Answer K's Profile

希望 BBQ 場老闆自己可以睇到 呢個 食評。 個場本身做得幾靚，食物衛生同環境都唔錯，可惜請著幾個唔多願做嘅員工，收左錢之後俾左 D 餐具同燒網就算數，之後問加炭係咪有同事可以幫手用吹風機幫手打風入炭堆，點知未聽完客人問題就已經唔想答人嘅態度，一味就叫話搵 出面同事幫你，態度差的 4 位 (2 男 2 女 )就圍埋自己玩同擺出一種唔多想答你嘅態度。再重申多一次，唔係叫你幫手加炭，而係問緊你係咪有吹風機幫到手，唔願做野，唔想答野，心情差係可以唔好返呢份工，早 d 返去瞓。希望負責人正視番場地員工問題，唔好因為幾個懶散員工影響客人對你地嘅觀感…Read More

呢間野同一飲食集團嘅 火鍋，香港小菜都有食過，而且感覺唔差。唔知佢集團係咪有 d 人無頭腦，無誠意定點，完全感覺唔到佢地有心搞串燒。今時今日仲玩呢 d 迫客叫野飲嘅舖頭真係趕客。再講番食物，只係將 d 已經熟左好耐嘅野食係好做搵火燒一燒就俾你食番，一食就知出事，不斷用香料，味粉去掩飾食材質素上的不堪，價錢唔親民唔在講。服務基本上係無，d 所謂店員都係吹水居多，未食又想食嘅人我勸你留番 d 錢掃街，或者去日本食串燒好過，唔駛俾呢 d 錢人賺，一定無下次…Read More

6 月幫襯第一次，食雙層套餐，76 蚊都覺得尚算值得，今日再去幫襯支持，點知已經變成幼薯條，價錢無減，即係變相加左價，整體觀感差左，口感同 m 記一樣，漢堡都算叫做 keep 到，但唔夠汁，我諗無人會想食你 d 自家製漢堡配咁低質嘅薯條，唔該做生意就有番 d 原則同質素啦，開業唔係咁耐就出呢 d 招數，如果係來貨問題應該講明或者減價，呢 d 薯條不值一提，睇唔到有心做同水準穩定，令人失望仲以為有間肯做高水準嘅漢堡店喺大圍，點知自己做衰個名。…Read More

星期六晚同朋友共 4 人第一次去試吓佢嘅中式煲仔菜，點知睇下睇下仲見到有原有做西餐，樣樣都好吸引。 雖然舖內格局唔係華麗，但係聽到伙記，老闆，廚房各人口吻都已經 feel 到好地道，又講人情味。 叫左 4 個餸，樣樣都在水準之上，製作方法亦有過人之處，性價比極高。尤其兩個煲仔菜，夠熱，夠味，足份量。鮮魷魚鬚新鮮炸得脆口，腐乳生菜又大碟又好味。飲品方面，檸檬片又多，唔會一味太甜，冇野需要挑剔。 下次一定再去試佢嘅西餐，繼續香港人加油…Read More

一直都想去食呢間日本料理店，價錢合理，服務唔錯，炸蝦，炸豬扒都很夠份量，咖哩汁味道恰到好處，$52 蚊午餐有湯有汽水，不收加一。疫情之中更有提供搓手液及 A4 紙讓客人保存口罩，值得加分…Read More

今日睇完戲有 d 想食車仔麵，兩個人，行過見到呢間野又話有薯粉，又話有車仔麵，諗住呢間野座落葵涌商場，價錢應該較大眾化。點知個薯粉咩餸都未揀就先收 $24, 都唔緊要，其中一個麵我剔左 3 樣餸，個服務態度其差嘅阿姐問我係咪要 2 樣餸，我指俾佢睇話 3 樣，佢唔應我，自己衰左唔出聲應我，一句唔好意思都冇。好，我忍你一陣。到 兩碗麵齊哂，第一句同我講要收錢先，ok, 無問題，我又俾錢先，不過唔該你舖頭寫明 d 付款程序。我相信好多客都覺得你對自己 d 麵都冇乜信心。驚人地食完話唔值，又唔好味。我碗粉叫 3 樣餸，點知搵匀成碗都係得兩樣，獨欠我比較想食嘅豬紅。同個阿姐講差一樣餸，要講幾次先聽到。仲晦氣話轉頭俾番我，呢 d 就係錢就收齊，野又唔做齊嘅最佳例子。如果大家遇到我呢 d 情況，相信已經冇乜心情食野，你碗野好食到曉飛都無用。唔係要求咩五星級服務，只係想大家 fair d , 語氣屋邨 feel 得黎都可以客客氣氣， 48 蚊一碗 3 餸紅薯粉貴唔貴大家見人見智，不過拎住 48 蚊去搵麵食類我相信有更好選擇。大家自己衡量，多謝觀看…Read More