MaryTungTung的個人專頁

天氣炎熱但無損打邊爐嘅意欲，放工約埋朋友圍爐吹水，可能真係外面太熱，去到餐廳未有太多客。呢度出名食火鍋，但都見佢有小菜供應，見到隔離枱叫了咕嚕肉，好靚，好大碟，本想都叫但朋友話怕太飽，話下次先再試小菜。必叫呢度嘅花膠雞湯，湯底超濃厚，飲晒個湯食埋花膠同雞，再加湯打邊爐，出品高質，新鮮，少有嘅高質素火鍋，地方乾淨光猛，舒適，可以再去！有朋友不吃牛，店家體貼地用兩格鍋上花膠湯底，大家都食得開心。食飽埋單時，原來仲有雪糕送，打完邊爐，再涼一涼，甜一甜，大滿足！…查看更多

二人行，想食火鍋，放題係一個好選擇。一個價錢就可以食到多款嘢食，又可以任飲，仲有埋雪糕做甜品。地方乾淨，座位闊落好好座，整個場睇落唔係好大，唔會太嘈或太多人迫，放題餐廳少有坐得咁舒服。叫了C餐，先有刺身、小食，跟住食雞煲，再自己一人一爐，仲有海鮮拼盤，同埋各款肉類！好豐富啊！食物質素真的不錯，啲牛肉好正，黑豚腩肉都好好食，醬料仲有柚子醋同胡麻醬揀，好日式火鍋口味！湯底則選了海帶豆腐及麻辣鍋。真的好豐富，繼續任點當然選和牛啦！好味！下次一定會再來！…查看更多