vsayu's Profile

開開心心Happy Friday嗌個最貴嘅和牛丼set，我本身冇睇清楚佢係生牛肉，咁之後知道左就特登order全熟。waitress講左全熟可能會「鞋」我都OK。但係，「鞋」同埋「咬唔到」係兩個概念囉好冇？碗野上都黎，除咗個樣係牛肉，啲肉唔可以話係靭，係根本咬都咬唔開！吞到吞唔落！搵咗幾個同行朋友試都咬唔開，成粒擦子膠咁，完全超越左「食物」嘅 definition。之後搵咗waitress過嚟即場示範，佢淨係碌音機式「我話講咗俾你聽會鞋㗎啦」、「我講左你知會鞋」、「和牛成本太高唔退得」拒絕換其他嘢食或退款。我想問下，如果食物質素本身就係會全熟之後不可食用，係咪應該直接拒絕落order會仲合理？如果照你用「事先聲明概不負責」嘅邏輯，係咪我order生雞肉丼你又ok呀？事先聲明左唔洗對食物出品負責？最後，可能我見識少，真係未食過d成本咁高，而又熟左就咬唔爛嘅「和牛」喇…Read More

lunch嗌set嗌左盲曹，一上菜條魚又硬又腥，即刻換其他，都等咗左半個鐘，新上果碟海鮮飯都係腥嘅，d飯又太濕，感覺好差，中環呢個價又更加多好選擇....永不錄用…Read More

間店有d細, 得4個位有吧枱, 好彩我係平日放假3點去所以有位, 高凳唔算好好坐, 整體暖色調好溫馨, 唯一美中不足係對出就係小巴站有d嘈重點係呢度有正宗既crepes！仲係由法國靚仔整既🙈我揀左隻甜既baked apple & salted caramel crepes🍎🌮中間既皮有少少厚度，好好咬，而皮邊就煎到脆脆地，一次過滿足兩個口感嗌左杯Latte不過不失, 見佢有南非博士茶latte應該都幾特別, 下次試留意番佢地只收現金/AE…Read More

係幸福既味道呀芋圓黎講，呢間係暫時係香港食過最好食既一間有五色芋圓，紫薯，黃薯，芋頭，綠茶，芝麻，全部都好有咬口，好好食又唔貴最正係仲有生芋圓賣，可以買番屋企煮老闆好好人…Read More

好多芋圓，食極都食唔哂，好滿足新開見到去試下，豆腐花一般般，但芋圓還算okay，有少少太甜但咬感岩岩好，整體不過不失，希望可以加多d款式例如凍鮮奶芋圓，仙草凍沙冰芋圓....…Read More