wynne chan's Profile

約左好姐妹食飯，話想食生蠔，靜靜地傾計，openrice見呢度新開，就呢度！先叫一set生蠔，12隻加白酒一支。白酒唔算靚野，但$198冇一打生蠔有白酒，算係咁。超易入口，因為口味極啖，不過勝在服務唔錯，會幫你斟酒。再來生蠔。唔錯！$198/12隻平均都係 $16一隻，呢個價錢黎講，我覺得合格有餘。生蠔唔算大隻，但幾甜，海水味唔重，不過冇所謂，因為我鍾意甜味多啲！每人6隻真係好過癮！再來煙三文魚沙律，$78。沙律菜普普通通冇咩特別，但三文魚份量好多，幾抵食！傾計點少得炸物？呢個炸物併盤（$158）揀左紫薯波、蠔、薯條、雞奕。不得不講紫薯波，煙煙unun,紫薯又甜，雖然好飽肚，但好好食！而點薯條個醬係黑松露醬，自家製醬果然好食，勁香黑松露味！雞奕、炸蠔就普普通通。最後仲叫左個千層麵$128。呢個麵真係好好好好食！芝士岩岩好，唔太多會膩，亦唔太少會唔夠。總之係你食完想再食嘅口味。唯一唔好就係細左啲，食完唔夠仲想食！呢間野地理位置唔太好，入左商場都比較難搵，但就絕對好食同幾抵食！…Read More

約左親戚一齊嚟食家庭飯，約喺收工地點中間點，樂富。叫咗天麻燉魚王。呢度湯一上， 大家都讚燉湯冇太大魚腥味，反而好似藥材湯咁，清淡得來又有淮山味，好好飲！再嚟德國鹹豬手。原隻鹹豬手上枱，但係侍應見到我哋個個避開鐵板，好貼心咁提議話幫我地切開先拎上枱！鹹豬手超級足料， 口感唔錯，但係個人認為冇酸菜伴碟，齋食鹹豬手比較油膩！另外嗌左生煎菜肉包。菜肉包個人就覺得麻麻地！肉包冇太多肉汁，反而似將蒸完嘅包，拎去煎，製造唔到上海生煎包嘅效果。蔬菜就有瑤柱金菇扒豆苗。瑤柱金菇扒打成嘅獻汁好多，配埋豆苗食好入味。而且仲可以解到鹹豬手嘅油膩感！仲有唔少得花膠鵝掌煲。鵝掌我就嫌麻煩冇食到，但花膠一啲都唔偷工減料，淨係我一個人都起碼食咗三舊，而且花菇超級厚，厚到好似牛扒咁添！最後要嗌返個龍蝦伊面。伊麵一如既往唔係主菜，因為口感一定係淋滋滋，唔好食。但龍蝦就保持一貫水準， 龍蝦肉爽口，配埋上湯汁簡直係絕配！ 睇吓隻龍蝦鉗大都同我手掌有得fight!所以幾時都話，食家庭飯最好就去食中餐！…Read More

今天下班後跟朋友一起去了尖沙咀the one。本身也對西餐很有好感，看到這個就決定進去試試。一進去氣氛也不錯，餐牌的選擇也有很多，由於想多談天決定要叫多一點小吃。aniplasto platter，頭盤的芝士及黑毛豬片都非常好吃，芝士味剛好，而黑毛豬片也是我最愛的調味。叫了tuffel fries .黑松露薯條，不是普通灑上去的黑松露而是用自家的黑松露醬攪拌之後再焗，非常惹味。之後是chicken lollipops！雞捧chicken lollipops也是必叫之選，皮脆肉滑，完全不覺油。再叫了chicken potato Mac。可是煙斗粉就太多芝士了，不過芝士控應該會很高興。而飲品叫了Fresh up和fruit punch。由於太飽了的關係，所以最後也試不了甜品。…Read More

今天下班後跟朋友約好了到他家聚會，之前上網看見了別人說很方便又不錯所以就決定試試。可能時間尚早，店子人流不太多，不用等太久很快就可以下單了。菜單選擇很多，一般定食屋的食物都有，而且十分清楚，魚生的選擇十分多，最後由於想吃多一點不同的魚生，決定叫岩手丼和住田丼。等了一會，很快就可以拿了，就快快回家吃吃看。打開了份量不多不少相信女仔的話會剛剛好，魚生份量也足，很大片。而且包裝很美麗，拿出來很氣派。開始吃了，吞拿魚蓉、三文魚、池魚都很好吃，很鮮，沒有平時外賣的焗味，好像新鮮拿出來一樣。蟹柳及魚子卻有點失望，比平時超級市場的差了一點點，飯也不錯，不過魚生太好吃了所以飯就有很多留下來了＞＜很方便也很經濟，下次也會去吃～…Read More

今次係第2次嚟四季‧悅放題！上次食完已經對佢Ｄ任食海膽軍艦念念不忘，估唔到上次留左CONTACT，佢今次有吞拿魚之夜竟然會邀請我去食，雖然第一下聽到要成$950係有啲卻步，但FOLLOW UP服務加上海膽軍艦、仲要吞拿魚之夜只係招待40人，咁多理由係度召喚我，最終緊係忍唔住去左啦！當晚，日本師傅已經準備好一條成30KG的吞拿魚比大家影相！條吞拿魚真係超！巨！型！大家可以一路食放題，一路等齊其他食客。齊人之後仲可以現場睇到日本師傅吞拿魚的表演！放題當然唔少得我最愛的海膽啦！海膽依舊超甜超creamy，紫菜脆卜卜，一食就知新鮮！！呢度的任食海膽真係冇得輸！其他刺身就一如概往，夠鮮甜啦！一口牛燒得好好食，好淋，一咬好多汁，係個人覺得咸左少少。當晚主角吞拿魚出場！每客會有３片吞拿魚及一片吞拿魚腩！不得不說，魚腩真係好滑、油脂比較多所以好淋，成啖魚腩入口好好好香！最緊要係，吞拿魚真係新鮮係你面前劏出嚟，唔係咩次等雪藏貨。話得吞拿魚之夜緊係可以無限ENCORE啦！其他放題必食嘅野唔逐一講，臨走前，佢地仲話17號同27號會再搞吞拿魚之夜添！講真，淨係任食海膽、超新鮮吞拿魚，加上專人劏吞拿魚表演，都已經值回票價啦！不過我諗我真抖一抖了…Read More

原本想試omakasen，仁終於決定試試自己口味，選擇散叫。先有暖毛巾比你抹下，十分舒服，而加茶次數亦好密，服務相當有禮貌同好。入正題，叫左道特上壽司。一共十款壽司，我就唔逐一多講。當中印象最深刻一定係吞拿魚壽司同海膽軍艦。吞拿魚淺粉紅肉質淨係見到已經食慾大增！食落口十分鮮甜，而且好肥美，每啖咬都充滿魚油，令到口感細滑，而且入口即哂！而海膽軍艦的紫菜好脆身，一Ｄ都唔梅，主角海膽真係超鮮甜，入口好好好CREAMY，一D腥味都冇，真係好想ENCORE！再另嗌一客赤身醬油吞拿魚腩。相比頭先個吞拿魚，呢個比濃味，所以WAITRESS上菜時都細心提醒我地可以唔洗點醬油。不過個人就較喜歡第一道的鮮甜味多過呢個醬油味。其實一樣好食，只係個人口味不同。之後叫左個鐵板和牛厚燒。呢道和牛勁JUICY，加埋蒜片食真係好有係日本食和牛時的感覺。和牛粒外層燒得唔算脆，係我個人覺得唯一可減分的地方，但裡面真係啖啖肉汁！必食！最後叫左個SUKIYAKI，WAITRESS會定時定後過黎幫你睇下食得未，亦會幫你把握時間，令牛肉片保持係最好食的狀態。牛肉片講真唔多，好似得３－４塊（唔係好記得），不過牛肉片肉質超淋，就係我岩岩所講最好食的狀態，點上日本生蛋食，又滑又林，話咁快就食哂牛肉片！（不過呢個鍋真係主打食主角牛肉片！）咁嘅價錢，咁嘅食物質數，叫做相當合理。而其他服務，環境當然係佢另外加分之處！…Read More

第一次來呢到，每張枱都有假蠟燭小擺設，先顯心思。前菜叫左芝士煙肉烤菇。菇個SIZE有點極端，擺埋一齊真係高下立見，不過烤菇烤到好好好好多汁，好好笑。芝士煙肉亦唔少，前菜黎講相當唔錯。主菜叫左溫泉蛋黑松露意大利飯。黑松露唔算太出味，一係黑松露少到食唔到味、一係黑松露好唔靚。不過溫泉蛋令到個意大利飯好香滑，當然個飯本身都好creamy。$98好抵食。第二個主菜叫左燒沖繩水飼豬鞍扒。啖啖肉，而且每啖的肉汁都唔少。不過味道就有點似煲湯後的豬展。只係相對juicy啲！呢個$228就貴左少少。最後緊係要嗌埋甜品啦！叫左個蘋果脆脆配雪糕，二人份＄８８，絕對夠食！蘋果比較酸，但係配埋雪糕食綜和返就超夾！…Read More

同朋友肚餓程度唔係好高，嗌左個小食再加一人一個main course。先跟人頭上麵包，提子包幾好食，加埋有花紋的牛油，真係睇見就開胃！小食叫左脆炸薯絲蝦卷　$48薯絲蝦卷一客5舊。薯絲唔油、亦唔脆口。內裡的蝦就幾爽口，不過不失啦。主食叫左大推介的龍蝦意大利飯配蛋黃忌廉汁 $99原隻龍蝦跟上碟！超級吸精！先試意大利飯，味道好濃厚，充滿龍蝦濃湯味，好好食！龍蝦就反而比意大利飯搶去風頭，味道較啖。但呢個價錢，食到呢個質數已經超哂班！西班牙黑毛豬　$168黑毛豬都比想像好食，入口好重GRILL味，亦都燒得唔乾身，好ＪＵＩＣＹ！外邊有少少燶左，但就真係啖啖都好多汁！總括來講，小店值得支持，裝修靚，食物用心整，最緊要價錢亦唔高！…Read More

同朋友差唔多一個月冇見，上星期搵日放工就即刻趕去荃灣，同佢食飯update下近況。𠴱日又係落大雨嘅日子，為免俾雨浸到成對鞋濕哂，我地決定都係留返喺商場覓食算。最後就去左千色匯食漢堡！舖頭細細哋，不過好彩我地去到𠴱陣得3﹑4枱客，唔洗等位仲可以坐4人枱，坐得舒服啲又傾得開心啲。坐低發現原來依到仲有意粉食，不過平時鍾情於垃圾食物嘅我地，當然二話不說地揀漢堡加薯條啦。menu上面有成11款漢堡，芝士牛肉﹑煙肉漢堡依啲基本野一定走唔甩，但Sixer Burger特別在有好多新奇組合既漢堡，好似鰻魚漢堡﹑泡菜牛舌漢堡，仲有睇落個樣超級豪華嘅龍蝦牛肉漢堡！其實我個心有啲想試鰻魚漢堡，不過又驚佢同漢堡包唔係好夾，最後穩陣起見都係叫左個牛肉啡菇芝士漢堡，同埋試下佢個龍蝦牛肉漢堡，兩個人share返都唔係好貴！加$18就已經有薯條/沙律+普通冷熱飲品，但見到枱面個牌仔話加$32可以轉做沙冰特飲，憑住要肥就肥到底嘅決心，我地最後決定齊齊飲沙冰。不過我朋友揀左水蜜桃荔枝沙冰之後，超霸道咁唔俾我揀同一杯，我唯有叫藍莓菠蘿沙冰，俾佢試哂兩隻味啦～首先到嘅係牛肉啡菇芝士漢堡，我想講漢堡真係世界上最難駕馭嘅食物之一，次次都食到勁「呢hea」！不過佢依到嘅菇係超多汁，食落口勁juicy，一啲都唔dry。而且個包係烘到外脆內軟咁，仲搽左一層牛油 喺入面，手工漢堡果然係無得比，好味。跟住落嚟就要講講佢個高級龍蝦漢堡喇～成條龍蝦肉連龍蝦尾擺上枱，望落已經覺得超足料，同menu個樣係一模一樣。龍蝦煎得勁香口，肉質厚得黎又夠彈牙，同個香草忌廉檸檬汁都幾夾，個人認為依個包都算值回票價！小食方面，我地一個叫左沙律，一個叫左薯條，沙律配黑醋汁冇咩特別。而薯條就係我鍾意嘅連皮粗切薯條，所以最後俾我K.O.哂，哈哈！不過唯一有點美中不足嘅就係兩杯特飲了。唔知係落得太多糖漿定點，兩隻口味都偏甜，加埋鹹鹹地既漢堡食中和下都ok嘅，但單飲就真係太甜了，最後我都飲唔哂～…Read More

今日收工同mami黎青衣城新開的樂天皇朝,我就第二次食,mami未食過。新店好多人排隊啊～～ＭＡＭＩ話佢個花生好淋好好食。我就留肚食正餐～叫左皇朝８色小籠包，台面有教人點樣食，咩次逐食。千其唔好食錯，因為唔同口味的小籠包會蓋過其他味的小籠包，令你食唔到真正好味的小籠包。我最中意反而係原味！！湯好多，細細口咬個皮，再吸Ｄ湯，已經可以有一啖滿滿的湯！皮唔算好厚又唔係好薄，普通啦～嗌左蟹粉炒飯。好足料！你見到實物就知，個飯勁CREAMY，勁有張口！而且好足夠的蟹粉醬，令你唔會撈到有Ｄ飯要食白飯。不過提議大家真係要熱食，事關擺凍左少少有Ｄ腥！再有水煮魚。個人覺得所有野係好有味，但唔入味，姐係粉皮冇麻辣感，得咬口。不過，魚好滑，又唔會一夾就散，值得一讚！（可能我食得重口味啦）口水雞狂熱者當然要食口水雞！口水雞夠凍，雞肉十分滑，點到滿滿口水醬食，勁好食！最後叫左甜品酒釀丸子同蘆薈桂花蜜。桂花蜜個人覺得太甜，不過凍冰冰好清涼，解哂水煮魚Ｄ辣。而酒釀丸子有好多丸子啊！！最中意咬呢類型的丸子！！佢多到真係啖啖都一定會有丸子比你食！！少少酸，勁好味！…Read More

今天下班後,想起之前朋友提及過長沙灣的一間性格比高的西餐廳，於是決定跟朋友一起去試試。到了餐廳，環境比想像中闊落，我們二人都坐得很舒服。經朋友介紹，首先要點的就是生蠔了。這裡的生蠔由１０元到７０元都有，我們最後點了一人一個生蠔拼盤，８０元左右，每人有４隻蠔，價錢由低至高，十分化算。拼盤先上，size也是由細到大排列,試過後發覺原來10蚊的最好吃~反而那個大的完全是令人失望….不過另外三隻也是令人十分滿意的。我們另外更點了pizza及burger，令人驚喜的是那burger,以蘑菇作最上的一層,那蘑菇汁夾雜牛肉一起吃,可說是給味覺帶來了新衝擊! 自選pizza也沒有令人失望,我們選了莎樂美腸的配搭,吃下去也沒甚麼大問題,唯一希望改善的是希望可不要焗太耐,因為有點兒焦了.吃了那麼多也只是每人二百多,絕對值得推薦啊!…Read More

成日經過都見爆丼屋咁多人排隊，一早已經想食，咁岩有日５點幾已經係ＭＫ，條隊唔算長，一於排一排。等左４５分鐘左右，入得！我叫左個甜蝦盛丼，朋友叫左火灸盛丼。對於我個甜蝦盛丼，只可以話，潮流真係一切！唔係咁多人排隊其實佢一Ｄ都唔特別。先講爆丼，係嘅，佢冇呃你，個碗咁細要爆都唔係好難，但要話比大家知真係好細碗。至於甜蝦，唔係話特別甜，完全唔值148！仲要比左２包即食紫菜係咩玩法？出面日式餐廳比紫菜都有ｈｅａｒｔ啲，比Ｄ包壽司紫菜你呀，即食紫菜真係多謝哂！仲要唔知係咪多人，服務唔太好，好串。（去得ＭＫ食野都預左佢唔好，但起碼唔好比人感覺唔好先啦唔該）簡單黎講，我去過唔會再去，亦後悔自己浪費左45分鐘排隊時間及$148。…Read More

突然想食韓仔野,叫左韓式無骨烤雞（醬油味）、原隻炸魷彈彈麵、泡菜海蝦炒飯、海鮮蔥餅。先上海鮮蔥餅，雖然個人覺得有點油，但九菜入口香口，而且海鮮料都唔少，仲唔會一夾就散，好味！再上原隻炸魷彈彈麵，彈彈麵有ｏｐｐａ親手係你面前幫你剪細舊炸魷。炸魷烤得唔錯，點埋麵汁食幾惹味，但又唔會話好熱氣，而且魷魚好彈牙，好食。但彈彈麵就差Ｄ..真係好彈，但口感似食橡根，仲要完全索唔到湯醬味道，變左冇味橡筋。第三上泡菜海蝦炒飯。外表唔錯，滿滿的芝士，但搞混後飯冇味，反而蝦係唔錯，幾爽口。因為唔太中意食，食左幾啖我冇掂過。最後上醬油味無骨烤雞。有粟米同焗薯拌碟，仲跟左４種醬料。烤雞熱辣辣，頗多汁，唔似連鎖式炸雞咁ＤＲＹ。我個人中意食原味野多Ｄ，所以我覺得加埋芝士食已經好好食，唔點醬係最好。值得一提係粟米，真係好好食，粟米外表搽滿左牛油先焗，食得出濃濃牛油香味！！呢個超推薦！…Read More

今天下班後約了朋友在灣仔吃飯，找著找著就發現了這個餐廳了。由於我是一個海膽控，所以看見有關海膽的食物就會失去理智先進去再說LOL 一坐下，裝修也很有日式食堂風格，看看菜單，除了湯飯外也有普通日式食堂的食物如炸豬扒飯、串燒等⋯⋯我自己本身是不太吃湯飯的人，可是看了看要吃海膽只可以配湯飯，決定試一試。朋友叫了皇帝蟹腳湯飯，由於她討厭海膽太腥，所以我建議之後試一些我那些就可以了。等了一會，湯飯上來了，第一次食湯飯不知道是不是所有都一樣的，不過這個下面是有火爐在暖著的！而主角海膽可以說是份量十足！就算分了一些給我朋友也十分能夠滿足我這海膽控！海膽十分鮮而且也不腥，很滑，十分滿分會有十分的海膽！而湯飯所標榜的鯛魚湯十分驚喜，很香很入味，使全個湯飯都十分香及易入口，對於第一次吃湯飯的我絕對是一個好印象！美中不足的是那蟹腳實在有點老，我朋友的和我的也一樣，太乾也沒有蟹味，有點像蟹柳的味道。不過最重要的海膽已經蓋過所有不足了，因為實在太好吃！…Read More

難得地鐵終於開通左南港島線，就做一日鐵膠，順便係鴨脷洲遊覽覓食，結果尋到寶！位置好就腳只係喺地鐵站轉左行兩三分鐘左右，鋪頭細細只有兩三個員工，但五臟俱全。採用開放式廚房，睇到廚師點樣料理菜式。菜單多元化都有好多選擇，因為想試齊唔同野食，所以叫咗小食拼盤、炸蝦餅撈檬同青木瓜豬頸肉沙律食😋口喝叫埋蜂蜜柚子茶同咸檸七，標準做法。第一份上菜係撈檬，好好食差d唔記得影相🙈蝦餅新鮮炸起，外層香脆內層爽口彈牙！檬粉粉質較幼身，食落好香米味，調味汁都掩蓋唔到佢陣米味！慣性自助落撈檬汁，幾鍾意佢個玻璃樽口，容易控制落汁嘅份量，出面嘅瓶口太闊，我次次唔小心就落得太多好似浸湯咁lol青木瓜多到唔駛錢咁，配洋蔥同花生碎，可以用撈檬汁拌住一齊食，清新開胃。豬頸肉比較厚身大大塊，邊位燒得甘香，口感略嫌韌左少少。原來小食幾大份唔客氣，2個人食每人都有兩件扎肉、雞翼、春卷食，豬頸肉就多到食唔晒🙈扎肉有兩隻味，原味同有餡，餡料係豬耳仔，食落爽脆為扎肉平添豐富口感。香茅雞翼同春卷炸得乾爽冇油，米紙卷住素菜香口得來清爽唔肥膩，雞翼就食得出係有香茅，而且肉質嫩滑😳一啖你就食得出全部都係自家製作！因為食得出菜式既味道同口感同出面既食肆真係有差別，忍唔住向伙計探料，原來老闆專程係越南學廚，材料都係越南入口，務求將當地口味完美呈現。好高性價比！野食份量太大，2個人食唔哂先係百零蚊埋單。不過可能天氣熱，冷氣有d大，啲菜嚟到好快變凍，得快d趁熱食！…Read More