kwongkapo's Profile

紹華小廚最特別一定係煲仔飯上面既波波球，好可愛好吸睛，望到已經覺近好療癒。🥺🥺荔茸肉碎飯，等左十分鐘就熱辣辣地上枱，先𣺉上豉油再合蓋焗多一陣，一打開香噴噴，波波球好完美呀。😭😭荔茸打得好幼滑，食得出天然既芋頭味，估唔到加落煲仔飯係咁夾。肉碎肥瘦同味道剛好，仲有好多菇碎，好好味，如果份量再多啲就好喇。😂😂一定要食埋黑椒蜜糖雞翼，一絕呀！蜜汁超惹味，雞翼外皮脆卜卜裡面好 juicy，慢慢食到最後一隻都仲 keep 到熱辣辣，腰果沾滿蜜汁好香口，連個碟都想食埋。🤤🤤當然要叫番個菜，正常水平，勝在唔貴。…Read More

星期六下午約左幾位閨蜜食 lunch 同 tea，想搵間食物質素OK又坐得舒適既地方傾下計，見窩子算係 cafe 又有梳乎厘班戟一於試下。去到等左 10 分鐘就有位，好好彩，枱枱都係剛剛開始食，期間一直有人排隊，慢半步可能都要等成粒鐘呀。😂😂-我地四個人好貪心，乜都想試下，最後嗌左四個咸食兩個甜品四杯飲品，坐左足足兩小時，飽到上心口。🤦🏻‍♂️🤦🏻‍♂️野菌松露油忌廉扁意粉。🍄🍄好濃郁好惹味，唔錯唔錯。自家製蕃茄醬扁意粉配雞肉。我地叫既每一份食物都實在太 heavy，要一份醒胃小小既 balance 下。😂😂味道普通，而且得三件雞肉太少了。🥺🥺極邪惡咸蛋黃芝士薄餅。🧀🧀黎到發現仲要係酥皮，真係好肥仔，食落其實無乜味，只有卡路里。🤦🏻‍♂️🤦🏻‍♂️假日早餐 Holiday Breakfast。我地既第四份咸食，食完其實已經飽到上喉嚨，呢件窩夫外脆內軟又夠香，真係好好味，搞到我地想叫多份窩夫做甜品，但我地此行最主要想食空氣 Pancake到底嗌幾多份甜品好呢。🥺🥺 焦糖香蕉配甜牛油核桃雪糕窩夫。香蕉表面有火炙過形成一層脆卜卜焦糖，窩夫仍然香噴噴，配吉士醬同雪糕真心好吃。👍🏻👍🏻典牛油黑糖醬梳乎厘鬆餅。黎窩子絕對絕對係想試空氣 Pancake，日本真係食得多，但無係香港食過，都幾期待睇下可以做到咩水平。😳😳說實話，同日本比都真係爭幾遠，Pancake 體本身既味道其實可以既，奶油仲做到有 95% 似日本，可惜個質地完全做唔到日本既效果，太濕潤太軟身，口咸食落好水咁。當然我明白咁樣比較要求太高，所以呢個質素其實我都收貨嫁喇，最緊要有得食丫麻，係咪。😂😂順帶一提，咖啡既奶可以轉 Oatly，加分。花茶同果茶，不過無乜特別。窩子勝在環境舒適食物性價比好高。…Read More

星期六去尖沙咀行街，順便食晚飯，行到海港城，見到乜就食乜啦，原來美中鴨子已經改左名做城中鴨子，我呢啲大鄉里真係唔知道。😂😂食物質素不過不失，以呢個價錢有更好選擇。-由於本人唔太喜歡食任何動物既皮，又得兩個人，所以無嗌到片皮鴨，但叫得城中鴨子，黎到無理由唔食鴨。😂😂嗌左頭盤，桂花糕凍伴鴨件俾先生淺嚐，桂花糕甜同凍，鴨件就熱同咸，青瓜薯片爽爽脆脆既口感加上沙律醬，又唔係唔好味，先生仲覺得幾好味，呢個配搭，總之味道好複雜。😂😂雪花松葉炸蟹拑，呢個掂呀！😍😍大大件，炸到熱辣辣，香口得黎唔算太油，咬開見到真蟹拑同蟹肉，啖啖肉，真材實料。👍🏻👍🏻其實我係一個牛魔王，去到邊都想食牛。本來想食紅燒牛小排但無貨，唯有嗌個香煎美國和牛西冷試下啦。🥺🥺西式食材用上中式煮法，味道正常不過不失，送飯都可以。😛😛一直對美心旗下中菜餐廳既炒菜都好放心，當然唔會驚為天人，但有番一定質素，呢道田園蟲草花炒翡翠苗保持一貫水準。👌🏻👌🏻…Read More

聽聞半島冰室大件夾抵食，長期有人排隊，閒日下午茶時間黎到，都排成二三十人，好彩港式茶記翻枱速度好快，等左15分鐘就入得，睇下個餐牌，好多款式選擇，樣樣都想試。🥺🥺芝士煎蛋豬扒包，烤到熱辣辣外脆內軟，豬扒唔韌，半熟流心蛋加半溶芝士，下午茶而言，呢個質素我收貨。👍🏻👍🏻香煎豬扒蛋印尼撈麵。最出名既豬扒，好入味，真係好正。留意番，無論豬扒包定撈麵，佢隻蛋都係流心，呢點好重要！粗薯條，只要係即炸即上，夠熱夠脆內涵唔乾基本上就好食。🤤🤤你會話，車，咁佢有乜咁特別？特別在佢做到哂以上幾點仲咁大兜，跟餐價只係加 9 蚊，你話喇。😂😂…Read More

係大角咀番工既好處係，午餐有好多好餐廳，已經食過好幾次，回頭率咁高當然有原因，午餐款式選擇多，味道唔錯，價錢合理，好似我地幾個人仲可以嗌多幾款試下。😋😋-呢個真係要隆重介紹，個名有啲長，星加坡叉燒香菇肉醬溫泉蛋撈麵。👍🏻👍🏻超級無敵多既肉醬充滿濃濃花生味，仲有好多叉燒、香菇同花生碎粒，撈埋溫泉蛋成個味道好豐富口感濕潤，豬頸肉又係勁香勁多唔洗講，呢兜野非常邪惡但真係好鬼好味，連我減緊肥都豁出去一口接一口呀。😭😭古早味福建蝦湯麵，湯底唔錯，四大隻新鮮彈牙蝦蝦同半熟蛋蛋，個麵去左邊？俾啲餸淹沒左囉。😂😂招牌8安士厚切豬扒飯，性價比奇高，豬扒有兩大塊，真係勁厚，煎到好香口但都係軟𣺉𣺉唔會韌。🥺🥺…Read More

下午咁岩路過 IFC 見 % 無乜人等，我地又無乜野做，緊係嘆番杯午後咖啡。☕️☕️舖面簡潔光猛，設計上完全係我杯茶，不過有點細，大家排排企，等咖啡。一向有收集透明咖啡膠杯影相打卡，呢個杯中呀。一杯 Iced Latte 一杯 Spanish Latte，Iced Latte 咖啡味都算幾濃郁幾順口。從未試過 Spanish Latte，原來係加左煉奶，感覺即係茶走個朋友啡走。😂😂試左一啖，對一向唔落糖既我而言太甜，但先生係落糖派，佢幾滿意喎。👌🏻👌🏻…Read More

Bakehouse 開左咁耐一直都想試，但怕排好耐而遲遲未去，難得遇上閒日放假，終於的起心肝去試下。閒日午餐時間人龍都唔短，好彩等左 30 分鐘就有枱，食完終於明白點解長期咁多人，原來真係好好味，絕對值得，花一個下午享受麵包既美味。🥺🥺-兩個人叫左一個 Lunch Set，有湯同一份主食，今日 Chef’s Soup 南瓜湯，好足料好香濃。👍🏻👍🏻主食揀左 Berkshire Pork Schnitzel Sandwich。豬扒即炸香口，一咬落去熱辣辣出哂煙，肉仲好嫩滑唔係乾柴，麵包軟𣺉𣺉，配合埋菜同醬，夠哂清新。😋😋黎得 Bake House 就係為左 Croissant 同 Scone，仲加左 Jam & Cream 想試下咩味道。堂食會幫你焗翻熱，未拎到上枱已經香噴噴。牛角包名不虛傳，好重牛油香好鬆脆，但都係預料之內既味道，反而個鬆餅真係超級無敵好食到不得了。外面脆，裡面實淨得黎非常鬆化，濃濃既牛油味，配埋果醬真係一流，係我食過最正既鬆餅，完勝日本呀。🥺🥺包包橫切面。…Read More