wong.mann's Profile

早前ig熱捧嘅台灣菜，同朋友一早預約咗去試吓。我哋星期日嚟到，比想像中少人，walk-in 都唔洗排隊可以入得見到係旗艦店限定，就梗係要試吓呢個軟殼蟹麻婆豆腐撈麵 （$238）Soft Shell Crab Ma Po Tofu Noodles一嚟到個麻婆豆腐同我哋想像中有啲出入，豆腐量多肉醬少，撈埋麵一齊食就唔夠醬，好多時都冇咩味，麵質都係不過不失，冇驚喜。不過軟殼蟹炸得好香口好脆身，唔錯嘅😀櫻花蝦鳥醋茄子 （$48）Sakura Shrimp Eggplant嚟到其實係好細一碟，性價比唔高。呢一碟係涼菜嚟，冰冰涼涼咁，茄子都好入味，食落都幾開胃。總括嚟講味道普普通通，價錢較貴，性價比唔太高。不過勝在裝修特別，好適合同朋友們一齊嚟打下卡影下相🤭 …Read More

夜媽媽想食糖水發現旺角都唔係好多選擇，附近好多都好多人，見呢間分店新開就黎試吓啦 之前喺尖沙咀都見到呢間店，但好多人就冇等到。店面堂食座位唔算好多，座位間都比較擠擁。去到咁岩滿哂，要等一張枱先入得。喺門口睇緊menu時，店員都好用心推介有咩好食。不過可能新開張同我地太夜去到，好多野都賣哂啦 好好彩叫到最後一個椰皇揀左湯圓椰皇，湯圓都有幾種味揀，+$10可以雙拼。我本身揀左花生湯圓，不過可能店員聽錯，比咗芝麻湯圓。不過芝麻湯圓都好味，係食到粒粒芝麻texture同芝麻香，味道唔會太甜，湯圓皮煙韌唔會太淋易散雙皮奶都好滑溜，好香奶味，連埋椰皇一齊食清清地好好食龍眼冰好似以前聰少/聰嫂甜品果個，係有椰果、西米同龍眼冰。西米係爽口彈牙咁，好正 龍眼冰好濃郁龍眼味，一試就知足料…Read More

已經唔係第一次食醉香雞蛋仔啦😀之前食過開心果格仔餅都一試難忘，啲開心果醬好濃郁，好香滑，店員都落得好重手，啖啖都食到開心果味架所以今次經過都想嚟再試埋其他野食，今次就想試埋雞蛋仔店舖menu都有好多味道選擇，店員都好細心推介啲口味。除左雞蛋仔同夾餅，佢哋仲有自家製糖水同飲品可以買，價錢都好公道。佢哋仲有蒸燒賣，不過我哋之後仲要去食午餐，就冇買嚟試住啦🫣我哋叫左泰式奶茶雞蛋仔，可能算早人流唔多，好快就整好有得食啦。雞蛋仔粒粒都外脆內軟，粒粒份量十足，唔會好似出面果啲得個殼中間空心🤫而且真係好香泰式奶茶味，係食得出有少少茶葉苦澀味，而且唔會死甜，真係值得一試。價錢都好相宜，印象中都係30蚊左右下次經過都要再食呀…Read More

喺旺角竟然有間咁靚嘅寵物cafe😍 餐牌除咗人食之外，仲有好多寵物餐可以揀，樣樣賣相都好靚架😍我哋先填飽自己個胃，先再餵毛孩們🫢 首先嚟左抹茶牛奶，係有粒抹茶熊熊冰 勁得意呀😍 店員好貼心比埋糖醬我哋自己調較甜甜度，不過我哋試左唔加糖都好夠味忌廉汁青口好有驚喜，個汁好濃郁好好味，面嗰兩塊蒜蓉包完全晝龍點睛，蘸埋啲汁食好好食 我地仲嫌蒜蓉包太少 好想食多兩塊卡邦尼意粉沖略嫌細份左啲，不過味道依然不錯，面質岩岩好有趙口，但唔會過硬/過淋，個汁偏杰身，每條面都掛滿醬汁， 好滿足新鮮熱辣pizza，餅底係薄脆型餅底，食落唔會好粉好漿口，好惹味滑蛋咖喱豬扒飯豬扒唔會太厚粉，而且咬落好淋好juicy咖喱係日式咖哩，有小小微甜唔辣。滑蛋睇相都知有幾滑啦最後嚟到寵物餐 我哋4隻小狗叫左迴轉壽司，個轉盤真係識郁識轉架🤪 啲食物賣相都好好，壽司上面係魚/蛋/牛肉 下面係用雞肉丸扮飯影完相小狗們急不及待搶住食，好快就清左碟了🤭…Read More

同朋友預早一個月左右book定枱。約3:30 大約3:20可以開始排隊入座，都幾多人食，但店員都好有效率，好快就入到去。坐低可以order左tea set同飲品先，之後可以出去拎嘢其他野食最最最期待嘅就係呢個雪糕櫃，雪糕係自家製 日日都唔同款架今日比較特別嘅有姜糖味、粟米味、芒果糯米飯、抹茶紅豆、巨峰提子等等。同朋友一共上左9隻味，最鍾意芒果糯米飯同椰子 雪糕好綿滑，芒果糯米飯味真係有一粒粒糯米，夾埋雪糕食好好味水果有4款，都係正常水果 冇咩特別。隔離仲可以拎crepe 同waffle 廚師新鮮熱辣整出嚟 都好推介最側邊仲有啲點心可以拎，但全部冇蓋蓋住，我拎果陣有啲烏蠅嬲 有少少錯愕但我哋都有拎嚟試，味道中規中矩，冇特別主菜tea set嚟啦 其實食左出面啲野已經飽飽地，食埋鹹點同scone已經好飽，最後啲甜點全部打包Scone 配左三隻醬，有果醬、cream同檸檬醬，scone切開都係實淨 唔會散開哂，食落口就有啲舔口，要飲返啖茶解膩。鹹點有2件三文治，芝士火眼莎樂美味道偏鹹，另一件雞肉三文治係類似印度香料味唔太岩我哋心水。另外兩件係牛肉卷同三文魚撻，不過不失…Read More

係街頭離遠已經聞到陣酸臭味，唔洗睇地圖都搵到間鋪🤣 平日夜晚食，去到門口都有幾個人等緊位，排一陣先入到去。入面位置都較逼，坐得好密。叫咗全家福螺螄粉，有齊哂所有配料，包括有脆皮燒肉、牛肉、牛丸、臭豆腐、鴨掌同炸蛋嚟到原來勁大碗，一個人係食唔哂叫咗中辣 冇想像中嘅辣 食落湯底好鹹。聽人講螺螄粉必配炸蛋，炸蛋係炸到好似塊餅咁大，口感係好脆，但食落好油膩，完全冇蛋香味😓 脆皮燒肉嘅皮係炸得好香脆，但都係好油。牛肉係牛展，食落口感夠淋，算唔錯。鴨掌都煮到好淋，好入味。臭豆腐一般正常發揮。但湯底真係太鹹，飲好多野飲都解唔到渴😓😓總括嚟講有少少失望，覺得平時喺屋企整即食螺螄粉仲好食😓所以應該唔會再有下次啦😐…Read More

久仰大名嘅享樂bagel,難得幫襯就梗係要大手入貨啦一次過買咗幾款🤭首先係 湯種特濃抹茶麻薯貝果Bagel煙韌得嚟唔會太硬，而且抹茶味非常濃郁，好有滿足感。雖然手工製作，但中間麻薯分佈都好均勻，啖啖都咬到麻薯麻薯唔算太煙韌，偏向牛奶麻薯果種，唔會好唸口痴牙，係我鍾意嘅質地丸久小山園特濃抹茶焦糖三角我係第2日用氣炸鍋炸返嚟食嘅，炸完表面有微微焦糖加酥脆麵包，而内裏好鬆軟，口感一流抹茶醬索哂入麵包中間，好香濃抹茶味，果然係熱門產品湯種伯爵茶麻薯奶茶貝果Bagel包身同抹茶味一樣，煙韌得嚟唔會過硬，口感岩岩好。伯爵茶茶味冇抹茶咁香濃，比較淡味啲，會食得出bagel本身嘅麵包香味，唔會比茶味蓋過咗。兩款bagel各有特式，睇個人口味鍾意邊款多啲啦，我個人就較喜歡作佢哋嘅抹茶味產品…Read More

次次經過都好想食，但太多人就冇排。今次一早開門時間就嚟到，見冇咩人就即刻買嚟試吓招牌勁芫荽炒蛋餐肉三文治 + 樽仔咖啡全部三文治都係即叫即整，新鮮熱辣。一拎上手賣相好靚，而且非常足料食落勁香芫荽味，絕對冇渣流攤 炒蛋亦都好嫰滑，唔會過老。餐肉有略略煎香，咬落脆口有口感，面麵包都係鬆軟。整體食落非常夾，入口好有層次！好食到下次都想encore😍樽仔咖啡都好濃郁咖啡味，似係茶餐廳嘅咖啡，有奶滑但又唔會太甜，味道岩岩好。士林台式香酥蛋餅（芝士火腿）+樽仔奶茶蛋餅本身用咗香蔥酥餅，食落滿滿香蔥味，而且煎得好酥脆。我哋揀左芝士火腿味，都係普通味道，冇特別驚喜。樽仔奶茶係皇牌飲品，果然冇失望，香濃嘅茶味但又唔會苦澀，而且好香滑但又唔會太甜太重奶味，配搭岩岩好…Read More

店舖裝修是韓式小清新風格，好岩打卡。不過人流較多 繁忙時間會限時90分鐘。濟洲柑橘乳酪見到枱枱到必點呢杯飲品，個造型好吸睛，打卡一流飲落有一粒粒果肉 好香柑橘味，可惜乳酪偏甜膩，越飲越口渴韓式豬手（半份）賣相好靚仔，配埋生菜、紫蘇葉、蒜片、辣椒同泡菜俾你包住食，一啖過口感非常豐富。豬皮非常彈牙入味，不過略續肉嘅部份實咗啲，唔夠淋。紫菜包飯件件都好大件好飽肚飯捲壓得唔夠實，一咬落去就散哂，食到成手係，而且好乾 食完好口渴。蜂蜜牛油味炸雞（無骨半份）炸雞應該即叫即整，一上枱熱辣辣香噴噴 好吸引食落個醬汁偏杰身，食落好香濃好好味炸雞都炸得好脆 粉醬唔會太厚 岩岩好，肉質都好滑好juicy 入面仲有薯條同年糕，點埋個醬食好夾 好好味…Read More

上網見到餐廳重新裝修過啊，網絡好卡打卡就上嚟食下。一去到門口大門已經好吸睛，入面佈置都好靚好適合打卡。我同朋友兩個人一個set dinner同散叫咗雞翼、意粉同飲品。水牛城雞翼一份有六隻，煎得香脆，內裏都保留到肉汁好Juicy，而醬汁調得啱啱好唔會太鹹。Tiramisu Latte 賣相非常之靚，絕對適合打卡。杯上面擺放着一條Tiramis手指餅，配咖啡嚟食好好食。咖啡都好香滑，唔會太苦，容易入口。美國安格斯肉眼扒牛扒我哋叫咗五成熟，但係嚟到切開冇乜血色網絡都有七八成熟，比較失望。但係食落又唔會太柴，都keep到肉汁同嫩滑。另外我哋叫咗墨魚汁大蝦意大利粉，墨魚汁非常之香滑，配意粉入口非常creamy ，而且味道香濃略嫌大蝦煎得比較乾，食落偏硬。…Read More

上網見到個酥皮雞煲好吸引 就即刻訂枱嚟試吓我哋訂咗8:30枱 8:15嚟到話執緊枱俾我哋 叫我哋等一陣最後等到8:45先入得 但9點入座有9折😵‍💫 好彩店員都話照做返9折比我地酥皮芝士麻辣雞煲係要額外加錢嘅 不過點都要試吓啦因為又有雞煲又有任食 我哋就叫最平嘅setA算喇雞煲嚟啦 麻辣雞煲我哋叫左小辣 好惹味而且份量都好多 啲雞都好滑好好味食完雞煲就會換湯底打邊爐 有6個湯底揀 我哋揀左藥膳養生牛奶鍋，湯底好濃郁好香啲牛都嚟啦 雖然係最平嘅餐 但啲牛望落都唔錯啵 最推薦牛胸爽 好濃牛味 口感爽口 好好食另外app仲有啲丸呀餃呀果啲叫 啲餃子大大粒好足料除咗電話落單 出面仲有小食/飲品/配料拎小食每日唔同 我哋果日食得雲吞皮、鴨血同炸雞肉炸雞肉勁乾勁柴 雲吞皮又冇咩特別:(飲品方面 可能夜啦 手工茶全部冇哂 得返啲罐裝飲品…Read More

之前聽到已經想嚟試，終於嚟試到星期六11點倒都冇咩人 可以舒舒服服咁嘆呢個叉蛋蔥油撈麵蔥油好香 麵質彈牙 唔會好淋，撈埋一齊好惹味檸茶曲奇賣相好吸引，食落都好香，唔會太甜 不過略嫌有啲乾身糖不甩麻薯曲奇嘅麻薯太淋 完全唔煙韌，而且成個曲奇都好甜啡立刻 係咖啡溝好立克兩樣溝埋又幾balance 唔會太甜 又唔會比咖啡嘅苦味搶哂另外仲叫左一個流心焦糖蛋撻，一個$32 價錢有啲進取，嚟到係熱辣辣上台，味道比較似cream brûlée 係偏甜嘅燉蛋咁，反而蛋味唔係好濃，不過外皮好鬆化 好好味…Read More

一嚟到就疑炸雞吸引到，叫左一份蜜糖炸雞，原來咁鬼大份我哋叫咗有骨，食落啲皮都好脆、醬汁好香濃。不過雞肉肉質比較乾身，熟咗少少。除咗雞之外，入面仲有好多薯條，薯條炸得脆脆地 唔會太淋，點埋啲蜜糖醬食 好好味跟住仲叫左個烤牛肉蛋包飯，蛋包飯啲蛋非常滑溜，唔會太鞋太熟而牛肉都好入味 好嫩滑，牛肉煮得岩岩好，仲有好多醬汁可以送飯，正而且份量都好大碟，一個人都食唔哂呀我哋只係叫兩碟，但樣樣都大大碟，最後都係食唔哂要打包返屋企…Read More

一入到鋪頭，韓國人店家就好熱情招呼我地。我地點餐時，店家極力推介，話唔係好食咁簡單，係非常之好食，好搞笑果然嚟到個賣相已經好吸引 炸得好金黃 睇落都知個皮好脆呀食落口啲炸粉好薄 食落真係好脆，而且中間雞肉仲keep到啲肉汁好juicy好滑！個蜂蜜檸檬汁又唔會太杰太漏 酸酸甜甜咁，同炸雞非常之夾呀果然冇介紹錯呢個泡菜煎餅賣相平平無奇，但食落好有驚喜煎餅唔會太厚太重粉感，煎到脆脆地薄身 好香口，而且啲泡菜都爽口 唔會好霉。大推薦 香港好難搵到咁好味嘅泡菜煎餅最後到牛肉鍋，2人份量都好多，入面有好多唔同嘅菇類、豆腐、粉絲同菜，當然唔少得啲牛肉啦。湯底都好濃郁，蔬菜索哂啲湯好好味整體都好好食，一定會再幫襯呀…Read More

網上見到到觀塘又有新樓上cafe,即刻要試吓啦餐廳開12點假日不設訂座，我哋去到12:30岩岩好有最後一張枱。聽到之後店家同後面嚟啲人講冇得排隊等位，要晏小小再嚟睇吓有冇位。呢個龍蝦牛角包賣相好吸引 上面一粒粒龍蝦肉，下面就係牛角包。食落龍蝦肉都幾彈牙 凍凍地，而牛角包應該係用窩夫機夾過，係扁身熱熱地。不過牛角包偏甜，我覺得同上面龍蝦肉唔太夾。而且上凍下熱，感覺好奇怪。跟住叫左三文魚bagel，味道冇咩驚喜，bagel唔算煙韌。不過側邊啲鷹咀豆泥幾好味，好creamy。上網見到相就好期待嘅tiramisu latte 我地一坐低就已經落咗單，但等咗兩個鐘都未嚟，應該係店員漏左單啦可能新開比較亂，都聽到同場有其他客人都等咗好耐。終於杯咖啡嚟到啦！點知咖啡面嘅可可粉嚟到已經索哂水，應該擺左一陣先上菜 搞到影出嚟冇咁靚。不過個味道係幾好飲 將手指餅放入去點咖啡食好好味。甜品要1點之後先供應，我哋食到1點就叫埋呢個tiramisu 牛角窩夫賣相好吸引 絕對岩港女打卡店入面仲有兩隻貓貓 好乖好可愛 不過黑色呢隻妹妹比較怕人 嚟到唔好嚇親佢哋…Read More