winniebb1120's Profile

山燒牛肉飯 （$68）🥩牛肉超入味，亦好好送飯👍🏻👍🏻👍🏻 食到最後仲有驚喜添🤩 燒雞扒貝果 （$68）🥯雞扒很juicy ， 味道很好，bagel 很軟熟👍🏻👍🏻👍🏻老闆超nice 超好人，午市時間都願意幫我地整晚市嘅小食🤣🤣椒鹽炸燒賣 ($48)炸蛋 ($48)送酒一流嘅小食👍🏻👍🏻加埋自家製嘅辣醬，風味又會唔同左環境寧靜，適合一大班朋友過嚟午餐同傾偈💜唔知晚市黎個氣氛會唔會唔同咗？😎期待下次再去幫襯晚市…Read More

星期六晚七點幾，見到有位所以入去幫襯下。兩個人叫左5碟野食同2杯飲品。以呢個價錢，其實無諗過碟菜會咁細碟😅蟹肉炒粉絲，啲蟹肉係最後放係面，唔熱亦無味🙂沙嗲串幾好，4串叫左2牛2雞，🐮牛肉大粒，唔乾亦唔韌，🐔雞肉都唔差串燒醬用碟上係絕對加分，我都唔明點解出面大部分都係俾個碟仔你點，用碟上就可以平衡點晒每一粒肉，我鍾意🥰👍🏻👍🏻👍🏻🍤炸蝦餅比外面食的相對淋身，唔算彈牙，但算係成餐唔錯嘅菜色入面第二了。👍🏻👍🏻炸皮蛋就差啲了，皮蛋上黎嘅時候已經散散地。🙂珍多冰係正常的，有綠色嘅珍多加兩三條大樹菠蘿肉。👌🏻…Read More

認真講，呢餐糖水真心食到我火滾，呢啲咁嘅服務態度嘅員工，真係仲可以留喺度做？麻煩朗豪坊滿記經理可以正視！事情係，我地一行6人叫左四碗白色嘅糖水，兩碗有雪糕嘅糖水。兩碗熱嘅杏汁，一碗凍嘅杏汁一碗凍嘅椰汁。兩碗熱嘅上左之後，有位馬尾(相對)後生嘅女侍應上左碗凍嘅白色糖水，由於杏汁同椰汁睇落去都係一樣。我就問佢：唔好意思，我想問下呢一碗係咩嚟架？馬尾女侍應佢指住張單：下？有寫架喎(啲態度串到)之後答：椰汁囉接住就有位(應該)熟手女侍應上左另一碗睇落一模一樣嘅白色糖水。我又問：唔好意思，我想問下呢一碗係咩嚟架？熟手女侍應：椰汁我話：咦，又椰汁？應該係一碗椰汁一碗杏汁熟手女侍應：咁呀？你等等，我問下廚房先 （拎走佢上嘅果一碗)後來，熟手女侍應拎返同一碗返來：呢一碗係椰汁，咁之前果碗應該係杏汁我：好呀，唔該你。你頭先個同事態度勁差喎，自己上緊咩俾個客都唔知，仲串個客張單有寫。我都知有寫，但你上緊咩，你自己答唔到，仲要後尾知道係亂講。熟手女侍應：佢係新黎架我：咁新黎無人教要點對客？熟手女侍應：佢黎咗3日咋我：咁3日都應該要教呀嘛，佢咁對啲客熟手女侍應：慢慢教，慢慢教之後熟手女侍應就走咗。然後上左兩碗有雪糕嘅糖水，兩碗都應該係芒果雪糕，但上左一碗係抹茶一碗係芒果。錯order唔緊要。但服務態度好重要。我唔理你之前發生咩事，你出得樓面serve 客就唔應該將你不快嘅態度拎嚟對客！你入廚房入後欄發完脾氣先好再出黎！唔知係咪F&B特別難請人嘅關係，個熟手侍應好似好驚話佢咁？新人係要教的！你唔教，佢就keep 住用呢啲態度，雖然你係打工，公司亦好多分店，但你咁樣唔係留個人做野，係倒自己公司米！…Read More

我哋(兩個人)下午六點八到達門口拎飛，鋪入面已經好多人用餐中，門口receptionist 話七點後就會多啲位架喇，所以我哋都預咗要等一等位，而我哋係第二張二人枱，好快地已經入咗前面果pair情侶，我哋就係下一張嘅二人枱，之後佢不停安排入坐嘅係四人，六人嘅大枱，我哋亦明白佢哋係唔會拆大枱俾兩個人。但眼見門口有一張二人枱，所以就問門口receptionist 點解唔安排門口嗰張枱我哋。而receptionist 當時嘅答法係「張枱係留俾啲有寵物嘅人士用的」，我明白每間餐廳安排嘅枱都有限制，亦尊重佢哋有呢個安排。之後七點鐘我哋順利入座，已好快地點好餐，幫我哋點餐嘅夥計問我哋會唔會先叫埋甜品，而甜品可以後上，所以我哋亦同時落埋單，亦交帶左「叫上」，幫我哋點餐嘅夥計亦有覆單「好，甜品叫先上」。主食好快地已經上到菜，等待時間唔算耐👍🏻👍🏻加上我哋之前已經食過呢間餐廳N次，不過次次都係叫外賣，所以食物質素我哋係滿意同已經心𥚃有數。食食下，留意到頭先receptionist 答係「張枱係留俾啲有寵物嘅人士用的」嘅果一張枱連埋旁邊張枱入左個四人家庭(沒有竉物！)，嗯，唔通小朋友當咗係竉物？如果你地係想留呢張枱俾多人數嘅，咁你咪直接講囉😒😒食飯途中亦有小插曲，應該係有張枱叫咗嘢但係Miss咗，無落到單，後尾搵到原因係落錯枱號，三個夥計仲要企喺正中心拗撬邊張枱號打邊張枱號。呢啲唔係開舖前應該ready？最後好好笑地有個夥計寫咗個號碼落張紙度，然後貼喺個客嘅櫈後面😰茶餐廳嗎？最後我哋個主食未食完，亦未收碗碟，佢就直接上左個高力豆沙。説好的「叫上」呢？高力豆沙一定係新鮮好食，擺耐咗，攤凍咗就唔好食😞咁係局我快啲食完個主食？定食完個甜品再食主食？咁啲係咩服務？結果我決定放棄個主食，叫佢收走就算，費事叫佢收返個甜品後，都係出返同一碟俾我😒又或者加料😒整體食物質素係有80分，但呢個所謂嘅服務，sorry，我絕對覺得係有待改善！…Read More

首先我明明訂左8點鐘4位，我7點55分同個reception 報到。之後有個男伙記走出黎叫台，叫左7,8張二人台，我同reception 講，佢答我，啲台得二人，無大台。咁我地就繼續等。企係我前面果個女仔都係4人台，但佢係walk in 拎飛。到大約8點10分，果個男伙記又出黎叫台，我前面果個女仔就同佢講，話自己等左成個鐘，然後果個男伙記就叫左張4人台，之後即刻俾左果個女仔😒我同reception 講，我係訂左8點架喎，點解會俾左walk in 先？佢就話下一張到我😪之後又有另一個女伙記走出黎叫台，我話，我訂左台，點解會俾左另一個客先？咁唔洗訂台吧？之後個女伙記話，啊！唔好意思唔好意思！之後行走左😕👍🏻一等就等到8點半，個男伙記再出黎。我火都黎，同佢講我訂左8點，依家8點半，我企左係度超過半個鐘，你入左個拎飛既客都唔放個訂位客。一鬧完，就有位。😮👍🏻之後仲好笑，我地一坐低，果個男伙記（係，又係佢）就問我地可唔可以讓個卡位出黎，因為有group 8位既想坐得close d 傾計。兩張卡位係背對背，咁樣叫左方便啲🥴我唔理解。再者，我嬲到咁，我一坐低唔夠兩秒，你叫我起身？Short 左丫？😒之後我當然都好不客氣話，唔得喎，我地想坐呢度喎！啲野食既味普普通通，口水雞係唔差既👍🏻土豆絲係今餐最好食😅👍🏻干煸肥腸同普通炸大腸無分別👎🏻👎🏻滿心期望既毛血旺同酸菜魚😕👎🏻👎🏻我係一個唔食得辣既人🥴但呢餐🤢sorry~無驚喜，唔覺辣🤢只覺得辣椒還辣椒，餸還餸🥴🥴咁既價錢，但咁既服務，咁既食物質素🤮不可一，不可再☠️…Read More