積仔記ShareFoodxd's Profile

✨️今天推薦和介紹一間位於西營盤高街，吃烤龍蝦的好地方就是「Lobster Shack」，餐廳內的牆壁以海鮮主題，有魚，有龍蝦，有八爪魚等，幾有Feel🤭再加上今天人客不算太多，比較寧靜，坐得也舒服😄✨️今天我和女朋友兩位來吃，點選了兩份Set dinner, 一份就是「Grilled Whole Lobster 450-500g)，另一份就是「Lobster Mac & Cheese」。每份Set dinner 都包括餐湯，前菜是生蠔配魚餅，蛋糕甜品。✨️餐湯有兩款，一款是龍蝦湯，另一款是海鮮巧達濃湯。個人覺得兩款都好飲，一款好香濃龍蝦味，另一款好像在飲周打海鮮湯的感覺，有魷魚肉吃。✨️前菜方面，我們不太愛吃生蠔，服務員把前菜轉成4粒泰式魚餅，咬落去卜卜脆，彈牙好食🤭✨️主菜龍蝦是450-500g,今次膏不算多，但都算大隻，龍蝦鉗大大隻又淡淡肉，香脆薯條和沙律。聞落去烤得好香🤭不過如果多膏啲就完美。我上網也看到其他網友吃過分享過的食評也是多膏。✨️另一款主食是龍蝦芝士焗通心粉，芝士拉絲和芝士味好濃😄份量十足又熱辣辣，真係焗得好好💞✨️最後甜品吃了一件芝士蛋糕，提拉米蘇蛋糕，個人覺得提拉米蘇蛋糕較好吃，香濃咖啡味，我中意😆✨️看完有興趣來吃的網友們，歡迎來吃呀。真係好食又坐得舒服。服務員又有禮貌，仲可以慢慢坐傾下計，沒有用餐時間限制。📍Lobster Shack (西環)📍西環西營盤高街48-78號恆陞大樓地下…Read More

✨今日推薦和介紹一間是以Chiikawa吉伊卡哇做主題的拉麵店，非常高人氣，大家需要透過網上預先預約訂座，因為真係好多人排隊想吃，就算訂座了也要排隊安排入座，今天幸好只需要等候20分鐘。✨️餐廳都好大間內有好多位，沒有用餐時間限制，而且周圍的裝修和佈置都是Chiikawa主角，例如:「兔兔，小八，小白，飛鼠等」超可愛，服務員也好人，就算他們好忙碌也會幫我們與Chiikawa拍照😍氣氛非常好，好像好多Chiikawa公仔們與我們一起吃拉麵😂好開心的感覺💯今次看到好多都是一家人親子帶埋小朋友們來用餐🥳✨️今次我們點選了一碗拉麵小(小八)，另一碗是拉麵大(兔兔)。飲品叫了哈密瓜汽水和黑烏龍茶。拉麵小(小八)的麵底是200克，拉麵大(兔兔)的麵底是300克。我平時自己覺得自己都食得多嘢都差一點吃唔唒一碗300克拉麵，真係好大碗😂我們兩碗都是叫了多菜，多蒜，多豬油，多醬油。結果賣相成座山咁碗拉麵😂好多芽菜，豚肉一塊😆豚肉好厚身，有肥肉也有少需瘦肉，我就中意吃瘦的部份😂肥就讓給朋友吃吧😍不過濃底是香濃的，拉麵也爽口也是粗麵質，有口感可以吃到爽爽聲。拉麵賣相也非常靚，一定要相機先食吧😍✨️可能餐廳知道或預計到大家會食到「爽爽聲」，所以餐廳每人都有派圍裙給大家使用，就不用擔心彈到落件衫度了😍💯✨️餐廳仲有免費送Chiikawa 貼紙給我們取走留念。另外，餐廳也會按大家叫的拉麵給打卡專用小八，小白，兔兔道具，讓我們打卡拍照更靚。不過，今次我們也帶備了兩隻迷你小八公仔陪我們一起吃拉麵🤣真係好吃又好開心既氣氛，中意Chiikawa既Fans不要錯過🥳📍吉伊卡哇拉麵📍亞皆老街8號朗豪坊12樓13號舖…Read More

✨今次介紹和推薦我們吃過又感到好味道的一間日式餐廳就是KEIBA by sensory ZERO聯乘香港賽馬會開設，所以需要年滿18歲才可以進入，門口也有保安提示。✨️我們被餐廳的招牌甜品吸引著，而且仲要買一送一，它就是「一生最高之焦糖布丁」，賣相非常精緻，雪糕有不同的口味選擇，我們喜歡吃雲呢拿(原味)，布丁旁邊的生果也好甜，怕酸的朋友可以與雪糕一齊食🤭🥳✨️晚餐主食方面，我吃蒲燒鰻魚特上便當定食，跟餐已包括一個田園沙律，味憎湯和配菜。同時，我和女朋友也是比較喜歡吃炸薯條，所以就跟餐價加$38蚊就點選了一客炸薯條配黑松露沙律醬。當服務員幫我們打開定食時，看到蒲燒鰻魚的份量有飽滿的感覺，見到都有滿足感。蒲燒醬汁不太多但勉強足夠，鰻魚淡淡肉，魚細骨不多，很好🥳薯條的份量非常驚人，黑松露醬很濃，薯條很香脆，咬落去卜卜脆😍💞✨️我女朋友就是吃燒帆立貝配日式香蒜醬温泉蛋🥳麵底是烏冬，帆立貝大大件，烏冬彈牙爽口🤭✨️最後，餐廳的裝修有很多得意的Q版馬仔🤭坐位較多服務也很好😍值得推薦。門口有一個美食賣相參考模型，到時看看能否吸引大家吧🥳📍KEIBA by sensory ZERO (新春園大廈)📍灣仔春園街59-65號新春園大廈地下1-3號舖…Read More

✨️今日介紹和推薦一間位於港島區的韓式料理，英文名是Seoul Noodles，他的正式店舖名是用韓文字的，我們只是經過見到有位又肚餓就入去試下，裝修又不錯，餐廳又大😁點知道入到佢有服務員用好正宗韓文好有禮貌地向我們打招呼😱之後用英文介紹他們的介紹菜，我上網睇下發現原來咁多好評。而且，他們都有幾間不同分店。✨️今次我地食左牛肉麵和牛肉石鍋飯，再追加豬肉餃子和泡菜餃子。第一次見他們的石鍋飯的賣相😱熱辣辣上枱，肉多，飯煮耐少少有少少飯焦，好味😊不過，上網見餐廳出名吃傳統韓式刀削麵，咁就叫下佢地啲麵😁我見旁邊枱吃辣麵吃到流汗，相信應該好辣😝咁我地唔係好食得辣就揀不辣的牛骨湯麵，湯底食得出真係用牛骨既整既，不要味精湯底，食完唔覺好口渴就知。佢地的麵底多和爽口😍食麵仲包埋迷你飯😱夠哂飽💯✨️餃子方面就非常好食，個人覺得他們是自己包既，因為佢地啲餡超級多，好肥既餃子。泡菜餃子也是好多泡菜餡，好辣🤭大大隻，不算貴。✨️餐廳有圍裙提供，真係好細心，可以比愛食辣的人士，不用擔心彈到件衫度一點點😅✨️餐廳可以免費再追加泡菜，中意食泡菜可以叫店員再添再食🤭不過我記得我試過在首爾食韓國嘢，都係免費添食泡菜，仲係自己夾自己拎❤️衣啲真係真正韓式文化🥰值得推薦💯🥳📍Seoul Noodles (金龍中心)📍上環德輔道中188號金龍中心地下1, 2及6號舖…Read More

✨️今次介紹和推薦一間位於港島區的日本涮涮鍋名是狸小路北海道涮涮鍋壽喜燒和牛專門店名，是一間在網上接近有一百個好評的日式餐廳，今天我們吃下午又沒有訂位，幸好還有最後兩張枱，不用等位😊✨️今次我們兩個人分別叫了兩個不同的湯底試下，一個是「北海道海膽高湯」。另一個是「北海道牡蠣高湯(含一只牡犡」。個人覺得中意食和超級愛食海膽的人士必食，首先當湯底滾後先飲一淡好鮮甜的海膽湯再吃一口海膽肉🤣超完美。牡蠣湯一水滾就要即食隻牡蠣先，咁食先較大隻😅否則過火就縮水了。✨️今次我們叫了兩款不同的北海道十勝產黑毛和牛套餐，一個是「霜降A4+ 190克」。另一個是「頂級西冷A5 190克」。個人覺得霜降A4+肉層比較結實。頂級西冷A5真係好食好多，因為食落去油份好多，入口有即溶的感覺😍真係食到質素出黎，但就比較昂貴少少🥳一分錢一分貨❤️再者，餐廳介紹頂級西冷A5是稀有的部份😱所以真係值得試下💯赤身我地今次就冇食到，不過餐廳介紹是肉質比較瘦，油花少，牛肉味較重。下次如果再黎食就赤身A4+🥳✨️和牛套餐仲有配菜，烏冬，如果再唔夠飽就可以額外追加嘢食，例如:「烏冬，䐁五花，豚肩等」。下次我應該要追加䐁肉，試下他們的豚肉質素又如何🤣🤣到時再分享食評給大家😍✨️最後服務員見大家食哂就自動上埋甜品，跟和牛套餐包既，就是朱古力味既蛋卷一個🤭正😍✨️餐廳有送飲品但要讚好(Like)再加出故事帖子(Story Post)就有得送，今次我就叫了巨峰葡萄梳打，解下口渴🤭反正免費不用錢😝📍狸小路北海道涮涮鍋、壽喜燒、和牛專門店📍禮頓道128-138號希雲大廈地下4號舖👣銅鑼灣港鐵站F1出口步行10分鐘就到啦🥰…Read More

✨今次分享和介紹我地在東方文華酒店食自助餐晚餐，今次買二送二平均每位$543蚊，可以用咁優惠既價錢食到五星級水平的自助餐，真是十分值🤭✨這裡有我最中意食既龍蝦，麵包蟹，長腳蟹，新鮮鮑魚，生蠔，本地凍螺，青口，非常新鮮❤️麵包蟹又大隻又多膏，我自己一個人都食左3隻🤣鮑魚又大隻又好淋😱好爽口，一啲都唔硬🤭生蠔有大隻有細隻🤣我本人中意食細細隻食到個感覺又可以留番個肚去食其他嘢😆個人建議50%食海鮮類美食，40%食熱食，5%食甜品，5%食沙律🥳✨️仲有其他不同美食，有即製意粉，即切烤牛肉，有刺身例如三文魚，甜蝦，吞拿魚，鯛魚，北寄貝。有三文魚壽司，甜蝦壽司，玉子燒壽司，腐皮壽司。有巴馬臣芝士輪凱撒沙律，內含煙肉，芝士粉，脆麵包粒。✨️仲有好受大家喜歡既海南雞及豉油雞🤣因為每次一出就搶食雞脾😆仲有泰式麵檔，仲有不同款式既甜品蛋糕等等好多美食不能盡錄😍✨️最後記得每人都包一杯飲品，我地叫左凍泡沫咖啡和凍檸檬茶。個人覺得建議叫咖啡類，我覺得酒店既咖啡都幾好飲，有啲質素，好過叫凍檸檬茶，好似比較普通。📍香港文華東方酒店 Clipper Lounge📍地址：中環干諾道中5號M層🕒用餐時間：第一輪 18:00 - 20:00 / 第二輪 20:30 - 22:30…Read More

✨️今次介紹和分享一間位於將軍澳海天晉匯一樓的Das Bier 德國餐廳，是吃德國菜為主😍餐廳有室內位置「有冷氣」和室外可以望到海景也可以坐，而且裝修氣氛都好有Feel👍餐廳沒有限用餐時間，可以慢慢食慢慢飲下啤酒，傾下計咁就一晚🥳✨️今次我地兩個人來吃，首先散叫了一份德國鹹豬手配酸菜及薯仔沙律。之後再叫一個晚餐就是大蝦牛油果忌廉意大利麵，再加$40元轉套餐，有頭盤是煙三文魚沙律，是日餐湯是南瓜湯，本來想跟餐升級指定啤酒加32元，比較優惠。但是，佢地冇我地想飲既黑啤選擇😅所以最後個餐叫左凍檸茶，再散叫一杯小麥黑啤啤酒 (Erdinger Dunkel)😍✨️我地最中意食當然是德國菜必食的鹹豬手，一份兩個人夠哂食差少少，豬手個皮勁香脆，咬落卜卜聲，豬手肉大大件，淡淡肉，配埋酸菜再加埋芥末醬一幫食，超好味🥳值得推介比大家網友們必食😍CP值真係好高🤭✨️大蝦牛油果忌廉意大利麵，雖然隻蝦得三隻和細個少少，但啲意大利麵好入味👍✨️就算大家食飽左也可以考慮一下來飲下酒傾下計。我見佢地有推廣優惠就是中午食午餐，可以無限添飲咖啡😆📍德國餐廳 (海天晉匯)📍將軍澳唐俊街28號海天晉滙1樓102號舖📍港鐵將軍澳站 A2 出口, 步行約15分鐘📍營業時間: 星期一至日 11:30 - 22:00📍餐廳預約方法:致電2219 9938 電話訂座…Read More

✨今次介紹和推薦一間位於日出康城商場三樓的TOKENY韓式燒肉料理店😍今日我地吃午餐，餐廳都算大間裡面枱都比較多，好多枱同時正在燒烤也沒有好大油煙味，通風良好🤭✨️餐廳散叫為主，今次我們來吃烤肉，所以選擇了「乾式熟成安格斯牛小排200g $198 」，「乾式熟成五花肉200g $98」，「足一磅韓式牛排骨 $288」。真是估不到原來叫「足一磅韓式牛排骨」會有服務員手持一把好大的尺來讓我們估計他們的牛排骨有幾長🤣長度是多少？估中和估唔中都沒有獎品😄🥰 今次我地份牛排骨都有大約60cm咁長😂服務員話佢曾經見過有塊成90cm咁長😆✨️餐廳的特色就是凡叫烤肉BBQ，就有專人幫我地親手燒埋比我地食，佢地都燒得幾好。燒牛小排和牛排骨我地揀左7成熟，個人口味和中意食。✨️個人覺得最好食的就是燒五花肉，因為五花肉油份好多和淡淡肉。牛小排就是好厚身和好厚切，就算好厚都好淋，好易入口，沒有好硬和好難咬開的感覺😆 牛排骨就比較薄和大塊👍烤得好香口😍雖然有少少根，不過都係正常既😊✨️之後，我地仲散叫了一客「乾熟成牛肉紫菜卷配椰菜絲沙律 $78」，估不到牛肉好淋，好配搭👍有八件，每次都好像反卷咁大😂大家可以不用叫白飯或紫菜飯，食紫菜卷就可以了😍食埋就真係夠唒飽😄✨️最後當我地食飽結賬後，服務員都送三個代幣，因我地三個人，每人一個代幣去玩夾公仔比大家免費玩三次😆雖然夾唔到，但可以過下手癮幾特別💕如果惠顧「乾式熟成豬肉拼盤」就可以玩扭蛋機就可以輕鬆地一扭即中獎品🥳📍TOKENYO韓式烤肉料理📍康城路1號The LOHAS康城3樓334號舖📍交通資訊: 康城地鐵站B出口再搭電梯或扶手電梯上3樓再行去334號舖📍營業時間: 星期一至日 11:30 - 22:30📍餐廳預約方法: 致電2619 1020電話訂座…Read More

✨️今天推薦和介紹一間位於又一城商場內的王家沙。今次這間餐廳吸引我們入去食的美食就是蟹。個人覺得這裡的蟹粉浸小籠包是吸引和多蟹粉汁。食法是同我上次在上海食是一樣，不過上海比香港更昂貴。小籠包有五件，每一隻都完全浸哂入蟹粉汁，蟹黃多，好正。如果再散叫碗白飯，仲可以食埋蟹粉拌白飯😊✨️之後我地仲叫鮮拆蟹粉蟹肉粉絲煲，金銀蛋浸時蔬，石鍋鮑魚飯。鮮拆蟹粉蟹肉粉絲煲幾野味，蟹粉又多又入味，蟹黃又多，粉絲入哂蟹粉汁💕好食🥳✨️甜品方面是酒釀小丸子。個人中意吃小丸子或湯圓類的甜品，所以才揀酒釀小丸子，都夠香濃既酒味。我見到最多人吃都是高力豆沙。有四件，內餡是豆沙，外有砂糖，大大件，好食。不過我地太飽，食唔到冇叫🤭✨️如果有興趣就吃下啦。秋季蟹季是一下吧🥰📍王家沙．花好月圓📍達之路80號又一城G樓G-23號舖…Read More

✨️西環高質咖啡店「不籽是咖啡」☕坐得舒服又寧靜😁飲咖啡享受下午茶💯✨今天推薦和介紹一間位於西環藝里坊的一間坐得舒服又寧靜的咖啡店就是「不籽是咖啡」。聽佢個名就知道不是只賣咖啡咁簡單😆仲有意粉，烏冬，小食，窩夫吐司等。✨️今次我們在這裡吃下午茶傾下計，我們吃了一份乾炒大蝦蒜香意粉。飲品就叫了一杯焦糖咖啡，紫薯牛乳😆✨️下午茶的份量就不算太大碟，不過真係炒得幾香又唔太油，大蝦算可以呀😆焦糖咖啡好甜好香濃焦糖味，有拉花靚靚圖案。紫薯牛乳果杯就牛乳味多過紫薯味少少，紫薯味多番啲就會再好飲啲😁💯✨️這裡沒有用餐時間，可以當咖啡店買番飲品傾下計，看下書或用電腦工作也可，體驗文青愉快的一天😍📍不籽是咖啡📍西營盤忠正街8號藝里坊・1號地下1號舖…Read More

✨今天推薦和介紹一間位於銅鑼灣區的西式餐廳就是「Arcadia」。它在網上的評值是一間好評分好人氣，而且非常適合在這裡慶生的餐廳💯✨️今天是我女朋友的正日生日帶佢黎食，佢都好滿意，今日真係好有氣氛，場內有好多漂亮的打卡位，例如:「熱氣球好靚」，好多可發光的生日牌。今天見到好多壽星仔女都在我地旁邊吹生日蛋糕😂仲有驚喜就是餐廳也有送一張即影即有相💞好靚可以記錄開心的時光和回憶。✨️今天我們吃了Arcadia Festival 二人晚餐，前菜(三選一): 我地揀選香煎鵝肝配焦糖洋蔥吐司(兩件)。開胃小菜(三選二): 意式薄切生和牛片和香煎日本刺身帶子伴三文魚籽。主菜(四選二): 美式豬肋骨配香辣菠蘿莎莎醬(半份), 澳洲MB2金箔嫩牛柳。甜品: 日本芝麻芝士蛋糕。飲品就叫了雞尾酒" 一千零一夜" 和 Mocktail: Bananananana。✨️首先餐廳先上雞尾酒"一千零一夜"，服務員叫我地拍攝影片有超級靚的視覺效果，神燈好靚賣相，又有煙噴出來，好型😆飲落去好甜不覺得自己有飲酒的感覺💞它是這間餐廳招牌酒😆✨️然後就陸續上前菜，鵝肝前得好香，完全唔腥，好味道🤭配埋吐司好夾😂開胃小菜既生和牛片，口感好特別，第一次食。帶子三文魚籽，就大大隻😆主菜，牛柳叫了五成熟，好淋，好香，入口即溶的感覺，好厚，厚切牛柳🤭豬肋骨就啲汁好食，好多件淡淡肉，唔錯😆✨️甜品是日本芝士蛋糕，生日可以免費寫生日字句和有生日蠟燭送，開心😂✨️餐廳有室內室外位置，有海景位💞室外打卡位也是好靚🤭📍Arcadia📍銅鑼灣登龍街1-29號金朝陽中心二期 - Midtown 30樓…Read More

✨️今天介紹和推薦一間位於將軍澳中心地下的西式餐廳就是「Table」，它是一間在網上都是評分較高的餐廳，經常排長龍等候用餐。✨️這裡沒有晚市套餐，主力是散叫為主，不過餐廳在星期一至四有提供不同的優惠，例如薄餅半價，無限暢飲梳打，免費薯條一客等。✨️我們點選了一個鰻魚薄餅，小食拼盤，香蒜蜆肉意粉，厚切牛脷咖喱蛋包飯。首先，真是估唔到他們的份量咁大，碟碟都擺滿，不是碟大咁簡單。✨️小食拼盤有薯條，雞中翼四件，吉列炸蝦四件，香腸一條，炸豆卜四件。我們最喜歡吃香脆炸物，覺得黎到吃西式餐廳係要食下薯條😆薯條唔油好脆😂✨️個人推薦大家必吃厚切牛脷咖喱蛋包飯，原因就是他們的牛脷又大塊又厚切，又多件，竟然有六大件，仲要咬落去好淋💯咖喱汁少少辣，整體是幾正既口味😍✨️鰻魚薄餅方面，他們餅底好脆，芝士香濃，好似在吃餅乾一樣，是薄批😆幾特別既口感，下次再吃🤭✨️香蒜蜆肉意粉，蜆肉多多，香蒜味濃。✨️餐廳位置不多，但坐得舒服🤭📍Table📍唐德街9號將軍澳中心G樓G87及G90號舖…Read More

✨️今次吃荳子冰室鐵板扒餐，叫左一個二人鐵板餐，包甜品飲品，有懷舊啫喱糖，好耐冇食了🤭芒果布甸，感覺上叫啫喱糖著數好多，因為份量大。✨️鐵板叫左肉眼和鑊仔牛柳，都係好淋，牛扒可以擇三成，五成，七成。我地揀左五成肉眼，七成牛柳，配薯條。如果想吃飯，意粉額外加$10就有得吃。個人覺得如果你們兩個人來吃，就吃鐵扒餐，算平了。✨️我們三個人，另一個散叫鐵板牛柳，都是淋又大塊，好吃，算是整體有驚喜，唔快之得咁多人排長龍也要來吃吧。…Read More

✨今次推薦和介紹一間在旺角區高人氣高評分的咖啡店就是蟲二(Poach)。今次逛街見天氣炎熱和行到累了，想找一個地方可以坐下休息又可以品嚐番飲咖啡，就決定來蟲二咖啡店。✨️咖啡店有室內和室外位置，也有榻榻米位置，地方大又寧靜。最近因為是中秋節，這裡擺放了多款中秋燈籠，幾靚😆✨️今次我們叫了一杯熱小白咖啡(Flat White) 和一杯熱摩卡咖啡(Mocha)。雖然他們製作的摩卡咖啡賣相沒有拉花精緻圖案，而是撒上了可可粉在咖啡旦。我飲得出他們的朱古力是用黑朱古力來製作，因為個杯底是非常苦和濃味😂而且是大杯裝🥳✨️Flat White 就有拉花心形圖案，細杯裝，飲落去有香滑的口感。✨️餐廳有免費書本可以在場內閱讀。而且，整體環境寧靜，好舒適的感覺。除了飲咖啡外，咖啡店仲有多款不同口味班戟，多款冷麵，牛肉湯鍋，多款日式便當等，可以考慮在此吃晚餐和午餐，也是不錯的選擇😂📍蟲二📍旺角上海街618號頂樓…Read More

✨️今次介紹和推薦一間在將軍澳中心新開張的綠茶餐廳，是一間連鎖式的江浙菜式餐廳，聽說它在內地是比較多人氣好評的餐廳。✨️今次我們品嚐了他們的菜式有五色臘味焗飯，麵餅醬香五花肉，雪菜酸湯魚片，花菇燒豬手，筆墨酥香，粉絲裹蝦，土豆芝士塔，喉口鮮肉包。✨️個人覺得五色臘味焗飯，超好吃，一上枱已經嗅到煲仔飯的飯焦味，如果想吃到飯焦可以等一會再拌攪就可以。我地就是咁吃到飯焦。臘味足料，中意吃辣可以落辣拌攪。✨️其次是雪菜酸湯魚片，魚片切得好大塊，又彈口又有少辣的口感，內有粉絲，幾好，熱辣辣上枱。✨️比較有特色是筆墨酥香，它的外觀就像一支筆，墨水是朱古力醬，我試過輕力可以寫到字的，甜甜地又鹹鹹地，又好香脆，可以當甜品食😆✨️粉絲裹蝦的蝦好彈口，爽口，個醬汁好濃蝦味😍✨️最後，燒豬手煲都還可以，豬手都足淋，口感幾好😊✨️土豆芝士塔和喉口鮮肉包就比較一般和普通，下次再光臨想吃綿綿冰和飲熊仔特飲，外觀賣相好特別💞✨️餐廳採用手機自助下單，用餐時間限時90分鐘。餐廳內部裝修主題比我感覺是以大自然園林為主題，幾有特色。📍綠茶餐廳📍將軍澳唐德街9號將軍澳中心G樓G27-G28號舖…Read More