lings328's Profile

午餐叫左3個米線餐，分別係花枝招展，士林棒棒雞同埋蟹將軍，每份$51另加外賣盒每個$2。一打開盒真係「驚喜」無限，花枝招展竟然只係得2粒花枝丸，棒棒雞簡單薄過張紙，蟹將軍竟然只係幾條蟹柳，真係頹到爆，非常過份! 個蕃茄濃湯真係令人失望至極，味道淡過水，稀到不得了，蕃茄得果細細嘅幾粒仔，成個湯一啲蕃茄味都冇! 打電話去問，職員態度敷衍，呢個$51午餐食左都唔夠飽，奉勸大家千祈唔好試呢幾個餐，用呢個價錢食頹飯，不如食茶餐廳啦!…Read More

今日同兩個老人家去樓下試下新開嘅茶樓，叫咗個豬腳薑，未試過啲豬腳咬都咬唔到，最過分都係隻雞蛋，個皮硬到唔知放咗幾耐咁！碗野仲要四十幾蚊，唔知叫人點食！跟住個山竹牛肉球都真係唔多好食，又係實一實，用筷子一叉落去都差啲叉唔入，好少會食左啲咁實嘅牛肉球仲有醬汁鳳爪同芒果布甸，呢兩樣都終於算係正常少少，一般酒樓咁啦仲叫咗個燒腩仔，算係不過不失啦，不過下次真係唔敢再嚟食！難怪唔少街坊都彈佢啲食物質素唔多掂啦…Read More

今日午餐經過長沙灣保安道街市，上三樓試一下熟食檔，好難得仲有舊式熟食檔，真係好有懷舊風味！到3樓見到點心舖，意想不到竟然有豬膶腸粉，而家真係買少見少！入口有濃郁豬膶味，好香好好味，即叫即整好新鮮，價錢合理，一家大細都食得好開心，正！春卷熱辣辣即叫即炸，好香蒜蓉味，蝦餃亦不錯，一咬落去見到蝦肉店主態度親切，食得開心！而今時今日真係好少見到熟食市場，呢種人情味真係好難得！趁住仲有嘅時候，大家多啲黎幫襯啦！！…Read More

是日午餐飲茶，原本開心的家庭聚會，但到埋單就谷氣！下午1點到達，飲正價茶，侍應比午市點心紙，咁就叫啦，點知就中伏！點心紙寫住$9.8嘅點心，到找數果陣變左$14.8,楊州炒飯寫住$48，比錢就收$58，原來佢話張點心紙寫住星期日要收多5蚊，咁就寫清楚啲吖，啲字細到我地都睇唔到，十分誤導，大家小心唔好中伏！跟住仲另外收多兩個我們冇嘅點心錢，我地2：15埋單，佢話係我地2：10落單，態度勁差，真係唔想激氣就最好唔好幫襯佢啦…Read More