青豆's Profile

從未試過食一間咁垃圾嘅cafe, 先唔講價錢，因為知道一向出去食All day Breakfast都唔係平嘅嘢，但咁嘅質素咁嘅份量真係冇眼睇，因為外貌已經唔吸引，所以冇影到相，啲煙肉煎到燶晒又乾有柴根本食唔到，大啡菇又係煎到乾晒，三個員工掛住傾偈，根本唔係有心整口嘢食、沖咖啡，係杯Cold brew叫正常，杯latte 可以係唔熱嘅!另外叫咗個甜品係Brownie加雪糕球，呢個真係不得不影相，因為完全唔知咩物體嚟，未見過Brownie係咁嘅樣，一pat嘢好似冇焗過咁又唔熱，真係超級垃圾，我未試過喺間餐廳度已經即刻要寫食評！…Read More

星期六中午食brunch,叫咁廚師精選早餐，即係all day breakfast $138, 好豐富，有煙三文魚牛油果酸種麵包，呢個配搭已經覺得好豐富，仲有大啡菇、炒蛋、腸、蘆筍、薯餅、火腿，仲要加一杯仔雜莓乳酪，真係超級豐富，味道都好好👍🏻另外煙三文魚Egg Benedict,伴芝士蕃茄、薯餅，哩個有一隻蛋黃流心好正，可惜有一隻蛋黃係冇流心。另外餐飲係熱咖啡☕️其實之前食過好多次，但而家all day Breakfast 只剩一款選擇，冇得揀一個輕量的all day ，而家哩個一個女仔食唔晒🥹…Read More

每次經過門口總見到有十多人在等位，今日5:30pm 早啲食飯，就唔使等直入，終於可以試試有咩咁吸引咁多人食。～小籠包$54/6件～皮薄，多汁，係算有質素嘅小籠包。～蘿蔔絲酥餅$52/3件～即時炸，熱辣辣，但蘿蔔餡偏乾，唔夠juicy。～女兒紅醉雞$84～酒味不夠香，而且雞件有點雪到偏硬，不推介。～上海肉絲兩面王$88～食到一半先記得影相😅同餐牌嘅相係兩回事，照騙了。不過味道不過不失，麵都炸得乾脆。～豆沙鍋餅$52～餅不脆不煙韌，好重油，有少少油益味，不推介。茗茶$13/位、餐前小食$12(雲耳）整體食物質素好一般，我覺得不值得要排隊食！…Read More

星期一6:30pm去到，終於唔使等位，平時再晏少少都要等成個鐘先有位。之前已經喺OpenRice 睇定食咩😝唔使講一定要叫pizza 同炸雞，由於我哋得2個人食，所以亦只叫兩哩兩樣加一杯飲品，因為知道pizza 好多芝士，會好漏😅~~~辣雞芝加哥pizza$207~~~雞肉少少辣，重蕃茄味，仲有脆嘅辣肉腸，面有啲糖霜，食落甜甜哋幾特別，餅熱辣辣食好脆口🤤pizza 中層真係鋪滿拉絲芝士，由於拉絲芝士擺凍左會變硬，****所以強烈建議大家襯熱食哩個pizza****~~~蒜香甜辣秘製炸雞$118/6件~~~炸漿好鬆脆，做得好好，甜甜哋，蒜香味超濃，而家雞件肉質唔鞋，大推介啊👍🏻👍🏻👍🏻~~~Mango passion iced tea$48~~~食左咁多熱氣野，飲返杯凍水果茶解膩啱晒👍🏻👍🏻…Read More

這間coffee shop 已是我首選咖啡飯堂，因為有時會叫左雞胸包加杯咖啡就一餐。今日兩個人去食，叫了伯爵茶忌廉朱古力雪糕窩夫🧇、焦糖latte 、薄荷Mocha，全部都好好味，食完好滿足🤤平日叫哩個窩夫可以叫半份，星期六、日只可以點全份，不過唔怕啦，2個人都輕易KO,因為真係好正😍忌廉好滑，喜歡伯爵茶的朋友一定喜歡💕，窩夫烘到脆脆，配埋雪糕冇得輸👍🏻👍🏻Latte 同Mocha都係好好飲，拉花又靚，環境好舒服，空間感大，可以話嘆啡都嘆得好relax😌提提大家用餐時間90分間，由於係元朗人氣店，建議大家早點去登記低電話同名，之後有位職員會打電話通知，10分鐘要回來啊！…Read More

點解會形容對哩間cafe 又愛又恨呢？因為甜品咖啡水準好高好好味，但耐何位置偏遠，而且店內只有6個座位，通常都要等等等～～～～去過兩次，兩次給我嘅印象係店員態度冷漠，但食物好好味😋每日蛋糕款式都唔同，會寫喺近門口的玻璃櫃門上。我認為甜品都需要配一杯香濃嘅咖啡，所以叫了一杯Long black ，伯爵茶巴斯克蛋糕非常出色，香滑、芝士味濃郁，伯爵茶味恰到好處，中間有少少流心效果，不得了🤤另外布甸齋睇賣相已經覺得好好食，好滑，好香焦糖味道，甜品好味到已經令我忘了店員的冷漠🫢**提提大家，只收現金！…Read More

好掛住台灣嘅美食，見到網上評論哩間餐廳嘅台灣嘢食都唔錯，價錢又唔貴，見到啲炸豬扒鹽酥雞個樣都好吸引，一於試試佢😋果然冇令我失望，可以食到台灣嘅風味，特別係培根起司蛋餅好好食，因為好多芝士，好迎合香港人口味，咩都要大量芝士😂鍾意芝士嘅朋友一定會很喜歡😍滷肉飯都好出色，滷肉非常之淋，撈埋香飯食都可以食到一大碗飯，而小食鹽酥雞真係炸得好脆。另外炸雞扒滷肉飯定食分量都很多，又配又兩樣配菜，味道都好很😍…Read More

人氣小店，成日都會心思思想去食，可惜地點對於我嚟講唔太就腳，不過都食過3次😂因為真係好好好好味😋十個推介呀👍🏻舖內只有兩個位，所以要堂食真係要俾啲耐性。每次都係食我認為皇牌嘅炸軟殼蟹滑蛋吐司🍞，先講軟殼蟹係一整隻，即炸好香脆😍另外滑蛋非常滑而且份量算多，仲有吐司好有牛油香味，外脆內軟，加埋沙律醬，成個配搭簡正絕配，十級推介大家👍🏻👍🏻👍🏻但其他我都未試過，俾唔到意見，希望下次會試埋其他。…Read More

一行7人去晚餐，地點方便，環境幾舒適闊落，食物算精緻，飲品一般，提提大家甜品由order 起計說要等25-30分鐘，但我哋等了40-45分左先上，所以如果要叫pancake, 食飯途中要order 定了。特別要提***慢煮煙薰豬仔骨，哩個好有驚喜，肉質好嫩滑，骨肉分離，煙薰味道特出，讚👍🏻漢堡包🍔味道合格。蟹餅賣相好靚。黑松露薯條好香脆👍🏻。大蝦冬陰功意粉好特別，好好味，但份量略細。玉米夾餅餡料好豐富，有酸忌廉中和了好漏嘅感覺，薄餅係淋的。南瓜湯好勁薑味。香茅白酒燴蜆，很有泰式風味。飲品～early grey chocolate 質感好粗鞋，飲落去會成日粒粒粉咁，個人不喜歡。另外Tiramisu latte反而好有驚喜，好好飲，打卡又靚，推介👍🏻最後pancake係好鬆軟，係好味，記得要早少少order , 避免等到咩mood都冇晒😂…Read More

Bookmark 咗一段時間，咁啱去到銅鑼灣即管去試一試。12:20去到排隊，前面已有7個人排緊隊，由於餐廳內只有十多個位，所以都等了半個鐘，今日天氣非常炎熱🥵，但入到餐廳冷氣好弱😥~Carbonara$108，感覺是正宗版嘅卡邦，醬汁只用蛋黃+芝士，而不是用cream 煮的那款，所以質地會較杰身，蛋黃亦用了日本蛋的赤色蛋黃，非常濃郁，煙肉亦煎得非常香口，size 亦偏大粒，cafe 質素來說是很不錯。👍🏻～Earl grey bagel$55(配cream cheese,類似水蜜桃果醬)，整體來講普通，勝在烘返熱，都唔錯～Matcha Cheesecake $55,我諗哩款蛋糕也是餐廳的大熱甜品，抹茶味道不太濃，不會帶甘苦味，質地偏挺身，分明地品嘗到芝士同抹茶嘅味道，不錯，但如果可以軟滑一點就更好。～Cold Brew(Nutty)$54 平時較少飲，但覺得味道而入口👍🏻～Hot Latte (Fruity)咖啡豆味香濃，好飲，可惜飲了1/3 拉花已冇左了，不能保存到尾，但係好飲的👍🏻…Read More

自從幾年前喺東京食過鯛魚湯拉麵之後就念念不忘，原來香港都有一間鯛魚湯拉麵，一定要試啦🤗平日中午12:30來到，排第6，等了20分鐘左右就入得。由於未食過，所了叫了一個鯛白湯$138、一個鯛清湯$138試吓先。鯛白湯好香濃，湯呈奶白色，看得出用料好足熬製出嚟、有很多魚肉碎，唔腥，都幾鮮味😍另外鯛清湯個湯底望落好清，但估唔到都係好鮮味，仲有炸魚皮，超脆口🤤另叫了櫻木煙薰糖心蛋$15，好好味呀，而家諗起都回味🤤🤤🤤一個要加蛋呀！而小食日式炸雞有三件，都算大件，外脆內軟，仲好juicy ,點少少咖哩粉食好正👍🏻👍🏻…Read More

對上一次去長洲是五年前，記得當時到時周圍掃街食嘢，見到哩間舖大排長龍一定好好食，個個都攞住一串豆卜，當時覺得真心好食，炸得好脆，不油膩。今次是隔5年，舖頭依然健在，想再回味當年的美食，可惜只換來一串很油膩又攞凍左的魚肉釀豆卜，食左都唔知有食到魚肉，其實諗返轉頭，佢而家冇人排隊買都伏伏哋😅😅咁樣一串就承惠$20，我諗下一次都唔會再食了，因為而家長洲開咗好多好靚好chill嘅新Cafe，又多咗好多唔同嘅小食。…Read More

第二次嚟哩度食晚餐，都係因為哩度生蠔超新鮮，隻隻都好肥大飽滿，同埋有侍應推介哩期蠔款當造，口味，所以唔熟蠔嘅人都唔使擔心✌🏻先講生蠔，今次叫左日本、韓國、法國蠔。頭兩款都屬於偏大size , 比較脆口，清甜。法國蠔Gold regal,是encore 再encore😍😍佢size 唔太大，但蠔味超濃郁，冇得頂🤩🤩我一行3人用餐，我地叫了一枝白酒*相等🟰5杯，另外再叫多了1杯白酒，即總共6杯*平均每人2杯，就可以以最優惠價錢食蠔🤩白酒選了侍應推介的有石榴味的，果然易入口，唔會好酸，正😄另外忌廉汁煮藍青口bb, 肉質好嫩滑，再加了一碟法包可以點埋啲汁食，完全享用全碟美食🤤 泡菜雞胸肉，肉質唔鞋，送酒好夾👍🏻…Read More

去左貝澳沙灘，出返去東涌揀了酒吧街哩間餐廳晚飯。由於游完水，全部朋友都非常肚餓，開頭隨便叫了水牛城雞翼$118，同margherita pizza$152大批，食物好快就到👍🏻pizza 好多芝士，熱辣辣好正呀😍另外雞翼就一般。之後再叫咗海鮮意大利飯$155、炸薯片$75、Pepperoni pizza$160、炸魷魚圈$140，青口*唔記得幾錢，以上全部都合格以上，好味。最好味嘅係意式忌廉薯仔球$135，這個非常有驚喜，口感煙煙韌韌，忌廉汁好濃郁，十分推介大家😍😍…Read More

雖然1號風球下，但天氣還是熱辣辣，好焗束，去到大佛，但原來維修中，發現附近有幾檔食山水豆腐花嘅舖頭，所以決定行完心經簡林出嚟之後，一定要嘆番碗豆腐花。我哋選擇咗去呢一間食豆腐花，係因應當日有啲舖頭冇開😅😅天氣咁熱當然要吃凍的豆腐花，糖水有少少薑汁味，加了少少黃糖，豆腐花味道其實只屬於一般，不是很滑，又沒有好香的豆味，只因為天氣太熱所以要食吓，抖吓。但豆腐花是用發泡膠碗裝的，又用膠匙羹，感覺上麻麻地。…Read More