WM NG's Profile

今日嚟咗一間新開既餐廳。出面有2張戶外位置比狗仔坐。服務好。至於食物方面係有啲驚喜嘅。小食同主菜都好味。可以再嚟😋😋😋秘製酥炸金菇脆炸雞件蘑菇湯黑松露意大利飯卡邦尼意粉慢煮羊小腿…Read More

已經好耐冇寫食評。因為懶。今次忍唔住一次過啦！見食評已經想嚟食好耐。可惜因為比較唔就腳。一直未試。響4個月前終於試咗佢地既午餐。之後。。。基本上每星期都會嚟下！正題😬：佢地午餐選擇都多。環境舒適服務仲好好。第一次嚟佢哋既刺身真係好新鮮。海膽同拖羅有驚喜。佢哋Seafood Hotpot Set鮮味十足。魚胶就睇當日返左咩魚胶喇。師傅燒得啱啱好唔會嚡😍今日再試埋佢地火炙和牛海膽壽司😋😋😋PS:如果有機會真係要試吓佢地既晚餐至得…Read More

朋友想食燒肉。之前成日響附近食日本菜經過時見過哩間’牛魔’。於是就提議嚟試下叫左個午餐二人前 Set。另外叫左虎蝦同牛骨湯菜鍋！ 🥰上沙律時都知唔會太差。因為都好新鮮。個Set有埋個炸豆腐添。真係外脆內軟。果然無論肉眼。肩脊。牛舌同五花腩都好有質素。好好味！虎蝦照大隻。燒得香噴噴啖啖肉。整體完美。。。只係個菜鍋比較淡。菜鍋底原來有年糕架。所以真係好飽好飽！同朋友超滿足😋…Read More

今日放假又見陰陰天。於是帶埋囝囝嚟試下。因為星期六。提早小小入嚟等開門。點知原來已經排緊隊😱慶幸嘅係得排隊既冇帶小朋友。所以我地有位坐喇😍(好細心戶外有部大風機)囝囝唔會熱親！食物有水準。好好食。醬汁好夾。一啲都唔油膩👍🏻飲品都好有特色。唔會過甜👍🏻如果有埋沙律就好喇。。可惜最重要係員工好Nice好有愛。一坐低就比杯水水囝囝飲🥰…Read More

琴日同朋友過左一個好開心既聚會。去過數間咖啡店。哩度老闆同員工都超親切有愛。用心去做。地方大同好清潔。好多打卡位。食物同咖啡都有水準。開心到唔記得影飲品添。真係好小可😂😂😂😂我地已經約好會再嚟架喇！…Read More

其實未搬嚟時一直想BOOK但BOOK唔到。之後終於到今日可以過嚟朝聖下。其實見食評有啲話差。有啲話好。我諗係每個人口味唔同。講真啲野食真係ok好食喎。百幾蚊響出面食真係有好多好差架！雞沙律以為好鞋口。但又冇哩種感覺。好食😋炸蠔可能掛住打卡。凍左。炸粉厚蠔細。但接受。脆口😋蝦意粉好入味。爽口微辣。好好食😋不過個可麗餅就。。。。唔會再叫😂😂😂我會再嚟既😛…Read More

由紅磡搬咗嚟新填地街既陳記。以前成日幫襯。因為佢地嘅燒味好好味而且價錢一啲都唔貴。今日終於嚟佢地既新鋪喇☺️好懷念大家。個個都冇變。非常親切！食左平時食既切雞燒鴨瀨粉。水準依舊好味。好滑！😋下次要食返佢地既燒腩仔。因為記得好脆口😬(新鋪仲多左好多款式嘅燒味)…Read More

疫情下已經成日困住困住。總想出去唞唞氣。見最近’竹‘做梗優惠買一送一。即管同朋友試試！一直以為會將貨就價。但由岩蠔開始已經覺得之前所諗既係錯。。。每一道菜都好新鮮好甜美。。。以咁既價錢食到有質素既Omakase 。都唔錯吖。已經Book左曰子再上嚟😛…Read More

假期哩度太多人喇。放完囝囝根本就食唔到野。今日平日放假就嚟嘆下茶。因為囝囝。要坐戶外。但反而仲好望住一大片草地。天氣涼涼唔太熱。真係好舒服！食物叫左點心同雪菜火鴨絲炆鴛鴦米。整體都好好食而且幾特別。個炆米好入味。係粉絲加米粉。最重要嘅係依度有凍檸茶飲😂😂😂今日過左一個休閑既午餐☺️…Read More

孖小吉玩前嚟食個Lunch。哩度老闆仔好好人好Nice。亦好歡迎毛孩。可以同小吉一齊享用豐富既Lunch食店唔多。咁親切高質素既地方更小之又小。雖然哩度食品選擇唔多。因為係老闆一個負責出品。。。但食物質素一啲都口吾馬虎。仲好好味😋All Day Breakfast好豐富牛角包一啲都唔乾👍🏻Daily Pasta係黑松露芝士雜菌意粉。 意粉口感適中。芝士汁調教得啱啱好👍🏻朋友叫左杯Irish Latle😋佢話唔錯我就揀左杯Earl Grey😋幾特別而今日個Cake係柚子。我唔食既。所以冇試。希望下次嚟有其他Cake選擇啦🥰…Read More

今日朋友想食法國菜。決定左嚟Gaddi’s。今次選左3道菜。北海道帶子。和牛面頰。黑森林蛋糕。其實由麵包開始每一樣菜色都好有驚喜。麵包外脆內軟。已經好想追住食。北海道帶子果然冇叫錯。帶子新鮮魚子醬好香。真係有淡淡海洋味😋。和牛煮得入味淋身。濃濃牛香入口即溶🥰。黑森林係另一驚喜。想唔到黑森林有咁既賣相。整體好食。略嫌蛋糕碎小左啲😬最後五星級酒店服務唔使講。有賓至如歸嘅感覺。環境寬敞高雅👍🏻…Read More

媽咪生日。諗住帶佢食好啲。而鍾意龍蝦/鮑魚/又日本野嘅佢。我決定嚟個鐵板燒。搜羅左幾間比較高級嘅。最終選擇左哩度。戰戰兢兢咁嘗試。因深怕媽咪失望！由入門口一刻。感覺已經好舒服。我比較喜歡靜靜地享受一餐飯。最重要媽咪都話地方細細但舒服！！午餐有單人和二人餐。其實我想2份單餐。不過二人餐先有龍蝦。於是二人餐加鮑魚啦！每上一道菜媽咪都讚不絕口。仲話會再嚟。廚師幾有心思。龍蝦既汁用海膽汁。出其地好夾。。。總括每到菜都花了心思😋廚師知媽咪生日。仲送左細細件既綠茶蛋糕仔比驚喜佢添🥰響度過咗個好開心嘅生日～和菊…Read More

相信哩度有唔少人認識。因為除左係打卡勝地之外。仲係一處好友善既地方😊嚟過哩間餐廳好多次。食物水準依然冇變。一樣美味有驚喜。地方環境靚舒服。亦十分清潔。員工好友善！PS~ 人和毛孩都多左。請各主人盡責保持衛生🥰…Read More

遲來的食評。。生日朋友帶左我嚟”京”。食Omakase。第一次山長水遠嚟到。估唔到環境靚之餘食物仲好新鮮！每一道菜都超有水凖。廚師亦超細心介紹每道菜。真係值回票價。一定會再返嚟。不過我唔逐一介紹喇😋😋最後既魚湯烏東同蜜瓜忘記左影相。個魚湯烏東亦絕不馬虎。好濃既魚湯同滑滑烏東👍🏻👍🏻(仲有3款美味既壽司未能放上嚟分享)…Read More

今日好友生日。近近地Book左哩度食Lunch。食物中規中矩。都唔差。比預期好添。係刺身有小小唔夠凍。見有人話服務態度唔好。。又唔係喎。服務好好吖。而且知我朋友生日。仲有個好大既驚喜比我地🥰我朋友好開心！！生日快樂呀…Read More