Muitauuu's Profile

今日黎到灣仔搵朋友食飯 佢就帶我黎到呢間3層樓高既泰國餐廳 新泰東南亞餐廳～～去到門口就聽到店員都係講泰文 未食都感覺係好正宗嘅泰國菜 充滿期待😛 入到嚟睇睇餐牌 好多唔同種類嘅泰國菜 好多嘢都好想食🤩 睇相望落去每碟都好大份😍 諗咗一陣終於可以叫嘢食🤣 鹹檸檬梳打估唔到係咁大舊嘅鹹檸檬😱 配埋梳打水 好開胃呀😬 椰青沙冰好巨型嘅椰青 沙冰仲要滿滿擺喺上面 睇到佢真係用椰青肉去打沙冰 真係椰青嘅甜味 好好味😋 大推👍🏻 泰式炸蝦餅即叫即炸熱辣辣上枱😍 蝦餅彈牙 滿滿蝦肉 點埋酸甜醬 好好味😋 燒豬頸肉份量好多！！！豬頸肉燒得啱啱好 肉質好滑嫩 又唔會燒得好油膩👍🏻 配埋佢嘅靈魂醬汁 不錯不錯😌 泰式青咖喱雞青咖喱勁香又唔會好辣 雞肉好滑份量都唔少 全部大大舊又啖啖肉😍 另外加咗蒜蓉包 烤好就拎上枱 好香蒜蓉牛油味 用嚟點咖喱汁嚟食 絕配🥳 泰式蝦炒金邊粉熱辣辣拎上枱仲出緊煙🤩 有蛋包圍住令到賣相好靚😬 大蝦爽口彈牙 金邊粉味道啱啱好 食泰國菜必點！同埋好大碟 適合幾個人一齊分享！大推👍🏻 整體嚟講 呢間 新泰東南亞餐廳 環境舒適 店員服務態度好 食物質素不錯😌 每樣嘢食份量都幾多 下次一定叫埋朋友一齊嚟試多啲唔同嘅菜式😋…Read More

今日朋友帶我嚟到屯門呢間 牛摩 依家做緊優惠3小時任食🤩 套餐以正價計算人均滿$250就可以享用呢個優惠～ 終於可以慢慢食慢慢打邊爐😌 一早book咗位去到就入得👍🏻 拎位嘅時候就揀埋要邊個套餐 咁我哋就揀咗LV4 特級牛小排 再揀埋湯底 一人一鍋可以揀兩個湯底😬 我哋就揀咗 麻辣鴨血湯 同埋 博多美人骨膠原雞白湯 等緊湯底嚟嘅時候就出去拎定啲蔬菜、沙律、小食、飲品等等 竟然仲有成部爆谷機🤩 焦糖爆谷🍿過下口癮～ 更估唔到嘅係有雞蛋仔😆 仲見到成盤三文魚壽司🍣 仲要係啱啱拎出嚟😍 QR code自助落單 嘢食好快就到啦～海鮮類我哋試咗 帆立貝、魷魚圈、蟹籽墨魚滑 中間嗰粒係芝士牛肉貢丸 好有驚喜！中間係滿滿芝士 食嘅時候小心辣親🤭 雞肉滑嫩啖啖肉 用麻辣鴨血湯 整咗個麻辣雞 幾好食😋 炸物都有唔少選擇😬腐皮蝦寶、紫金地瓜丸、炸雞塊配芥末沙律醬、炸蟹鉗、雞軟骨、日式章魚燒、日式餃子、炸生蠔 全部都係炸起就拎上枱 熱辣辣同埋脆口又唔油👍🏻特別推薦 日本一口芝士 芝士味超級濃郁😍 喜歡食芝士一定大愛！ 肉類方面 牛小排、牛肩胛、牛肌腹 仲有豚梅豬、羊卷肉 全部都切得平均薄身 基本上淥幾秒就已經食得👍🏻最推薦一定係牛小排😇 肉質滑嫩 牛味濃郁 油脂分布算平均 配麻辣湯底或者骨膠原雞白湯都好夾😋 食到尾聲梗係食甜品😗 係好耐冇食過嘅蘿蔔臣啫喱😆 回憶滿滿！最有驚喜反而係呢個糯米糍 煙靭軟糯嘅口感😋 打邊爐最後一定係用雪糕收尾🤭 牛奶味雪糕 加咗蜜糖星星成個雪糕昇華咗🤩 完美～ 整體嚟講 呢間 牛摩 環境舒適 店員服務態度好 食物質素不錯 3小時任食呢個優惠真係好適合食嘢速度唔係好快嘅人😋 鍾意打邊爐嘅真係要嚟試吓😊…Read More

今日同朋友嚟到觀塘呢間人氣窩夫 Cobber Noodle and waffle!!! 想食好耐架啦😍 好彩一早book咗位 入到去全場都係滿人！ 一坐低枱面有餐牌可以睇住先 好快就有QR code自助落單好方便👍🏻 QR code入面有更加多嘅款式😍 好多嘢都想食 都揀咗一陣終於決定好！ 炸魷魚配芥末籽蛋黃醬即叫即炸熱辣辣上枱勁香😍 魷魚彈牙 食落唔會覺得油膩😌 配埋靈魂醬汁 芥末籽蛋黃醬係絕配 如果芥末味再濃啲就更好🤭 帶子海鮮喇沙意粉睇餐牌見到喇沙配意粉就即刻想試吓😋 一嚟到三粒帶子勁大粒 煎得岩岩好 食落彈牙無雪味👍🏻 意粉軟硬度適中 喇沙掛汁甜甜哋唔會好辣 推👍🏻 自家製千島醬慢煮雞肉香草Pizza千島醬一啲都唔吝嗇🤩 大大舊雞 食落啖啖肉仲好滑 滿滿蛋白質😛 熱辣辣芝士仲會拉絲 一定要趁熱食！ Honeycomb Latte脆脆焦糖賣相非常適合打卡😬 等佢慢慢溶咗加埋落latte一齊飲就唔會好甜😌 新鮮蜜瓜配焙茶糯米窩夫主角出場😍 焙茶愛好者必食甜品！先講新鮮蜜瓜🍈超甜勁多汁 雪糕揀咗椰子味 糯米窩夫真係第一次食 有種煙靭嘅口感 配上脆脆嘅窩夫 外脆內軟配上雪糕真係好好食😋 每一啖嘅中後段 焙茶味散發出嚟 真係大推🫶🏻 整體嚟講 呢間Cobber noodle & waffle 環境舒適 食物質素真的不錯 食物款式多樣化 下次一定要再嚟試佢其他窩夫😋…Read More

平時成日經過呢間 豆公館 見到門外嘅豆腐花餐牌已經好想食 今日終於嚟試啦😬 入到去坐低睇睇餐牌 再自己用筆落單 方便簡單～有好多選擇 揀咗一陣終於揀好🤣 黑芝麻豆漿好香黑芝麻味 豆漿好順滑 唔會好甜 好好味😋 無糖淡豆漿豆漿打得好幼滑 豆味好重 健康之選😀 老乾媽炒麵好香好好味🤤 炒得夠火候 條條面都有上色 越食越想食！必點👍🏻 麻辣鐵板蛋煎腸粉 呢個好有驚喜😍 腸粉煎得好香好乾身 加埋佢嘅調味好惹味😋 招牌麻婆腐皮蛋餅呢個真係必點！麻辣醬好香唔會勁辣 蛋餅煎得薄脆 加埋花生榨菜又係另一種享受😌 蘿蔔糕軟糯嘅口感 再加上煎得兩面都香脆 加埋辣椒醬同甜醬 正👍🏻 麻辣鹹牛肉芝士刈包熱辣辣拎上嚟嘅時候芝士仲係拉絲😍 鹹牛肉就咁食就有啲鹹 一定要加埋刈包食 咁就啱啱好啦😇 麥芽黑糖桃膠花生豆腐花食完咁多鹹嘢最後梗係要食返甜品😗 超多桃膠😍勁鍾意！豆腐花幼滑 加埋桃膠花生食超好食😋 大推！ 整體嚟講 呢間 豆公館 環境不錯 食物種類有創意 一定會再嚟食佢嘅豆腐花😊…Read More

今日朋友帶我嚟葵涌呢邊食一間悠閒嘅Season. Cafe😌 喺葵涌地鐵站附近嘅KCC 8樓 地方好大～ 睇完餐牌 諗好食咩就出去落單啦～ 見到呢個期間限定 作為焙茶愛好者 一定要試😍 焙茶鮮奶一個靚嘅拉花能夠帶比全日好心情😊 焙茶味香濃 配埋鮮奶好順滑 叫左走甜 焙茶味更突出 大推👍🏻 Espresso 醒腦提神特濃咖啡 苦中帶少少回甘 南美香料炸雞塊炸得香脆可口😍 必點佢特調嘅芥末醬 一啖一粒好好食😋 芝士焗蟹肉大啡菇滿滿嘅蟹肉 仲有咁大塊溶咗既芝士喺面 焗完真係好香😌 SEASON經典手打牛肉芝士漢堡配薯條好大個漢堡😍 麵包用牛油烤過好香 牛肉唔柴 切開仲有肉質 配埋蔬菜 蕃茄 酸瓜 一啲都唔覺得膩👍🏻粗薯條炸得香脆 配埋松露醬勁好食😋 傳統意大利沙樂美腸辣肉辣腸薄餅 Pizza啱啱整好熱辣辣就拎上枱 芝士仲係拉絲㗎架😍 餅皮邊邊係脆脆架 好味😋 整體來講 呢間Season cafe 食物質素不錯 環境舒適 店員服務態度好 今日過咗一個悠閒嘅下午😇…Read More

今日黎到葵芳 朋友們話落雨天要飲手搖😗 知道新都會廣場有間台灣嘅手搖 龜記茗茶 出名健康茶底 一於去試試佢😌 睇睇餐牌 醇茶、鮮調茶、古早味、醇奶茶、鮮奶茶、鮮蜂蜜 好多選擇呀😍 諗左好一陣終於落單😆 柳丁翡翠叫左一分糖 新鮮嘅橙汁 加埋綠茶 依家呢啲濕漉漉嘅天氣飲 真係好fresh😌 三十三茶王奶茶果然係龜記推薦 烏龍茶底 茶味好香 叫左一分糖 茶味會淡少少 叫返少冰中和返😬 碎銀普洱珍珠鮮奶茶好少飲到手搖係有普洱茶葉 味道幾特別 唔係平時飲茶咁濃味同苦澀 佢係淡淡嘅普洱茶香 用上新鮮鮮奶 叫左無糖 珍珠少少甜 煙靭有咬口 加埋味道啱啱好😋 紅柚翡翠一分糖 滿滿嘅紅柚肉 配上清新綠茶 酸酸甜甜 越飲越開胃 大推😍 甘蔗四季春叫左一分糖 輕輕甘蔗嘅甜味 又唔會蓋過四季春嘅茶味 第一次試用甘蔗代替糖 又幾好味😬 整體來講 呢間 龜記茗茶 飲品種類眾多 店員服務態度好 見到佢仲有冬日暖飲 等冬天嘅時候一定要嚟試吓😌…Read More

今日嚟到觀塘裕民坊 好耐冇食過水門雞飯 一於入去食！估唔到接近八點都仲要等位 等咗一陣好快就入咗去～ 坐低睇睇餐牌 就自助落單啦 好方便～ 水門雞飯 $54必點之選！每次一耐冇嚟食就會好掛住佢嘅雞飯😬 就算食雞胸都唔會柴 雞皮爽滑 雞飯粒粒分明 味道啱啱好 配埋佢嘅醬料 真係好好味😋 話梅茶 酸酸甜甜好開胃 食埋粒話梅肉 好滿足😌 泰式奶茶好正宗嘅泰式奶茶 好滑同埋以香港人口味嚟講 算係偏甜😆 海鮮冬陰功湯金邊粉記得上次試過佢嘅船麵不錯 今次就想試吓佢嘅冬陰功湯 海鮮有魷魚、青口、大蝦 全部都爽口彈牙 好少會食湯嘅金邊粉 配埋冬陰功湯底 酸酸辣辣都幾好味😋 脆炸香茅雞翼香茅味好香 炸得外脆內軟 咬開仲有肉汁😍 泰式燒腩仔真係燒完就即刻上枱 熱辣辣要攤一陣先可以食🤣 外脆內軟 有啲似豬頸肉既感覺 配埋醬汁酸酸辣辣 好味😋 炸雲吞香脆嘅雲吞皮 入面係蝦滑 醬汁係酸酸甜甜 不錯👍🏻 串燒即叫即燒 燒得岩岩好又好香 叫咗兩串雞肉一串豬肉 雞肉好滑 估唔到豬肉都唔會柴 配埋沙嗲醬 真係好食😋 整體嚟講 水門雞飯 食物質素不錯 店員服務態度好 為左個雞飯 間唔中就會黎再食😬…Read More

今日朋友帶我嚟到元朗食呢間 chef’s stage kitchen!! 夜晚六點開場 我哋六點令就入咗去嚕 晏啲入去食嘅話就建議book位 因為我哋食食吓開始好多人～ 入去坐低睇睇餐牌 果斷叫咗呢個dinner set~ 有沙律、餐湯、頭盤、主菜、同埋嘢飲 好豐富又唔使諗咁多😬 落咗單之後好快就嚟咗餐前麵包 烤過嘅麵包暖暖哋又好香 配埋佢特調嘅醬 酸酸地勁開胃！ Set Salad有哈密瓜同Parma Ham😍 呢兩樣係絕配！生菜新鮮 加少少沙律醋 係一個好開始😗 飲品我哋揀咗呢兩款 Gunner 呢杯mocktail入面係有ginger ale, ginger beer, 同埋bitters 一見到Ginger ale已經即刻要飲呢杯🤤 好fresh好好味😋 鴛鴦呢杯鴛鴦一開始飲係奶茶味重啲 中間有啲奶蓋 但因為配咗特濃嘅咖啡冰磚 越飲越有咖啡味！幾特別可以一試😬 煎蟹餅伴虎蝦肉沙律頭盤我哋揀咗呢個 擺盤已經好靚😍 蟹餅係滿滿嘅蟹肉同埋勁香 配埋牛油果同虎蝦肉 加埋佢特調嘅醬汁 作為頭盤真係好出色！ 酥皮周打海鮮湯一上枱已經聞到勁香 酥皮脆脆食果下好治癒😗 白湯入面仲有啲蜆肉 熱辣辣 加埋酥皮勁好食！ 蒜香白酒煮紐西蘭海鑽蜆扁意粉呢個見到餐牌寫住新鮮空運食材 而我又好鍾意食蜆 二話不說即刻揀咗佢！蜆肉果然好大隻好新鮮😍 扁意粉煮得軟硬適中 微辣越食越想食🤤 炭燒美國極黑豬鞍扒拼香草牛油焗波士頓龍蝦尾 配燒汁呢個豬鞍真係好出色 大推！溫度控制岩岩好 豬肉唔會柴仲有肉汁 配埋芥末同燒汁 好好食呀😍 龍蝦尾好香牛油味 肉質係爽口彈牙 正👍🏻薯蓉係新鮮薯蓉 綿密既口感加上調味 好食😋 整體黎講 呢間chef’s stage kitchen 環境舒適 食物質素高 店員服務態度好 黎慶祝生日或者節日都好適合呀😬 埋單之前店員仲比左個硬幣我玩夾波波😆 最後夾到張飲品券🤭 有得玩又有禮物 開心的一天😬…Read More

今日朋友帶我嚟到呢間有board game玩嘅樓上Cafe 部屋咖啡室～一出𨋢就見到門口 全部都係梳化 感覺幾舒服～ 坐低睇睇餐牌 揀好就自己寫起一塊板 再比服務員落單🤣 食物種類都幾多 圖文並茂 好多樣嘢都想食 諗咗一陣終於都諗好啦～ 最後揀咗一個二人餐同埋加咗小食😬 八寶美顏花茶第一樣嚟嘅就係呢個養顏花茶 入面有玫瑰、紅棗、枸杞、桂花、同埋茉莉 夠晒養生 好適合女士🤭 仲有用小火熱住 真係好適合冬天飲 飲完暖笠笠😊 手沖冰波奶茶奶茶絲滑唔會好甜 有波波冰坐住 keep住飲都係凍 味道又唔會變淡👍🏻 西西里pizza即叫即整嘅手拉pizza 揀咗呢款用茄醬、辣肉腸、腸肉粒、蘑菇、同埋火箭菜 呢啲材料～ 手拉嘅面底 薄身得黎帶有煙韌口感 即叫即整熱辣辣 芝士仲要拉絲😍 好好味！ 黑松露雜菇意大利飯一上枱嘅時候超香黑松露味 睇到雜菇嘅份量都好多 味道適中 如果再多少少汁同埋個飯再煙靭啲就更加好啦😋 蜜糖雞翼勁好味！雞翼煎得啱啱好 搽咗蜜糖上面 真係好好食！ 炸蟹餅入面好似係蟹柳嘅肉 炸得香脆唔油膩 配埋酸甜醬 不錯～ 呢度有大量board game任你玩😇 整體嚟講 呢間 部屋咖啡室 環境不錯 服務態度不錯 食物質素不錯 重點係有勁多不同種類既board game 好適合一班朋友過嚟玩呀😌 …Read More

今日嚟到黃埔 經過呢間 讚好台灣 本身都鍾意食台灣菜嘅我哋 就決定入去試一試😬 睇睇餐牌 啲嘢食有埋相真係好吸引🤩睇咗一陣終於諗好嗌咩食啦😌 用呢張點菜紙自己落單 好方便😗 珍珠奶茶食台灣嘢必飲珍珠奶茶😬 珍珠煙韌有咬口 煮得啱啱好 唔會好甜👍🏻 奶茶叫咗走甜 配埋微糖珍珠 配合得啱啱好😌 小麥胚芽奶茶呢一杯都揀咗走甜 知道小麥胚芽對健康有益 見到其他枱都有人嗌呢杯 所以就想試吓😆 小麥胚芽好似細粒粒麥皮咁 細細粒食落口咬兩下 都幾特別😇 麻辣豐盛牛肉湯麵呢個湯麵一上枱已經好香！餸菜真係好豐盛 包括有 金錢牛腱、牛腩、牛筋、花枝丸、貢丸 全部牛都炆得好淋軟入味 麵條係粗麵 湯底非常濃郁 麻辣更加係越食越過癮😆 仲有兩嚿蘿蔔 吸晒啲湯汁 好好味🥹 滷肉香酥排骨飯好大塊排骨😍 食落味道啱啱好 望望吓覺得點解個飯有個形狀 原來係台灣形狀 真係好有心思😇仲有滷蛋同埋蔬菜 滷肉半肥瘦 唔會太鹹 米飯粒粒有咬口 配埋一齊食好好味😋 路邊攤小拼盤貪心的小孩咩都想試啲 呢個小拼盤包括有鹽酥雞、小香腸、花枝丸 特別推介小香腸 真係台灣嘅味道😗 甘梅脆薯真係啱啱新鮮熱辣整起😍 外脆內軟 粉皮唔會過厚 入面真係原味番薯 配埋梅粉好正👍🏻 整體嚟講 呢間 讚好台灣 食物質素不錯 環境不錯 下次想試埋佢嘅乾拌麵😊…Read More

今日嚟到元朗搵嘢食 元朗夜晚呢邊真係好多嘢食 揀咗呢間韓國菜 哦吧OPPA &POCHA 上網睇係韓國人打理 即刻好想試吓😇 坐低睇睇餐牌 圖文並茂 有中文有韓文有英文🤣 聽到佢哋係用韓文溝通 點知落單嗰陣原來佢哋都識廣東話😆 落完單好快小食就上咗嚟啦 估唔到呢度小食有咁多款 平時最常見嘅泡菜同埋菠菜 呢度仲有火腿薯仔絲、翠玉瓜 仲有兩款我喜歡嘅魚糕條同埋魚仔😬 韓式蔬菜炒粉絲熱辣辣即炒即拎出嚟 好香麻油味 粉絲煮得啱啱好 唔會一夾就斷 蔬菜木耳豚肉 炒埋一齊好香好好食～ 人蔘雞湯天氣涼涼地想食啲熱辣辣嘅湯飯 仲要人蔘雞夠哂滋補😌 一拎上枱個湯仲係滾緊架😍 大大隻雞 雞肉整得好腍又滑 連雞胸都唔會覺得柴 滿滿糯米飯 配上有淡淡人蔘味嘅湯食 配合得啱啱好 感覺好似喺韓國食緊咁呀 推！ 鐵板炒豬肉呢個大推！勁好食🤤 用濟州嘅豬肉已經好好食 特別想講係佢特調嘅汁 調得好好 用生菜包住嚟食 完美🥹 牛肉石鍋雜錦飯覺得整整齊齊既韓式拌飯好療癒😌 今次揀咗牛肉味 仲有蔬菜、豆芽、香菇 重點係隻雞蛋 撈埋一齊食 再加埋拌飯嘅醬 一啖一啖停唔到口😬 整體嚟講 呢間哦吧 食物質素不錯 環境舒適 店員服務態度好友善 下次會想嚟試其他菜式 或者韓式烤肉都吸引😗…Read More

一早知道 茉 嚟咗香港開咗好多分店 今日終於可以試到啦😋 知道朝頭早會好多人 特登夜晚先嚟飲😬 見到香港呢個餐牌都有唔少其他嘅選擇～ 平時飲開牛油果 今日就決定試吓其他嘢啦😗見到佢有鮮果上新 原來係我喜歡嘅藍莓😋 即刻決定要試試佢～ 落咗單都要等一陣 因為佢每杯都係即叫即做 超級新鮮👍🏻呢個牛油果仔好得意🤣 原來由11月2號開始 每日頭100杯有雙倍嘅牛油果😍 搵日要再嚟試吓先～ 藍莓乳酪奶昔 $45乳酪奶昔打得好幼滑 叫咗走甜 飲到新鮮嘅藍莓味 乳酪上面仲有幾粒新鮮藍莓 酸酸甜甜好好味😋 臨走嘅時候仲見到乳酪杯系列 下次買嚟當係甜品都係唔錯嘅選擇😌 整體嚟講 呢間 茉 店員服務態度好 嚟咗香港都一樣咁好味😋 味道選擇都好多 一定會再嚟試佢其他口味😌…Read More

今日朋友帶我嚟到元朗 食呢間港式火鍋 老闆火鍋冰室 一嚟到就覺得好有港式風味😗 坐低睇睇餐牌 晚市有放題😋 我哋揀咗美國安格斯牛頸脊套餐～ 我哋唔揀雞煲 直接揀埋火鍋湯底 揀咗椰汁花膠雞鍋～ 揀咗套餐同埋湯底之後 就直接出去拎嘢飲同埋調味料飲品選擇都有唔少😌 拎咗嘢飲就返去用QR code落火鍋材料啦😬 椰汁花膠雞鍋湯底好快就嚟咗～ 好香椰汁味 有好多花膠😍 店員仲好細心幫我哋教細啲個火 提我哋食咗啲雞先等啲湯滾咗 二話不說 即刻飲返碗湯先😍 好清甜嘅椰子香味😋 雞肉好滑 花膠軟腍腍有膠質 好味🤤 兩位以上入座 送星級海鮮拼盤 同埋即炸響鈴一份 估唔到係送大閘蟹😀 大閘蟹熱辣辣拎拎上枱 拆開勁多膏 新鮮又好味😗 即炸響鈴真係啱啱炸起就拎俾我哋 上枱嘅時候勁香脆 淥一淥就食得😌 美國安格斯牛頸脊呢個真係必點👍🏻 油脂分布平均 肉有牛味 淥幾秒就食得 更加厲害嘅係 淥耐左都唔會覺得柴 大推！ 炸芋頭呢個都係必點！炸完嘅芋頭外脆內軟 淥返熱 吸咗啲湯底 好入味😋 整體嚟講 呢間 老闆火鍋冰室 食物質素不錯 店員服務態度良好 食物種類有好多 喺元朗打邊爐都係一個唔錯嘅選擇😌…Read More

今日黎到銅鑼灣 去咗登龍街搵嘢食 見到呢間 麵館皇 門口睇到餐牌見到口水雞好吸引🤩 即刻決定要入去食～ 入去坐低睇睇餐牌 見到有期間限定嘅夏日之拌麵 即刻要捉緊夏天嘅尾巴😗 決定叫一個嚟試吓😬 四大名醋之鎮江骨鎮江骨勁香醋味 啲肉煮得好腍 勁易起骨😍 酸酸甜甜勁開胃👍🏻 藤椒麻醬拌麵主角黎啦😍 一上枱時超香藤椒同埋麻醬味！麵底揀咗拉麵 煮得啱啱好 煙靭有咬口 醬料勁足夠 撈晒成個麵 好夾好好食 大推👍🏻 溫馨提示：辣度好足夠🌶️ 怕辣可以試小辣先🤣 秘製麻辣口水雞 口水雞勁大份 仲要係雞髀位 超吸引😍 味道好足 雞肉滑 必點！揀左手擀麵 條條形狀都唔同 薄薄一片 吸埋啲湯汁 仲要用砂鍋上 食到最後啲湯仲係熱辣辣😋 香酥炸小雲吞跟餐加咗個小食～ 超迷你嘅雲吞仔😬 食落香脆唔油膩 不錯😌 蔥油餅大推！呢個蔥油餅勁出色🤤 建議一定要加雞蛋！煎得金黃香脆 加埋蛋香 一定要襯熱食！ 整體嚟講 呢間 麵館皇 食物質素不錯 店員服務態度好 一定會再嚟食佢嘅蔥油餅同埋拌麵😋…Read More

今日朋友帶我嚟到荃灣楊屋道呢間 麻辣年華 食烤魚🤩 入到去就已經聞到好香嘅麻辣味 勁有食慾😬 坐低睇睇餐牌 好快就落單啦😙 見到快樂二人餐做緊優惠價 即刻叫咗一個餐 唔使諗咁多🤣 黑椒牛柳串我哋揀咗微辣 烤得好香 肉又唔會柴👍🏻 至尊紅柳羊肉串羊臊味唔會超勁 半肥瘦 超好食😋 烤雞皮我哋揀咗小辣 烤得香脆唔油膩 脆卜卜一啖一塊😆 至尊水果茶必點！有800ml 啱晒食串燒或者烤魚 好大杯！入面仲有水果食 有西瓜、提子、同埋蘋果 配埋篤爛咗嘅西柚同埋檸檬 好清新呀😗 青檸金桔梳打清香爽口 酸酸甜甜好開胃！ 金銀蒜烤生蠔手掌咁大隻嘅生蠔😍 厚肉多汁配埋蒜蓉醬 真係冇得輸😌 脆皮烤魚主角出場啦😍 揀咗青藤椒湯底 一上枱嘅時候見到咁多青藤椒都嚇親 不過我哋叫咗小辣 味道啱啱好😇 加咗少少海鮮 有鮑魚、鮮蝦、魷魚、同埋蜆😋 全部都好新鮮 鮑魚彈牙 海鮮吸晒湯底真係好正😝魚係用咗江團魚 冇細骨 肉質鮮嫩爽口啖啖肉 配埋湯底 好夾！ 紅糖糍粑食麻辣嘢 點少得呢個糍粑😋 糍粑軟糯有咬口 配埋紅糖食一流👍🏻 整體嚟講 呢間麻辣年華 食物質素不錯 環境舒適 服務態度很好 老闆娘見我哋個烤魚滾得太勁 幫我哋裝起啲湯 等佢唔會滾瀉再倒返落黎 好細心👍🏻 見到佢有個烤羊架勁吸引🤩 一定會再嚟😋…Read More