未寫過食評，但太伏頂唔順- 環境好差1. 食食吓仲聞到煙味，唔知附近食客定門口傳入嚟2. keep住好多蚊飛嚟飛去3. 位置坐近唔知廚房定水吧位置，食到八點幾佢哋已經開始清潔，將成筒垃圾（雖然已經包好）放喺我哋側邊，同埋將收咗嘅碗碟同廚餘就咁放喺我哋隔離張枱- 照燒牛舌丼原來唔係牛舌，係牛舌底嗰嚿肉，口感完全同牛舌扯不上關係，同埋有啲乾，不過份量好多，只怪自己冇睇清楚原來佢仲有另一款牛舌芯，先係大眾所認知嘅牛舌😂如果咁啱喺附近想搵間價錢相宜嘅餐廳可以考慮😂 但唔好有太大期望，特登過嚟就唔洗啦同埋佢真係唔係cafe, 係一間工廈canteen, 高質真係談唔上，仲話限時90分鐘，坐唔夠一個鐘已經想走…Read More
