cwaikong's Profile

今朝叫咗個 南洋咖央多士早餐（$35），收呢個價錢，但成個set嘅主食咖央多士啲咖央少得可憐…有一塊幾乎冇 。。。 好過份呢個餐，俾$30 都嫌多，真係冇下次.其實講到呢度冇咩想再講，但又要人寫最少80字。…Read More

突然想食炸魚薯條，搵下搵下就搵到呢間。叫咗炸魷魚圈, 炸蝦, 同炸魚薯條. 全部我都覺得好食, 除咗薯條個汁....可能純粹唔啱口味..不過呢個食評, 最想講嘅係位店員好細心. 朋友食食下突然係咁咳, 位店員主動送上一杯水俾我朋友。 窩心之舉，令人留低好正面嘅印象。…Read More

 元朗區嘅精品咖啡店, 真係冇乜邊幾間。第一間諗起多數會係近朗屏站嗰間，不過今日唔想去到嗰邊。喺呢度search 咗一陣，就見到呢間個樣幾decent，同埋位置啱我今日行程。所以決定嚟試下。不過我根據OPENRICE 所提供嘅地址，搵咗一陣，至知道如果呢間CAFE係喺書局入面。 今日係閒日，所以都唔多人。睇完MENU，覺得佢啲SET都幾抵咁。最後揀菠蘿邪SET (菠蘿包+咖啡牛油+MOVENPICK雪糕+新鮮菠蘿片) ($52)好~~ 入正題。杯latte 啲奶打得滑，都夠濃，up to standard 啦。講個菠蘿包，其實我覺得個配搭ok的。雪糕係MOVENPICK已經好食; 咖啡牛油幾得意(唔苦的，放心)；新鮮菠蘿片硬咗少少，同埋比較酸，應該未夠熟?? 至於個菠蘿包...... 係完全唔熱的。但我認我食之前係幫佢影咗幾張相，同埋 我等嘅時候係有聽到 "叮" 一聲，我估佢應該係有焗返熱掛....一路食嘅時候，中間嗰3樣餡係走唔埋一齊.... 到我食到LAST嗰啖，牛油依然係冇溶到(咁佢同雪糕放埋一齊都正常嘅)，唯一係雪糕一路溶落塊菠蘿，但塊菠蘿隔住咗，啲雪糕係流唔到落個包度.....我心目中呢個甜品嘅形態(唔考慮賣相)，係烘到熱辣辣嘅菠蘿包嘅中間，由上而下:  厚砌咖啡牛油，慢慢被包嘅熱力溶化；跟住就係香甜新鮮菠蘿碎/粒；至於個雪糕我覺可以係on-the-side ，等啲客自己食嘅時候塗上包度食，咁個包唔駛凍得咁快，可以維持冰火效果耐啲... 咁食落去成件事就好harmony~~ anyway，如果想試嘅朋友，可以試下叫店員將個菠蘿包整熱啲，睇下效果如何~~~…Read More

成日出旺角，見到呢間CAFE 裝修簡潔，又未試過好多人POST嘅竹炭LATTE，今日有空檔時間，同朋友嚟試試。叫咗兩杯 竹炭LATTE(大SIZE), 朋友嗰杯要almond milk，跟住芝士黑松露炸薯條(P.S. 朋友係素食者，所以同佢討論有芝士的話係咪要轉ORDER 時，店員表示芝士可以分開上，呢種細心我十分欣賞)，同埋店員推介嘅tiramisu。先講咖啡，烏卒卒嘅竹炭加鮮奶嘅顏色對比，係好好睇(其實有啲似芝麻糊)，不過飲落成杯嘢，都好淡味，咖啡味好弱(唔知會唔會因為大SIZE但落咖啡嘅份量一樣)。薯炸上時熱辣辣，都幾好食，如果個芝士醬濃返少少就更好，因為就算沾咗較多黑松露醬嘅薯條食落都覺得差少少味。至於Tiramisu，因為趕時間而冇影到，不過大家都好易喺其他食家嘅相睇到。整體味道都好，我亦喜歡佢係creamy 唔覺有魚膠粉嗰種質感。唯一個手指餅可能吸咗咖啡多咗啲，令杯tiramisu 底部啲稍為太濕。遲下都會再去試下其他食品同飲品，希望到時個咖啡會好啲。…Read More

洋蔥豬肉餃 - 皮薄餡多，洋蔥甜而不辣，湯底似出前一丁麻油味湯底。至於跟餐杯豆漿，好難飲，好似溝咗好多水落去咁…我寧願佢畀杯茶我～之前都試過啲小食，個人覺得四喜烤麩比較好食。…Read More

之前見佢喺粉嶺中心同名都之間條橋放咗 易拉架, 就諗住去試下。祥華邨喱邊實在太少嘢食了.... 入到去，都已經有唔少人。店員俾咗個MENU我, lunch hour基本上只有漢堡，但上面寫住早餐會有三文治, 仲有下午茶.結果叫咗個烤焗磨菇漢堡 set, 加$8轉飲latte。佢有一位咖啡師，畫啲花都幾好，仲有， 都好有禮貌。主角嚟了，個包熱辣辣，咬咗一淡，再輕輕撳下個包，都睇到啲肉汁少少流出嚟，個漢堡嘅調味都適中，仲有少少黑椒味。個磨菇都好juicy，仲好熱tim~~~至於薯條，都唔錯。但我個人比較喜歡連皮薯角，都喱隻都啖啖肉。最後埋單係 $66 ($58 set + $8 ) latte 要另外加錢。而$58 喱set係最貴一款，佢有啲係大概$45 /set，更加抵食。服務: 店員都好有禮貌，差唔多枱枱客離開時都大大聲講"多謝"。…Read More

I ordered a Shakerato and the Barista suggested to add cucumber syrup.The coffee was very tasty and refreshing! The sweetness was just right. I never thought the flavor can go so well with coffee.The guys there are very friendly and they like to know what people think about their drinks.…Read More

一向都知道哩度有間細細cafe，XMas 出街前想食啲嘢、飲杯啡，就過咗嚟試下。冇影到相，不過睇其他食評都有。叫咗一杯 LATTE 同 一份 碎蛋沙律法包 LATTE- 奶溫適中唔會過熱。如果杯latte 係熱到辣嘴就非常之唔合格.- 面層crema 有nutty香味- 飲完都好滿足到latte慾- 絶對好飲過starbucksps: 我平時飲開 旺角嗰間 knockbox cafe，覺得佢啲latte係更濃, crema更香。但佢serve size係細杯啲，好似係 8oz。不過我覺得哩度其實都已經係好好飲~~~碎蛋沙律法包- 個包烘得好脆口，中間軟軟地，上碟時聞到有啲香味。- 個碎蛋沙律都較得好好，沙律醬唔會過多，搞到一pat pat。- 份量我個人認為滿足到一般男仔食量 (下午茶)ps: 試過第二啲地方食法包，外面好硬，但中間好韌，要用力'扯'開個包至食到，所以覺得佢個法包好好食。…Read More