皇后寶's Profile

意粉好食，但得兩粒帆立貝唔夠喉。但68有飲有食又嬲佢唔落。蕃薯條較幼身，都係配茄汁好食啲（酸忌廉冇味，起唔到化學作用）水果茶不過不失。用紙載食物，感覺環保啲。加油！…Read More

星期日的下午，沒有安排什麼節目，即興說要找個地方飲嘢歇腳。依稀記得曾在OR搜尋過這餐廳，上了電視節目，也大獲好評。經過有開，所以就入去坐低。由於不是吃正餐，我嘅角色都係陪坐。所以隨便點了一份甜品～chocolate mousse ，老細就要杯flat white。甜品先到，好靚！食落都好味，雖然好甜，但食到濃香朱古力味，伴碟雪糕又清新特別😍老細杯野我冇飲過。不過驟眼望落去都幾靚，又幾香。老細話都幾好飲喎。完食。坐一坐又要繼續追趕跑跳碰的生活了…Read More

聖誕節有幾日假期，出走搵食是常識吧！怎料我放假時，bakehouse 都一樣係休日。。27/12/2019開返店做生意，下午二時，店外人山人海...好多朋友排晒隊等堂食咁我呢啲心急人，為免攤凍左熱情，都係排另一條肉眼觀察快好多嘅外帶隊啦....排三、四位就輪到我。傳說中的egg tart、傳說中的牛角包是被選中的對象。成功到手後，九秒九修頓球場看台上開動！蛋撻：樣都算幾靚...凍嘅...不如想像般好食...不過不失牛角包：一口咬落去，包碎散落紙袋內...鬆！再食第二啖，濃濃的牛油香注滿口腔好邪惡⋯⋯但係好實在同滿足！咬完一啖個包係會自動彈返起！！！若以$20作為這牛角包的定價，個人認為物有所值。一路看著場場內的小朋友踢球、一路慢慢咀嚼滿滿牛油香的牛角包，好像很奢侈，但這是假期應有的生活態度，對吧？…Read More

隔左好耐和同事來吃farewell 飯。其實從來唔知西班牙菜是怎樣的，抱著一試的心態來探個究竟。然後叫左個set再加個青口配蒜蓉包。青口：抱歉沒拍照。完全係因為鄰枱有人點，見幾靚先點。上到枱，係靚嘅、青口係正常味嘅，但蒜蓉包呢就...冇味囉...強烈建議點返青口啲忌廉汁黎享用！之後重點係個set...賣相好精緻，但係全部好一般...前菜係吞拿魚沙律法包同埋吞拿魚....牛扒有筋好韌冇牛味...比薩...有幾種芝士加蟹柳...西班牙人會食蟹柳！？我覺得除左有blue cheese之外，根本係日式pizza水果茶台式的！？真心不及珈啡弄最好食竟然是甜品窩夫但球雪糕呢...好色彩繽紛...但係是化學甜味下次應該唔會再黎或者再黎係食流心芝士梳乎厘....用餐時間1.5小時好急...因為上菜唔係快，而且食物上枱時唔係好熱...…Read More

芝士焗魷魚...Hea到無得再hea...份量少，然後係冇花心機製作的，魷魚係預熟左，再放啲芝士喺面，焗熔左啲芝士就交貨。魷魚冇味，同芝士又唔夾...唔會再返轉頭！…Read More

一早明言會再返黎試其他口味。今次試上次冇食的「流心蜂蜜」。等左幾分鐘，熱辣辣的雞蛋仔到手。聞一聞，真係好香蜂蜜味。預期都會好食。點知...真係唔食唔食真味道！食左第一粒已經覺得奇怪，流咩心，邊度有流心！之後再食一粒咬開一半...所謂的流心蜂蜜，係蜜糖味的爆珠（太家食過棉棉冰或者Froyo, 應該知道我講咩）我真係O晒嘴！點解係咁...是我太天真了吧，竟然幻想佢會用真·蜂蜜...今次真係堅失望，本來係想俾劣評，但拎上手係聞到蜂蜜味嘅，所以留一留手。下次再食摩豆，還是專注食返我嘅蝦米肉鬆好了...…Read More

隔左咁耐冇寫食評。不是沒吃好（東）西，只是懶慣左，沒有寫。最愛試新野，揀左近期熱辣辣的雞蛋仔。今日試點：modos。和哥哥每人買了一底探個究竟，一份全版最貴的「土鳳梨」口味、一份因試了甜而不可錯失的鹹食- 「蝦米肉鬆（辣）」（本來係想買勁辣的，但有著怕死的性格，不敢太魯莽=]）。講返兩份雞蛋仔：「土鳳梨」：絕對同標題一樣，失掉個性。本來雞蛋仔係應該食蛋味；而鳳梨酥係食佢嘅甜中帶酸同埋鬆化的油香味。可惜，當土鳳梨遇上雞蛋仔，完全起唔到化學作用，而且失掉個別原有的特質。這份雞蛋仔，既冇蛋味，也吃不到鬆化油香。絕對唔值全版最貴。強調：係得意嘅！唔係唔好食嘅！但不是叮一聲的驚喜。（素來咀刁的我，吃了兩顆，便專注於我的「蝦米肉鬆」，）「蝦米肉鬆」：呢個反而有驚喜！一食鹹鹹香香，仲以為冇料到（辣味），點知咬吓咬吓，啲辣就黎料！真係辣，連我食得辣都覺得辣辣地～呢底野真係唔係講笑，越食越過癮，本來吃得少加半飽的我，一粒接一粒，唔覺意啪晒成份。正！P. S 食完呢底野，飯都唔駛食，飽到第朝。唔知係咪因為等埋一齊俾我地，個「蝦米肉鬆」上手時係有啲淋淋地（焗住左），有少少唔開心，望改善。唔知流心蜂蜜係點嘅呢。。下次試下先！再探;)…Read More

天氣熱 想買少少野飲消下暑, 同時亦滋潤下…行過糖水舖, 見有薏米水, 就問左支黎試下…支糖水叫「檸檬無花果薏米水」冇錯, 支糖水的色澤就如一般薏米水的顏色, 而一入口真係有d檸檬微酸+微澀味, 亦有薏米的味道…不過其實成個combination係唔夾架囉…我覺得好難飲…:(呢支咁o既野仲要賣成18蚊…真係越諗越唔抵…其實呢間野仲有好多款唔同o既選擇, 但我相信我冇信心及膽量去試囉……Read More

是日於times square睇過了早場，時間尚早，又有點餓，於是漫步到wan chai吃個早餐。想起有「港島澳牛」之稱的華星冰室…基本上華星冰室提供的”餐”與澳牛大致相同，但它亦有提供一些較澳牛”特別”的食物，如奶油豬、咖央多士等等…由於是上午十時多，就要了個早餐，仍是炒蛋+多士+火腿通粉+飲品=24大洋。火腿通粉先來，吃一口，普通貨色，但湯底應該不是味精水，其後再來炒蛋+多士，炒蛋微熱超多油…縱然聲稱用上了北海道3.6牛奶，但仍是不覺滑，吃得出蛋好“老”…多士唔熱唔脆…過晒氣…奶茶尚算不過不失…整體來說食物遠不及澳牛…伙記尚算有禮但再來機會應該好微……Read More

成日去開佐敦都係去澳牛，次次都唔記得左對面的唯一；今日終於唔遺忘到佢，入內試試其真偽！是日不想吃太多有肉的食物，故只點了一個酸辣湯和一個淨菜飯。酸辣湯（細）：用料很足，內有豬肚絲、木耳絲、瘦肉、冬菇、豆腐、竹筍等；即使細碗吃罷也很滿足。淨菜飯：好吃得無話可說，飯不像傳統菜飯般，飯中不止得白菜，還有蝦米！蝦米的鹹鮮加上少許的油香，令整個菜飯加了不少分數！在服務方面，其實都係一般，不過好欣賞其中一位伙計姐姐。事緣係我點餐時，姐姐都奇怪點解我會散嗌，仲提議我叫ｓｅｔ，不過我同佢講我唔鍾意食咁多肉，佢都冇再問；之後我點餐時叫一個酸辣湯和一個淨菜飯，她問我係咪一個人食，我話係，仲問佢酸辣湯係咪好大碗，佢話幫我order一碗小的好了，果真我又係好飽喎食完呢餐。所以我好impress佢誠實既態度!超讚!!!又好味又老實，沒有不再來的理由！～…Read More

隨著生活繁忙，外出機會減少，在外用膳的機會也少了很多…是日難得半天假，便到處走走。先來到IFC，肚仔餓餓地，見有simply life便入內八一八，看見salad bar有些心頭好便要了一份細salad!~細salad可選3-4款, 是日選了4款, 包括:tomato salad, sweet potato with maple syrup and lemon dressing, Caesar及grilled broccoli。tomato salad:除了tomatoes外還有些洋蔥, 是略炒過的, 味道oksweet potato with maple syrup and lemon dressing: 蕃薯夠淋帶微甜, 可惜dressing味道唔出…完全食唔到有楓糖味…Caesar:正常貨色, 冇乜特別grilled broccoli:有些少香草味，惟西蘭花略為硬左些少整體黎講SL的食物都算偏貴, 雖然細份salad可以俾你選4款, 但唔好期望會有好多野俾你食, 食物分量是頂肚only。這裡是sell”有機”, 所以你是在俾錢吃”有機”!~…Read More

是日行書展, 未入場前先填一填肚子!~:)素來愛好吃辣野!四川口味向來是我的favorite!~今日選了吃小甜甜!店子多年仍在, 證明它一定有捧場客!想了一輪, 都係食麻辣青瓜同埋擔擔麵!麻辣青瓜一到真是嚇了我一跳好大碟呀!足足是其他店子的兩倍~大碟到我最尾都係食唔晒碟中有少少的辣椒粒, 睇得出是用心製作的!~先試一件, 真的有點點的麻辣味道, 配上很fresh的青瓜, 好正擔擔麵來, 看到様子對辦~應該會不錯!吃一口, 麵條軟硬程度剛好, 加上有些微辣的味道, 也有麻香味, good !!!吃罷後也沒口渴, 證明沒味精, 讚!!!這一頓吃得很滿足~沒有不再來的理由!~…Read More

小妹最愛試新野歇腳亭都開左業一段時間奈何銅鑼灣始終有太多選擇次次都唔輪到佢今日行過見冇乜人排隊就買杯試飲下為了測試是否有料到, 都係試返最原始的!就要了一杯珍珠奶茶(走冰, 微糖)先試一口…不知是否走了冰…微糖也很甜…奶味很重…茶味不出…其實唔好飲再吃珍珠…粉圓很淋…相信是「啤」水不足…喝下去還有些是粘在一起的!!!整體來說, 這是一杯不及格的珍珠奶茶!希望這是分店的差異吧……Read More

今個夏季我是froyo的粉絲~不停地四出搜羅froyo店!多謝openrice及各食家提供了froyo店子的資料!~今次試一試在中環半山上的smooch!~根據食家及雜誌的介紹小妹點了一個最抵食的”smooch”($ 36)這杯smooch包3款toppings和granola是次要了的toppings是mochi、blueberries、strawberries加上homemade granola!看著店員製作, 下的配料不多, 每款topping只有3數粒…不喜之…接過froyo…Froyo本身好滑, 不是太甜, 還有微酸, 對胃!再試toppings, blueberries及strawberries不詳述, 本身生果也是較穩陣的選擇吧, 不會有什麼落差的!Mochi軟糯, 但欠缺咬口…一般…Homemade Granola也不討好…不知是否天氣潮濕, 還是在貯存方面沒有下好功夫…granola過了氣…變得很淋, 本應與froyo的滑很相襯的脆沒了…失了色…還是那一句, 試過便算……Read More

是日放工到上環永安買野一出永安門口隨即下著傾盆大雨…唯有過對面商場歇一歇時間是下午六時一刻, 順道吃個dinner才回家在左選又揀的結果下, 還是入了super sandwich 叫了個什菌牛腩長通粉(配忌廉紅椒汁)setset包1酥皮湯, 1主菜, 和1飲品酥皮湯是蘑菇湯, 不好酥皮, 也不好罐頭蘑菇湯, 所以吃了三四口便放棄了主菜-什菌牛腩長通粉(配忌廉紅椒汁),牛腩份量出奇地多, but什菌係少到根本唔覺有…呢碟野估不出的好味道!牛腩好淋, 好入味, 長通粉冇煮得過淋, 軟硬程度恰到好處!讚!!! …Read More