ceiceilam's Profile

因為之前冇乜心情所以好耐都冇寫食評，但今次因為第一次發現係openrice嘅餐廳資料竟然有錯誤 ,我哋原本想食越南菜去到變咗食日式料理，好彩d食物都唔錯所以又想寫下 。係土瓜灣唔知食乜好上open rice見有間越南菜館係附近所以就去試下。去到先知原來轉咗做日式食肆 ，不過見到個老闆 好nice而且我哋一行6人都覺得冇所謂所以決定一試老闆先生推介咗日本清酒，牛肉鍋，芝士年糕比我哋我哋柯打:日本清酒$58 -- good 甜甜地好易入口 (不過用個普通玻璃壼載感覺少咗d風味)芝士年糕$32 -- very good 唔太甜外脆內軟超級好味(老闆先生好細心切開8份比我哋)蒜片牛肉粒$62-- very good 用鐵板仔上好香黑椒味肉質夠焾 日式牛肉鍋配白飯$68 -- good 鍋汁撈飯味道不錯 日式豚肉餃子鍋配白飯$68 -- standard 豚肉生薑燒 $48 -- not ok 好鹹完全冇甜味冇薑味大蝦天婦羅$52 -- good 炸粉適中蝦同南瓜好甜 雞翼$20/串 -- very good 好香脆完全冇雪味牛舌串燒 $20/串 -- standard雞軟骨$20/串 -- standard鹽燒鯖魚$48 -- very good 皮脆肉完全唔腥日式海鮮炒飯 $58 --standard日式雪糕(跟餐$10) -- good 紅豆雪糕大大粒豆最好味…Read More

因為同母親大人慶祝生日， 妹妹提議去佢之前試過嘅私房菜。而都係我第一次試私房菜，所以都有d期望。 :) 原來個大厦係條横巷度，好彩用咗google map所以都順利揾到，因為我哋遲到咗d，妹妹已經開咗支佢帶去嘅白酒飲緊。而呢度係首三支免開瓶費所以今次帶咗紅白酒各1支. 雖然地方比較細, 除咗我吔5個，都有另一枱大概有6人，因為大家啱啱係對角坐，所以仍然可以好自在傾計。 :) pure goose meat rillettes + 自家製麵包-- 鵝肝醬加埋暖暖麵包好好味道我哋仲refill 咗d麵包4次添black truffle egg--我本身對黑松露麻麻地，不過其他人都非常欣賞仲用嚟搽麵包食頭盤bake crab meat pudding--我揀咗焗蟹肉啖啖肉感覺比妹夫揀嘅沙律仲正 panfried foil gras and mango salad--香煎鵝肝薄片和芒果沙拉湯creamy mushroom soup--蘑菇味香濃主菜Roasted N2 lamb rack-- 我揀咗羊架果然真係比我同平時食開嘅羊架好味道，表面煎到有d脆入面好嫩但又唔會血淋淋 :) U.S.prime chunk eye roll steakFrench duck confit--塊皮嘅味道有d似KFC 嘅雞皮。再一次覺得我自己選擇正確  (其實我哋5個人3個都揀咗羊)甜品Molten chocolate with ice-cream--甜味啱啱好…Read More

本來想去名店坊嘅simply life 不過好鬼多人 ，所以去咗附近間pokka cafe食。我都係第一次去銅鑼灣呢間旗艦店。雖然價錢貴過其他分店dd，不過環境同食物質素又真係比分店好d嘅。首先用個花花靚杯裝杯暖水比你，感覺優雅 :) 。但上個時湯就有d得意，好似幫你斟水咁拎個壺嚟倒比你。青豆湯--- standard ，而個餐飽有d似冇咗牛油味嘅牛角飽，不過都好脆。巴馬腿忌廉芝士 ---standard (枱面有醋 & 橄欖油可以自己加)紐西蘭羊扒配蒜籽汁 --- 羊扒standard個汁唔錯甜品 --- 都幾豐富有件少少檸檬芝士味嘅蛋糕+啫喱布甸但如果用瓷碟上會比較襯d，用鐵碟有d格格不入 …Read More

今日去咗sogo12/F入面嘅cafe 嘆afternoon tea 感覺清靜過樓下嗰間而且服務好似仲殷勤d。 :) 雖然都係半open式嘅環境，但因為人流比較少，坐係到其實都幾舒服。而且食物都唔錯，本來唔太鍾意煙三文魚因為多數比較又乾又鹹，但今次都okay 喎 。而個春卷好脆另外炸蝦亦新鮮，蛋糕standard 而其中一件仲係Macarons 。而餐茶係會連茶壼一齊上所以可以慢慢嘆。…Read More

今日妹妹突然想轉下口味，而且我又身處灣仔所以佢揾咗間係附近而評分又好嘅叫我去攞定位。上到去都成力7成滿，本來係安排我坐在長枱，不過後來佢哋主動轉張8人圓枱比我(但我哋得5人), 看到餐牌先發現係社企，仲會有簡單手語介紹幾特別。柯打咗個是日例湯冬瓜清補湯$35/窩 (大約可以有6-7碗) --- 好清甜千與千層$68 --- 甜甜酸酸又好嫩好正如果再大碟d就更正 。生煎蓮藕餅$68 ---冇乜味道唔講唔知食緊蓮藕 :( 羅漢齋炒麵$68 --- 好大碟好足料好味道 :) 。紫菜荔芋卷$68 --- 紫菜幾脆鮮百合什菌炒甜豆$68 --- okay。 原籠松草花淮山雜菌糙米飯$68 --- 可能面d汁太少係底d飯比較乾，我食咗半碗都已經飽咗。店員非常勤快而細心，知道我要影相會放係我前面唔使我伸長手咁辛苦，而最欣賞係有個女店員會用雙手捧杯茶比我媽咪，非常有禮貌 :) 。因為茶位@$10再加一總體價格其實都唔算平，不過服務同食物水準都算唔錯而且又係社企，係值得支持嘅！--…Read More

今晚去咗間評分唔錯嘅拉麵館柯打咗個自選拉麵套餐$78同燒牛肉定食$98我個塊叉燒好鬼鹹:(，但唔關個湯底事應該係師傅醃叉燒時重手咗，而個串燒雞翼就燒得好好味道 :) :)個牛肉定食賣相同味道都唔錯， 個麵豉湯仲好足料 。 早知我都嗌定食喇。 雖然間舖頭細細得1個人執枱同招呼人客，但因為佢手腳非常快速而食物嚟得都算快，所以完全冇人手不足嘅感覺。不過因為地方始終太細食完都唔好意思坐得耐驚阻住人做生意，所以有d似食快餐感覺 …Read More

之前因為太晏食咗tea，所以唔想食甜品就冇柯打set dinner。 散叫咗個籚筍雞肉意大利飯$68同煙三文魚蕃茄汁意大利麵$78個飯好重芝士味，又夠煙靭好好食，只係份量同d籚筍比較少。而個煙三文魚蕃茄汁意大利麵亦好彈牙，味道唔錯。環境亦舒服都適合坐低傾下計嘅。但d侍應生就比較被動，唔多留意客人想落柯打或加水 。…Read More

本來一心想返味吉食拉麵但去到竟然執咗 ，唯有去隔離間大阪王將，柯打咗叉燒豚骨味拉麵定食$87, 滑蛋吉列豚扒手鍋定食$80，上菜時間都好快，服務都okay 會主動幫你加水，環境坐得都幾舒服 :) ，朋友話佢嘅叉燒拉麵好鹹不過我唔知佢係指湯底鹹定係話叉燒? 而我個滑蛋吉列豬無論豬肉或雞蛋都太鹹，所以都食唔出其他味:( 餃子就standard， 因為好少人，所以靜靜哋傾下計都可以嘅 …Read More

2個人行完時代廣場買完嘢攰到暈，所以係地庫食晚飯，可能都成9点所以唔使等位。柯打咗:-小籠包(standard)- 籠仔桑拿蒸雞(d雞肉好滑，可惜唔係全部都有紅棗味)- 呷醋麻醬撈麵(有d酸酸甜甜勁好好味道)- 豬骨濃湯拉麵+豬排(standard)-圓肉雪梨茶(好足料)。服務人員友善，環境都舒服…Read More

因為無預計係維園要等4個鐘先出到去，所以無行到去中環終點就係中途去咗預先訂咗團購嘅小菜館食晚飯，首先嚟咗個鮑魚南瓜粟米羹，雖然唔知d鮑魚真定假不過煙煙韌韌又真係令個湯更加好味 ，而個小籠包d皮好薄而入面d肉同湯汁真係好好味道 :) 冷盤6選4揀咗- 雞絲粉皮(我覺得d醬麻麻無咁好味 :( )- 涼伴海哲(standard )- 四喜烤夫(standard )- 花雕醉雞(好味道不過份量太少 )主菜6選4-灌湯百頁卷(清清淡淡唔錯但份量太少) - 糖醋魚塊 (好味道不過份量太少 :) )-蒜子瑤柱上湯津白(份量少)- 山東手撕雞(最大碟雞肉亦算嫩)- 雞火炒飯(standard )- 桂花酒釀丸子(好味道)- 豆漿(任飲)其實真實份量同團購嘅相真係有d距離 :( 不過加埋個炒飯都okay飽嘅 。 最欣賞係亞姐會好主勤幫我哋添飲豆漿$298/4人套餐再加埋茶介$19…Read More

柯打咗2個set lunch 米蘭吉列豬扒$118，紐西蘭肉眼扒$148，個鮮蝦什菜沙律同個餐湯嘅麵飽好味道 :) 如果麵包可以大d就好lu但係個紅菜頭湯就比較淡，無乜味，個豬扒唔算好乾但唔juice, 而個肉眼扒有渣唔多掂 :(  ，總之令你唔會有想再返去食嘅感覺，唔使加一埋單$266…Read More

今日預早咗時間去紅磡，心諗邊樹可以又平又舒服咁坐個幾鐘頭呢?  咁啱附近有楝新building叫昇御商場，入面有間薩莉亞餐廳個d set 三十幾蚊仲包自助任飲bar，相對咁嘅價錢覺得個煙肉菠蘿pizza都算okay ，雖然個野箘忌廉意大利飯好似bb爛飯仔，不過我鍾意食wor :) 而個杯mocha仲出奇好味道。埋單唔使加一又可以用八達通very good! …Read More

今日去咗銅鑼灣Aeon買嘢，順便係入面間味吉拉麵館食晚餐，柯打咗個2人套餐揀咗激辛赤吉湯底 and 黑墨豚骨湯底， 個前菜豚肉串燒好鬼un加埋我以為食緊紙嘅葱段真係唔多掂 :( 而個牛脷串燒都okay 爽嘅。d拉麵好彈牙， 激辛唔係超級辣，不過唔係我杯茶。而個黑墨望落似好漏咁，但食落又唔係好濃感覺仲有d骨膠原feel very good ，豚肉好腍夠厚身，好似食東坡肉咁，正 :) ！ 反而另加$10蚊嘅叉燒又薄又好鬼乾，早知加塊豚肉好過。再加錢要咗個咖啡都okay 之後食埋附送嘅枝豆小食感覺好健康 。 不過如果枝豆冇咁多鹽粒會仲健康d…Read More

今日過咗去Red box食飯，因為唔知食乜好，咁啱行行下見到有一班大概5，6人一齊入咗間叫墾丁茶房嘅餐廳，我見個環境都唔錯，而且個2人餐$188都算吸引所以都想試下。我哋坐係外面嘅大梳好舒服，首先上咗6個小食: 1.海苔肉鬆胡麻黄瓜，第一啖以為個瓜壞咗因為個酸味好奇怪，但後來發現原來係加咗檸檬，食落又唔錯wor。2.沙茶炒蛤蜊雖然唔係好大碟但勝在隻隻有肉而肥美唔係得個殼味道亦good。 3.滷水雞翼拼蘿蔔，雞翼好入味，蘿蔔無渣但無味。4.鹽酥花枝丸唔算好彈牙，但味道都okay。5. 干煸炒四季豆standard。6. 鹽酥雞扒雖然d肉好嫩但係得塊皮有d味  。主菜香蒜葱味豬小排鍋，雖然賣相唔錯但個豬排比較乾又無乜味。反而覺得佢所有配菜例如伴碟嘅番茄仔，紅椒仔好入味酸酸甜甜仲好味道。不過呢個二人餐份量其實都夠三個人食 甜品係地瓜珍珠奶凍我覺得超級好味唔太甜而且加埋番薯粒同珍珠覺得好夾，啱哂本身唔太好甜嘅我。如果冇咗紅色有d藥水味嘅dressing更好 整體而言我覺得呢度嘅小食質素唔錯，適合happy hour飲嘢傾計。d staff 服務執枱都快如果能夠主動幫d客加水就更加好…Read More

呢間北海道牧場餐廳d食物種類都幾簡單，基本上個 主menu好似食早餐/常餐咁，牛油方包+蕃茄炒蛋+通粉或者再加叉燒。如果你有選擇恐懼症應該覺得好正  反正應該都差唔多。我見大部份人都係嗌呢類，而價錢大概廿幾至四十幾蚊。途中都有3-4人買外買走。而我哋就嗌咗個晚餐3.6牛乳咖喱雞珍珠飯定食$62 吉列豬排烏冬$65。其實個咖喱飯都唔錯，但個烏冬就麻麻，個湯底好淡冇蕃茄味:(，而且勁燙咀可能就係咁d烏冬烚到唔彈牙，雖然見個豬排炸到又乾又薄，但味道都okay wor  :)  ，早知揀咖喱豬排飯 　不過個烏冬就唔多值呢個價law。但服務同裝修都算唔錯嘅。 :)…Read More