lo10's Profile

媽媽生日，帶佢食好嘢！新開壽喜燒裝修得好靚，入到去有日式和風感覺，座位都幾闊落，之後就知道點解要咁大張枱，因為要放好多碟食物。幾百蚊就有前菜、主菜、飯、仲有甜品，食完真係飽到傻。首先上咗前菜，前菜有牛丸、豆腐、慢煮和牛，前菜覺得煮得好好食，想食多set食完前菜，就比碟雞蛋，一隻蘭王蛋，一隻係無菌蛋！好多，下次比一隻都夠。另外仲上咗和牛、野菜盛、飯和漬物。戲肉係果碟和牛，油脂分布比例好均勻，煮完之後入口即溶，食到好香牛味。連埋飯食，最後飽到食唔哂啲配菜！下次嚟食果日要留肚先得！…Read More

去完日本好想再食日本燒肉，同埋新年想同屋企人搵間新餐廳食飯！呢間介紹啲和牛係由日本農場直送：5個人叫咗5人set 九品，每人可以食哂啲唔同部位！勁好食！入口即溶，有唔同口感！初頭會食3塊薄燒，配埋日本可生食雞蛋，好豐富！侍應會幫你燒第一塊，同埋介紹有咩部位，要點燒。之後就燒唔同部位，最貴係肉眼同肉眼心。最中意係燒勁大條牛舌，燒到外脆內軟，正！最有驚喜係蔥扎住牛肉，燒熟成舊放入口，爆汁！勁香蔥油汁！一定要食！我哋仲叫咗雞髀肉，又係超滑！一定要配埋飯食，好滿足！食到勁飽！唔知係咪因為新年，冇日本菜供應，話冇野菜盛，希望下次有。下次要再去！…Read More

真係未試過咁差的茶餐廳！！一坐落去，陣陣煙味，明明隔離大大個，仲高過個人的禁煙板。等餐又耐，叫個奶油豬都可以勁耐，最過份係朋友叫左豬排包并薯條加紅豆冰，但催左幾次先來，來到話冇哂薯條，又唔講冇薯條之後可以轉咩，叫侍應來，個侍應話計平我地，但計法係當紅豆冰同豬排包散叫，加埋仲貴過之前叫落的套餐價！頂！！之後叫老細來先搞掟，但臨走時個侍應勁唔小心咁把成杯茶倒落坐輪椅的人士到，真係未見咁差的侍應！！…Read More