lamsze97's Profile

最近喺SOGO感謝祭，既然難得同屋企人去附近shopping，咁當然要食餐好㗎啦。記得呢度附近有間係米芝蓮嘅海南雞飯，咁啱屋企人都好耐冇食過，於是我哋就決定去呢間餐廳醫下肚。餐廳環境唔錯，裝修好有氛圍，店員嘅服務態度亦都十分親切，等咗唔係好耐，佢已經好快咁大衛，一打開餐單，實在有太多野想食啦，一時之間好難抉擇。黑松露蝦多士的確別有用心，黑松露顯得少許高貴，配上茶餐廳經常見到嘅炸多士，兩者嘅配搭簡直係絕配。豆腐花又滑又甜，我呢啲豆腐花星人都推薦大家去食。豬手炆得好冧，亦都好入味，真係回味無窮。重頭戲當然係海南雞飯，有返住得堪稱完美，同海南雞配搭簡直係一流，醬汁都推薦，加埋係perfect match！…Read More

同朋友去行朗豪坊，行行吓都覺得有啲攰，不過仲未到午膳時間，於是朋友建議去食個甜品頂住肚先。經過Market Place附近，見到有間寫住係日本直送嘅甜品舖， 見到佢嘅主打係蘋果批，朋友都覺得賣相唔錯幾吸引，於是決定去試吓。我哋分別叫咗個抹茶蛋糕切餅同一個蘋果批，價錢都唔貴，加埋大約$60。先講個抹茶蛋糕切餅，佢賣相同市面一般售賣嘅蛋糕切餅冇太大分別，不過味道就突出好多啦。抹茶味十分之濃，不過啲cream又中和一下苦中帶甘嘅抹茶味，可以話係Perfect match蘋果批更加係意料之外嘅好食，本身我同朋友唔係特別鍾意食蘋果批嘅人，只係見呢間舖頭嘅主打係蘋果批於是想試吓。點知一食就不得了，外皮十分之脆，批皮底下嘅蘋果又甜又多汁，不過又唔會太甜，強烈建議大家去試食蘋果批！…Read More

最近好耐冇同朋友出街食飯啦，咁當然要同朋友搵個可以坐耐啲嘅地方傾偈啦。俾我發現原來附近有一間串燒放題，又有得燒嘢食又有得傾偈真係啱晒我哋，我哋二話不說即刻搵日去試吓。雖然舖頭面積不大，不過坐落都尚算鬆動。一坐低店員就好親切咁介紹串燒機係點用，啲醬汁要點樣落等等。仲好友善咁介紹啲串燒要燒幾耐一埋位已經有一盤嘅串燒會先預備好，咁樣就可以唔使慢慢等嘢食嚟到先有得燒，而且店員嘅服務十分好，會問我哋啲嘢食啱唔啱食，真係十分之親切友善我同朋友叫咗好多肉嚟燒，我哋最推介嘅都係牛舌，呢度嘅牛舌可以任叫，而且燒完食洛口真係好好食，加上佢係任食真係好抵呀！最後我哋燒埋甜品雞蛋仔，食咗杯H字牌嘅雪糕，為今晚呢個完美嘅晚餐畫上完滿句號！…Read More

雖然就打8號颱風，不過點都係要去食飯，於是揀咗一間附近嘅西餐廳。呢間餐廳本身都小有名氣，今次趁打風冇咁多人，一於去試吓。餐廳嘅裝修同佈置都好有氣氛，俾人嘅第一印象都唔錯。一入到餐廳，侍應已經好熱心咁幫我哋帶位，值得一讚。我哋叫咗兩份小食，首先嚟咗碟麵包，好香好好食。鵝肝多士係必食之選，特別係鵝肝，煎得啱啱好，配埋隔離嘅沙律就100分了。雞翼嘅調味都啱啱好，好耐冇食過咁夜魅嘅炸雞翼。份量都好充足，六隻雞翼兩個人食都好飽。終於嚟到主菜，我哋叫咗一碟黑松露意粉同牛扒。牛扒七成熟，肉質鮮嫩，配埋隔離嘅薯條，簡直係錦上添花。飲品我叫咗一杯mocha咖啡磚凍飲，成個飲品嘅設計好有心機，咖啡冰塊會慢慢溶，咖啡味會慢慢咁滲出嚟，真係別有一番心思。…Read More

今天，既然難得係星期一就要出門遠行。不過天氣實在太熱啦，所以出發前就想買支嘢飲，便不時之需。咁啱喺地鐵站行緊嘅時候見到一間爭鮮，於是乎就隨便行入去睇吓有咩便宜飲品好買。點知就見到$7一支嘅日式茶，仲有煎茶同焙茶兩個選擇添。仲比我發現呢個價錢比起隔離嘅七仔平咗至少$3，七仔一支茶都要買$10，我當然二話不說，即刻用八達通俾錢買咗支茶。煎茶仲要喺雪櫃雪咗好耐十分清涼，飲落去真係透心涼啊。以後我都會去爭鮮買嘢飲，真係平好多。…Read More

最近好耐都冇去過荔枝角，咁啱朋友同我講其實荔枝角有好多工廈嘅樓上餐廳，好奇之下我就去咗朋友推介嘅呢間inn呢間餐廳嘅裝修可以話係工廈裏嘅清泉，未入去已經見到好有氣派嘅白色大牆裝修，淨係打個卡已經好抵啦。事不宜遲梗係要快啲入去嘆個dinner啦,晚餐嘅選擇亦都相當多，我同朋友揀咗一個墨汁意大利飯同一個奶油蝦忌廉意粉。價錢同出邊嘅Cafe都差唔多，但係擺盤同味道就已經物超所值睇相已經令人食指大動，廚師擺盤好有心機，真係好適合一班女仔去打卡食飯。當然呢度嘅餐點係睇得又食得，兩個餐都10分好味，隻蝦又大，肉柔嫩，墨汁意大利飯都好有味道，唔似出面嘅餐廳煮到同白飯一樣。至於員工服務態度亦都冇得頂，喂好主動幫客人添水，加上裝修真係好靚，絕對會邀請其他朋友再食過。…Read More

難得去屯門搵朋友梗係叫朋友推介好餐廳於是我哋去咗呢間小cafe雖然係小cafe, 不過佈置真係十分精緻，係文青打卡必影既地方特別係木質既裝飾風格更有休閒舒適既感覺Cafe最吸引我既係all day breakfast賣相十分靚，食物既顏色令成碟菜十分上鏡上鏡之餘味道亦都有100分！特別係炒蛋，半生熟既蛋又滑又軟，食落去好滿足朋友叫咗一個熱狗，亦都十分惹味我哋都叫多咗個薯條，薯條即叫即炸外脆內軟，好有薯仔味，點茄汁真係一流嘢飲方面，我叫咗一杯latte十分香，飲落去都好濃厚，而且拉花拉得好靚睇得出cafe既裝飾好用心，有好多小裝飾都會令人會心一笑Staff既服務態度都十分友善，帶位上菜都十分快，值得一讚！…Read More

就嚟聖誕節，當然想同朋友去食餐好嘅！咁岩途經淘大嘅時候，朋友指住間餐廳話十分好食，咁啱我都好耐冇食過日本嘢，於是決定同朋友去試吓。餐廳嘅佈置真係好靚好細心，明嘅人就會明🤣🤣餐廳嘅背景音樂都不得了，基本上都係播一啲我經常聽嘅日本流行曲，我同朋友都聽得好開心食正餐前，侍應俾咗沙律同麵豉湯我哋，好少見到有餐廳嘅麵豉湯係咁足料，真係好抵讚我哋叫咗芝士年糕，師兄話要趁熱食，果然趁熱食係最好食。年糕咬落去有少少彈牙，入面既芝士又熱又軟，食多幾個都唔會濟！牛舌十分之好食，入口即化，我同朋友食完都讚不絕口。真係要必試仲有雞翼，外皮炸到好脆，入面既雞肉又多汁又嫩，好想食多幾件終於到主菜啦，一望到個外觀已經食指大動。鰻魚超大塊之餘，而且啲醬撈飯都好好食，呢個價錢來講真係好抵食朋友叫咗個有叉燒既飯，我都忍唔住食咗啲，叉燒肥瘦啱啱好，醬汁都好入味，送飯真係一流！…Read More

今日同朋友去burgeroom食burger，諗住試下佢個招牌鵝肝牛肉漢堡。去到都搵左陣路，因為fashion walk條food street好似幾條巷仔咁，兜左陣先搵到間餐廳。餐廳望落幾有酒吧feel，有indoor同outdoor位，今次就揀左indoor角落位。落單係要自己出去落，我哋嗌左兩個鵝肝牛肉漢堡，一份芝士棒，同一杯蜜桃冰茶。之後就坐定定等食野。第一份上既係芝士棒食落應該唔係岩岩炸起，不過外皮都香脆，而且係拉到絲架。佢本身無配到醬，不過可以自己出去吱蕃茄醬，食落都唔錯。漢堡上既時候見到佢咁大份咁足料都幾驚喜。佢預先好體貼咁切開咗一半，因為太大份都無乜可能就咁成個食。同朋友研究左陣決定用刀慢慢切個burger食。個鵝肝煎得唔錯，入口即溶。雖然鵝肝本身比較油膩，但配埋生菜蕃茄就中和返。加埋咁厚既牛肉，真係超級滿足。下次再黎會試下其他漢堡，以呢個價錢又唔使加一黎講，係幾高水準既漢堡。…Read More

心血來潮之下想同朋友去鋸扒，行行吓見到呢間餐廳，於是就決定同朋友試一試。同朋友過叫咗一個西冷扒嘅套餐套餐其實包好多嘢食，除咗主菜之外，仲可以揀食薯條or飯or意粉。仲有焗到好脆嘅蒜蓉包，餐湯（有得揀南瓜湯或者蘑菇湯）同一杯餐飲因為餐牌嘅食物實在太吸引啦，所以我哋都忍唔住叫多咗一個雞翼小食，呢個小食真係必叫之選，雞翼炸起上嚟外皮好脆，入面中有好多嘅肉汁流出嚟，誠意推薦比鍾意食雞翼嘅人！餐湯嘅表現都十分好，我叫嘅係蘑菇湯，真係食到有蘑菇一粒一粒喺碗湯入面，有口感之餘，味道都好有層次。最後就係主菜啦，我同朋友都叫咗七成熟，啱啱上碟嘅時候切開嚟食真係最好食，切出嚟嘅側面真係好靚，食落去會發現廚師嘅手勢好好，真係剛剛好，唔會太生唔會太熟。食得出牛扒原有嘅味道，再配埋佢自製嘅醬汁，真係食過返尋味。…Read More

Happy Friday係元朗同朋友行街嘅時候，咁岩喺玻璃窗見到呢一間裝修十分之特別嘅甜品店，因為實在裝飾太可愛啦，我同朋友決定去食個甜品，咁啱呢間甜品店主打係梳乎厘，我事不宜遲就衝入舖頭去食甜品✨✨✨成間舖頭真係好適合打卡，每一個角落都睇得出店主係精心設計，而家咁啱到11月，都有啲聖誕feel餐具都係雪人嘅造型，真係十分可愛店主好Nice咁推薦佢哋新出嘅蛋糕最後我同朋友揀咗哈利波特主題嘅梳乎厘蛋糕再叫咗一杯珍珠奶同梳打首先，蛋糕嘅造型真係冇得彈我同朋友不斷拎手機影咗好多相先捨得食個蛋糕真係又睇得又食得個梳乎厘有高度，而且十分鬆軟，入口即溶配埋杯嘢飲真係好滿足呢間舖頭樓上有賣衫同一啲小飾品都係走文青風格食完甜品再上去又行街shopping真係好正！…Read More

好耐冇同朋友出嚟食飯啦，所以揀咗星期一晚去一間人氣好高嘅樓上Cafe。呢間Cafe最搶眼嘅一定係佢精緻嘅裝修，成間餐廳睇落好高級得來又帶一點文青嘅味道。侍應好快就帶位請我哋入餐廳，我同朋友都點左一個晚餐set，好快就上咗主菜。我叫咗一個意大利飯，主菜嘅賣相十分之好，睇落已經令人好想快啲開餐，特別係朋友點嘅闊條麵，煙三文魚擺成玫瑰花咁嘅樣，真係又睇得又食得。沙律都好快上菜，成個沙律食落覺得好清新又開胃，芝麻沙律醬令成個沙律昇華不少。最期待嘅就係蜜糖雞翼。果然冇令我哋失望，蜜糖味十分之濃郁，配上有香又脆嘅雞翼，真係好想再叫多幾碟雞翼嚟食。10分推薦大家一定要利是呢一個蜜糖雞翼。最後當然唔少得甜品，我同朋友都點左朱古力蛋糕，下次有機會一定會嚟試吓其他款嘅蛋糕。飲品我哋兩個都點左薄荷朱古力，飲品上面嘅cream真係令呢杯特飲成為忌廉控必選嘅飲品！呢間餐廳真係又靚又好食，下次我都會再帶朋友嚟食…Read More

今天和朋友第一次到大圍食飯。第一次就選了風車這間餐廳。餐廳裏的燈光偏暗，但也營造了神秘和浪漫的氣氛。在眾多的菜色裏面，我們點了魚柳和雞扒，配菜則是薯角。先端上來的是洋蔥湯，洋蔥的軟硬程度剛剛好，湯亦充滿洋蔥的甜味，十分好飲。而主菜亦十分吸引。魚柳的肉質不會太過鬆散，夾起來不會太容易散開，而且調味亦剛剛好，不會太淡或太鹹。而雞扒是最出人意表的。雞扒上鋪滿了剛剛溶化的芝士，外表看上去十分吸引。雞扒切下去的時候，肉汁亦跟着湧出來。而在咬下去的瞬間，口裏充滿了濃濃的芝士味和雞肉的鮮甜味，口感實在是太滿足了！而配菜亦出人意料，每一塊薯角都經過足夠的調味，並且都是熱辣辣的，吃下去十分可口。下次到大圍也一定會再到這間餐廳吃飯！…Read More

One day I went to Mong Kok with my friend. During the walk, we felt thirsty and wanted to have a drink.Therefore, we decided to buy bubble tea and take a little break.The bubble tea is tasty as usual. It never disappoint me.I strongly recommend this tea shop to all of you.…Read More

過咗一個長假期，仲有啲holiday mood所以約咗朋友去呢一間韓式嘅炸雞餐廳之前都有朋友食過，都對呢間餐廳讚不絕口，所以我都決定試下侍應好親切好快就帶我哋入餐廳，我同朋友叫咗一個三重芝士炸雞、海鮮煎餅同一客黑松露薯條，朋友仲額外叫咗一杯柚子Smoothie店員好親切咁俾咗啲開胃小菜我哋，食完開胃小菜就準備刷大餐了芝士炸雞最快上菜，淨係個賣相都真係不得了，打卡一流，我同朋友都多角度影咗好多張相先捨得食。海鮮煎餅超大塊，我同朋友兩個人食都差啲食唔晒，咁嘅價錢真係好抵最後個黑松露薯條都好有驚喜，佢唔單止有薯條，仲有返薯條。意外地返薯條同黑松露都好夾，大家未試過就一定要試吓啦。好值得一讚嘅係餐廳播嘅音樂好有親切感，鍾意K Pop嘅各位一定唔可以錯過，可能會一路食一路聽到自己最鍾意嘅歌架！…Read More