PinkyCoKo's Profile

年初二與好友去行山之前食個精緻午餐獎勵自己先！👍🏻餐廳地方不大，但感覺很 warm，職員都好有禮貌。👍🏻每枱都有一個 QR code 用嚟落單，方便又快捷！仲節省少少搓手液！😊店內嘅焦點一定係牆上嘅金句。🥰見到都開心曬呀！🥰 仲有吊椅可以坐住一齊影架~全日早餐有3款，素食嘅朋友都照顧到。今次我試 Keto。感受到係用心去做嘅出品！😊蔬菜新鮮之外，其他食物都係熱嘅！👍🏻實在食過太多其他唔凍唔熱嘅全日早餐... 牛油果啱啱好熟無咖啡色嘅。☺️雞胸肉無油，啱曬注意健康嘅人呀～ 😜 大冬菇有驚喜，原來芝士下面仲有煙肉，3種食材一齊食好夾。🤩個蛋又香又滑唔洗講。☺️兩塊厚切煙肉好香口喔！🤩 我之後行完山都唔覺肚餓呀！💪🏻見到可轉 soy milk 或 oat milk，我就有希望飲 latte，當然要把握機會試下 Rose latte 啦！仲可以選多甜或少甜，咁我要少甜好喇... 靚得嚟唔花巧，有玫瑰香味但仲有咖啡香味。😍朋友點咗全日早餐同 Cappuccino。Cappuccino 都可選大細。朋友要咗 large同轉咗skim milk。牆上嘅裝飾好精緻，好治療嘅感覺。😊仲有一大隻貓頭鷹呢！🤩 隔離嘅電梯係職員運送食物用架，所以餐廳內油煙味唔大，比有d樓上cafe 做得好。我地食飽周圍望，見到有食客已經訂定下星期嘅枱呢！😆 佢地仲有d 細細件嘅蛋糕，食咗都無咁大負擔呀！😚不過我食得好滿足，都係下次先試蛋糕喇。…Read More

Aiming at acceptable food with bargaining price in this old community. There are 5 to 6 lunch sets for $38 only. There are 2 fried eggs and 2 slices of pork sausage patty. This set is really big in its bargaining price too.The iced lemon tea also meets expectations.4 slices of lemon in a cup of tea! The daily soup is full of ingredients. It tastes authentic. When you can get this size and amount of food and services at bargaining prices, don't expect too much at the environment. …Read More

Maybe this is the first launch of bulletproof coffee in local chain coffee shops. Since it's for a quick dinner, I'd better try Bulletproof Matcha rather than Bulletproof Coffee. The staff said there's no milk in it. There's only one size. This is my quick dinner, Salmon Cream Cheese Bagel Sandwiches and Bulletproof Matcha. It looks really nice.This is Bulletproof Matcha. As what the staff has told me, it's smooth but doesn't have a thick texture. The mix of matcha aroma and butter is seductive.The bagel tastes good too. Salmon and mixed vegetables with cream cheese make it healthy for us. Wanna try Bulletproof Coffee and Bulletproof Chocolate next time. See it's that uplifting and how they taste.…Read More

呢間台式飲品小店就嚟唔做喇，想探小店就要快手。喺舊區都飲到有水準嘅水果茶，入面仲有水果架。呢杯係蜜桃綠茶，少甜，走冰，甜度剛剛好。蜜桃綠茶入面都有新鮮生果架。今次有橙，士多啤梨同蘋果。可全吃！波霸奶茶都唔錯架~ 因為就嚟結束營業，所以有大優惠呢～ 炸花枝丸係即點即炸嘅，好香蒜味。炸雞粒係必食之選！仲可以自己落椒鹽粉，七味粉，孜然粉，茄汁等。呢個雞粒可以「安心」食，入面睇到真係雞肉，炸醬好薄，比起某大型連鎖快餐店嘅雞粒好好多呢。做擺設嘅杯好可愛，都可以會出售。喺餐廳見到嘅花茶壺都可以放喺屋企用。小店嘅地板好懷舊，應該一直保留咗，唔知下手店主會唔會保留呢？想試一試小店出品或再幫襯就要快手喇。好似話做到今個月尾咋！…Read More

I saw the adv of a new McCafe coffee, so I came for breakfast and gave it a try. The staff picked the order as caramel latte, and then another staff reminded her about that, so I had to pay $2 by cash afterwards. I like this cute girly stamp collection card. Only 3 stamps for a free small coffee. This sight brought me joy. This crayfish egg mayonnaise panini is as good as usual. It fills my stomach but not too heavy. The design of paper cup and the popcorn did remind me the feeling of watching a circus show. At the beginning, the sweetness of cream and caramel is a surprise. Somehow this Caramel Popcorn Latte (with soybean milk) is too sweet for me. I think a small one is still acceptable but a medium one is too much. Coffee crossovers popcorn is a creative idea while another fast food branch provides chicken crossovers popcorn is new too. Hope that there will be more new ideas by McCafe. …Read More

今日第1次買嚟試下啦，咁啱就聽到店員講全港只剩下呢間，旺角嗰間已關門喇。次次經過見到呢d好夢幻嘅蛋糕都好想食~店員在蛋糕底細心貼上膠紙避免移位。仲會有乾冰放喺盒到，攞返去食都唔怕溶~ 食咗d士多啤梨真係食咗大滿足呀！中間都有士多啤梨，製作絕對認真~ 呢個就好歡樂，咩都有d，每層都有驚喜~櫻花呢個只係睇都夠曬靚啦，淡淡花香，原來係芝士蛋糕，少少咸味加埋好夾呀~ 呢個士多啤梨大福食到個心都軟埋呀，好幸福嘅感覺！呢杯啱曬少女心大爆發嘅時候食~ 甜，軟綿綿，粉色，心心，士多啤梨，蛋糕，呢d原素都包含曬~ 唔洗多講，入口溶化，完全唔油膩。加上蛋糕軟綿綿，一次過食兩件都無難度。不過都係留番d位食埋其他嗰d蛋糕！…Read More

I need a cup of coffee to keep me awake in the Saturday afternoon. If you are an EdUHK student or staff, you can get a 30% discount on your purchase. What a surprise! There are a lot of inspiring quotes on this wall. I have never come across this kind of design in other Pacific Coffee store. Obviously, the design with study bench facing wall and reading lamp are for students or staff. But nobody is there. I don't feel like I want to sit there too. A bit too gloomy. The coffee tastes good as expected. It's quite relaxing sitting in the store.When I sip, I find the most challenging question in a relationship. Finally, there is a more reasonable choice for dining at EdUHK. …Read More

星期五晚攰到咩咁，無咩胃口，其他舖又多人等位。呢間有位，價錢又同一商場食店比較平d，所以坐低咗。當我地睇餐牌講緊食咩嘅時候，啱啱沙發位有一枱客走。清潔嘅姨姨提我地過去坐，咁沙發位真係舒服d嘅~ 唔該阿姨~ 點好餐之後，攞咗飲品就返位等。檸檬薏米水跟餐唔洗加錢，而且唔甜，所以我嚟呢間差不多次次都飲一大杯。呢個牛肉飯一向都係我嘅必然選擇。不過上年年頭食過兩三次d牛肉太硬咬唔到之後，就好耐無嚟食喇。今次d牛肉好諗，汁嘅味道都無變。凍元醃酸瓜嗰d唔係幾涷，有d雪味。蝦片仲脆脆地。眼利嘅朋友可能已經發現張單係寫通心粉，而我地食咗公仔麵。圓形機響，我朋友去攞餐，我點嘅兩樣嘢錯曬。我出去換番巴東牛肉黃薑飯返嚟咋。而朋友就算啦算啦咁食咗公仔麵，本嚟佢想食通心粉架...仲有嗰晚返到屋企，我個肚有d唔舒服，不過我朋友就無事。都係隔一排先再嚟食我最愛嘅巴東牛肉黃薑飯... …Read More

又嚟食團年飯，上年d嘢食又唔熱，又唔好味。坐出面大廳又迫又多人，其他人行過我後面要企起身囉，成餐飯都坐唔定。今年入咗窗邊走廊大房，靜d，又無人行嚟行去。不過今年好明顯無咁多客嘅，個場裝修咗，枱之間多咗d空間。我地訂8點入坐，大約8:15叫咗佢地起餸，點知等到8:40都未見到。跟著先發現無俾卡我地，雖然我唔知咩卡。全部人好餓，清曬，件件都食得，無d頭頭尾尾。年年都食呢個，麵底最搶手。龍蝦有d無整開，雖然有俾剪，不過都非常困難剪開。呢個比較失望，無咩料。呢個非常hea，炸燒賣同炸魚蛋都當係團年飯餸之一喎。呢個正常嘢，d料可全食。條魚都係正常嘢。雞都係正常嘅。呢個都係正常。糯米飯唔錯，有少少臘肉，花生等。非常之熱。壽包嘅涵唔太甜。總結嚟講，今次呢餐比起之前幾年喺到食嘅團年飯都有進步。之前嗰d食物唔熱，份量少，味道太奇特。仲有之前個場又嘈又迫。今次d食物終於夠熱，味道正常咗。個場無咁迫，而且無咁嘈。希望水準繼續上升啦。…Read More

咁啱嚟到又一城搵 lunch 食，搵位都真係唔容易，同埋食 lunch 又唔想食得太貴... 行咗好幾間都爆曬又勁多人等，見到呢間有位，價錢又ok，即行入去。有 set lunch 餐牌。雖然選擇唔會，不過價錢唔太貴又坐得舒服就算啦。甜品要加錢。餐飲要咗齋啡都唔錯。熱檸茶都係正常嘢。前菜沙律都有d份量架~ 8" Pumpkin Spicy Cream Pizza 有d辣架，不過幾惹味。呢個意大利薄餅有碎雞肉，南瓜，辣忌廉，眼見仲有辣椒同蔥。餅底好薄，好脆，兩個人 share 非常之好。Grilled Chicken Mushroom Risotto 好大份，都要兩個人 share 架。意大利飯入面有菠菜同雜菌，好味。個雞扒煎咗少少，唔香，好少味料整，重雞味，呢個雞扒比期望中差咗d。兩碟嘢都有蒜頭粒，用落無咩蒜頭味，所以食咗都唔口臭。不過會唔會再嚟食，都要再諗諗。…Read More

之前睇過網上嘅片同雜誌介紹呢間雪糕店，決定一定要嚟試下。原來11:30才開門。門口寫軟雪糕停售，我地好失望。好彩入到去睇個大餐牌，仲有好多選擇！無軟雪糕都仲有雪糕食！小店裝修都好簡單，好整齊乾淨。全店只有兩張木椅子。因為我飲牛奶會有d腸胃唔舒服，所以問店員有無雪糕係無牛奶造嘅。店員推介芒果同朱古力，仲俾咗少少朱古力味我試。OK~ 無奶味之外仲有好濃嘅朱古力味！芒果真係好芒果，好似係緊芒果咁濃。開心果係貴d，但係都試，果然又係好香好特別！焙茶味就好特別喇，意大利焙茶雪糕喎~ 不過因為呢d有奶嘅，我試咗一啖就算喇。走嘅時候再買多杯西柚沙冰，又係好足料嘅。夏天飲一流呀！希望下次天氣暖d再去試雪花冰~ 🤩…Read More

就係夜媽媽碌 FB 睇到雜誌介紹，已經好想試下。第2日嘅 lunch 即衝出去買嚟試，蛋糕仲未放出嚟雪櫃到，不過問下店員就知有。店員都無要我企喺到等佢出蛋糕，送過嚟位到俾我。已經好耐無食 McCafe，今次張卡仔都好靚。呢個就係 Rose cheesecake。印象中覺得 McCafe 嘅蛋糕細件咗，不過好似無貴到。少少玫瑰花花瓣乾點綴一下白色面，加埋粉紅色蛋糕呀~ 少女心大爆發~ 好浪漫嘅感覺~ 近睇d花瓣乾都靚嘅，無壞咗或啡咗嘅花瓣。中間嘅質地都緊密嘅，不過食嘅時候唔會滯。味道唔太甜，帶帶淡淡玫瑰香味，而且唔會重香精味，同食玫瑰花糖唔同。係玫瑰花乾加入熱水或熱紅花出嘅香甜味道！用叉都可以一啖啖食到，唔會太鬆散，不過又會會太死實~ 由於 lunchtime 時間好短，Rose latte 要外賣攞走，睇唔到喺瓦杯會有幾靚，不過有朱古力食都開心嘅。打開杯 Rose latte 睇下，真係有玫瑰花乾花瓣~ 飲落都係淡淡玫瑰花香味。可以再 encore。希望下次有機會喺舖頭飲，睇下瓦杯盛著嘅還原度有幾多。順手外賣咗杯 Rose chocolate 俾同事，佢都話好味。Rose chocolate 都跟一粒 Lindor 朱古力架！希望再食多次 Rose cheesecake~ 仲有我要飲多次 Rose latte！…Read More

去完東京旅行返嚟，想同朋友靜靜地聊天講下去旅行同聖誕節d開心嘢，所以搵咗呢間無限時嘅餐廳。好彩朋友早幾日打電話訂咗位，我地1830去到得番1張枱，如果唔係就要坐高枱望街，不過出面無咩景睇。成個場大約得14個位，高枱有幾個位。不過鬆動d，影靚相方便好多！Menu 都好多張，我地點咗富士山特調，嚟到真係同menu 張相一樣架！ 影相好正！好似係忌廉梳打味。聖誕樹真係有聖誕樹，好有節日感覺，好似係蘋果梳打。有冰，不過合理份量，慢慢坐就啱喇。還原度又100！蒜香蜆肉大蝦意粉都大碟架，蝦都多架，味道仲唔錯！本嚟諗住好睇唔好食，點知有驚喜喎！柚子雞翼4隻都好入味~ 見到有用心去整嘅。 隻粉紅色碟同其他餐具仲有裝修都好夾！明太子櫻花蝦意粉好好味，好大份呀~ d料都多，唔會食食下無曬餸。餐廳嘅修飾都好少女風~ 仲有好多影相位！店員都好 nice，主動幫手影相，仲會攞d道具俾客人影相用~ 餐牌有好多頁，d相都好吸引！不過用個夾牌夾住，睇就有少少花多眼亂... 總結嚟講，食物質素好，環境坐又舒服乾淨，店員服務又好。一定會再嚟。下次試下柴犬主題嘅嘢，仲有同d好可愛嘅柴犬公仔影下相~ …Read More

朋友鍾意 Melody，所以我地一齊去食。目標係換曬My Melody & Kuromi X Dohtonbori 全部產品。我地睇咗 Openrice 到嘅食評，所以我地1130之前已經到舖頭前面等開門。聽講1200 full 咗之後要到1330 才有位再入。我地第1枱入坐，限時90分鐘。餐牌係好吸引嘅~ 原來化妝袋每個會員只可以換1個。店員話每次只可以換一個產品，我地好失望，後嚟店員話問清楚咗，原來可以一次過換曬！咁我地唔洗分幾次食，再行返入去喇~店內有d Melody 同 Kuromi 仲有特色食物嘅相！枱面嘅墊枱紙都係 Melody 同 Kuromi~ My Melody 粉紅蝴蝶結文字燒係比較多水嘅~ 蝴蝶結係米紙可以食埋。店員見我地唔確定點整文字燒，最後都出手幫我地~ Kuromi 御好燒即係煎多片黑色班戟咁嘅嘢放上面，無味嘅，大細難控制。裝飾都係米紙。Kuromi 暗黑系骷髏頭炒麵嘅墨魚汁份量啱啱好架。蔬菜唔會沾墨魚汁，所以蔬菜放喺麵嘅底，影出嚟就同餐牌上面嘅圖差不多喇。跟著我地就發現次序有少少問題，因為整咗 Kuromi 嗰d食物之後，塊煎板會黑咗。咁我地只好叫店員幫我地清一清啦... My Melody 御好燒同Kuromi 御好燒嘅分別就係塊皮。呢塊皮係應該粉紅色嘅，不過我地見到橙橙地，可能同燈光有關啦？年糕整唔開，所以只有兩位朋友有年糕食咋。米紙裝飾飛飛下，用少少汁貼住。My Melody 旋律標誌厚燒班戟好吸引！加埋d 忌廉同雜莓就正喇！不過店員收咗我地食主食嘅碟之後，就無再俾碟我城喇，呢個位唔夠細心。而且攞咗我地兩個鍋鏟走之後，又俾漏我地，點反煎班戟呢？所以我地都係要問。Kuromi 黑色音符班戟即係幾塊班戟叠起嘅。我地研究緊煎幾多塊班戟嘅時候，店員話煎4塊。我地唔知份量，一羹一羹量，煎到5塊黑色班戟。成功叠起d班戟之後，忌廉同 Kuromi 放上面好危險，所以我地用叉靠一靠，影咗相就放返去碗仔到喇。戰利品一定要影相啦！都好靚架！4件 My Melody & Kuromi 產品換曬加多$102。會員繼會俾$108。呢兩個價錢無9折嘅。除開大約每人$190。總結嚟講，食物質素無變，價錢都合理嘅。不過店員服務就愈來愈無之前咁細心。店內嘅油煙味比之前勁，我地第1枱入去已經有油煙味，抽氣好明顯要改善。午飯時間全場有1至兩張枱吉嘅，不過 keep 住有客入嘅。食過幾次之後無咩新意，油煙味又勁，店員服務又差少少，所以如果唔係朋友要換產品都未必會嚟。…Read More

未夠12點又要食 lunch，見到呢間開咗，仲有幾個客食緊喇。坐都舒服嘅，裝修好有異國情調~ 熱齋啡好大杯，香濃，不過唔苦嘅。茄汁紅飯配豬扒，仲有隻蛋青瓜可全食，豬扒感覺唔肥膩。蕃茄汁飯好開胃，唔油膩，中間加咗雜菜粒。感覺健康d。蒜片撈d飯都好味。每張枱都有杯，自己可以攞杯同自助飲茶。仲有紅雞。仲唔洗加一！有季節限定，見到都想試下。呢個餐牌都好似幾吸引。呢個商場到食餐正常普通 lunch 都唔平架，如果加一就唔抵食。呢到d午市套餐都多選擇架，而且有平有貴隨你鍾意。最重要唔洗加1呀！食物質素好，環境同服務都唔錯，所以一定會再嚟！…Read More