KeikoHo's Profile

是晚係高先睇完戲到食飯時間，上黎搵下有咩食，搵到依間好評都幾多喎就黎試下。入到黎空間闊落，姐姐仲好有禮貌好好服務咁問我食咩，叫左個扒餐現薯菜，塊扒大過我手掌（我手掌已經偏大真係好誇張）然後佢既薯蓉原來入面係有實既薯仔（好似薯pie咁）所以口感好好！唔係平時一Pat好粉又好濟果隻個湯我就加左錢轉酥皮，賣相靚仔湯都ok既（可以辣少少就perfect) 飲完湯個姐姐仲會問我好唔好飲，我覺得係關心顧客既feedback先會問。埋單加埋一百6蚊算係咁，今時今日小店好難做落去，所以平時點懶唔寫食評都要幫幫手。…Read More

是日同朋友見到社交平台廣告介紹依間主打$10串燒，咁就試下，地點係巷仔入面但唔算難搵。Book左8點早到左都可以入黎，鋪仔細細唔算多位，坐位都唔係太舒服有d逼。waiter 服務幾好唔似樓上講到咁差？咁酒精飲品就半價都ok平過出面HH, 叫左杯梅酒$68 （半價$34）。野食黎講有分唔同價位，最平$12串起，但$27樓下既串燒要兩串起咁叫，所以你係要$24咁叫，由於依個關係，貴d既我地都係叫一串試下咩環境先。我地兩個人叫左大約30串左右，佢上得好快，快到食唔切然後有d野涷左，完全享受唔到慢慢食。初初上既基本野都覺得係ok既（始終十幾蚊串唔好expect佢好出色）但係慢慢越食，就覺得真係好普通，有d直頭可以用難食形容🫠 調味好一般，全部都係用同一種調味粉。到埋單，兩個人食左9百幾？依個價錢既話、咁其實有大把好好多既選擇，所以唔會再黎。…Read More

好多年無寫食評，但係都忍唔住寫。搬咗嚟上環區兩年幾，一直都唔發現有邊間車仔麵檔係好食。有一日行過，再搵吓OpenRice嘅食評見到唔錯，於是就試一試，點知見到佢都有幾多串燒類嘅小食就叫咗幾款試吓。就發現其實佢最出色嘅係串燒類，之前試過燒大腸，雞皮同埋牛仔骨都係非常好食。今次叫咗原條蒜蓉燒茄子同埋椒鹽燒牛舌心$68，個牛舌芯係非常之爽口同埋我叫咗中辣係剛剛好惹味，唔會話太辣。不過份量黎講唔算話好多但係味道都對得住佢價錢。至於個燒茄子就好大份，佢係有種甜甜地既味道，同平時出面食既燒茄子唔同，$38唔算貴。我會再想試埋佢其他唔同既串燒，甚至我覺得佢比起其他所謂既串燒店仲好食。車仔麵係正常發揮，但係好抵食！希望依間小店可以做得住，#支持本地消費…Read More

一路都唔係話十分好海南雞，因為香港食到既海南雞質素都好參差，有時又係新加坡做法，有時又海南咁。直到兩年前去泰國食到當地既水門雞飯之後就念念不忘。結果香港終於開左間泰國既水門雞飯真係好感動！唔使下下去泰國先食到。黎到門口排長龍，不過好彩都好快就有位，佢同泰國唔同之處係佢仲有生蝦食，我地叫左水門雞飯+炒通菜+生蝦同野飲。最快到既居然係雞飯先，飯既份量比泰國多，一碟都夠飽，個汁同泰國食既有8 9成似，不過雞就唔係話十分滑但都ok ge。個湯係果隻味呀！我形容佢為胡椒豬肚湯咁既味，好好飲！生蝦都幾辣下喎，佢仲配埋苦瓜。不過6隻成舊水係貴左d....通菜炒得好乾爽，唔會話林晒同埋仲好綠，味道唔錯。價錢當然同泰國無得比，但香港黎計都算可以既，兩人埋單3百。…Read More

是夜本身約左男朋友放工happy friday食好西，打算食另一間鋸扒，但係無book位要等成個幾中就決定唔等。見到對面依間之前都想試（gimmick野）入去問下唔使等。環境都幾得意既，不過真係太嘈同埋好逼下，由其d人係咁係我後面行黎行去。侍應就一般啦，對住d外國人呀或者熟客就好friendly咁。咁初頭睇menu, 男友仲話應該唔飽（大多都係小食類），咁我就話叫兩個飯啦（窩蛋安格斯牛同咖哩吉列豬），再叫小食（雞泡魚干、炸雞皮、表哥薯條）。先黎居然係兩個飯，份量都ok既唔會太細，咖哩果個係日式同另上，汁就少左dd不過配料都幾多下，味道唔錯同埋吉列豬炸得幾好。個牛望落無汁咁仲驚佢唔夠味，但又幾好食喎！其實似食緊高級版吉x家，都幾多執牛鋪滿。個雞泡魚干好食！似係居酒屋/日式餐廳水準。表哥薯條都驚喜，初頭諗緊咩叫表哥，佢用章魚燒既醬汁用係薯條度，估唔到咁夾，對於中意食炸野薯條既我真係好滿足。反而最失色係個雞皮，佢炸到燶左所以有d苦。食左咁多野飽到想死（仲枉我男友驚唔夠飽），價錢都算合理，食物水準唔錯，只係唔係好岩食飯（d鬼妹同abc太嘈）…Read More

是日男朋友話出黎旺角食飯，上依度睇下有咩食啦，想試下d小店，見到依間comment唔錯價錢都相宜，就決定食依間。佢間鋪既位置都易搵，係橋底隔離，門口有個姐姐係度負責整串燒。我地叫左個馬拉盞肥牛通菜、生蝦、青咖哩雞、蒜蓉包、串燒（雞、豬）。咁個侍應好好人，佢話我地叫滿左200蚊可以用1蚊加生蝦（4隻），變相我地唔需要特登叫。生蝦都新鮮，個醬汁唔錯唔會超辣。不過有d唔夠喉😆青咖哩好好味！加埋蒜蓉包係最好既配搭！蒜蓉包係做到外脆內軟架！ 真係好好食串燒都好驚喜，d沙嗲汁好夠，可以用黎送多個飯🤣 串燒既肉唔會燒到太乾太鞋。食到好飽先3百幾埋單，現金仲免加一去邊度搵？…Read More

今日睇到面書介紹海南雞既鋪頭，男朋友話不如試下依間，因為灣仔果間佢食過，咁就特登放工過黎食。鋪仔細細，主打都係「雞」，但有唔同整法唔只係得海南雞飯、仲有口水雞、沙薑雞、霸王雞等。男朋友叫左無骨海南雞飯，我諗諗下突然想食沙薑雞就叫個菜飯底。依度要一讚飯底都有幾款選擇唔錯！買左飛好快就有得食，我果個係無湯既，男朋友果個有，佢話幾好飲喎！我又試下、係屋企既味道。因為我屋企又係好中意煲青紅蘿蔔湯，幾甜幾好飲。沙薑雞無乜沙薑粉，但估唔到味道又ok夠喎！而且驚喜既係d雞真係好滑！一d都唔乾唔難口，份量都幾好下，絕對係抵食既！我覺得佢依度係雞既新鮮程度取勝，反而海南雞/沙薑雞既醬汁就失色左少少。但係性價比黎講絕對合理可以一試！唯一係佢全部用外賣盒要扣分。…Read More

依排睇到飲食男女呀，openrice等等賣廣告都賣得幾「行」下，見到佢d野好似幾吸引，主打燒味但又有其他野想試，就同男朋友過黎試下。（其實我地前一晚無留意收鋪時間遲左去到收左，第二日再黎！）咁去到都易搵既，都幾得意門面係old skool燒味檔但後面係茶記但加d fusion咁。去到都要排隊，咁我滿心期待啦！本身最想食佢個沙嗲肥牛撈烏冬，點知咁早都賣晒？咁又心思思想食佢個麻辣肉醬雞扒飯，問侍應話都幾辣下架無得小辣，咁就跟男朋友食少爺滑蛋叉燒飯啦。黎到見佢又係用外賣兜裝好唔環保，見面頭無汁無豉油，原來加左係飯度。叉燒份量還可以，但佢切得好鬼大舊，又全部都基本上係瘦叉，扣左分。叉燒識食一定係食肥叉/半肥瘦。跟住重點係d飯好鬼硬！好似未熟晒咁，食左一半已經唔想食好哽胃。真係好失望叫佢最出名既燒味都咁..... 睇黎無下次…Read More

平時成日同男友係大坑食野，但其實好食既都係得幾間，依間係新開既cafe, 咁就黎試下啦。黎到間野細細地咁唔多位，如果一多人就有排等，好彩咁岩有個女客人見到我地等，佢一個人又差唔又食完好快咁讓左個位比我地。咁我試一試佢d pasta先，叫左個carbonara 同rose latte，男友叫左佢最中意既all day breakfast。不過認真，唔知係咪細cafe無多個人應付樓面，得果兩個人係度沖咖啡又收錢又盛，係幾慢下同有漏單情況出現😅，我野食都食完男朋友杯latte都未到，可能小店要留意下員工既工作量應唔應付到。 不過食物質素是ok的，意粉味道唔錯，無平時果種好「漏」既感覺反而有少少酸酸地幾開胃，仲有d火箭菜，不過份量唔多。咖啡有玫瑰花香都唔錯，不過擺係度好快就涷左。希望下次再黎揀少人d既時間會坐得輕鬆d。…Read More

男朋友話去依間野試下，聽個名咁特別都唔知係食咩，抱住試下先既心態。黎到依間鋪都咪話唔多人，鋪既間格比較三尖八角，好難劃分位置，所以唔好期望坐得耐同舒服。我叫左個肉骨茶小籠包同菜，男朋友叫左肉骨茶同豬油蛋飯，咁我食左少少又幾好味喎！不過真係幾細碗下，女仔食係ok, 男人食就一定唔夠。到我個小籠包，試下飲d湯先，幾好飲個味好似胡椒豬肚湯咁，無之前飲既肉骨茶咁有藥材味岩晒我，成碗飲晒，小籠包浸湯咁食都係第一次。野飲方面有得揀檸檬薏米都幾好。整體野食價錢都ok, 不過真係唔好預慢慢坐、坐好耐，快食係ok ge。…Read More

其實依間野開就開左好耐，成日經過但就偏偏無食過，今日諗唔到食咩就決定黎試下啦。首先，夏天一定要坐入面，唔係既話企鋪外一係就食煙同快快飲完走人。鋪仔細細坐得幾張台，係有少少壓逼感。我唔想食到太飽所以無叫到all day breakfast, 叫左個croissant 加bacon & egg，另外一杯iced latte。其實野食坦白通就普普通通，因為越普通既野越難整得好食，同埋等左好耐.... iced latte就還好啦，無其他cafe咁有得選擇fruity定nutty。我諗而家咁多間cafe之中佢係算比較失色既，而且環境亦唔算太好坐吸引。…Read More

是晚好朋友生日，我地book左依間新開既hot pot, 因為我地幾個女仔都比佢既fancy吸引左。又見食其他食到厭就打下邊爐咁啦，由於新開同熱潮既關係，我地幾個打極電話都唔通，好彩有位朋友打多幾次通左！我地8點去到等左一陣就入去，門口有野飲比等既客人飲下解解渴，仲要味道唔錯tim! 夏天咁熱飲返杯都真係幾貼心架！味道似青檸咁既野（無為意係咩黎）入到去裝修都好girlish, 全部粉紅色，到我地坐入去卡位果陣，依樣就要投訴一下，個台角勁尖位又窄，入去坐果下好易撞到，我地撞左幾野。😤跟住我地諗緊會唔會有水或者茶，係無既！逼你一定要叫，不過慶幸既係你叫一杯野飲加幾蚊就有得無限refill, 我地都叫左竹庶茅根降降火。咁d waiter都幾主動幾熱心既，依個要讚下，同埋我地叫左個醉蝦佢會幫我地滾同meet埋蝦殻！咁我地叫左個鴛鴦湯底（每款湯底計錢，都幾貴下）所以就叫左個麻辣同一個番茄。之後再叫左d丸呀肉呀魚呀咁，每份（我地都叫半份試）都真係幾少下，但就變相我地可以試到多d唔同野食。個牛肉幾好食，脆肉鯇好好食好爽（我地再encore)，年糕浸係番茄湯底出奇好好食喎！而且佢唔係比cheap野係比一片片果隻！兩款湯底都幾好味，番茄湯無咁索但飲既話就好濃好飲。辣果個就好索味而且唔會咸同太辣唔錯。埋單一千，人均3百幾，值唔值見仁見智，不過黎打下卡都ok既，服務亦都一流，比得心甘情願。…Read More

之前有一兩個月一直係依頭返工做野，但都無為意到依間小店cafe, 直到今日同男朋友諗下去邊度食野好，搵openrice先發現依一間好似幾吸引。不過地方真係細細，大約坐到5台人左右😅不是感覺係ok既。主要我地係食佢既all day breakfast, 有分洋式同和式，咁我當然要試下佢既和式係咩料子啦！🤭 價錢上都唔係平，野飲再另計，不過係依區都無辦法啦。其實野食份量唔算話十分多，女仔既話我覺得係岩岩好既、男仔既話可能未必話好飽。不過個味噌炒蛋真係不錯的說，咸咸地又滑。鰻魚都係驚喜既，無太多骨。不過多士就失色左少少，牛油味唔夠同茶得少。咖啡叫左Iced latte, 味道係偏濃既有少少苦澀味，不過咖啡不嬲都好個人既。整體黎講係可以一試既。…Read More

之前係ig見到依間cafe, 好似幾靚幾型咁喎！又係灣仔，所以今日好耐無見既友人約我食晏，就決定去依間試試。友人食過佢話ok, 但提我話要早d去要排隊，結果12點半去已經排緊幾張，等左半粒中先入到去。見到環境同menu等等都好有design感覺仲不錯，不過睇完menu同友人都覺得其實cafe黎講野食都算貴喎！普遍avg都百5至二百（未計野飲）你食一個lunch咁就閒閒地兩舊幾水一個人落樓。所以得都係揀返d百零既算，求其叫左個三文魚他他同杯flat white。Flat white味道係ok既，因為揀左fruity d佢就比左幾粒nuts吊味，賣相仲好岩打卡tim！至於個主角亦係令我好失望既位，黎到見到佢有4塊烘左既包係咩料？咬落係脆得濟d料擺上去係食到跌晒，跟住又加埋d唔個乜乾落去（個人已經好憎提子乾之類既野）個他他呢又9唔搭8配橙，結果只係到無味既三文魚+牛油果配9唔搭8既橙，我真心食唔落覺得好L難食，點解佢地出依個菜式唔試下先？未食過唔正宗（都算）又難食既他他。友人聽到我咁講都忍唔住試左啖，結論都好認同我，唔係我主觀。埋單每人兩舊，又排得耐又唔好食又貴，真係唔會再黎。…Read More

今晚同男朋友諗到頭都爆食咩好，銅鑼灣好多都試過，成日要發掘一d新野食，咁就搵遠少少天后，見到依間hungry elephant，好似唔錯咁，就黎依間喇！唔知係咪因為落大雨今晚假期都唔算太多人，地方環境唔錯夠大同埋闊落。本身睇到comment想試個冬陰功意粉既、但見到有青咖哩軟殻蟹長通粉就決定轉軑。另外男朋友點多個牛肉salad。野食都好快上，份量合理適中唔會過多或者過少。個青咖哩意粉果然有驚喜，唔會太辣（個人本身因為中意青咖哩多過黃咖哩）而軟殻蟹都幾多！有成大隻！入面仲有好多配料（四季豆、青黃椒同埋秋葵）而個牛肉salad都幾大碟，味道唔錯，d牛肉剛剛好唔會太老太鞋（6-7成熟）整體黎講性價比算高，可以bookmark佢做飯堂:) …Read More