GermanMaMa's Profile

鐘意食偏酸嘅酸辣嘅朋友要注意！由老牌陳醋混合麻油及鮮辣椒制成嘅三哥三酸返嚟啦！😋暫時嚟講，都係得三哥三酸同雲川嘅酸辣係滿足到我呢個偏酸嘅口味。當呢個三酸回歸，就梗係即刻去買返碗啦！獨門三酸撈薯粉 （$49）今次叫咗十小辣，覺得無之前咁辣，酸味仍然係好出嘅。配埋煙韌嘅薯粉，吃起嚟夠彈牙 （不過雲川啲更加彈🤣）。份量呢以我嚟講就岩岩好，食量大啲就可能唔夠了。今次配搭咗香辣單骨雞亦＆彈滑燕餃兩款餸 （份量各4），餸嘅份量都算足夠，味道上2者都唔錯😋。鐘意食酸嘅你，快啲試下啦！…

呢間鋪我真係對佢又愛又恨😆，愛係因為佢門口對出就有標位，泊車好方便👍；恨就係……標位永遠無位😒！所以都唔算成日嚟食，今次再食先勾回之前啲回憶，佢哋份量真係好大呀😍！好少係呢個價錢可以份量有咁大。首先講下環境先，店鋪唔算大，內有十幾張台；裝修就好有台灣感覺，台都唔算細張，就算帶小朋友亦十分OK。😋邪惡套餐 ($60) :呢個套餐真係好邪惡呀! $60呢個價真係太邪惡啦！$60係包括有真台客大雞排，呢塊雞扒同某台式炸雞扒店的大小差唔多，人哋賣一塊都要$40。雞扒嘅台式味道雖然唔重，但仍然可以做到外脆內軟。+一碗唔算細碗的滷肉飯 (飽同趕時間無食到, 外賣返屋企都夠2個小朋友食)+ 一杯黑糖珍珠鮮奶，呢杯飲品單叫都要$28，所以呢個餐你話幾抵呢😎!😋真台客牛肉麵 ($60) +百香果綠茶 ($10)因為唔算太餓，所以只叫咗個麵，佢有個8周年$88套餐都好似好豐富咁。湯底味道唔錯，食完都唔會口乾；牛肉都夠淋，麵就係比較彈牙嘅台灣麵。而飲品呢，個名我唔太記得啦，只係記得比佢嘅容量嚇親，真係超!級!大!杯! 呀😆，呢$10真係加得值。(其實店內都有免費冬瓜茶任飲)😋秘制雞脾+湯麵因為經APP落單，又係當日優惠款，所以就試左。(不過個名同價錢我就……唔太記得啦~) 雞脾又係份量十足而且嫩滑，配埋個惹味醬汁，小朋友都鐘意。而個麵就比較偏淋咗少少。雖然呢間小店味道上唔算驚人，但呢個份量呢個價錢，真係性價比爆燈呀👍!!!!以上為menu : …

某日同妹妹上完堂，見到呢間新鋪有車仔麵，對於鐘意麵食嘅我哋當然就係要去試下啦。😉講下裝修先，新穎嘅裝修加上半開放式嘅廚房，成個感覺都十分良好，而價錢亦算合理。呢次就試左 : 🐮芝士腸+鹵水雞亦+生菜+幼麵+腩汁 ($48) + 香芋地瓜球+檸檬薏米水($20)麵嘅賣相都唔錯，比傳統的車仔麵更有日式感覺😊。幼麵嘅麵質彈牙唔淋身👍，雖然芝士腸，鹵水雞亦呢啲都係大路食品，口味上無太大驚喜，但整體感覺就唔錯，3餸嘅材料都唔少，呢個價錢嚟講算好抵食👏。加$20可以轉套餐，套餐小食真係好出色！🤗地瓜球新鮮炸起，賣相好日式，食落十分香脆，小朋友食唔停口；而飲品呢就有啲失望了，原來係樽裝飲品，感覺同呢個餐唔係好襯😓 (可能無人手做水吧啦~)。🐮牛丸+貢丸+五香肉丁+粗麵+鹵水汁($48) + 蔗蝦+豆漿 ($20)食材一樣係偏多，特別係五香肉丁個量，真係令人身心歡喜。牛丸，貢丸都算唔錯，唔會好粉嘅感覺。而粗麵質感就無幼麵咁彈牙，鹵水汁比腩汁更加惹味。(所以之後幾次外賣我都係叫幼麵+鹵水汁😆)蔗蝦小食都係新鮮炸起，蝦都彈牙，但相比下就無地瓜球咁驚艷。🐮薑汁雙皮奶 ($42)雙皮奶用玻璃樽仔裝，雖然好別緻，但呢個份量呢講真係有啲細份。雙皮奶夠滑，可以選擇凍或熱，但份量可以增加就會更吸引。後記:🔊因為全間鋪只有2個職員，1個門面1個廚師，所以出餐比想像中要耐，如果趕時間嘅可以考慮下次嚟又或者外賣。🔊湯底會有海量炸蒜及蔥，如果唔食蔥蒜朋友記得提早揚聲呀~…

一向對於黏立煙韌的食物無咩抗拒力😍，如珍珠呀，芋丸呀，糯米池之類。當然就唔少得日本嘅代表 – 蕨餅啦，對我嚟講佢哋好相似，煙煙韌韌，但各有不同。所以唔覺意經過呢間新開的分店就忍唔住試下啦 (早一日到，完美地錯過咗opening半價優惠😂)甘味處鎌倉在 1991 年開業，至今已有 32 年歷史，在日本擁有多達51間分店。屯門分店係香港第2間分店，裝修就好日系風，色調溫和。今次就試下蕨餅同埋個蕨餅特飲先。淺川園抹茶蕨餅特飲 ($55 大杯)選用微甘苦的無農藥有機新潟銘茶，喝起嚟有些許甘味及微苦，不過對於我呢個深度抹茶嚟講仲係唔夠苦澀味😛。神來之筆係杯底的蕨餅，蕨餅放咗落抹茶度，有類似珍珠的效果，但又比珍珠軟身；有啲似仙草，但又比仙草煙韌；加上微苦嘅綠茶中和咗蕨餅的微甜，配搭好合適👍 (如果抹茶可以更濃更好)。鎌倉蕨餅配淺川園抹茶 (10個装) ($98)招牌名物為鎌倉蕨餅，口感軟糯彈牙而且入口即溶😋，雖然我都好鐘意黃豆粉，但今次都係試左淺川園抹茶先。同樣對我呢個喜愛苦澀抹茶味嘅人嚟講，淺川園抹茶粉係未夠苦澀回甘，但加埋蕨餅都係好食嘅，價錢上就略貴。總括嚟講味道對我嚟講就欠缺咗少許苦澀味，價錢上亦唔算得上優惠，但蕨餅就係有種吸引力吸引我再去，下次可以去試埋佢個日式風味的特色刨冰。…

本來都偏好台灣菜，經過見到鋪頭幾開陽，價錢亦實惠就試一試啦！食過幾次後，總結到一個結論，就係配菜都好好食呀！😆（主菜就 ......)鹽酥雞／雞亦滷肉飯配菜：菜，肉碎，滷肉及粉絲都好食，特別係粉絲！如果有出淨粉絲就好了，真係好好味；滷肉質量都唔錯，送飯一流。主菜：鹽酥雞-炸粉太厚，而且無台灣嗰隻味道🥲；雞亦就係普通雞亦，無咩突出，亦無咩驚喜；豬扒滷肉麵配菜：菜，滷肉同麵嘅麵質都唔錯，滷肉加上麵，又係一流嘅配搭。主菜：豬扒，嗯～就比較乾，味道亦食唔出台灣嘅味道，就.......很普通:(呢間店仲有個優點，就係可以優惠加配台式飲品，所以台式飲品愛好者嘅我，都係1次又1次過嚟🤣。（免費嗰杯紅茶綠茶其實都唔錯）…

突然發現，居然住在元朗但未食過呢間老字號，經過又有時間就去食個tea。裝修嚟講，由門口大閘，到室內的綠色色調，都充滿懷舊嘅感覺，想影相嘅朋友應該會幾鐘意。加上牆上的亂世佳人壁畫，氛圍滿滿。食物就食咗2個下午茶：生炸大豬扒配沙律 +凍檸茶 $46生炸大雞髀 配薯條 +紅豆冰 $56+$12味道上就係經典茶餐味道，說不上有驚喜，但亦算正常發揮。生炸大雞髀真係好大隻，但亦真係好乾🙈，無想像中的juicy。茶餐嚟講就不過不失，其他食物又唔知點呢～…

經過呢間店時，想入去食的原因真係好簡單，因為覺得個店名“寺“字好日式，好靚😍。當然成間鋪裝修都十分木系日式，而且元朗店半開放式，就顯得光猛舒適。此店係由法國藍帶廚師開設的甜品店，嚟到當然要試下招牌梳乎厘先~🍵宇字治抹茶梳乎厘 $138充滿空氣感的梳乎厘，真係會彈下彈下~🥰而且啖啖都有蛋香味，加上多種料: 蕨餅, 紅豆蓉，白玉，宇治抹茶忌廉，抹茶餅碎，令到食起上嚟更加有滿足感。如果要挑剔的話，就係抹茶咪未夠濃 (抹茶迷戀濃濃的口味)🍌香蕉海鹽焦糖班戟 $108再嚟多個招牌班戟， 班戟呢樣嘢，每次我都覺得自己整成本好平，但基本上出去都一定會叫。(人就係咁矛盾)呢個班戟十分香脆，配料有忌廉,香蕉，海鹽，speculoos曲奇碎，絕對係小朋友會搶住食的甜品，相比之下，我鐘意呢個班戟多啲~飲品方面呢，價錢比較貴（沒有套餐），味道上亦無太大驚喜。…

平時都幾鐘意去yoho food court食嘢，價錢相對嚟講平之餘，選擇都唔少。今次試一間日式店，鐘意佢種類夠多，咩都有啲，如果細食2個人食都ok。味道方面亦比想像中好，唔算失望。叫嘅次數最多可以話係日式炒麵同大阪燒，味道真係算唔錯，小朋友一定鐘意。另一間酸辣麵，今次撞岩下午茶，就更加抵。先講呢個雞絲撈麵，絕對有驚喜，非常好食，小辣對我嚟講岩岩好。而呢碗主打嘅酸辣粉就令我覺得失望了，味道好淡，有點淡而無味。呢個冰粉，粉本身無咩味，靠就係配料。但呢個配料就相對唔多夠，令味道唔夠豐富了。…

話說我好鐘意食all day，除咗因為賣相靚，睇到個人都會開心啲之外，好大原因係因為一盤入面有好多材料，岩晒我呢啲有選擇困難症嘅人😆。估唔到有間可以自選嘅all day，想咩配搭，有幾大份都可以由自己話事，價錢仲好抵！好可惜當日我得1個人（難得1個人me time），所以就食唔到幾多啦。 🍽我的自選組合 凱撒沙律配鮮奶滑蛋 （$28）+牛角包（$15）+香煎煙肉 （$10）+半份牛油果（$15）+法蘭克福腸 （$10） 睇下我嘅自選all day +蔓越梅梳打，咁豐富都只係需要$78！！平時額外叫杯嘢飲最少都要$3-40，呢度有3款飲品係免費😎。 份量吸講已經好足夠（我一個人食唔晒😆），牛角包夠香脆，牛油果都新鮮。而腸仔同煙肉就正常發揮啦，蔓越梅梳打雖然無好特別，但免費嚟講已經算好滿意，整體高cp值。😊 唯一麻麻哋就係，女店員由始此終都黑面，落單連一句對話都冇🖤 (相後男店員就好好多) …

難得入秋冬，當然就要沉浸式去感受一下😎。今次繼續嚟呢個氛圍感滿滿嘅圍爐煮茶主題親子農莊。 大人嚟到食嘢打卡，小朋友嚟到當然就係放電啦！絕對滿足到大人小朋友😊。🧡一年後大環境唔算有大改變，一進門口透明大波波消失了，草地的草長高了，感覺會比較多蚊 💛再走進去就沒有什麼大改變，一樣是渡假感滿滿，十分適合拍照打卡。💚用餐區亦多咗大帳篷，適合人數多的聚餐🩵再來就是十分吸引的兒童放電區了，畢竟很多家長都是為了這個區而來。放電區增大了，亦多了玩樂設施（如波波池，跳彈床等）。💙再來就是用餐了，這次沒有點上次的圍爐煮茶，打算試一試新的東西。所以就叫了這個夏日冰飲鐵板燒套餐($136HKD /2位)，總括來說是沒有什麼驚喜的😂，味道就係好一般，而且拍照也沒有普通的圍爐煮茶豐盛套餐好拍($136HKD /2位)。如果為食而嚟，就記得自備食物啦！這2個餐也不會很飽，如果求飽的朋友可以自帶食物來燒，成人每人只需收$15清潔費。總的來說，這個價錢有得食有得玩，親親大自然之餘仲有免費泊車，點計都算係高CP值。…

話說呢間小店呢1，2年被雜誌所追捧，雖然有人覺得不外如是，但我自己就覺得好驚喜啦😆。位置上，如果特登嚟搵真係唔算易搵（當日係停車喺附近見到） ，鋪頭位置唔大，主打做外賣生意。店內的食品種類都唔算多，主打生煎包、鍋貼、菜肉包。今次嚟鍋貼就煎緊，趕時間所以就order咗2份生煎包啦。生煎包（$7/隻，$20/3隻）雖然包唔算大隻，但價錢嚟講算抵買（畢竟宜家物價好貴呀！）。生煎包的外皮煎到香脆，入口又唔會太油膩（外面好多都好油膩）。包的皮算係偏薄，好快就食到啖啖肉餡😋，肉質扎實，而且肉汁滿滿！加上味道上岩岩好，會好覺得味精，食落去就感覺好新鮮。小朋友好快就咁KO咗6隻😆！賀苗記 星期日至五 11am-8pm (逢星期六休息地址：元朗大陂頭徑14-24號福星樓地下2B號舖…

呢間鋪我成日去D PARK都會經過，但成日都好多人，而且位置亦唔算好多，所以一直無試。終於有一日，只係帶細佬出街，可以試下啦！店鋪坐位老實講唔算太舒服，有啲迫同有啲窄，而且有限時🫣。佢吸引我嘅地方就係豐富喇！有飯/鳥冬+炸雞/鍋物+甜品+飲品，成個組合非常吸引😋。 需要我覺得，飯配烏冬嘅配搭係有點奇怪（澱粉質+澱粉質），但睇下個食法其實又幾有趣，有人share又或者食量比較大的朋友應該會幾開心😆。 沖繩海鹽焦糖布甸雞（$59）+蕃茄湯烏冬+雪糕奶茶焦糖布甸質感好creamy,唔太甜，奶香味濃😋，我真係好欣賞。至於炸雞亦十分香口，絕對係細路仔最愛。蕃茄湯烏冬呢，雖然無好大驚喜，但亦算水準之中，烏冬都幾彈牙。最後係杯雪糕奶茶，雪糕算係幾滑，重點係杯奶茶，茶味好濃（好有茶餐廳感覺）。暈茶嘅我都有啲暈😆。 壽喜燒牛肉烏冬+凍檸茶呢個爸爸就覺得好一般，賣相味道都係好一般，而我都覺得感覺唔豐富，下次，可以試下其他😆。 今次無試到出名的冬甩，同重澱粉質嘅二段料理，下次有機會可以試埋😋。 📍沖繩二段料理 Antoshimo Cafe & Bakery愉景新城荃灣青山公路荃灣段398號1樓1066號鋪…

首先講個門口，係........無店名嘅！我都懷疑咗陣先入去。鋪頭面積唔算大，只有10個位左右；裝修係舒適的工業風，影相上去都好有質感，不過檯面的清潔度就有待提高。今次我就無試 A Big Breakfast 盤子大早餐，試咗2個小早餐。🍳早餐A  全日小早餐 Little Breakfast ($62)內容有牛角窩夫、炒蛋、熱狗腸、菠菜芝士薯仔波、沙律一般的all day都會用比較大的碟上，睇起上嚟都比較多啲。今次呢隻碟又唔算大，但我發現份量一啲都唔少！😆👉就好似炒蛋咁，係好厚身的，起碼有3隻蛋 (我覺得)；👉沙律菜夠新鮮，份量都唔少；👉熱狗腸夠脆皮，而且有2條，飽肚；👉菠菜芝士薯仔波，本來我自己唔食菠菜，都好驚食到有怪味。點知完全有驚喜，薯仔波外表非常香脆，內裡夠滑同有芝士味；👉牛角窩夫，真係香口到不得了！滿滿的牛油香味 (唔好計較肥唔肥啦!)，而且仲要有酥皮感覺，食落去好香脆。🍳早餐C 蘑蘑奄列 Mushroom omelette ($62)內容有牛角窩夫、菠菜芝士薯仔波、芝士蘑菇奄列、沙律，牛角窩夫、菠菜芝士薯仔波、沙律就同我一樣啦，而芝士蘑菇奄列就比我的炒蛋更加大份，真係個胃少啲都食唔晒呀！☕️桂花蜜糖鮮奶咖啡 ($48)因為我自己唔飲咖啡，只試咗一啖，就覺得無咩特別驚喜，李daddy都覺得還好，相比嚟講就唔算好抵啦~總之呢個早餐就非常符合我口味😆！至於份量，男士應該仲OK，女士就可能會食唔晒了，真係好飽呀！計返份量同質素，呢個價絕對係高CP值呀!…

食嘢有部份都係食環境，環境有特式，可以影下相打下卡，食都食得開心啲啦！😊今次去呢間泰國餐廳，居然有部tutu喺門口😲，實在太有Feel啦掛！我哋當然唔客氣咁去扮下嘢打下卡啦~ (不過佢哋都未坐過tutu，只係覺得部車好得意，夜晚影人又背光有啲難度)除咗咁特別的tutu外，仲有幾排室外的坐位都十分有特色，當時仲未係好熱，坐室外食都幾有feel。入到有冷氣的室內，雖然餐廳唔算大，座位之間的空間唔算大，但裝修感覺都幾清新，都算係一個幾理想的用餐環境 (如果衛生做得更好的話😉)。一坐低，就有一碟免費泰式炸蝦片提供，3位小朋友簡直驚為天人 (可能平時好少食到😂)，為呢碟蝦片未上菜已經覺得可以再嚟食過。😋秘制串燒雙拼 (雞豬各3串) $118串燒份量都算大，雞同豬味道唔錯，不過個汁就少咗嗰份辣，係香口的但相對嚟講唔算好惹味。😋蒜蓉炒雜菜 $88 平時的我係唔會簡蒜蓉 (因為我唔鐘意…….)，但因為想就小朋友都食到，就叫咗呢個。又估唔到，菜炒得幾鮮甜，蒜蓉味亦唔算濃，意外地好食。 😋泰式乾炒金邊粉 (豬肉) $118 金邊粉一直係我全家的喜好，呢碟金邊粉用鑊仔上，份量真係一啲都唔少，豬肉更加係十分多。食落去無咗傳統的酸味，但就好重鑊氣，小朋友都爭住食，我只可以話”雖不正宗但好食"。😋鑊仔椰香青咖喱(燒雞扒) $128 用個爐仔暖住上，青咖喱中間放住….. 燒雞扒，呢個配搭都幾特別 (另一種配搭係牛腩)。青咖喱好香，不過辣味就唔係好夠;燒雞扒本身都有味，肉質都夠滑，唔錯。😋辣肉碎生菜包 $108 又一碟 “雖不正宗但好食”的菜色，少咗嗰種辛辣同複雜香料的香味，但又係好夠鑊氣，好食!! 份量都唔少，基本上半碟都係我食。😋金磚蒜蓉多士 / 6件 $48 繼續 “雖不正宗但好食”，金磚十分香口同脆身，6件大大份，基本上就無得輸，只不過又係少咗啲濃烈的蒜蓉味，你知啦，呢個包蒜蓉味唔夠濃就欠缺風味啦。😋白烤薄餅 $48份量上就算比較少，但加咖喱係必備啦。~~~~~~~~~~~~~~~~~~~~~~~~~~~~~~ 總結 :✅餐廳環境有特色 ✅餐點份量夠大 (最後我哋都有打包返屋企) ✅食物有鑊氣❌味道唔算正宗 ❌睇之前啲評論話餐廳衛生唔算理想，如果以開業咁短時間嚟講，佢嘅檯櫈同地下又的確係有一種油膩感覺，如果可以加強下清潔更好。…

去到沙田新城市，又適逢用餐時間，大家可以想像到人流係有幾多。🫣當去咗幾間都排唔到位時，就轉戰我比較鐘意的菜系-台灣菜。講真，一開始已經經過，但只有極少人，所以就放棄 (喺我印象中人數與好食程度掛勾😉)，當然以呢個地段的人潮嚟講，最後都全場爆滿。食店裝修簡約舒適，服務人員態度友善，坐低可以用QR CODE落單，幾方便。👍👉台式炸雞排牛肉湯台灣麵 ($98)賣相OK, 炸雞扒夠大塊。食落麵夠粗身有口感，麵質唔錯；炸雞個炸粉唔算厚，雞食落去還算嫩滑，但味道就一般；到個湯啦，會有藥材味，小朋友好抗拒。櫻花蝦魯肉飯 (7x)嗯……呢個賣相，呢個份量…..實在好似差咗啲嘢，雖然價錢算係MENU中比較平，但性價比有點低。味道就不過不失👉魯肉拌麵(68)賣相比魯肉飯要好，但性價比實在都不怎麼樣👉第一鹽酥雞 ($58)相比其他嚟講，算係抵食，炸粉比較厚，入口算脆。但又係味道一般，無咩驚喜總括嚟講，希望佢哋可以改善品質~…