drhelmsman的個人專頁

米籽 (新屯門商場)網址:https://s.openrice.com/QrbS0Rs0C00~uCv_fAw地址: 屯門龍門路55-65號新屯門商場2樓34-39號舖電話: 35862696=====================新開咗呢間餐廳，見餐牌幾吸引試下買外賣，買咗一個龍蝦海鮮泡飯，一個皮蛋芫茜魚片米線，價錢都唔算平，兩樣加埋120幾蚊，不過都算係份量好多好大兜，外賣包裝幾穩陣，不過兩個外賣就等咗成20分鐘耐咗少少。龍蝦海鮮泡飯睇幅相好正，但食落味道就一般，不過都算好多料，有蝦有魚片咁皮蛋芫茜魚片湯幾好飲，係鹹咗少少，但米線好生，真係要改善，我自己返屋企要再煮。。浸極都係硬…查看更多

焼肉 焰網上訂座享8折優惠兼賺Rice Dollars 網址: https://s.openrice.com/QrbS0Ea4B00~uCv_fAw地址: 屯門屯順街1號屯門市廣場1期2樓2253A號舖FOODMAZE內電話: 23303881星期日嚟到屯門市中心，估唔到超多人，所有餐廳都要排隊，呢間食燒肉竟然唔使排隊，同埋見到拉麵有六十幾七十幾蚊，價錢唔算貴入去試下啦，個拉麵係唔好食嘅😅不過燒肉套餐就好抵食150幾蚊，服務員超級忙，要自己出去斟水，不過價錢唔算貴唔使排隊食到餐飯算係咁㗎喇，最後一家三口食咗三百蚊左右。…查看更多

大本瀛日式放題旺角西洋菜街1號兆萬中心10樓全層好耐冇食過放題，記得以前係兆萬中心有一間好好食，啤酒任飲，刺身又好食嘅放題，但已經唔記得咗幾多樓，今日屋企人生日，一家四口去到兆萬，原來幾層樓都係做放題，咁我哋就睇相片，上到10樓食呢間大本瀛。一入到去感覺好殘舊，星期日下午居然冇乜客人，其實都有少少想走，但係婆婆已經拖呀女入咗去，原來全間舖子有一張bb櫈，仲要好污糟，都明白嘅，應該好少人帶小朋友嚟食放題？刺身嚟到都算唔錯好大盤，有五六樣刺身，但其他熟食就真係好一般，上得最快係壽司同麵，每張紙我哋都剔咗少少，但好耐都未見上枱，有啲嘢食已經食完，我哋想再叫，所以再入紙啦點知職員話唔收，佢話因為我哋張枱冇位，唔會畀我哋再入紙，其實我哋只係嚟咗好少嘢食，除左刺身，全部都係麵同壽司，唔係我哋亂咁叫叫得多，係佢啲碟大。。。。唔食曬又唔收，講到好似我哋浪費食物咁 。。即係我哋唔食曬啲壽司同麵，就唔會上其他小食畀我哋？🫠🫠而家食放題係咁樣嘅咩。。。？另外，洗手間只有兩格，好窄好迫，唔係太整潔，我地都唔會再去呢度食放題…查看更多

Chicken Factory (海趣坊) 網址: https://s.openrice.com/QrbS0PyK5W0~uCv_fAw地址: 屯門湖翠路168-236號海趣坊1樓S46-S48號舖電話: 24773200原來寫食評都幾好玩，橫掂一日三餐都要出街食，今日午餐去咗海趣坊入面搵嘢食，呢間36蚊有個迷你焗飯配一支嘢飲都唔錯個飯就等於平時嘅焗豬扒飯一半，原來真係好迷你，不過味道就好好食夠曬多料有好多款果汁任揀免費，呢枝係紅菜頭汁，淡淡地唔錯…查看更多

Mamma Mia 意粉屋 網址: https://s.openrice.com/QrbS087S800~uCv_fAw地址: 屯門龍門路43號龍門居120號地舖電話: 53479668平時行過呢間舖頭見到意粉都好貴所以完全冇諗過買嚟食，無意中發現原來外賣平台買有八折，大概50分鐘左右送到，外賣包裝盒都係紙質做嘅，估唔到都幾好食啲汁都夠多，意粉質地係偏硬，推薦黑松露意粉，趁熱食，都幾好食，不過如果收正價我就未必會買。…查看更多

泰興旺屯門龍門路45號富健花園地下59號舖今次係我第一次寫食評，估唔到係因為一間屯門小店，令我有衝動開返個帳號出嚟寫食評同感受，啱啱去完泰國返嚟唔知做乜嘢好鬼想繼續食泰國嘢，但係去埋九龍城都食唔返嗰種感覺,今日行過呢間舖頭，其實原本覺得好似唔係好乾淨，因為喺佳寶隔離好細，但竟然又有幾個人喺度等外賣喎，咁我就試下買嚟食啦，估唔到可以食返泰國食嗰種味道！點樣形容食物我又唔係好專業所以唔識講，但我覺得佢哋好親切應該係家庭小店，除咗菠蘿炒飯一般之外其他我都覺得好好食，加油…查看更多