merseyknight's Profile

之前經過利東街時就留意到就黎新開一間crepe專門店，正式開張之後就迫不及待book位約埋啲朋友去試下。既然系crepe最出名，就一定系鹹crepe開始，甜crepe結束。Savoury Crepe有好多選擇，豬牛雞蝦帶子全部都有，啱曬啲揀食嘅朋友，唔揀食嘅朋友就可能會有選擇困難症啦。我地後尾揀咗帶子，味道真系無令到我地失望。帶子燒得啱啱好，餅入邊仲有好多蟹肉添！令人驚喜嘅系除咗crepe，其他小食意粉同牛扒等都好高質素。我地四個女仔好放肆嘅叫野食，主菜強烈推介青口同ribeye，小食推薦煙三文魚多士配豆腐同牛油果蟹餅！全餐牌任揀都唔會中伏。好滿足嘅星期五！…Read More

在銅鑼灣附近溫書，突然很想吃台灣料理，就在附近選了家評分很高的台灣菜，不得不說真的很失望。公平的講一句，不難吃，但不是台灣的味道。麻油雞上來的樣子的確是跟照片上一模一樣，不過完全沒有麻油味，就是普通雞湯拉麵的味道，不知道是不是廚師忘記放麻油了。滷肉飯中規中矩，就是醬汁調的過于甜，蓋過了本身的肉味。手工綜合芋圓樣子很漂亮，忍不住拍照，但是芋圓不但沒有芋頭的香味，也沒有Q彈的口感，更主要的是根本沒有煮熟，內餡都是硬的，感覺是從急凍包裝里拿出來隨便煮了一下。其他的豆子還是ok的。此外店面佈置得完全是日式餐廳風格，建議可以改個店名，叫做「平成味-日本原味」。如果尋求fushion的味道，這間可以試一試。如果想吃道地的台灣菜，可能需要再繼續尋找了。…Read More

今日同朋友專登入屯門食嘢，聽講小巴黎係屯門街坊人人都知，朋友又系越南嘢嘅超級粉絲，就黎到呢度食晚餐。為咗食鮮牛肉湯河，放棄咗價錢抵啲嘅二人餐，好彩牛肉湯河冇令我哋失望，味道的確同推介嘅一樣正，味精味又不算太重，牛肉如果再生小小就會好啲。小食方面推薦濱海春卷同蝦球，雞翼就不如食番出邊嘅小食檔。蔬菜好抵，廿幾蚊一碟，兩個人share啱啱好，又可以補充返啲維他命。環境就逼咗啲，服務麻麻，衛生條件就...…Read More

同大學同學相約嚟塔門島遠足，同學負責路線，我負責食物。一早就聽同事講呢一間嘅海膽炒飯好好食，我哋行完山雖然飽飽哋，都系即刻落嚟食。海膽炒飯果然名不虛傳，料足，咸淡都啱啱好。不過薑汁豆腐花令我大開眼界，我從嚟都未食到過咁滑嘅豆腐花，入口即化，行山嘅疲憊一掃而光！姨姨仲幫我哋叫咗快艇添！…Read More

呢個世界，邊度有雞髀，邊度就有我，更何況系炸雞髀。今日專登嚟元朗行山，就系為咗行完山之後嚟食三多，咁樣就唔會覺得好罪惡。果然冇令我失望，皮脆而唔硬，肉滑而唔油，加D辣椒粉更系正正正！邪惡都邪惡得好幸福…Read More

聽同事講公司附近開咗一間鋪頭專賣無激素嘅雞，就系傳說中嘅嘉美雞，追求健康嘅我一定要過嚟試下。lunch都有好多選擇，可以揀隨便一種雞配菜飯或者蝦子麵等等，都可以揀雙拼飯，每一個set都配埋湯/豆漿/薏米水。今次想食手撕雞配飯，打開飯盒發現咗又配埋沙律。雞肉唔油，但又入味，青瓜沙律都俾人好清新的味道。又健康又好味，感覺自己會系常客…Read More

之前嚟大圍都系為咗食飯，經過大圍小食嘅時候都系飽肚狀態。今日要去文化博物館，終於有機會食D小食墊下肚先。掛住長洲魚蛋好久嘅我一見到大魚蛋就毫不猶豫嘅揀咗佢，味道都算幾好，下次要食番D其他嘢！…Read More

趁嚟沙田睇畫展嘅機會，梗系要試下呢度嘅乳鴿。差唔多夜晚七點入去，我哋三個人等咗十分鐘度。可能因為客人實在太多，服務質素真系麻麻地，嘈嘈地，傾解都有D難。我哋叫咗兩隻乳鴿，上湯菜心，仲有門口poster好似好吸引嘅水蟹粥。乳鴿名不虛傳，皮脆脆地，肉又熟得恰到好處。菜心就系普通嘅味道，水蟹粥雖然唔系想象中嘅鮮美嘅味道，但應該系無落味精嘅。覺得呢間應該系人越多食得越開心。…Read More

講起老婆餅，如果系要買禮盒，唔一定要嚟元朗買，但系如果要即食，就一定嚟元朗呢見總店食。好少有機會入嚟元朗，無理由唔試下赫赫有名嘅老婆餅最中意恆香呢一種少少sticky又唔粘牙嘅感覺，仲有有甜味但一D都唔過分，三個字，啱啱好但唔系好好彩無食到新出爐嘅...下次有機會再嚟食！…Read More

今日約咗同樣中意法國文化嘅朋友前來欣賞莫奈作品展，係不經意間發現咗呢間好文藝嘅cafe，雖然plan咗夜晚飯去食乳鴿，最終都系決定係呢度食D下午茶先。芝士肉醬炸薯條，可能系我今年食到嘅最好味嘅垃圾食品了🙈 邪惡都要邪惡得幸福但系八爪魚牛油果沙律就麻麻地，好似就係雪櫃啱啱摞出來嘅感覺，可能呢個就系點解薯條會遲過沙律20分鐘嘅原因？😂…Read More