tatatlaw's Profile

路經葵芳，諗住食d新野（平時都係食開米線之類）見到呢間韓式炸雞，有突然好想飲啤酒🍻，咁就不如入去試下啦！個地方好易搵，就係新都會廣場搵搵下就見到。首先講d炸雞啦，我地叫左兩種口味，原味好正！多汁又脆皮，如果有少少辣就好啦！甜醬我個人覺得太甜，搶晒雞既味道，下次要試下辣味先！d雞幫你去埋骨，啖啖肉真係不得了！以為size small得個少少，其實都好夠兩個人食。跟住仲有泡菜蛋捲，我反而覺得出色既地方在於佢既芥末醬，蛋捲本身黎講我覺得麻麻，太多水。跟住我地又叫左個韓式泡菜拉麵（其實就係即食麵），d芝士係好出色既，拉絲咁岩晒影相打卡，醬汁都甜酸適中，好好味。唯一不足之處在於個啤酒🍻！唔知係唔係我地唔好彩啦..店員上黎既啤酒唔夠凍，直情係唔凍，無論係咩啤酒都會失色唔少啦！希望係咁唔好彩d啤酒冇雪凍姐～總體黎講：值得再戰。…Read More

逢年過節，特別係情人節❤️、聖誕節🎄呢d大節日，唔係唔同你心愛的另一半出黎鋸個靚扒掛？平時煎開扒既我，不嬲都聽開出街食扒，通常都係outback steakhouse，咁岩到時節，咁就黎試試佢！首先我叫左個ribeye，medium well，但事實係煎得老左d，少後悔冇影到切開牛扒既相😭但雖然熟左d，都食到牛味好重，證明舊牛係高質！跟住我地又叫左個漢堡包🍔，個漢堡包對比起牛扒就遜色少少，肉汁唔夠之餘包皮太乾，雖然漢堡唔係steakhouse既主打但都會覺得少少遜色同失望既～overall黎講，我會推介牛扒要返medium，因為舊牛還是靚的，但漢堡包黎講就可以考慮下第二間啦～～…Read More

平平地食個tea，係個唔錯既選擇！重食可以有pizza，輕食可以有沙律，焗薯等等。再買杯咖啡☕️，帶本自己鍾意既書或者帶本電腦做功課，咁樣一個下午就過左去。重點係，佢係朗豪坊呢個area黎講真係好少人！！…Read More

由於成班人做緊一個vegan既research project，需要體驗一下一間素食既餐廳。我呢d偽·Vegan - aka真·食肉獸就義不容辭去嘗下究竟呢間野既素食同真肉有咩區別呢？答案係：真係非常之一般！我order左一個Future burger同一個素魚（個樣好似麥樂雞）。首先講future burger，78蚊一個burger，中間肉既質感做得好假，一食落去就feel到係豆製品，但同時又有肉既味道，比人覺得好奇怪既感覺。除左舊肉之外，個醬又麻麻地，包皮太乾。以我食遍無數burger既評價睇，80蚊呢個range一個素burger+呢個質素，性價比真係低左少少。不過，個素魚塊又做得幾高質，完全食唔出係素，新鮮熱辣，唔話我知我真係以為係炸魚！呢個比好評！…Read More

同親戚黎食大餐，有魚有龍蝦有鮑魚有魚翅。間酒樓係25樓，落地大玻璃窗，夜晚望出去就望到維多利亞港夜景🌃粵菜就食得多啦，所以我口味都幾yim chim，不過呢個酒樓出品d菜都幾好，有傳統既魚翅、蒸魚、龍蝦伊麵，又有創新既藍莓排骨（好評！）食環境又有，食菜出品又唔錯，極力推薦！…Read More

位於深水埗既間拉麵店打住係日本人開既旗號，去到時雖然係平日夜晚，但都排長龍。店面好細，淨係容納到20個客左右。店內服務員都係講日文、識講少少廣東話，應該係原汁原味既🇯🇵日本人。今次叫既係濃湯拉麵，對面媽媽都係揀濃湯拉麵但冇咁多叉燒。However...食完成碗後，個人覺得湯底太肥太鹹，唯一值返價錢既就係有成碗「叉燒花」排晒係到。面質偏粗，但都彈牙既～今次濃湯底有少少失望啦。。可能係我個人口味既問題，聽講醬油清湯好味d，期待下次食完再黎寫食評！…Read More

雖然大埔係遠左少少（對我黎講），但咁岩同fd係附近打完波，就黎左食燒肉。間店距離東鐵站都唔算遠，行路既話係太和行10分鐘就到，巴士可以大埔墟站搭5分鐘。嗌既260幾既放題餐，首先上左碟和牛頭盤，首推和牛粒同牛脷！除左頭盤外仲有豬腩肉、和牛粒、雞胸、八爪魚等好多肉類選擇。仲有好多石鍋飯、麵等主食可以選擇。話明oppa燒肉，緊係有無限生菜+泡菜refill夾住d燒肉食啦！啖啖肉食到爽到不得了～overall 200幾蚊一個人可以食無限燒肉，其實都真係好抵！下次經過呢帶都會再戰！…Read More