Big Boss Cat's Profile

朋友話想食新鮮刺身魚生，講真以我印象中食過咁多間日式餐廳中最新鮮莫過於呢間丼𤅗！🦐阿根廷赤蝦壽司哈哈😆嗌呢件壽司嘅原因就係阿根廷🇦🇷贏咗世界盃，要食住呢個勢去慶祝一番。赤蝦好甜，口感夠柔軟👍🏻🍤天龍捲嘩！隻蝦好大隻呀！仲要炸好脆！每一件天龍卷上面都包住厚厚嘅三文魚，雙重口感，又脆又軟😋加上獨有特色醬汁喺每一件天龍卷上面，就算唔點豉油都夠哂味，正👍🏻大家唔好錯過個炸蝦頭呀！蝦頭入面好多蝦膏，好香好甜😋🐟花之戀兩塊厚切三文魚，花之戀嘅size啱啱，唔會太大舊，飯又唔會太硬太實！🌯三文魚手卷呢舊手卷紫菜夠脆，裏面嗰舊三文魚可以食到最底，夠足料👍🏻用料十足🐠海膽油甘魚丼超新鮮😋有三塊厚切油甘魚夠肥美。海膽鮮甜融化喺口，齒頰留香😋😋😋加上呑拿魚魚腩蓉，好味到呢😘🦀軟殼蟹野菜米紙卷米紙內包住好多沙律菜，食落好清新！可惜我嫌軟殼蟹略少，食來食去都好似齋食沙律菜，味道係唔錯，只係食唔到軟殼蟹嘅口感。🧀芝士焗蠔芝士夠creamy又夠哂香，隻蠔夠哂大隻！咬落夠多汁，夠哂味👍🏻…Read More

午餐時間到啦！我朋友話想食火鍋，突然想起老鍋火鍋，好耐都未食過啦！而家老鍋有二人餐，仲要係超抵食！🧏🏻‍♀️膠原蛋白美人鍋我哋揀咗呢個美人鍋，單點都要二百幾蚊，但套餐竟然都有得叫👍🏻我仲諗住套餐個份量應該少啲啦！原來唔係，真係原隻竹絲雞喺入面，肉質好滑，唔鞋，唔錯唔錯👏🏻👏🏻👏🏻鍋裏面有好多桃膠，食極都有，好滋陰😻加上鍋料配菜好新鮮，大滿足💯🐮雪花肥牛一碟賣相好靚嘅雪花肥牛，望落去就知道係高質素啦！並唔係坊間外面嗰啲合成肥牛。一入口就牛味濃，又唔羶，每一片都好大塊，真係好正呀！我朋友對呢盤肥牛讚不絕口，仲要讚咗幾日添😂真係好睇又好食😋🥟丸餃拼盤呢碟拼盤包括魚皮餃、台式蛋餃、墨魚丸同貢丸，雖然每款一人一粒，但可以食哂咁多款，啱晒我三心兩意嘅人👍🏻👍🏻又唔怕食唔哂！細心🧡🥬五彩鮮蔬盤（細）雖然細細盤，但有唔同款式！金菇、鮮菇、娃娃菜、生菜、唐蒿，每款蔬菜都好新鮮👍🏻🍜米線一大碗米線配埋一個專門用嚟煮麵嘅小筲箕，放入湯裏慢慢滾，又唔怕散開哂，又唔怕夾唔到，老鍋真係諗得好周到💓💓💓🤫後記由於我哋勁肚餓，又心急食雞，我哋見到湯滾就夾隻雞食，點知唔夠腍，撕唔開！跟住店員行過嚟講我哋隻雞未熟，佢提醒我哋啲雞要滾到腍先至代表熟哂！其實呢度每個店員都好窩心，服務一流👍🏻有禮又細心…Read More

好想去日本🇯🇵唉😮‍💨無假期，點去呢？好彩揾到呢間岳川串揚居酒屋，好味之餘，仲食得出大廚對食物嗰份執着同堅持✊🏻每道食物都整得好出色🤩🐮招牌大阪土手燒牛舌（小）🔸白蘿蔔被濃濃嘅湯汁浸住，煮得入哂味，而且又夠腍。牛舌咬落又唔韌，牛味極濃，令人越食越想食，連湯都想飲埋😋好牛人士必吃之選🉐🉐🉐🉐🉐🉐🐔雞皮餃子(4pcs)🔸初頭以為係炸得好香脆嘅口感，但咬落，咦🤔唔係脆身、軟軟哋帶點煙韌，都幾特別嘅口感！唯獨是饀料就同普通嘅日式餃子一樣，無乜特別，但可以一試🧀燒芝士年糕🔸的的骰骰小年糕，燒到外脆內軟，食完超有幸福感🥹🐥秘製超Juicy香脆雞翼（揚）🔸呢個名果然無改錯，一咬落去真係爆哂汁，勁juicy。雞翼炸得好脆，而且食完又唔覺得油膩！正‼️正‼️正‼️💯💯💯🎌大阪狐狸烏冬麵🔸原來係腐皮烏冬，清清哋幾夠味🐮牛肉湯烏冬(熱)🔹望落去以為湯底味道好清，點知飲落味道夠哂濃!牛肉煮得唔會煮過熟，不過不失！🍢香菇(揚)🔹香菇邊邊炸得好脆，而且咬落中間好多菇汁咇出嚟😋燒白鰻🔸簡單調味就可以帶出鰻魚嘅鮮味🤏🏻😻其實我仲食咗好多款，但不能盡錄，以上係我重點推介🙌🏻…Read More

呢間<韓牛牧場>最好就係無煙無味！正！呢間燒肉店前菜、沙律同飲品任食任飲，多元化嘅前菜，夠哂開胃！我最欣賞嘅前菜就係牛舌，爽口加入哂味，簡直係抵食到爆！🥢濟洲黑毛豬韓燒肉定量午市餐(二人份)包括有濟洲最高級別黑毛豬肩三角骨、濟洲高級別黑毛豬肩肉、西班牙黑豚五花腩、韓式雞中翼及青魚柳，每樣份量十足！放喺燒烤爐燒咗幾分鐘後，極快就燒好，無煙無味又夠快，簡直係肚餓之人最佳選擇👍🏻豬肉無羶味，咬落肉質嫩，又唔會油膩，唔錯！韓式雞中翼屬於單骨雞翼，醃得夠哂入味，雞皮燒得好香脆😋🐔宮廷人蔘烏雞湯-跟飯（2人份）呢碗宮廷人蔘烏雞湯份量屬於勁量級，原隻烏雞包住糯米飯同人蔘配料，香氣撲鼻！飲啖湯身體即刻變暖，感覺好養身！可惜烏雞肉質有啲乾，唔夠嫩滑，如果肉質嫩少少，呢個湯就會變得完美😊…Read More

今日路過山東街，見到呢間<爆丼屋>不禁令我勁想食刺身，再加上實在太掛住日本啦🥺一於決定入去開餐店內樓底夠高，配上雲朵燈，加上每枱都有適當距離，令人感覺舒服😌🐟三段重大極上丼 吞拿魚腩加日本海膽 ，呢碗丼材料果然夠哂澎湃，未食已經令人好興奮🤩即刻要品嚐下吞拿魚腩先，食入口魚香味夠哂濃郁😜整個口腔已經被魚腩嘅油脂俘虜咗😊非常滿足！而日本海膽亦都好鮮甜，令人再三回味😋🐧制霸！鵝肝海鮮盛丼 海膽同樣夠哂鮮甜，又無腥味！帶子夠肥美，加上極厚鵝肝，配上少許芝麻襯托，入口即時溶化！碗丼有少少熱度，配上蛋漿，心中大叫「好好食呀！」🍧泡泡浴沙冰 呢杯飲品嘅賣相好特別😍淺藍色加上軟滑嘅忌廉，仲有鋪上少量焦糖爆谷，賣相真好似藍天與白雲一樣！我誓要將天空飲落肚🤣味道又唔會太甜，而且仲好解渴👍🏻🍨芒果魚缸沙冰 嘩🤩呢杯飲品大到真係可以放到條金魚落去游咁🤪唔怪之得叫做魚缸沙冰啦！豐富嘅芒果肉，沙冰仲要打得好幼細，加上忌廉，令到整杯沙冰勁軟滑…Read More

近日木玥巷喺元朗開咗新分店，但由於我朋友想食吓屯門本店，一於帶佢嚟品嘗吓先😊果然木玥巷保持到食物水準外，仲要不斷令人有驚喜🥳🐷滷豬手豬手炆得好腍👍🏻味道夠濃郁！仲要食入口完全唔需要用牙力去咬，而且即時骨肉分離，仲要喺口腔溶化了！豬皮夠彈牙🤩好耐都未試過咁好食嘅豬手，無牙力嘅人必食推介😋🍛黯然銷魂安格斯滷肉飯呢碗滷肉飯賣相非常吸引🤩食入口濃濃牛香味徘徊口腔中，令人無法抗拒！仲有兩條炆很非常腍嘅牛孖筋，食完感覺好多膠原蛋白進注我身體內，正到痺💯🦀蟹肉明太子炒新竹米粉新竹米粉夠幼細，而且炒得夠乾身！仲要份量十足，加上勁多雜菜伴住食，食完都唔覺得油膩！明太子香味濃，令人越食越上癮😋🥤台灣手搖焦糖咖啡焦糖加香濃咖啡味飲入口有少少甘甘哋，味道唔會太甜，香味濃郁，夠哂醒神🤩🧋木玥黃金水果茶（鳳梨，百香果）味道甜甜酸酸，飲入口百香果嘅果香味喺口腔爆發出嚟！…Read More

以前我真係好怕食辣，辣味對於我嚟講根本唔會享受！但近呢一年口味有所改變，想挑戰高過BB級嘅辣，今日一於殺殺殺😎嚟到呢間<麻辣Doi>，我挑戰吓微辣😜🐔滑雞香鍋香鍋裏面除咗有雞件之外，仲可以揀多六款配菜，我哋分別揀咗萵筍片、蓮藕片、凍豆腐、魚腐、肥牛同肥腸！蓮藕片同萵筍片都好爽口！凍豆腐口感軟硬適中雞件係炸過，雞皮尚算脆口，不過雞肉有啲乾肥腸夠哂軟腍，無羶味，又無異味，清潔得好乾淨，又唔會有太多肥膏！豬腸愛好者必食推介👍🏻整體呢個鍋都幾惹味，又夠多青椒紅椒洋蔥等配料，唔錯！🐷蒜泥白肉呢碟蒜泥白肉份量都算多，每一片個size都係大大塊，夾起身又唔會碎開，而且肥瘦均勻！食入口味道唔會太重口味，好啱追求偽健康人士過吓口癮😜🥢薯粉睇落平平無奇，但一啜入口，嘩！又幾好食喎！薯粉夠爽滑，而且索哂上湯味道，齋食呢個薯粉都好滿足呀😍…Read More

今日嚟到<德福閣>嘆個lunch buffet先呢度燈光環境感覺好warm，地方雖然唔算大，但勝在五臟俱全！朱古力噴泉⛲️就係buffet嘅亮點，忍唔住即刻拮一粒棉花糖同哈密瓜插入朱古力噴泉內，實在太誘惑啦🤩甜品除咗有呢款朱古力噴泉外，仲要杞子桂花糕、法式馬卡龍、藍莓慕絲蛋糕、芒果布甸等，款式都算多！仲有即煎班㦸，旁邊有四款配料任你加👍🏻正呀各款熱盤温度夠哂熱之外，仲有即切香草燒西冷同即叫即滾湯麵，任你自選自己鍾意嘅材料！冷盤有我最愛嘅凍蝦，夠哂鮮甜😋坐坐吓會有人走埋嚟問要唔要生蠔🦪當然要啦！生蠔尚算新鮮，但唔夠甜，生蠔食入口竟然有蠔殼碎，希望日後開完蠔後清潔方面認真少少啦！…Read More

我朋友話想喺元朗國揾間日式餐廳，但又要感覺好似置身於日本咁！What❓佢想日本想到傻咗🤣呢個難題又點會考得起我呀！一於帶佢去具有居酒屋風格嘅餐廳👉🏻<稚>🥘鐵板金菇肥牛卷包得好實淨嘅金菇肥牛卷，金菇份量都算多，單單望落去都覺得個size夠粗線條🤣食落味道啱啱好，又唔會太甜或太鹹，唔錯！🐟海塩燒鯖魚前菜有芝麻醬玉子豆腐加惹味海蜇，呢兩款前菜令人好開胃👍🏻鯖魚食落無乜腥味，點解咁講？因為我個朋友係超唔鍾意食魚有好大陣腥味，佢話呢碟鯖魚乜腥味之餘，仲越食越滋味，又夠肥美，好正呀🤤我最欣賞碟魚嘅配菜，入面有兩片玉子燒，味道同我喺東京食到嘅味係一樣咁好食😋珍珠米嘅黏度同我喺日本食到嘅口感係一模一樣，水份夠，而且粒粒飽滿🤩抵讚👍🏻🟡燒物🐮熊本和牛串一啖一口size，入口牛香味濃！但又唔會有和牛嘅油膩感，好好食！我十分推介😍🥓車厘茄腩片串車厘茄咬入口夠多汁，又唔會酸！腩片肥瘦均勻，加埋車厘茄，味道都好夾！只可惜腩片有啲羶味，唔夠完美😌…Read More

今日同朋友打完針，要食返餐好嘅補充體力！我哋篩選咗幾間餐廳，最終揀咗呢間<PILLOWTALK>貪佢夠哂有氣氛，可以慢慢食、慢慢傾！呢度有好多款香港手功啤酒，最衰我哋打咗針，唔可以飲酒！🦪芝士燒蠔（2隻）生蠔嘅size有手掌咁大，但蠔肉唔算大粒，不過不失！入口質感夠滑，芝士醬味道唔鹹，而且帶點甜。開胃小食都算唔錯！🦞波士頓龍蝦意大利飯半隻帶多膏嘅龍蝦，龍蝦鉗夠大隻！肉質鮮甜，而且無雪味！意大利飯夠稠身，咬落有𡁻口，呢個口感會令人越嚟越想食！🐮頂級安格斯肉眼配薯角今日適逢薯角賣哂，改為薯條，無問題啦！安格斯肉眼個size都算大塊！我哋order咗七成熟，但切開差唔多全熟！好彩入口唔算靭，而且牛扒就算唔點汁都已經夠晒入味！我鍾意❤️…Read More

今日我同我老友約會tea 1 tea，佢話要食川菜但只想喺天水圍食，幾經辛苦終於揾到呢間<川舫>!雖然話係兩點半左右，但都差唔多坐滿人，環境夠開揚，令人坐得好自在😊🍲老壇酸菜牛肉呢兜老壇酸菜牛肉個湯底望落金黃色，賣相都幾吸引🤩先飲一啖湯，嘩！酸得嚟帶少少辣，越飲越惹味😋忍唔住都叫咗一碗白飯，我哋兩個share食，貪白飯索哂啲湯嘅精華，食到唔停口，令到胃口大增😂牛肉切到每塊都差唔多大細，質感都算嫩滑，唔錯！入面仲有啲酸菜、旺菜同Q麵，兩個人食就啱啱好！🐔經典手撕雞肉質唔算靭，雞皮夠爽口！味道微辣帶少少麻，都算幾滋味！加上花生同炸豆粒夠香脆，我哋兩個一路傾一路食，不知不覺間就食哂！呢碟手撕雞最啱送啤酒🍻一流👍🏻…Read More

近日我喺臉書睇到沙嗲牛肉關注組，有人介紹咗呢間👉🏻佳記，必食兩款沙嗲牛肉嘅美食！等我貓大人帶埋朋友去品嘗下先🍜沙嗲牛肉脆脆麵一碟炸過嘅公仔麵，鋪滿香濃而且顏色鮮艷嘅沙嗲牛肉🤤沙嗲牛肉入口軟腍，味道又唔會鹹，而且勁惹味👍🏻而公仔麵外圍炸得特別香脆，配上沙嗲汁，真係令人一試難忘🤩🍞沙嗲牛肉西多士望落去好似一件普通西多士，但一切開就有好多塊沙嗲牛肉湧出嚟！一入口覺得沙嗲牛肉反而無咁濃，可能俾西多士吸哂啲沙嗲味？我食完後總係覺得呢個味道唔係我想像中嘅味，我想要甜中帶鹹味😅可能同朋友share食，因為咁我就無加糖漿，所以欠缺咗一啲甜味！下次再食吓加咗糖漿嘅沙嗲牛肉西多士先！呢個籍口都唔錯呀😂🧋鴛鴦紅豆冰喺餐牌上面係無呢款紅豆冰㗎！事源我煩住個亞姐問佢奶茶紅豆冰好飲啲呀？定係咖啡呀？亞姐二話不說就話鴛鴦紅豆冰啦！我望極個餐牌都無，佢話特別為我調配，亞姐真係勁Nice😚鴛鴦夠香濃，奶味又唔重，勁好飲！而紅豆粒粒都好大粒，咬落有𡁻口，又唔會太粉，勁好食😋呢杯鴛鴦紅豆冰令人回味無窮😋🥤紅豆冰同樣紅豆都係好大粒，奶香又唔會過甜或太淡，味道恰到好處👍🏻…Read More

同朋友食完晚餐，當然要食吓甜品啦！傳統糖水❓NO❌要食就食元朗國名物👉🏻香蕉仔🍌🍌🍌🍌榛子醬香蕉煎餅果然聞名不如品嘗👍🏻簡簡單單嘅榛子醬香蕉煎餅，入口就覺得一啲都簡單😍香蕉味濃，榛子醬厚，外層香脆，內層軟腍📣煉奶、香蕉蓉加榛子醬，簡直配合得天衣無縫👍🏻令人再三回味🤤🤤🤤🤤🤤💛不枉我哋等你45分鐘🤫如此美味，真係令人值得一等再等😍😍😍⚠️呢間黃店小店個個店員都非常有禮貌👍🏻尤其是靚仔師傅，每次有人俾完錢後，佢就一邊整緊香蕉餅，一邊講「多謝🙇🏻‍♂️」雖然區區兩個字，但聽得出佢係真心真意多謝每個客人的等待💛請繼續加油，我哋會繼續支持你哋㗎💛💛💛💛💛…Read More

朋友生日🎂佢話求其食個飯就算喎！咁我就求其揾間餐廳啦！佢就話「是但啦！」咁我就決定食呢間《是但求其食》🤣一入到餐廳，我朋友即刻被牆上面嘅投射影像吸引住，即時嗌<嘩🤩好靚呀‼️>我都覺得好靚，但我按奈住無嗌出嚟！感覺置身於海洋下享受美食，真係好特別呀😍今日餐湯係蘑菇忌廉湯，入口好香嘅蘑菇味，味道香濃，好好飲😚🍓草莓沙冰一杯滿到瀉出嚟嘅草莓沙冰，飲入口已經有好香嘅士多啤梨味，但好似甜咗啲😅而沙冰打得尚算滑，不過不失😛🧋泰式奶茶我朋友話又怕甜，但又想飲，所以嗌咗少甜！飲落甜味啱啱好，只係茶味唔夠濃😅泰味欠奉🍝明太子海鮮燴意粉中間放咗一隻帶殼嘅大蝦，賣相相當吸引！每條意粉都掛滿明太子忌廉汁，入口香帶少少甜味，味道好特別👍🏻真係好好食😋而帶殼大蝦個頭藏咗好香濃嘅蝦膏，超新鮮😘我連蝦殼都食埋，正呀👍🏻🍕黑松露野菌Pizza大大碟薄脆Pizza，咬落脆卜卜，黑松露加芝士香味，令人食到唔停得口，而且咬落野菌嘅鮮味濃，真係令人無法抗拒🤤🥚金蛋單骨雞翼雞翼炸得好香口，咬入口蛋黃同牛油香味即時爆發出嚟！味道調得好好，少少甜嘅蛋黃味，令人回味無窮😍🌬避風塘單骨雞翼雞翼炸得好香脆，食入口份外惹味，而且唔會覺得有油膩感！我朋友就越食越起勁，停唔到口🤣⚠️小插曲👉🏻其實我同朋友都想食哂兩款雞翼，但係又驚食唔哂，喺周旋食邊款雞翼嘅其間，店員即刻幫我哋問廚房師傅可唔可以每樣一半俾我哋食，佢哋真係好好，好窩心❤️令我哋可以食哂兩款雞翼，每款都有一半份量，所以影出嚟份量係唔少㗎！另外餐廳有好多款酒飲，聽講話嚟緊會有free flow(任飲紅白酒sake生啤)嘅活動，如果到時有，我會帶我老公去飲，期待中😉…Read More

好耐都未食過鐵板燒，對上一次食已經係喺兩年前日本食嗰次啦！今日同好友相約去豪食鐵板午餐先🤣「譽」鐵板燒真係好啱我哋啲屯天元人士食，地點方便，而且餐廳入面環境夠簡潔，坐位高度非常適中，坐得好舒服！而且餐廳選用新鮮食材🤩我特別欣賞李師傅，態度親切又細心，每一道菜都為我哋解釋應該點食好同有乜特別，而且烹調功架令人大開眼戒！我哋真係無揀錯餐廳😍之後我哋揀咗「櫻」1人前套餐，幾分鐘後，師傅就拎住一盤食材為我哋介紹一番！🥗沙律我從未食過生粟米，今日竟然食到日本白粟米🌽估唔到咬入口即爆汁，而且好甜！完全無青澀嘅味道😋伴住Parma Ham食，果然充滿西式和風味道，好特別🥴仲有車厘茄同藍莓，令人非常開胃👍🏻🐟季節燒魚選用肥美而豐富油脂嘅銀鱈魚，師傅先將魚嘅皮肉分開煎，魚皮煎得非常香脆😙魚肉入口油脂即時溶喺口腔內，成口都充滿魚香味！加上特製明太子醬汁伴住食，入口微微甜酸，令魚肉即時變咗另一個味道👍🏻🥢北海道帆立貝一碟有兩粒超大粒厚身嘅帆立貝，應該有XXL size咁大粒！帆立貝煎到外脆內軟，咬入口帆立貝嘅鮮甜即時爆發出嚟，好好食呀😋帆立貝底下有自家製海膽忌廉汁，味道唔腥之餘又夠濃，加落去帆立貝嚟食又帶出另一番風味，好有心思😚🍴鵝肝香煎鵝肝伴鍋巴，入口即時食得出又軟又脆嘅口感，配上黑醋汁，令鵝肝香味更濃，仲可以一解油膩感！🐂特定牛肉師傅為我哋嚴選封門柳，佢話牛肉濃！其實我之前食過其他餐廳嘅封門柳，俾我印象中係靭嘅！果然師傅無揀錯，牛味特濃又唔羶！我哋仲要揀咗五成熟，師傅煎到啱啱好五成熟，入口肉質夠嫩又唔靭，肉汁夠濃😌真係一試難忘🤓師傅功架真係一流💯🥣麵豉湯香而清嘅麵豉湯，味道恰到好處，又唔會過鹹🍛炒飯煙肉蛋炒飯，蛋香味濃🍦甜品分別綠茶味雪糕同芝麻味雪糕，夠幼滑🥄甜品x2最後我哋食哂餐牌嘅嘢，但師傅對我哋好好💖話送多一個招牌甜品~砂糖多士🍞呢個砂糖多士可以用四個字形容👉🏻香、甜、爽、脆！果然係招牌甜品😋正到痺💯唔怪之得個個客人見到師傅整緊呢款甜品嘅時候，佢哋都爭相話要一份！氣氛真係好好，客人互相都有互動🤣好窩心嘅鐵板燒餐廳…Read More