or#tm68320854's Profile

本身同🐶🐶 散步，想係高街搵間有outdoor位嘅餐廳但可能去到已經太晏🥲 去到已經冇位，諗諗下行落少少就有bookmark咗好耐嘅依間fusion 餐廳，就決定試一試 ，而好彩地，野食十分啱我哋口味😍原先已經去咗happy hour 唔算太肚餓，所以淨叫咗2個starter, butter chicken 同佢哋自制嘅面包，真係每款都好食，而且唔油膩 。最欣賞個beef tartare，平時基本上見到都必叫，而佢哋依一個version 絕對係one of the best 🤤 一上枱已經聞好邪惡嘅牛油薯仔味，佢哋用咗煎到好香口嘅脆卜卜薯仔千層取代咗面包，組合夾得嚟唔會好油，會因為佢而再返嚟 。Main ー Butter chicken 又係必點🤣尤其係雞皮極薄又脆，而雞肉仲係好嫩滑juicy~ 連汁都用麵包點哂🙈 同埋佢有十分多京蔥，鍾意食蔥嘅一定會鍾意 ！ 佢有3個份量揀，下次要揀大份啲 👻埋單2個人連2杯wine $900多，下次會試多啲款或嚟momo free flow 😎…Read More

平日唔多去九龍，果日經開旺角女人街就入咗去，當晚環境乾淨，而且食客唔少，就試下啦 。睇咗一輪，我哋叫咗2個主食再加1個小食，諗住咁樣已經好夠食啦 。上餐快，主食份量慷慨，但當小食上時就覺得感覺差，就算係「2份」都唔會係1條春卷再1分為2掛😐…份量就見人見智啦.. 性價比係難過地低嘅，比較就好傷害囉 。整體嚟講，還好吧～食咗大x好多年，未試過有份量問題，同埋成$30賣1條春卷…. 我未好睇得透加上係普通嘅 。…Read More

作為堡疊街前街坊，麥記可以話係我最常幫襯嘅鍋貼店，即使搬走咗，有時經過北角都會返嚟食，因為價錢嚟講依然冇得輸，而佢個辣醬用嚟點墨魚都好出色。知佢哋係同一條街舊cafe 原址開埋嚟做，今次終於第一次坐入嚟食，但我坐到一半已經深信唔會再有下次。以前係舊店啲人無論係媽媽定仔仔定之後嘅人都係有禮貌，但今日sorry，真係希望店家可以重視員工training 嘅重要性🤯1. 店員自己預設咗個客有叫咗1個餐3樣小食，但客覆單時已經話淨叫咗2樣小食要辣醬，但店員選擇性去聽，到最後俾嚟張單都係有3樣…. 我即時同返佢講我冇叫，佢仲指返張單，咪叫咗囉，我話我冇，佢先走去同廚房講「佢話佢唔要喎！」excuse me??? 然後仲漏咗餐飲😩 咁耐以嚟係舊店，啲人都係好爽手又快又唔漏仲計到錢。2. 搭枱安排完全亂咁嚟，果下真係想講粗口… 我本身已經係搭緊枱坐係6人位，斜對面已經有食客，一共坐咗3個人，然後有2個人再入嚟搭枱，但最入個位因為設計問題太窄，坐唔入，個女店員叫佢哋「打斜坐」，一個坐我對面、一個坐我隔離LOL，全枱人都係依個樣，得個女店員仲係度笑緊。之後果2個人都覺得唔係咁好，話出返去再等，然後我真係忍唔住出聲講其實我坐入一個位，佢哋就可以對住坐同傾計🤯🤯我估我果下係大聲，因為真係理解唔到佢做緊乜野 🤯🤯🤯🤯🤯🤯🤯 食緊期間都聽到其他人話有餐未到，希望店家正視員工態度同埋效率問題，因為今日撳入嚟睇先知，我唔係第一個被員工嘅質素嚇親🫡…Read More

間唔中想食濃味湯米線都會返嚟，但今次真係大開眼界🫡 叫咗3餸少米線中辣，因為見到面有豬大腸知碗野係自己嘅就開始食，因為真係餓到勁晏先有得食野今日點知就中伏了，開始撈下碗野發現其中一餸唔係我叫嘅，叫個店員過嚟問先知係牛肝菌…真實對話：我：我無叫喎（即係佢落錯單）呀姐依然自故自說：啱呀 咪你落架囉 牛肝菌係咁嘅樣㗎喎 我：唔係 我係叫豆卜😮‍💨😮‍💨 無叫依樣佢：「唔緊要 下次再叫囉」 我：…. 佢講到咁唯有繼續食，但食落有陣荀嘅酸味唔知係唔係正常😨 如果食左一舊就放棄了。所以姐姐.. 我估 或者冇下次？ 😅😅 …Read More

同屋企人食飯 比佢地揀都一定係叫餸食飯難得係上環收工 諗住叫下回憶啲任食火鍋… 點知係依度真係搞唔掂😓幾年前係度食過午市點心 諗住都可以但晚市邊爐真係不了…嘅野95%嚟到都係冰….. 雞煲.. 算啦 是但啦唯一聽到好多都係外國客 所以可以？….以前香港任何火鍋真係好好多…Read More

幫襯左好幾年嘅拉麵店，近幾次都覺得可能下次會好啲，但今次確定真係唔會再有下次。1. 等位安排極度混亂：近幾次都好差，今次直情員工們都會避開你眼神，等位冇明確指示算，但今次個男士直程話你企係度阻住佢lol 明明係佢地由頭到尾都唔理有人等位同冇安排，如果好似之前門口有紙仔mark底，我估我哋都唔洗淨企係度唔知點算好… 當佢講完之後，我哋都知唔會再幫襯。2. 漏單好嚴重： 上次叫咗拉麵、炒飯、關東煮同牛腸鍋，但等咗半個鐘只有拉麵同暖暖地嘅炒飯上枱，催過問過但再等多20分鐘其他野都冇出現過… 到最後，有個好好嘅女員工係咁講對唔住同比左3個印仔我地，但可惜真係好失望。3. 品質控制：知多人等位揀靜啲時間過嚟.. 但湯底係有一塊塊….以上係綜合咗3次嘅experience 🙏 中環一定有更好選擇…Read More