mamic_vic's Profile

見佢做＄19 竹生麵優惠，覺得不防一試，但試過後應該無下次。蘿蔔，大腸係ok既，我揀左 咖哩汁（中辣）配腩汁，點知影響哂成碗麵，D咖哩汁係死辣，真係扣哂分。＊匙羹，筷子勁dirty，係“洗唔乾淨”；個App去度俾Ailpay hk，係死左無畫面，重複試左3次，再試一次八達通又係唔得！最後要去cashier order! 真係好唔掂！！！！！！…Read More

因為覺得吉野家太貴，所以專登去Sukiya試下最抵既套餐，距離第一次食都成2年前既事！其實M size對我黎講岩岩好，唔會太飽又唔會太小，但碗麵鼓湯真係得1/3，真係眼都突！我都問自己：係咪我無見過世面？湯太滿“係唔得架”！？但幾秒後。。。我已否決呢個白痴既疑問，我見D侍應甘忙。。。。都費事追究！當係一次“品質監定”，總括黎講，牛肉飯係ok，但加＄9既前菜＆麵鼓湯真係「唔值」！差到一個點！…Read More

之前特意訂位（需落訂金）食母親節晚飯，向店員要求指定坐大圓枱，店員講明用餐2小時。當晚一家8口準時到達用餐，店員竟然安排我地坐二張合併成既長枱，我反映訂了指定圓枱，店員重複以“今晚好多客為由”，我不接受，反問店員：「下！唔係甘樣架波！甘我book位指定大圓枱，你地無mark既咩?! 甘我book黎做咩？」係多次堅持下才能坐指定圓枱，但店員講用餐時間只有“個半鍾‘’！好好地一家人食餐飯，竟然因為店家既“搶做生意”，“搶做多一輪客既攻勢下，單方面將誠信拋棄”！未食已一肚火，無人想滋生事端，呢間店之前我評過2次“好評”，經過今次既經歷，永無下次！＊服務差（用餐途中不斷催促），無信用（訂枱，用餐時間），食左3千，就係食呢D質素！！…Read More

工作關係經過食個lunch，但已過繁忙時段(下午大約1點40分），店內一半所以上有吉位，員工都唔俾我坐一張吉枱，叫我同人搭枱！（後來明白係D阿姐懶，唔想執多一張枱）呢度係自助式“滾水“沖茶，感覺到阿姐態度麻麻，我用自助點單“，只叫左金錢肚，燒賣 。阿姐係慢悠悠推車仔送點心出黎，我習慣性問阿姐有無“豆瓣醬“？阿姐望住我，一面“你咩料同吋吋貢“既面色（抱歉，佢似女版神童輝）講：“無波“！然後推車走。。。。。我再望一望架車仔，下面個層係有D 醬料，我覺得做點心生意點會無醬油之類提供？！出面街邊賣燒賣魚蛋，牛肉粉裸小店舖都會有提供醬料啦！:(我就揾另一位阿姐，今次問“有無辣椒油“，阿姐好唔願意之下先攞俾我！呢間食店係服務態度上真係奇差，睇得出阿姐工作係力求“盡量少做，唔願做“！眼觀店內既營運，奉勸各位有小小潔癖既食客，慎重考慮清楚先幫襯！香港既食肆服務比國內差，唔好成日賴呢樣賴個樣，係佢地飲食界自己做衰個形象！！呢間店舖已black list，永不光顧！…Read More

朋友一家到奧海城比賽，揀左“樂天經典“食Lunch。叫左飯，麵套餐跟飲品，另單叫幾味菜。炸雞幾juicy，唔會好乾身，推薦臘味炒飯好野味(第二次自己食lunch首選)炸豆腐，皮好薄，熱辣辣上枱其他普普通通，特別一提“招牌甜品“，我真係唔識欣賞，連薏米水都好過佢。…Read More

姨媽一家來港旅行，book房訂左一圍，包房遠望海景，有一位女侍應跟進上菜，分菜，幫手影相等等服務。由於都係粵菜宴席菜色，見怪不怪。。。。。自己比較鍾意乳豬，炸奶球，脆皮雞都唔錯。整體水準還可以，服務都唔錯。*當晚睇到酒樓人流好少，生意應該唔太好，真唏噓。。。。。！！！…Read More

之前睇食評，已有多人投訴呢間酒樓“服務態度差“，我都打個底先，因為朋友想試，我前一日傍晚打去book位，問多一句“下午茶“D點心會唔會“比較少選擇“，聽電話個位女士就好唔耐煩，禮貌＋態度已經feel到唔likey，但我同朋友照舊去食，結果竟有D反差。我同個朋友兩條友，一共叫左11樣野，因為大家都不斷吹水講近況，就忽略左細味品嚐D點心，但我地兩個一致認為“黑豚脆皮包“就唔太ok，底層個皮好厚，明顯整定左，一有order就翻叮！其實每樣點心都比較貴，同食物質素有D唔成正比，性價比麻麻地，只有賣相，無太驚艷既感覺。黎呢度食，食物其次，主要賣景觀。之前預左樓面姐姐態度未必好，真係如食評D人所講一樣，呢度既阿姐普遍年紀較大，似出面普通茶樓個D姐姐。。。。但我地當日要求幫手攞“豆瓣醬“，幫手“影相“，阿姐都無托手踭，令我地好“驚喜“。。。。。應該酒店有提醒D阿姐既態度。因為姐姐態度比想像好，特別提高評價…Read More

之前已收藏呢間cafe, 經開灣仔，大熱天時，專登去買杯凍latte（$30），價錢算合理，其實都係為左打卡。質素都ok。。。。。小店可以支持下。最驚愈飲愈窮😅🤣😅🤣😅依家經營食店有創意有質素，就係最基本既吸精條件💪。…Read More

Lunch time經過，唔洗等位已經可以入去，叫左個【軟殼蟹黑松露意粉】加$30要個【羽甘藍沙律】。意粉味道好唔錯其實唔大食既話，女士已經好夠飽，驚沙律食唔落，要求店員俾個外賣盒，都無計落10% service charge。今次第二次黎幫襯，服務態度依然Very good。…Read More

同個friend補返個生日飯，大家都唔係大食既人，所以選擇輕食既Beans，網上book位要求坐Sofa位，私隱度比較高，雖然接近food court，但都唔會覺得嘈。叫左個豪華All day breakfast, 煙三文魚班尼蛋，牛肝菌湯，羽甘藍沙律，拿破崙蛋糕，另外兩杯跟餐既飲品。基本上食物質素仍然keep到，朋友都好滿意，自己一個月內都黎左3次，代表我既認同。…Read More

無意見到廣告，小店既名，裝修，飲品杯設計，都帶有濃濃本土特色，又近我屋企附近，順道去幫襯＋打卡。叫左杯“阿叔奶茶“，其實無咩特別，唯一覺得D冰唔夠凍（唔通外面太熱？！）店員有禮貌，好細心問我“要唔要走甜“，小本生意，值得支持一下。👍…Read More

星期五約左個friend食Tea, 係對方推薦下，第一次食Beans~ 【抹茶黑糖麻糬流心吐司】抹茶特品未必樣樣都好食，但呢款甜品出奇地夾，唯一缺點係麻糬太少。【焦糖單骨雞翼配薯條】一個字“正“。🍹🍸包2杯飲品，個friend要求加水都無say no.✨️✨️質素同價錢成正比，仲可以慢慢坐（平日人流少），慢慢食，侍應都有禮貌，環境簡潔乾淨，整體平，靚，正～Tea Time時段絕對值得一試。…Read More

2023年12月31日，行完山，特登帶姨生黎食燒味，今日竟然比平日清閒好多，完全唔洗等位（唉…個個北上消費），我就留港支持下，因為呢間店我認為值得回頭。叫左2份燒鵝叉燒雙併。燒鵝夠juicy，叉燒半肥，正。👍前面個枱叫左隻燒鵝，賣相好靚。姨生食完話10分滿分，佢俾9.5分，哈哈，估唔到佢甘滿意。🤭…Read More

Plan左去大棠行山睇紅葉，千島湖，順便去試下聞名已久既“沙嗲牛麵“。店內人流不絕，員工個個都好忙，但都算幾有禮貌。同姨生女各自要左碗 沙嗲牛麵，另加一份 芝士流心炸豬扒治，姨生女只係中一生，都覺得沙嗲牛麵好好食。真係不枉特意黎試，水準真係幾好。😋😋😋…Read More

係上環返工，無一間茶餐廳可以食到比較有水準既沙嗲牛肉麵。 今日黎恆香冰室，叫左 沙嗲牛肉麵常餐，一望食水準就知沙嗲湯底夠濃，水準基本上達到我既要求，呢D 真係老字號，比到一定既食物質素比客人。另外一讚，店內員工態度不錯，唔會好似其他茶餐廳員工對客人粗聲粗氣。唯一缺點，餐桌比較窄。…Read More