tsuibryan's Profile

今日星期一Blue monday，唔想留係屋企食，同左阿媽都去荃新嘅古今二食dinner。叫左一個麻醬豆腐沙律，兩個壽司卷（煙花同蜘蛛），仲有一串黑豚荔枝串燒，同一串鹽燒白鱔。一嚟個沙律🥗好多舊豆腐，同埋啲沙律菜都一啲都唔會好老，成個沙律都好refreshing～之後兩串串燒一上嚟已經勁香碳燒味，先講黑豚荔枝，呢個組合出奇地啱key，荔枝個味balance左個肉味，兩啖食曬成串😝😝個鱔就係媽媽叫嘅，佢話啲肉食落好爽脆，好香口，仲想叫多串👾最後兩個壽司卷，一個係蜘蛛卷，入面有炸軟殼蟹，牛油果同蟹柳，個軟殼蟹炸得好好味，唔會得炸粉同唔覺得油膩，加埋牛油果同蟹柳，夠曬多料一口好滿足👍🏻👍🏻最後係煙花卷，最出色，入面個辣味吞拿魚同三文魚就算成舊一齊食，都食到啲料係好新鮮，啲魚肉加埋d脆脆，個口感好特別，我最鍾意呢個。今餐好滿意，平時唔煮飯得閒再落嚟食😋…Read More

私心推介既隱世平民餐廳今日有event黎到EMAX，喺4樓行行下見到間餐廳見平平地就入去食，點知都幾有驚喜！叫左晚餐2個，砵酒牛脷焗飯，半隻烤春雞，仲有頭盤同甜品先7,80蚊一位，真係抵到爛！頭盤係羅送湯，包同蘋果沙律（有啲似飛機餐🤣）但食落唔錯，包好軟熟。先講牛脷飯，牛脷勁林勁入味，焗飯唔錯，啲汁啱啱好唔太咸。烤雞配薯條好好味，烤雞個皮勁脆，薯條係鮮炸，女朋友勁中意！甜品係自家製既士多啤梨木糠布甸，唔太甜非常好，非常用心。總括嚟講，7,80蚊食到咁嘅質素，有頭盤，主菜，甜品，包埋嘢飲先係咁嘅價錢，絕對係抵到飛起！值得一提嘅係，原來依度係有個戶外既空間，有10零張枱，仲有個小型遊樂場！好啱小朋友黎邊食邊玩。戶外部份仲可以燒野食，星期六日夜晚仲有live band music，平日好似仲有70蚊lunch buffet，真係勁多花款！勁中意呢間餐廳！私心推介！…Read More

今日同女朋友收工黎到荃灣行街街，去到荃新天地見到依間古今二都喺依度開左分店！之前喺觀塘都食過佢，非常高質，所以諗都無諗就衝入去。佢依間野啲食物名好有創意🤣 首先我地叫左個龍卷風沙律做前菜，之後叫左兩個卷，「煙花」同「火山」，最後加個鹽燒鯖魚就啱啱好。首先個龍卷風沙律，其實我平時好少食沙律，嫌啲菜冷冰冰，但依個絕對係其中一個我食過最好食既沙律無誇張！！佢係由蟹柳絲，生菜，中華沙律，蟹籽同埋脆脆撈埋，口感好有層次，再加埋佢個特別嘅沙律醬，有少少辣辣地吊一吊味，非常之開胃！！私心推介依個沙律然後個鹽燒鯖魚，女朋友都好中意，佢係用網燒，層皮燒到好脆，亦都唔會食到好腥，不錯不錯。黎到卷物「煙花」，即係下面蟹柳卷上面再加吞拿魚蓉，蟹籽同埋少少脆脆，好唔錯，吞拿魚蓉鮮味再加埋個卷，出奇地襯，比like！最後就係「火山」，想講佢既presentation真係一流，店員會拎個盤上黎，然後點火，兩邊既火加埋中間既一大堆蟹柳絲就形成名乎其實既火山，型到喊。雖然佢只係普通既蟹柳卷，但堆積如山既蟹柳絲令到入口啖啖都係滿滿既蟹柳，大滿足des！依間餐廳的確無令人失望，保持一貫水準，絕對推介👍🏻👍🏻…Read More

成間舖都係廁所味，好臭。食物份量少得可憐，60幾蚊幾啖食完離晒譜🤬🤬🤬🤬🤬永遠唔會再黎食👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼👎🏼…Read More

Best Japanese fine dining experience so far in k town. Great environment, gorgeous food, professional chef and friendly staff. Highly recommended. Especially the signature yakiniku, definitely a must try item.Tried the hairy crab, straight out of Hokkaido apparently, fine taste with ease of mind. I don’t trust any food from “the north”, period.Skewer also pretty nice. Overall very satisfying. Keep it up.…Read More

去開觀塘換身份證，諗住順便食下好西，無乜好idea最後都係決定二刷依間，因為上次實在係抵食大件夾好味！今次唔洗講一坐低已經叫左個雞皮餃子先，真係我人生食過最好食既餃子絕對無誇張，塊皮又薄又脆，睇返相都已經流曬口水。然後再encore南蠻雞定食，水準無下降一樣係超好食，啱啱好熟既雞嫩滑到不得了，加埋特登煮出黎既他他汁，無得輸！特別要講一講個頭盤柚子凍豆腐，真係好好食。另外叫左個豚丼定食，都算正常，大大兜夠曬抵食，撈隻生蛋唔錯唔錯。野飲我叫左接骨木青檸梳打，完全唔知咩黎🤣 但飲落好清新好refreshing！最緊要係唔太甜！！好啱我口味！總括來講今次二刷都係好滿足，相信一定會再繼續嚟，因為真係好抵食，又俾足心機去做👍🏻👍🏻 very nice…Read More

今日收工同女朋友去咗將軍澳行街街，一路行到將南發現多左好多新樓，好靚好fancy，行行下見到依間私房菜睇落幾唔錯就決定試一試佢。坐低啲卡位好闊落，幾好。先上2個蕃茄湯，味道正常無味精。我地2個人叫左3個餸，一個魚香茄子，豉椒炒蜆，同埋拔絲咕嚕肉。本身見餐廳裝修普通，估唔到佢煮啲餸咁有水準。先講魚香茄子，女朋友最愛，唔會太咸太油膩，走油茄子色水好靚，最後太飽食唔晒打包埋第二日拎黎撈飯都一樣係無得頂！！豉椒炒蜆非常好食！個芡汁調得好好，沙白硯鮮甜無沙，係真係沙白，唔係求其俾啲硯，依個價位絕對交足功課！滿分！！！最後個拔絲咕嚕肉，真係好好好好味，我自己本身中意食咕嚕肉，佢肉質非常嫩，炸得啱啱好，炸既時候油溫恰到好處，表皮完全唔會過硬，very nice。又係好完滿既一餐，估唔到咁隱蔽既地方竟然有間高質隱世私房菜，絕對推薦俾各位巴打絲打👍🏻👍🏻…Read More

本身喺觀塘返工，行行吓駱駝漆見到之前蛋包飯個舖位開咗間新嘢，梗係要試一試佢。估唔到非常非常之有驚喜！見到佢依度招牌係南蠻雞 同埋 鰹魚，就叫返個嚟試下，加左個炸餃子。首先講個鰹魚定食先，中意鰹魚既朋友一定要試，佢來貨好新鮮，處理得好好，因為鰹魚好易腥，依個完全食唔到腥味，校個鰹魚汁亦都恰到好處，唔會搶味，做到提鮮效果！然後女朋友叫左南蠻雞定食，依個真係非常非常非常之不得了，雞肉極度嫩滑，肉汁直頭係爆出黎，絕對無誇張，佢個他他汁好特別，明顯係特登煮出黎，一啲都唔馬虎。同埋有懷疑佢係即炸，因為都要等一陣，出黎層皮熱辣辣好脆，依個我真係俾100分！！！大家一定要試仲有仲有，你淨係見個飯素嘅份量已經係多到呆左，真係好俾足料。精彩嘅食物係停不了，本身隨口叫咗依個炸餃子，女朋友想食，因為我成日都好怕炸餃子層皮好厚硬過石頭。點知！ ！ ！點知！！！佢依個炸餃子完全係超出我想像！！佢層皮非常之薄，完全唔會咬到崩牙，係可以享受入面餡料嘅味道，我個人係非常鍾意呢個餃子！一定會再黎食最後一杯焙茶拿鐵，一杯抹茶拿鐵，正正常常，係明顯飲得出落咗好多焙茶抹茶粉。不錯總結，最後埋單$200落樓，呢個價錢食依個質素，我係絕對絕對滿意！下次一定會嚟再幫襯。…Read More

終於都開返晚市堂食啦啦啦啦啦啦！身為foodie即刻同女朋友衝出去狂食慶祝！不過可惜嘅係，漫長嘅work from home亦都同時告終，即係代表着又要返工啦。所以今日黎觀塘接女朋友放工，順便試吓朋友介紹呢間工廠大廈入面既台灣菜，哈豆。一入到去已經比啲裝修吸引咗，牆身有好多畫作，好有趣。因為非常肚餓嘅關係，我哋叫咗一個頭盤台式滷水拼盤，我叫咗台式麻油雞湯套餐，女朋友叫咗鮮梅佐豬扒滷肉飯，再加2杯野飲。落單嘅時候店員講普通話，先知道原來係台灣人打理，即刻有種去咗台灣旅行嘅感覺🤣台式滷水拼盤一嚟到枱面已經超級大份，有雞翼，豬手絲，牛腩，豆腐同埋滷水蛋，每一樣都浸得好入味，仲要係大份到女朋友食咗幾舊已經差唔多飽🤣🤣 CP值超高！！台式麻油雞湯套餐又係超大份！一個麻油雞，一碗細滷肉飯，再加多個生菜。滷肉飯豬肉做得好香，食完啲滷肉就可以用雞湯送飯。個湯非常鮮甜，加埋啲麻油好有台式嘅感覺。鮮梅佐豬扒滷肉飯滷肉飯正正常常，但係個炸豬扒係非常非常非常好食！炸得啱啱好，調味亦都啱啱好，唔會太鹹太炸，食到停唔到！！但最最最驚喜嘅竟然係兩杯飲品，初頭見到成$30杯嘢飲都覺得有啲貴，但係一上到枱，就完全明白$30完全係值回票價。鮮榨檸檬椰果多多我想講佢係成jar咁上，好誇張，好抵飲，益力多酸酸甜甜，再加啲蘭香籽（即係黑珍珠），有口感得來又健康。阿華田豆漿原來佢係豆漿同阿華田分開上，阿華田係冰左一舊雪糕咁樣，首先飲兩啖豆漿然後將阿華田加落嘢飲度，一杯飲品，兩種味道。高度推介。總結：我同女朋友兩個人飽到捧住個肚走，加埋都唔使$300。依間台灣野係出奇地有誠意同埋大件夾好食。絕對絕對推介！…Read More

又到星期五，又係一星期一度帶女朋友出黎威既時間。適逢奥運會開幕就梗係要興祝下，去左大埔大和個頭逛下。黎左依間WM cafe食下西餐。坐低環境都唔錯，西餐黎講價位算係唔貴，但個裝修都幾有格調。叫左2個晚餐，拿破崙三色腸意粉，烤豬西冷配檸檬帶子青蘋果絲，湯要左龍蝦湯，凍朱古力，凍檸檬蜜糖，最後跟餐有個檸檬撻。拿破崙三色腸意粉：色水好靚，好開胃，好重既蕃茄味，再加三種唔同既腸，陣味出奇地夾，唔錯唔錯。烤豬西冷配檸檬帶子青蘋果絲：依個真係精神，咁當然係小弟叫，豬扒肉非常嫩滑，連肥膏位好甘香，非常高質既豬扒，帶子同豬扒一齊煎有陣豬油香，熟度啱啱好，加少少青蘋果絲refresh下，正！！凍朱古力：好。好。飲。係好好飲，cafe黎講真係好出色，甜而不膩，朱古力味夠晒出，加埋cream，正爆！凍檸檬蜜糖：依個就好甜，我無咁中意，連好中意甜既女朋友都覺得甜（咁當然無我女朋友咁甜啦😘）就真係睇個人中唔中意。檸檬撻：小弟非常非常中意，酸酸地小小甜我覺得好好味！食埋女朋友個件，最正係佢上菜隻碟都係凍既，依d細位真係有心做，抵讚！總結：好有心機既餐廳，值得推介，價位唔貴但食物絕對無揸流攤。PS. 熱烈祝賀張家朗係男子花劍勇奪奥運金牌！！香港勁揪！！！！今晚即刻食餐好既慶祝！！…Read More

星期五happy Friday，又同女朋友行街街。今日黎左大坑，突然個口有陣酸味想食酸菜魚。咁啱有間新開既十二味，係大坑開左分店，就試試佢先。😋😋入面環境裝修都好中意，紅紅既裝修見到已經開始覺得辣。坐低係用QR code落單，界面都算易用。我哋就叫咗涼拌土豆絲，燒椒皮蛋，蔥油拌麵同埋就梗係個招牌人見人愛酸菜魚。涼拌土豆絲：酸酸地，撈埋啲青瓜，好開胃，薯仔佢係特登唔煮太淋，咬落去索索聲幾有口感。燒椒皮蛋：超好味！同女朋友都一致認同係最出色既餸，佢係用左特別既皮蛋，黃色蛋黃同透明蛋白，個汁既味調得好好，甜而不太辣，皮蛋個種餘香殘留係個口度好一段時間！正啊！！蔥油拌麵：味道正常，麵條幾有咬口，煙煙韌韌（女朋友話既）食酸菜魚得黎有啲澱粉落肚係唔同啲既人見人愛酸菜魚：依個真係值得一讚，平時小弟其實好少食啲咁重口味咁油膩既野，但佢整得完全唔會好油好漏，辣度恰到好處，重點係麻香味勁重。魚既份量亦都好多，我地兩個人都差啲食唔晒。CP值絕對一流！整體黎講好滿意，價錢亦都合理，女朋友亦都無投訴辣到食唔到（依個最緊要啦🤣），實在係值回票價既一餐。…Read More

呢期女朋友返工好辛苦，日日OT慘慘豬，夜左收工都帶左佢黎左元朗行街街，亂行行到去朗屏站，本身諗住求其食d野，求其亂入左依間叫「稚」既日本餐廳，點知超有驚喜！唔好睇佢門口細細唔起眼，估唔到食物係咁有誠意！一坐低已經勁開心，入面好多動漫野，有幅油畫係集合左好幾套動漫角色人物！勁正（毒男發作）。講返正題，前菜我地叫左溏心蛋，芝麻雞翼，主菜叫左個蟹膏蜆肉炒飯，牛油雜菌炒帆立貝。自家製溏心蛋：甜而不漏，熟度啱啱好（因為女朋友好憎d太生既蛋），涼涼地好開胃！芝麻雞翼：我地一致覺得係非常非常非常之好食！外表睇落係普通既煎雞翼，但佢係半煎炸，表皮勁爆脆，鎖住晒入面d肉汁，熱辣辣正到脾。最後連個雞翼尖都要「損」到乾乾淨淨，依個係必食推介！牛油雜菌炒帆立貝：黎到第一個反應係，份量超多，食極都仲有菇。金菇好香好入味，女朋友超中意，我自己就最中意帆立貝，所謂細細粒容易食，CP值夠晒高！蟹膏蜆肉炒飯：超多蜆，超多蜆，係超多蜆，多到好似唔洗錢咁，淨係依點已經誠意滿分！！炒飯係用日本珍珠米炒，夠晒乾身粒粒分明，仲有d木魚同粟米粒，入口口感一流。總結：完全無估到隨便行入一間餐廳會咁有驚喜，俾足料一d都無渣攤，CP值高，尤其係個雞翼，大家真係一定要試。女朋友食完都開心晒，希望佢可以快d搞掂公司d野，可以輕輕鬆鬆放下假！等我下次可以再帶佢食好西減下壓啦。…Read More

今日24孝男友又陪女友食lunch了，第一次黎觀塘工業中心，原來依頭勁多野食！古今二係觀塘工業中心食卷物幾出名既日本餐廳，就帶女友試試。Lunch好肚餓，前菜叫左甜蝦柚子沙律，加三款卷，蜘蛛，煙花同午夜牛郎（d名真係好搞笑🤣）最後見隔離枱叫左個好正既燒牛舌，忍唔住加左一份😋😋首先講個甜蝦柚子沙律，我本身唔太鍾意食沙律菜，又凍又生咁，但依個沙律完全令我改觀，超好味！！甜蝦新鮮，salad dressing甜甜地好襯，柚子加生菜依個組合完全係夾到絕！女朋友又好中意佢個牛油果，好好味，極推依個沙律👍🏻👍🏻蜘蛛，姐係軟殼蟹卷，大大件好抵食，我本身都幾中意軟殼蟹，所以必食啦！煙花，姐係辣味吞拿魚同三文魚蓉，好鮮好香，加埋小小脆脆係面有d口感，即刻令成件事提升左，正！午夜牛郎，依個超正！佢係牛油果，芝士同三文魚，但最正係佢個邊位小小炸左既，食落脆脆地好有口感，佢炸得黎又唔會好熱氣咁，好特別，女朋友食到chep chep聲，不得了！最後係網燒牛舌，燒得好香好林！48蚊有6大件，cp值好高，值得推介！最後女友食到飽一飽返公司，大滿足呀！😋😋😋…Read More

女朋友住喺九龍灣，廿四孝男友就梗係搵間近女友既餐廳啦，所以今日就黎到食得寶商場入邊嘅台灣野。坐低未見到個Menu以為係肉躁飯嗰啲，竟然原來係家常台灣小菜。我哋就叫咗個二人晚餐，蒜片黃花魚，炒台灣A菜，加兩杯野飲。埋單都係百零蚊，好抵食！先來嚟咗個台灣A菜，炒得幾靚仔，菜一啲都唔老，調味啱啱好。推介👍🏻然後係蒜片黃花魚，超好食超有心機，佢係成條魚拎去炸，睇樣都知佢炸得好脆但係唔會成層炸粉，我見到真係呆左，超有心機做得！食落口佢個汁係好好味，甜甜地，送飯一流！女朋友都食到chep chep聲。極度推介👍🏻👍🏻👍🏻最後兩杯嘢飲，水蜜桃紅茶唔太甜，大大杯好抵飲，洛神花茶就清清地，酸酸甜甜好開胃，啱晒解左炸野既油膩感，完美！同女朋友食完開開心心返屋企，大滿足👏🏻…Read More

今日又同女朋友嚟咗粉嶺聯和墟，尋日食完越南野，行過見到隔離有間日本嘢個樣好似好正，今日就特登嚟食一食佢完全係超乎想像嘅驚喜！外邊睇落係一間平民餐廳，但佢食物嘅質素係超有誠意！前菜我哋叫咗辣味螺肉，吞拿魚魚腩蓉豆腐。辣味螺肉勁大碟，好似唔駛錢咁😂😂女朋友勁開心仔（佢勁中意食）。吞拿魚腩蓉豆腐，好有特色，豆腐加吞拿魚香好match！絕對推介！主菜我哋就叫咗一個日式冷麵，明太子炒飯。日式冷麵好得意好似撈起咁。佢個汁調得好好，係我最鍾意嘅麻醬汁。最驚喜既地方係佢連啲配料每一樣都做得好有心機。明太子炒飯，都唔錯，吵得均勻夠香有鑊氣。因為好肚餓嘅關係，再加左幾舊壽司。簡直係畫龍點睛。佢啲壽司係用紅醋飯，刺身非常之新鮮，海膽靚到不得了，仲要啲紫菜係保持到脆嘅！非常有心機認真既delivery。真係要讚臨走我哋仲加咗個豆腐雪糕。清清淡淡唔太甜，非常好味。總結，我同女朋友都非常鍾意呢間餐廳，一定會來再食，咁嘅價錢食到咁嘅質素嘅日本嘢，簡直係非常有驚喜！…Read More