敗金族's Profile

自己元朗人，路過諗住食串燒所以行入嚟。結果食到一把火！我仲同男朋友打賭，我篇食評打完啲餸都未到……果然如此！雞腎串，乾過豬肉乾！每碟餸上菜食曬仲未有下碟，肚餓都等到飽！一邊食一邊太得閒入嚟睇食評，唔膠係嘛？50個讚？……唯一解釋係，身邊食和牛食松葉蟹果啲堅係好快上菜，我呢啲平民，想食平野請過主吧… 應該係，除非唔係！仲有，啲菜式次序痴曬線……應該耐既串燒最快上……清酒煮蜆同焗菇竟然係最後！清酒煮蜆無酒味，牛油雜菇食落酸酸地但有酒味好奇怪……成餐終結，嬲到爆！…Read More

與老友相約2pm 見面，諗住輕鬆啲唔洗同上班族迫，餐廳氣氛係好既，夠靜，兩個女人吹水好啱，不過啲冷氣凍過雪櫃…… 而食物呢？唉……個湯凍既！直頭係可以用「室溫湯」嚟形容。味道雖好，但真係……要不因為太肚餓，都好難飲得落。而且個餐唔平…… 有時一場嚟到，比錢嫁嘛，無理由唔飲。至於個主菜，普通啦，唔係特別好味，又唔係唔好。普通食咗個晏既感覺lor.... 但呢個質素，唔值成百蚊去食個咁既晏。希望餐廳要改善質素！…Read More

簡單點，去到西貢食海鮮，如我的題目，我揀西貢通記。 一來老字號，由以往不認識，由朋友介紹開始， 到現在每次來，都是西貢通記。 原因沒他，每次食都保持到水準，用料食得出的靚，用 真。新鮮海鮮， 多少人食都有不同餐配搭，又或者可以以人頭消費價錢叫店家寫菜都得。 食，是食人情味； 食，是食老行專。 ----- 我自己偏愛室內版的老鋪，因為有「冬暖夏涼」，亦都靜一點。 當然有人喜歡碼頭旁邊的分店，為了食氣氛，而且遊完船河落地， 第一間就見到，腳程短，又燈火通明，自然吸引。 至於2間店的出品，我覺得相約，都有水準。 ----- 是日頭盤，因為人少少，所以清清地幾款新鮮刺身開下胃。 西貢通記的刺身，其中特別在於三文魚是即點即切，不是切定， 所以魚肉身上的光澤及魚香會更濃郁。 人多的話，不妨添隻個龍蝦做刺身，保證「正」。 ----- 二人前系列： 清蒸扇貝﹑椒鹽賴尿蝦﹑芝士龍蝦伊面 … 要鮮有鮮，要脆有脆，要香口有香口，要爽滑彈牙也有， 加埋樽裝可樂配海鮮，一個字：「好嘆」！ ----- 機會黎啦飛雲，重點必吃推薦： 黃金鮑魚 黃金蝦就食到悶，鮑魚清蒸冰陣飽魚都食得多… 食黃金鮑魚真係好囂張！ 那些「流金」配合煮得剛剛好的鮑魚，香濃咸蛋黃味加鮑魚既咬口… 呢味我絕對會再幫襯！！！ ----- 最後亦是最前應該介紹的，就是煮家靚湯。 對於獨居的我來說，對湯水的渴望是非常強大的， 本身打算點西貢特產「爵士湯」（即螺頭加豬及其他用料煮成的手功滋陰湯水）， 但當日我遲了，售罄 （哭） 所以退以求用料一樣足的海鮮湯。 兩位女士，竟然可以把一個面盤大的湯水全清，都認真誇張證明有幾正。 ＊醒目仔提示，大家如果要去的話，記得要先預留爵士湯，以免錯失好湯！ ----- 地址：西貢萬年街98-102號地下 電話：27927453 重點推薦：爵士湯﹑黃金鮑魚x100000000﹑任何時令海鮮…Read More

減磅後，揀食揀得更有要求，quota 都留給真心有興趣想一試的。 朋友向我推薦了 「西餐大排檔」，再望望食評，覺得可以一試就約了愛人一同前往 … 兩個人，當然就 order 2人餐。 這個餐都算完整，由前菜到甜品做足，而最緊要係餐飲可以轉酒。 對於我這酒徒來說，太好不過… 海鮮這回事，認真講... 好多西餐廳都有得order，但好多時候好似解凍解過龍，無曬鮮甜。 所以一食海鮮就知間店既大概水平。 WELL 對於我呢個 seafood 殺手來說，西餐大排檔呢碟野係合格既！ 蝦有蝦味﹑蠔鮮甜無碎殼﹑醬料配得恰當，very nice！ 繼續來到 餐湯，好濃郁﹑好香， 本來不嗜西湯的我，都好鐘意呢個味道。 之後到 hot item ... 年糕可以煮成如帶子的外貌，同時把那個醬汁都吸收。 還有牛脷，重牛味，我覺得十分好食。 說實在，用餐去到這裡已經很滿足，因為由前菜開始由淺入深， 味道慢慢提升，鮮的濃的口感的咬口的都有。 再來到主菜，是非常嫩口，肥瘦適中的牛肉眼扒。 愛人order 的是 羊T骨，他說完全不騷而且香軟，煮得剛剛好。 ------------------------------ 全晚必須一提的是酒水，因為我不甚愛紅酒的關係， 所以無論點的食物如何我都是會點白酒類作陪襯的。 用餐只需要加錢就能享用的白酒，也絕對不賴， 甜甜的易入口，二人用餐邊飲邊吃邊談心，這天晚上我心情大好。 而最後的甜口，實在是happy ending... 份量小巧又精微，朱古力味香口而不過甜。 整晚用餐從頭到尾都非常滿意，而且當晚有還藝人坐在我的隔離枱。 看來，這店的聲譽是真的不錯耶... openrice 上寫的，和我食的都非常接近唷。…Read More

預早打電話book 位，所以 0等待。2個人，order 左個 $298 兩人餐，點知由點餐開始就覺得有問題......由坐低開始計，前菜風乾火腿加鵝肝多士，到沙律 and 湯上菜，我同朋友足足等左 45分鐘。講真，等到呆。仲要唔吹，佢地都無反應 !主菜，牛柳扒，普通啦... 無驚喜。但個薯蓉咸到一個點 ! 以為我果個差? 唔係...我朋友個意大利飯，一堆野咁上枱，食到中途佢已經停手，話「從未食過咁難食!」而且打斜個碟，d油多到好似唔洗錢咁。最後，個甜品。so9sad，個牛凍個玻璃樽係崩左，都唔知d玻璃會係邊?不過，呢兩個甜品算係今日唯一最好嫁啦。認真，難得約到個朋友食飯，我竟然book 左呢間店，我覺得我自己好錯lor!oh ! 而且，個女厠係無鎖嫁!!!!!!!!  要用腳頂住 !!!!!!!!! 你明唔明有幾唔方便呀?!…Read More

做女人一年四季都叫住要減肥都係慣性啦…但打邊爐既誘惑咁大，唔係話忍得住嘛？？年頭成功減磅以後，食嘢係食少咗，亦同時食得精咗。Quota 呢回事，就留比真係好貨仔，先嚟用…咁啱 5月見到舊老闆代言咗 「大一海鮮火鍋」，見到佢啲相呀…片呀…真係睇到我呢… 終於，係6月約齊人去咗一試。------------------------------我份人嗜辣﹑嗜濃味﹑嗜海鮮，魚與熊掌我兩者都要 ！鴛鴦湯底，半沙嗲半麻辣加重椒。呢個湯底，唔好以為係普通野，個沙嗲湯係用牛湯煮既，保證你試過就知同外邊有咩唔同。------------------------------海鮮呢 ？叫左活牡丹蝦刺身﹑冰鎮南非野生鮑魚。------------------------------這個冰鎮鮑魚必先預訂，因為要較早之前以海草﹑海苔之類煮好，再配合特製的鮑魚汁上碟。除了味鮮，還彈牙爽口，感覺和一般的鮑魚絕對唔同。活牡丹蝦，淨睇顏色都見到唔一樣啦，肉質喺非常晶瑩剔透。------------------------------其餘，就係火鍋少不了既牛呀牛呀牛呀﹑丸呀果啲…------------------------------其中，一定一定一定要試既係 「女皇粉」我一直話呢個粉要再叫一碟，不過同行人話好食嘅野要點到即止，留肚試餘下的食物。MY GOD... 我到依家呢刻寫文，都仲記掛呢個粉既味道。------------------------------連續開了2支老闆推薦嘅酒，非常非常易入口，米味重，好飲。------------------------------仲有海鮮炒飯，肉餅。可能你會覺得奇怪，打邊爐都有小菜？係呀，呢到係有小菜既。方便果啲，一班人有鐘意打邊爐﹑有鐘意家常小菜嘅朋友，唔需爭論係邊到晚膳，乾脆同一個地方就搞點。而且，呢到啲小菜都係非常有水準！好似海鮮炒飯，是啖啖飯都有海鮮香，而且非常多海鮮，真材實料。後來，老闆提議添啲佢哋自製既XO醬… 又試試，哇哇！ 對於我呢啲嗜濃味既人，根本就係邪惡既享受。而肉餅嘛，又㜛又滑又香口，如果配個白飯的話，真係兩三碗飯都食得落。------------------------------而飯前飯後，仲有啲助酒小食。魚腐﹑雞軟骨呢類，啱曬。------------------------------甜品啦喎…必試呢個生果形的雪葩及雪糕。我最鐘意係香橙同蘋果！食完個雪葩，仲可以考慮食埋個外殼添！（我指個桃同埋蘋果，除非你鐘意食橙皮啦，哈哈哈）BTW，呢款甜品係日日新鮮日本飛過嚟，本身仲有菠蘿，不同當日賣曬啦…所以識得食既朋友，記得訂定。仲有，溫馨提示，雖然 openrice 對上幾篇文都影到個場無人咁款…但我去嘅呢個，已經全爆。部長話，依家幾乎只接 booking only… 想食既朋友，訂枱是常識。我都唔想你哋30幾度喺門口等！其實佢哋仲有好多款特別野食，不過我一次試唔曬…牛丸控既朋友仔記得試佢哋既牛丸，唔試會後悔。…Read More

行開APM，心動想食碗熱辣辣拉面。睇門面，就入左呢間店…無需等位，不過由一入門口就覺得好似中左陷阱。先係侍應無咩招呼，坐低之後點餐亦都係冷漠對待。面，只能算是很普通的貨。湯說濃不濃…說咸又不咸，而且我好辣所以揀了赤湯… 結果落了兩大匙辣辣油都無感覺，好失望；面和配菜亦是極之普通，而且係我食緊既時候，侍應生竟然同同事之間講『急屎』。當下那刻我真的stone mode 了！😕最後埋單，照舊，侍應生一句多謝、唔該、再見，以上句子一句都無。講真，絕不光臨第二次。不過多謝呢間店，令我有心將塵封己久既帳號重開。…Read More

已經是第 N 次來到灣仔的名門私房菜與好友聚頭，貪這裡交通方便，衛生好，招呼夠家庭式，伙記事事有商量，有時食得晏左，都無問題。(一) 特式冰鎮鮑魚飽魚夠爽口，也夠鮮味，在座每位一隻，咬口啖啖肉之餘，除了口感滿足，清涼脆口連帶精神都為之一振。這味餸是我來名門的首要必點，翻兜意慾無限。***第二味既推薦亦是必吃的就是( 二 ) 蝦子鮑汁生扣柚皮我並不是柚皮的粉絲，但在場的同枱都讚口不絕，我有悄悄的偷搭一口，果然是很不錯。蝦子和鮑汁，既濃郁又香口，配上柚皮，剛好把精髓吸收。***( 三 ) 金針雲耳蒸豬爽肉雖然材料不是什麼珍味，但很有「家」的感覺。***( 四 ) 藕盞鳳翅球一口一啖肉的感覺，加上，放在香脆可口的蓮藕上，除了肉感以外，還添了爽脆。***（五）南乳砵酒焗美國桶蠔熟食的蠔與我無緣，機會我留了給同枱的其他人。***（六）時令大閘蟹話說最近期去名門的這次，正好是食蟹的季節，一行二十人就平均每人 2隻的量，自家購入一籃蟹送到名門蒸煮，名門只收取蒸煮部份的工錢。***喜與友人到名門晚宴，主要因為此店內任何食物都絕不加添味精，吃得出家的味道之餘，亦是對健康有要求的選擇。雖菜式看似簡單，但其制作則是花心機之作，若要在自家廚房要制作的話，亦甚考功夫，倒不如外出與三五知已，預人頭訂座更為稱心。 …Read More

地點就近，而且好朋友圈內個個話好食，所以就抽出一日去試下。地點係舊 B 記旁邊，如果唔知舊 B 係邊既話...去到元朗搵到條大坑渠，再沿住條渠走就一定會搵到。店面細細，可能因為新開張既關係，廚房各類用具都好新淨，好令人安心。近看賣點，文字上看來，這款黑色豆腐就好似係長沙特產，搬黎香港賣咁...先唔好講太多門面野...淨講臭豆腐...黑色，我真係未見過。仲要灌湯，其實都真係幾有趣。而且，圖中果位丫姐，我見佢連食 2 碗，等食等到停係店入邊被「臭氣」俘虜亦在所不惜...我的確有心動。價位 : $20 / 5舊我揀左小辣﹑走莞茜。呢款黑色豆腐加埋 D 辣椒絲﹑蒜，賣相其實都唔樣衰，而且亦唔係黑到一舊碳咁。舊豆腐內膽雖然灌左湯，不過豆腐外皮都係脆身，咬落 D 湯汁流出黎果刻，真係有 D 小籠包 FEEL，揀左小辣對於我黎講係岩岩好，好香。我試過一口放成舊豆腐入口，雖則無「辣」到咀，不過唔夠放，D 湯會係咀角流出，所以都係分半黎食會好 D。據我所知，依家全香港係得呢間賣緊呢款黑色經典，大家有興趣，入開元朗去完 B 仔，記得幫親。我頭先仲發現 OPENRICE 未有人寫過佢，所以...我依家就去搶頭香 !! HAHAAAAAAAAAAAAAA …Read More

** 和風蕃茄雞柳拉麵 賣相不錯。雞柳挺嫩滑的。拉麵的麵條，介乎於平日吃的 ** 雲吞"麵" 和 日式"拉麵" 的樣子。蕃茄湯剛好，不太酸太甜，夏日吃 ~ 很醒胃。湯底我覺得如果茄味可以再濃郁一點更好。***滷水雞亦炆得很入味，而且雞亦SIZE 亦都唔細隻。***抹茶珍珠奶茶睇過另一篇關於面軒的筆者所講，這杯帶有一點點茶既苦味既珍珠茶奶我也喜歡這點。而且整杯奶茶不太甜，味道剛好。推薦飲 !!***椒鹽酥雞肉燥飯肉燥很香，而且又不太油膩...朋友說雞柳的味道很讚，比起 *** "大雞大" 炸出來的BB 雞更入味*** 黃金蝦球賣相不錯呀! 而且也很香口...*** 蘆薈藍莓綠茶比較甜了一點點... 但蘆薈咬口既感覺令他覺得很新鮮而且用餐只是加 $4 就可以飲到，又大大杯... 感覺好抵*** 甜品 : 椰林風光這味甜品叫椰林風光，可是"椰味"卻未係好出但我喜歡佢既冰沙真係好幼細，加埋上邊帶果粒既糖漿...我自己就好鐘意不過淨叫甜品的話要 $24 ... 我覺得貴左 D...如果用餐可以先以優惠價先用完飲品，再加錢食埋呢味就 最好喇~~整體後記:整個用膳，其實食物都很不錯... 無論賣相各樣都很好。價錢少貴，埋單要 $189 (2人) 。 (已包 10% 服務費) (特別指在荃灣區)不過那個 抹茶珍珠奶茶 真的值得一試 !…Read More