可能我飲得，所以我覺得酒精濃不多也不會少。但店員說這是比較濃的了。輪到頭盤上場！當然是張保仔沙律啦！(正確名稱是船長沙律)蔬菜十分翠綠新鮮，再配合些少的黑醋汁，特別醒胃！頭盤食完，好快就到左今晚的最潮！海鮮拚盤！入邊有龍蝦、鮮蝦、松葉蟹腳、原隻帆立貝、薯仔、栗米等等。我地揀左辣汁，雖然話就話係辣汁，但其實一點也不辣。連我不吃辣的朋友也說不辣。而且辣汁的味道很不錯，與海鮮很搭！真的要讚一讚呢隻帆立貝！不但厚身，而且鮮味濃，廚師煮得剛剛好，不太生也不會太熟！好正！再配搭埋辣汁，鮮味更出色！薯仔和栗米也是出其地好味！薯仔本身冇味，但與多種海鮮及辣汁一齊煮過，已盡吸各路精華！十分美味！栗米帶甜且富鮮味！味道特別！食完海鮮拼盤，好滿足！但當然係唔夠喉啦~~~接著下來都是海鮮，而且是重口味但十分美味的墨魚汁飯！食落與出面一般的墨魚汁飯很不一樣，這裡的墨魚汁飯不會太水，而且十分痴身，所以店家落的墨魚汁分量，想必很充足！並且裡頭加了巴馬臣芝士，所會帶有點奶香味！呢碟飯，不能錯過！緊接落黎就係炸香脆鴨脾！其實隻鴨脾都真係好大隻！不但大隻，廚師仲用左不同的香料炮製！鴨皮十分香脆不油膩，十分惹味！最後，當然是甜品出場！(甜品會不定時地轉換，可能你下次黎食的時侯，我選擇了最愛的 New York Cheese Cake！真的有驚喜！想不到甜品也這麼出色！芝士應該不是我們平時食開的那種，因為這 cake的芝士不會好膩，而且奶香味好濃，再搭上香脆的餅底，甜品有驚喜！＊＊總結今次體驗：食物不錯！特別甜品，有驚喜！如果有埋手套俾客人可以拎住海鮮食就最好！…Read More

    都市人邊個唔忙？更何況係身在香港的都市人，更加忙！突然想起歌神張學友的一首歌 ‘’但求夜深，奔波以後，能望見妳，己經足夠’’。今晚，沒有妳，但有你們，以及石亭。　　一坐下的第一個感覺就是：地方不太大。可能對其他人來說會覺得不喜歡，但我個人來說覺得很好，居酒屋就是要規模小才有感覺。　　忙完一輪工作的人，是特別肚餓！於是我們極速點完菜，便迎接了我伉在石亭的第一道菜，也是前菜。蟹籽魷魚軟骨沙律 ($20)原本覺得前菜都要收費，有點不太好。但食左這道魷魚軟骨後就覺得：廿蚊，抵俾！魷魚軟骨好爽口，再加上沙律的甜酸甜酸、和蟹籽的鮮味，好搭！　　緊接下來的是日本粟米($120)和日本蕃茄($58)。點這兩菜之前就覺得：其實只是粟米和蕃茄罷了。但身邊很多朋友都說日本出產的農作物是世界上品質及味道數一數二的！於是我就點了來試試，想知是否真的如此利害日本粟米一上場，我就驚訝了！店員告訴我們是生食！我真的很不才！我從不知道可以生食。帶著好奇心咬下一口……真的太正了！這日本粟米好有驚喜！表面看起來很乾，但原來每一顆粟米內裡都藏著又甜又滿的汁！不錯！　　食完這日本粟米後，我們都覺得很不錯，於是就自自然然地就聊起了日本來。聊了日本的文化、聊了日本的匠人精神、聊了日本和中國的農業；聊著聊著，菜又來了。燒雞泡魚干($68)雞泡魚干燒得好香，而且不會乾身！櫻花蝦餅($68)原本擔心櫻花蝦餅會否太過多粉，但發覺師傅拿捏得好好！不但粉不多，而且是不油膩，很香脆；每啖都充滿櫻花蝦！好正！這是抹茶鹽，用來配櫻花蝦餅。我本來食炸野都不喜歡點什麼，但基於好奇心就試一試。抹茶味很濃，與櫻花蝦餅很配！如果你是抹茶好，不妨點一點。但不要點太多，因為始終是鹽，太多不好。全晚最令我們尖叫的就是這道刺身拼盤！未食，都己經十分養目！珍寶牡丹蝦 $88@1極尚吞拿魚腩 $100 @1北海道海膽 $480帥傅把牡丹蝦處理得十分乾淨！以為是出自日本師傅的手工，但眼一看，原來全都是香港本地師傅。有如此高班手藝真係佩服！牡丹蝦極鮮甜，而且好厚身，一啖咬曬成條，好好好滿足！我就喜歡沾點醫油讓蝦的鮮味再出ｄ，但朋友們都說不用加潻什麼，原汁原味最好味。大家可以不妨試曬兩種方法。我覺得重頭戲一定是拖羅！不但厚身，一咬落，吞拿魚腩的鮮味夾帶啖啖魚鮨香！比起出面食開的拖羅更極尚！日本真蠔 $78@1隻蠔真的很肥美！而且的確很新鮮，食之前都己經聞到一陣陣的大海味道！一口食落去之際，大家都會發出’’嗯!～～’’的一聲！肥厚又滿足！而且蠔的鮮味混合著新鮮的檸檬香！絕配！日本黑毛和牛刺身 $380一路以來，我對牛刺身都有點抗拒。因為自己覺得除了魚之外，其他肉類刺身都好難克服心理關口把它吞下。難得石亭有靚牛肉，於是我決定要試一試！誰知一試…...就己經吃了好幾塊！一塊黑和牛，配上幾條生洋蔥，再浸一浸秘製醫汁(店員告訴我們，浸耐ｄ會好食ｄ)，一入口，牛肉己經要溶化在各個味蕾上！十分like！成功令我突破心理關口！天扶良到了！沙追魚 $38@1　　花竹蝦 $68@1　　南瓜 $15@1蕃薯 $15@1　　　苦瓜 $20@1　　　栗子 $20@1朋友經常都說，炸過的食物，難食都有個譜。但我就不認同，因為其實炸野，都十分講究技術及經驗！如果唔係，只會係食炸油面粉罷了。雖然石亭的廚師不是日本師傳，但食落去你就會發覺同日本師傳的技術可以話係沒兩樣！個人最喜歡最喜歡的就是花竹蝦天扶良！粉不多也不少，而且花竹蝦食落去很有驚喜！蝦肉非常彈牙！我想原因是因為師傳炸蝦的時間掌握得好好！勁like！　　黎居酒屋怎可以沒有燒物呢？我們一共點了三款燒物北海道壺鯛　$150 @ 條牛舌 $58 @ 2串白鱔 $58 @ 1 串　　上菜的時侯我有少少抗拒，因為見佢好像沒有放太多去腥的食材去燒，怕食起上黎很腥。不過食完第一口之後，一點腥也沒有，而且魚鮮味好濃，再配上些少新鮮檸檬汁的調和，把這條魚的鮮更帶出來！很好吃！不過條魚骨比較多，要小心。　　牛舌是我去過每間居酒屋都是必點的菜式！牛舌燒得好香，而且好厚身，用黎佐酒是一流！白鱔真係冇得頂！魚皮被燒得又香又脆！魚肉之間夾帶著濃味的魚鮨香！好食！最後，點了一杯Sapporo，一邊談談工作、談談人生；談談這個，再談談那個。我想，這種滿足與鬆弛，就是人生裡最好的安寧。…Read More

粟米白汁焗海鮮飯： sad，配菜其實好少。睇得到，無咩海鮮，魚柳，1 ， 2隻蝦，紅白蘿蔔絲，淋咁d白汁，dum d 芝士，咁就拎去焗啦。有d hea lo 睇的出 ^^|| 味道就ok既，但係配菜唔夠食，灰機左，係咁撈汁，但係汁其實都唔多。雙拼面餐：雞扒，餐肉： 餐肉好少，兩塊，薄既。雞扒就唔錯，都幾大wo估唔到。呢塊煎得香過沙律果個，可能湯洗走左過多既油分，食落就無無油膩。不過面就普普通通啦，可以再好d。可能深夜，廚師哥哥都攰na~雞扒沙律：雞扒都幾大舊，不過煎得唔想，油太多，油粒里既感覺好強烈。沙律反而唔錯，入面幾粟米幾飽滿，幾新鮮應該。…Read More

土匪雞翼Ok既，感覺味道好過口水。口感唔錯，外酥，不過撒太多胡椒粉系出面，有粉味。食唔出芝麻味，選用既芝麻質素麻麻地。不過雞翼本身烤得唔錯。口水雞翼唔夠鹹味同辣味。口水雞翼，個名其實系講緊你食完之後個口會自己出好多口水。不過呢間譚仔廚房真係麻麻地，因為個醬料系唔夠鹹同辣，得個油字，無意思。其他幾間都唔系咁樣。所以食完個口都唔會自己出太多口水，少少咁樣lo。清湯炸醬米線今次個米線都煮得好hea。明顯過冷河果關做得好差。唔彈牙，偏硬，好韌。炸醬呢，又好鹹，得個鹹味，唔似其他鋪頭果d咁香口，扣分。…Read More

唔好睇佢賣相不討好，但係呢個芙蓉蛋飯真係唔錯食bor！首先，d蛋唔會煎到好硬，軟既，出面係帶d脆，但係入面系嫩滑的！加埋系足料，你見到d料係出面全部見得到。D料既味道有融入系蛋度小小，所以塊蛋既味道都幾豐富。唯一唔好就係配菜分量可以多番小小，因為始終都係蛋，配一啖飯都要1,2細舊，好快清曬。最後唔夠蛋食。茶餐廳夥計態度唔錯，好親切，系唔系都當你街坊既啦，會令人想再去。…Read More

咖喱魚蛋撈麵： 好食！ $20有找，價錢合理！有野飲！ 咖喱唔錯wo估唔到，魚蛋都唔錯，撈埋d公仔面，分量唔錯，鹹味就岩岩好，有翻dd 魚蛋配住食，一個tea來講，d面煮得幾彈牙，食得落口之餘又唔會太heavy。西多士：原來得半塊，有d扣分tim。不過系厚方包來既，算佢啦。但係炸得太耐啦，d油入曬去，真係太油膩了…. 入面d醬料搽得唔夠，油味大過d醬料味。炸雞脾沙律：雞脾炸得太乾，搞到出面果層太硬。入面反而都仲keep到ok。沙律就普普通通，不過可以再有翻多小小分量就好啦~炒米粉：淡，無味，不過幾香，鹹翻小小就好。…Read More

放題，星期六夜晚8點個section去食，$250。放題來來去去都係果幾味，去過幾次，推薦幾款我覺得真心幾好既食物。烤菠蘿：酸甜多汁，開餐前開胃用，食左2-3舊左右，之後可以食更加多既野。芝士丸：一上來即刻食，d芝士會癡到一條條線咁樣。出面脆，入面香濃芝士。北海道奶凍：唯一我覺得好味既甜品，每次去都一定食 7,8杯（真心），就算食少d壽司、刺身都一定食呢個。好濃牛奶味，又白又滑，好快食完一杯。夜晚去唔好最後先叫，試過無曬。香芋丸：唔記得確實叫咩，但系香芋炸既丸仔。入面一咬開系香甜熱氣騰騰既香芋，配合炸脆既外皮，真係好好吃噢！赤燒三文魚壽司都很好吃！！！我地每次都叫n咁多舊，上來3分鐘搶曬，跟著即刻再叫，輪迴5次。…Read More

高級餐廳，一個飯都130到。系沙田大會堂後面，系天幕餐廳，調情一流，又安靜。不過要bk位，唔系就要去到先可以排隊拎飛。脆燒遠之豬手伴香草燒薯仔n雜菜香煎魚柳配蟹肉香檳汁意大利飯睇名都覺得好吸引是不是？兩個都真係好味。豬手表皮好脆好脆，煮好切埋上來比你，好方便，唔使驚。豬手入面好入味，唔單單系鹹味，有一種烤出來既香味。伴住既馬鈴薯係細隻既，切開一半咁樣。佢個馬鈴薯真係好味，入面有甘甜嫁！出面薄薄既皮度就小小鹹，好香，會同mami爭住食。佢調配既醬汁酸酸甜甜咁樣，有dd似黃芥末，但食到好少芥末味，唔知咩來，但十分match。意大利飯，香檳汁既緣故，一上來就充滿高貴同神秘既感覺，食落帶少少甜，好少，反而會覺得fresh。魚柳很嫩口，煎到金黃色。意大利燴飯都很濃郁，入口可以回味無窮，不愧系推薦餐款之一。成個意大利燴飯出面食，食曬一個就會覺得滯，呢個完全唔會有，會覺得岩岩到，唔會比人覺得很肥膩，廚房好功夫！…Read More

吞拿魚窩夫併沙律中下水平，吞拿魚我以為系熱，點知系凍，凍既配又唔系好熱既窩夫，口感很差勁。沙律又太甜，仲甜過個窩夫，唔知點搞。窩夫太硬啦，整得太耐，水分都乾曬，切落去會飛走，好難控制。薰衣草茶Ok既，不過無咩味道，好似飲既杯落左糖漿既熱水。Ummm，但都聞到薰衣草味（小小）既，不過比預期差好多。雪地芒果船呢個反而幾好，雪糕正正常常。芒果好多wo估唔到。中間夾雜既三塊餅仔都唔錯食，點d雪糕口感同味道都中上，不過雪糕就唔多突出，遜色左。…Read More

超級至尊唔錯，高水準，d肉有肉味，唔會太老，芝士都夠多。其他食材食落都幾新鮮。千層肉醬闊面：jeng！最搶手既一款，入面d醬香口，好多碎肉，足料的。闊面唔會太硬/太軟，同肉醬比例呢，如果肉醬再多番dd，就平均曬啦！吞拿魚意粉：not good。 味道好淡，吞拿魚凈系自己夠味，d醬汁同意粉都無咩味。意粉太硬，唔好食。原味雞翼：香口，不過都係過於乾同硬，偏乾口味既會喜歡。多分批：香草菠蘿肉腸，菠蘿新鮮，酸得來偏甜，幾好食，肉腸就好似無預期咁香口，有dd失望，似普通腸仔。Anyway，係叫外賣既，講好左夜晚7點半先上來，confirm多次之後都係5點送到上來，都唔知講咩好。服務麻麻地。…Read More

石鍋飯，等左半個鐘，癡線，都唔知想點，石鍋飯都已經系上來之後比客人自己攪到佢熟既啦，唔明點解可以半個鐘先上來，中間催左好多次，朋友已經食完炸雞飯都未上來，玩野啊？Anyway，上到來都唔系話好食，d食材唔新鮮，豆芽有怪味，肉好少，d齋野就多到你唔信，飯太濕，攪極都係癡粒里，口感負分。韓國炸雞飯圖見到，好少沙律，炸雞系乾既，飯又系，都唔知點食。D炸雞又唔脆wo，好似炸好左，擺系度，攤凍左之後再炸過翻熱咁樣。So bad， 表面炸果層好硬，又軟瀨瀨咁樣，個味又唔開胃，shxt。絕對唔值得呢個價。…Read More

粟米斑腩飯 x 木瓜銀耳粟米斑腩飯幾好，醬汁滑luet luet~ d斑腩都幾大舊，表示同飯分量既比例唔錯。不過水平都係普普通通啦，正正常常咁樣，又唔會覺得有幾好味，不過淡左d。木瓜銀耳就真係/…… 其實燉奶佬推出咁多花款及甜品，我會對佢有翻d期望咁樣，但係木瓜銀耳甜到漏 x_x 呢一隻糖水應該系清淡d，銀耳降火氣既嘛，佢竟然可以整到我覺得食完系會熱氣左既感覺，可想而知落幾多糖落去，其實可以唔使咁闊佬，d糖慳住使呀嘛大佬！…Read More