bubbleki's Profile

我人生第一個食評就係2016年俾你哋Neway嘅負評，估唔到九年後嘅今日，再激到我要留言。 星期一下晝我唔信佢爆晒棚囉，訂唔訂位都係收咁多錢點解一定要早一日訂位呢，有生意都唔做快啲執晒冇人可憐。 佢今年做緊生日月壽星免費，優惠啱啱再推星期三及星期日半價，搞咁多嘢都即時唔慌好生意啦。 老闆諗乜㗎，整埋啲咁嘅條款，咁多年一啲進步都冇…Read More

星期一下晝好好生意咩？爆晒棚咩？點解生日月優惠要早一日訂？ 啲咁嘅條款，有生意都唔做。 好心啦，而家咩時勢啊，有客肯嚟仲搞咁多嘢。 好多年前Openrice 我第一個負評就係俾Neway， 從此從來冇再去，今年見佢做生日免費，星期三星期日又話半價都唔慌好生意啦。 個客打到電話嚟話想轉頭嚟，點解要人哋早一日訂位呢？ 星期一下晝lunch時段都就過啦。其實訂唔訂位都係收咁多錢，老細究竟諗乜，有生意唔做快啲執冇人可憐。…Read More

我最喜歡間餐廳高樓底，配上優雅嘅裝修同燈光，入到去非常舒服。 我唔鍾意去樓底矮嘅餐廳，尤其是中菜客多起上嚟好嘈好侷促。 我鍾意依間餐廳枱與枱之間分隔有足夠空間。唔會話聽到隔籬枱講乜嘢食乜嘢茶餐廳咁迫。 裝修及高樓底感覺高級，但價錢唔嚇人，係正常餐廳消費，午市同下午茶便抵，見到餐牌有一人餐。食物在相片度俾咗評語，整體嚟講出品中上，我真係諗唔到批評嘅地方，朋友連前菜碟花生都袋埋返屋企😝我覺得甜品尚有進步空間。下次去我一定會再叫嘅當然係片皮鴨，鳳尾魚係我朋友至愛，另外會叫萵筍炒肉絲，因為依碟我唔知再可以喺邊間餐廳有得食。豆乾好似幼麵條混合萵筍有蔬菜嘅口感，好清涼好啱夏天食，唔油唔炸食完冇罪惡感，如果連續食幾餐真係減到肥😃 係我最欣賞嘅新菜式，而家仲回味緊加埋醋混合嘅美味😋 簡直想俾佢六星⭐️⭐️⭐️⭐️⭐️⭐️…Read More

一坐低職員推介一張天婦羅的獨立餐牌，講到買一送一好抵，但最後其實只係生蠔🦪是送多1隻。明明餐牌上印住$99 兩件的帆立貝，埋單收據上卻印了$110 ，我踏出門後才發現，回頭問佢點解，佢答餐牌未改價錢，吓😡咁都得❗️😤雖然加一後都只係多$11，但無理由咁。 另外我聽到帆立貝也是買一送一，最後只來了2件（買一送一，應該是四件），我想核實返究竟我聽錯定係佢俾漏。佢答其實都冇乜分別，因為大隻咗1件=2件，可是一啲都唔大，只係正常尺寸。天婦羅生蠔都是買一送一，$99來了2隻，味道正常。天婦羅厚切燒玉子$48 及樱花蝦膠$68 性價比最低，份量少又細。 串燒及豚肉卷正常合格，甜品🍨是最好，兩款都OK味道夾，份量合理。 另外坐低後佢送咗小杯清酒👍🏻 …Read More

啱啱食完上嚟睇吓有冇錯失啲入座優惠，好彩冇特別優惠，但見到啲比較差嘅食評，咁啱有時間就幫佢寫返個好評啦，因為我哋最後叫嗰碗雙皮奶確實好味。 其他點心就一般般冇特別驚喜，我朋友點嘅千層糕出嚟不似預期，佢以為係白色再加好多層奶黃嗰款點心，但出到嚟好明顯唔係千層但味道OK唔太甜有啲黏黏口嗰種糕點感。 朋友點咗芫荽叉燒腸，因為我唔食芫荽，所以我覺得一般，但喜歡芫荽嘅朋友應該會鍾意。 小籠包完全冇湯汁就麻麻啦，可能叫蝦餃會仲好味。 鳳爪味道OK正正常常，總括嚟講除咗個雙皮奶之外點心冇特別，但職員服務態度感覺OK，啲嘢食嚟得好快，雙皮奶係最後先點嘅佢都溫馨提示要等20分鐘，而知我哋趕時間阿姐亦提點廚房盡量快上，感覺幾貼心，所以幫佢喺度留返個好評。…Read More

叫咗個六餸二人海鮮套餐 Seafood set for two 魚湯份量唔細，夠三四位飲。二人可添飲海鮮一碟碟上，冇一次過嚟晒，我鍾意咁樣喎，可以每碟專心品嚐。 蠔仔肉碎粥/湯飯 Oyster Congee with minced  pork  蠔仔大得超乎想像，仲有好多隻，雖然我本身鍾意食細蠔仔多啲，不得不美讚佢呢碗粥，真材實料，好過太多其他餐廳。 Super big Oysters 🦪 for tradition congee, looks fat & fresh, honestly better then many other restaurants另外散叫加咗Black  pepper  short  rib  生燒牛仔骨第一口覺得鹹咗少少啱送飯，再食落就覺得好入味，軟硬適中。 仲有我想特別讚一讚啲蔥粒好新鮮，混咗啲肉汁更美味佢有賣洒，不過我哋就叫咗杯利賓納梳打。地點在堅尼地城的最尾，小山坡的角落。 可以叫做隱世小店，佢冇錢做宣傳，我有緣幫襯過，就幫手推介一下。 …Read More

前一日見到世貿銅鑼灣分店OpenRice有八八折，但諗住遲啲先去食，第二日去咗尖沙咀K11朋友話不如食呢間啦，其實上年都食過一次，今次食完我先發現原來係啱啱琴日在銅鑼灣見到同一間餐廳的分店。同一時段在銅鑼灣分店有六折😫而尖沙咀就任何時段都冇折扣，即係剛剛食貴咗接近一陪😢當然唔開心。 但仲有另一件事令我呢餐更唔愉快嘅係我叫咗「香草牛油大蜆意粉」侍應話冇大蜆可以改青口。其實我唔係特別想食青口，餐廳有另外其他青口嘅餸菜我都冇諗過要點，但係為咗食我喜歡的香草牛油汁於是照轉咗青口。 碟嘢嚟到橙橙的外表已經覺得有啲奇怪，一食落口根本就係蕃茄意粉一樣味😣完全冇牛油味🤦🏻‍♀️意粉冇大蜆轉青口，冇理由連煮法都轉埋😡本身現場想質疑餐廳嘅煮法，但最後吞聲忍咗。返到屋企睇返啲相（影低咗餐牌） 終於睇到邊度出錯😪擺明佢就用咗煮「青口分享鍋」嘅方法去煮我碟香草牛油意粉🥺因為原來有一個菜式叫「蒜蓉蕃茄煮青口」😤 所以我成碟意粉都係蕃茄味，冇牛油味。另外兩點幾入座時見到右邊有卡位，侍應分配咗我同朋友坐左邊普通位，其實我想坐卡位影相靚啲，當時諗住只有二人唔好阻四座位卡位都啱，可是食物還未到就見到4人卡位全部都只坐了兩個人😮‍💨 睇真啲佢分配俾我哋嗰張普通枱其實都係一張四人枱，不可拉開變兩張，咁即係普通枱同卡位都係四人位😒 我覺得入座時侍應該比客選擇，現在比我遲入場的反而坐了卡位，我想坐又冇得坐，這點也令我不高興。…Read More

雪糕新地唔記得落花生，取餐時提才補。取餐時已見到雪糕很溶，立即食食到一半都已經溶晒🙁😣薯條叫咗走鹽，通常即炸熱辣辣。我都明明見到廚房炸緊薯條，我一直企在櫃檯等取餐，但到我取餐時睇見啲薯條外表一般，立即取一條入口完全唔熱，暖也不暖，淋淋的，唔好食，非常失望😞🥺我現場取即時食卻似外賣放咗半小時差唔多的口感，因為食咗麥當勞幾十年知道食物的水準，我唔知呢間分店發生咩事，嬲到要寫食評！我唔好彩囉，店員冇俾即炸起嘅薯條我😢😮‍💨今次用app內生日優惠，可以揀送新地或中薯條🍟。 諗咗一段時間，買雪糕送雪條還是買薯條送雪糕新地好，最後兩樣都唔好食。OpenRice 個app寫食評連最簡單嘅文字copy and paste功能都做唔到😡 生日優惠呢段想放上頂卻完全冇方法😤難道我要將上面3段字由頭打一次嗎？ 你哋審查pose㗎嘛，睇到就唔該你哋自己都改善吓，每次用你哋個app都用到發憫，非常討厭…Read More

有個蟹粉烏冬套餐要超過$200，我見到有人食緊，但我冇叫到，因為剛剛冇幾耐之前喺Kiki麵食完蟹粉麵，今次主要入嚟食栗子甜品。 吧枱前其實有幾個位，但係佢哋Bar枱後面放滿雜物，冇開放Bar枱位置俾客，我覺得浪費咗幾個座位。 枱與枱之間比較窄，設計無特色，裝修風格是普通嘅日式小店。星期六的下午，特別好生意、門口有人排隊，但唔算長龍，我哋旁邊嗰枱兩個女人傾傾吓偈俾侍應主動要求埋單，話「我哋有限時，外面有客等緊」兩位女士埋單四百幾蚊，座位只是一般茶餐廳細枱，坐中間唔係窗邊唔覺得環境特別好，我唔清楚兩位女士坐咗幾耐，佢哋都無奈離開。缺點：要叫先上餐湯，跟餐的茶沒有款式選擇，餐牌上多款唔同味嘅雪糕選擇但實際只有雲呢拿及綠茶，限時要離開優點： 甜品款式選擇多，栗子份量足夠，味道好。…Read More

壽司郎喺呢個商場新開張，原本諗住嚟食🍣當然放工去到已經截咗取票😮‍💨 離開時經過這間新式韓國菜，之前從未見過，原來係連鎖店好多區都有，唔知幾時新開一爆就出咗咁多間。 睇落乾淨又有Care bear 特別菜單. 點知食完成碟炸雞杯特飲都仲未到😩 催先發現漏咗單，最後食埋第二碟主菜杯特飲先至到😞個小食餃子都係食完晒主菜先嚟，都係我哋催杯特飲時提埋佢仲有餃子未上先整。 兩個人叫四樣嘢漏兩樣都好過份❗️ two persons made 4 ordered missed 2 orders is not acceptable. $188 的熊仔頭螄蚶拌飯非常難食🤮啲飯唔熱，螄蚶同蜆肉差唔多口感，但撈埋凍冰冰的韓式醬汁之後感覺難食。 加埋一成$200一碟💸好後悔叫咗好辛苦先至食完😭 原本打算叫窩夫甜品，因為全個用餐的感覺都不理想，所以最後放棄了叫甜品就埋單離開。 離開後發現侍應冇比到叫Care bear餐餸的貼紙給我。 返轉頭問最後有俾返我。 original planned to order dessert but finally no interest spend further money on this restaurant because I not happy with the taste of their food. Especially the rice from care bear menu. Charge $188+10% is near $200 for a bad tasting dish , I really regretted spent my dinner in this restaurant. I came to Moko was originally for new opening of Sushiro but they stopped ticketing when we arrived after work. …Read More

可以有幾恐怖😱🤮🤮咩餐廳可以污糟到咁❗️ 其實櫃檯遞俾我嗰下我立即已經發現，我都費事叫佢換。我就要拍底給大家睇一粥麵咁樣都可以比客人😡🤬 當天有少少唔舒服無胃口想食碗粥，附近只有一粥麵，$30雖然係平，但衛生差成咁再平都唔會食囉。I saw this green thing on the bowl right after I received from counter. I did not ask for change because I want to let OpenRice users see this 話晒都大集團啦毫無衛生管理的嗎？你睇吓恐怖到。唔止外面㗎！連碗嘢裏面都有呢啲不明綠色物體我食嗰時要好小心唔好掂到。 inside my bowl also has this disgusting green stuff 🤮🤢 I need to eat very carefully not to touch it …Read More

「脆脆雙響」連埋呢張圖片我expect係有兩款脆餅，但係嚟到剩係得蝦片😦 服務員完全冇任何解釋，雖然佢圖片下面寫咗只係參考 the menu remark photo for reference only , the description clearly texted with RICE & Shrimp Crackers , but there is no RICE Cracker at all 🤬 all are shrimp crackers only ! 餐牌寫明係米餅加蝦餅 ！冇理由完全冇咗米餅😤 仲有個汁都好唔啱我口味，我寧願佢用普通青或紅咖喱汁，佢呢個白咖喱汁味道古怪，唔香唔辣，總之唔好食，永遠不會再叫 ! The white curry sauce tasted strange, I rather they use normal green or red curry. Overall is a bad dish and I will not order it again. 跟住呢$118的碗鴨腿湯河💸隻鴨髀又乾又嚡👎🏻完全唔香兼無味，十八座狗仔粉$26/$33 的鴨髀好味過佢100倍❗️ 另外嗰碗河粉衰過街邊小店的越南粉，冇任何特別香料，配菜只得芽菜😑泰式係咁樣成碗齋粉的嗎？🤔不過呢碗嘢符合佢個餐牌張相，所以我只投訴佢隻鴨髀唔好食，一定唔會再叫呢碗粉。I also very disappointed with this Thai Duck Stew soup noodle. This $118 duck leg was dry & hard & no taste🤢 much worst then my favourite noodle restaurant 🍗 which is only selling $26 / $33 per 🍗❗️the noodles were too plain too simple cooking style compare to any small Vietnamese restaurant, I not sure if traditional Thai style is like this almost plain?🤔 but this bowl of noodle look similar as the menu , so I only complaining the taste & not worth this money, again I will NOT order it again. 特飲非常之淡，冇椰子味🤢亦都唔會再叫the coconut 🥥 shake too less coconut taste 👎🏻 also will not order it ever again💸另外投訴男侍應，埋單時，我取出餐廳app說想用QR code $500減$50 ，佢指我開的coupon係屬於另外一間同名餐廳在其他區的，咁我之後在app搵返K11呢間餐廳的coupon，佢都係話唔用得，佢話K11 Musea呢間舖頭的分店全唔可以用-$50 code. 之後佢就行去咗碌卡。其實我見到張單本身爭少少根本唔夠$500，我以為夠$500先至問可唔可以用$50 coupon。佢碌完卡返嚟之後，我再俾佢睇app $50 coupon隔離的飲品半價coupon，我問佢呢個用唔用得，佢話呢個OK可以用，之後就主動去再搞過張單。即係如果我「唔追問」我杯飲品就冇半價😤 佢無主動提醒餐廳app仲有其他coupon可以用。 你話客人唔知道個app裏面有coupon唔主動提都正常，但係個客人已經取出app知道有coupon優惠，侍應冇嘗試協助客戶使用優惠，要客人再三追問可唔可以用呢張可唔可以用嗰張，這樣的服務態度都不合格啦。I not happy with the work attitude of the Male waiter, customer want use restaurant app coupon but he was not helpful. He just mentioned their K11 Musea restaurant NOT accept $500 deduct $50 code discount then he left for making card payment. Actually my bill not even reached $500 😫when he came back with the transacted bill & my credit card, I ask “how about this half price drink coupon?” he said OK this can use 😮 why didn’t he ask colleagues help or check the coupons on the app carefully before do the transaction🤦🏻‍♀️ if not I NOT GIVE UP ask again, I would lost that half price on drinks discount😮‍💨我去過好多間greyhound(尖沙咀海港城及旺角新世紀，又一城等都去過）我通常都係叫開食開嗰幾款菜式，今次特別諗住試吓d從未食過的 ，點知冇一碟好食😿 估唔到K11 Musea 呢間係最差 I used to order the same dishes in other greyhound restaurants , it’s my first time try to order something new and end up this is the worst experience I had here in K11 Musea. …Read More

同一間餐廳集團的出品😠同一碟差咁遠！食咗一舊之後忍唔住問職員係咪賣晒啲菜葉，還是往後都再不會有菜葉，佢問完廚房之後話「放漏咗」😐 之後幫我加返😅這一碟餸，我每一次去Greyhound都會叫，多年來食過好多次，從未試過咁失望，賣相差太遠，口感當然亦有分別。我通常去尖沙咀海港城店，希望其他分店都可以保持返水準。杯龍眼冰好味😋朋友說好味，龍眼肉夠多，將來會再叫。我這碟牛肉就有陰影，下次要考慮吓仲叫唔叫博唔博。唉😮‍💨 我係下午茶時段來，大部份客都點三層下午茶。這一碟餸的價錢超過半個三層下午茶連兩杯飲品，我有幾鍾意這碟餸，才會叫佢而唔叫那個三層下午茶套餐呢😪愛之深責之切。…Read More

首先杯綠茶🍵唔知點解好多幻彩泡泡似係洗潔精未沖洗乾淨🤔我哋這杯已經算少，見到隔離哥哥仔嗰杯全杯面滿晒厚泡😶‍🌫️由坐低沖茶到食完啲泡都唔會散😓我哋的另一杯就正常，啲泡會散走。部份食物蓋送到時已沾了醬汁😣每隻碟都明顯見到碟邊有手指模😖🍣壽司送到來時已經倒下賣相極差😰鰻魚很薄中間仲要冇咗忽😑期間限定的松葉蟹🦀同廣告相差別超大😡依幾年已轉咗食壽司郎，對上次去尖沙咀元氣見到啲碟已經覺得他們衛生情況很差，幾個月後俾多次機會去埋觀塘店，清楚了解不是個別分店問題，唔知大家有冇同感覺得元氣越做越差…Read More

8點幾工作完畢想同朋友搵間舒服啲的餐廳晚餐，之前經過「一碗肉燥」幾次也未試過，見到它門面大，裝修新淨，樓底高，感覺不錯，於是帶友人入去。下單時一切正常，之後幾次再有客想進入時職員說已截單，我當時未有留意時間，還在想為什麼不掛上休息牌之類。我的湯麵料很足，感覺抵食。我差唔多食到一半，朋友的雞扒飯才上，等得耐些少無所謂，之後發生的事才令人憤怒！職員叫我們先埋單，OK無問題。我去近門口的櫃台埋單時問職員有無餐紙巾，她打開櫃桶給了我幾張，當時我在想為什麼他們把紙巾收埋不放在枱，但她不只給我兩張也算好吧。返回座位繼續食嘢之後問題來了.... 當時還有幾枱客，員工們開始收拾東西收工，有些比我哋早到的客人陸續離座。之後幾位大嬸員工及一位年輕男員工變本加厲，高調換衫咩袋，有的坐在我們枱附近高聲談論收工塔車返屋企等等。客人走淨我一枱及另一位年輕男。突然大嬸職員竟然關了一半燈🤬好似連冷氣都關埋！我當時還未食完，飲品也還凈大半杯！真係離曬大普🤬 茶餐廳小店都不會衰到咁❗️作為顧客都幫襯左百幾蚊、被趕離開的感覺差到極點‼️ 熄燈後單人年輕男顧客也無奈離開。我朋友叫我不要食了，走啦。我及朋友都加錢叫左珍珠奶茶特飲，原本諗住慢慢嘆，最後我想盡快飲埋杯嘢飲時，亞嬸已立即來問可否收走我碗麵。 約9:15pm出到店門外，我睇吓這店究竟幾點休息，原來是9pm. 再看看收據，我8:45pm才落單，由落單至離開只怱怱半小時😡 食嘢時間可想而知只有十幾分鐘！我希望他們當初說我知已截單讓我可選擇其他餐廳，我找食店時才8:30-40pm, 街上還有大把選擇，為何去左間坐下一陣就被趕走的🤬 如果他們說收9點我一定唔會入去囉！最恐怖是那些大嬸的咀臉，真的希望佢哋老闆可睇到自己餐廳請左d咩員工❗️我當時決定一定要來Open Rice 俾負評，原來一共有三間分店，都算是集團式吧，唔怪之得裝修得體。大嬸員工們把口是禮貌的，但其他方面表現惡劣，擺到明趕收工趕客走。今時今日抗疫時期有生意不珍惜，員工服務態度差到咁，店舖裝修到幾豪華都無用。氣憤到不想評論食物的味道，因為好唔好食都唔想再去，更加不會推薦給任何人！負評❗️負評‼️…Read More