Pinki0310's Profile

※榮獲連續五年日本天丼金賞獎※睇到呢句就想試下佢係咪真係咁正!! 係朗豪坊11樓, 要排隊, 平日夜晚8點左右人龍都排到12樓, 都幾誇張, 不過佢限時60分鐘, 所以其實都唔係排好耐就可以入座啦!首先一開始黎個簡短描述就係「好味!! 一定會ENCORE!!」相信係同佢既用料有好大關係, 佢好多重要材料都係日本直送, 秘製天婦羅粉,  秘製天丼醬汁, 白飯係用北海道七星米, 仲有個秘製柚子胡椒沙律汁!點好餐又未上菜既時候就可以食下前菜, 全部都係無限供應!!! 有蘿蔔漬, 牛蒡漬(一般野), 但佢個茶係牛蒡茶!! 雖然唔係人人都中意牛蒡味, 但我個人係OK既, 而且牛蒡既功效奇多, 不防飲多杯, 最正係無限添加既椰菜沙律, 配佢個秘製柚子胡椒沙律汁, 椰菜非常新鮮, 再加上個汁有柚子既清新味, 成件事變得好開胃, 為陣間既天婦羅作好準備，亦都可以係中途食減輕油膩感!! 好正!! 侍應仲會不時添加, 唔使怕羞!!!登登登登, 呢個就係我叫既 天幕御膳 $148差唔多有齊曬全部款色既天婦羅(除左溫泉蛋), 有黑虎蝦, 紅綢魚, 什錦炸物(係洋蔥加魷魚), 軟殻蟹, 茄子, 南瓜, 紫菜, 四季豆!!呢個天幕御膳既淨誇之處應該就係佢有3種食法:一 天婦羅 推薦食品 鮮蝦 乾海草故明詩意就係就咁食!! 將天婦羅沾蘿蔔泥溝薑末溝天婦羅醬二 天丼 推薦食品 鮮蝦 紅鯛魚 四季豆將天婦羅放係米飯上, 淋上天丼醬汁(秘製的, 最中意呢個食法)三 天茶泡飯 推薦食品 洋蔥魷魚飯 紫菜 芥末將天婦羅鋪放係米飯上, 淋鰹魚湯(因為要保溫, 個湯你想食呢個食法既時候呼喚待應就可以) 最後添加芥末和紫菜 食得!!唔夠白飯?? 天幕御膳既白飯係可以無限添加架!! =]我跟足次序食曬3個食法之後再加左碗飯食我最中意既天丼食法!! (食量驚人!)黑虎蝦用左雙蝦炸法, 所以TOTAL係食左4隻蝦 (超抵)!! 黑虎蝦彈牙鮮甜, 口感一流!! 我係第一次食魚既天婦羅!!!個海紅綢魚有片紫蘇葉包住, 所以冇散開, 魚肉仲很嫩又唔腥!!朋友叫左個 軟殻蟹丼 $158 都係一級水準!!呢個軟殻蟹丼係香港限定!! 勁澎湃既軟殻蟹陣!!!不得了!!當中仲有天幕御膳冇既皇帝菜加櫻花蝦天婦羅同埋溫泉蛋天婦羅!!!!小妹見識小, 除左第一次食魚天婦羅, 都係第一次食溫泉蛋天婦羅, 我相信係先整左溫泉蛋, 再沾粉再炸(不肯定), 但個流心程度真係要掌握得好好!!佢真係做得好好味!!!爆蛋爆溝飯!!正呀!!!仲有個皇帝菜加櫻花蝦天婦羅令人眼前一亮, 心心眼!! 再加上大量軟殻蟹, 呢個香港限定雖然最貴, 又係值回票價!!!!食完第二日爆瘡是常識吧!! 但都仲想食多次!! YEAH!!…Read More

因為買左杯野飲見到個杯係SHARE TEA先知原來呢間包店係屬於SHARE TEA系列, 唔同一般包店, 呢間包店D包包真係好可愛又好味!!今日買左一家大細都夠食既早餐!!真係超誇張, 個個都想買, 仲出左好多新款!!朱古力黑牛 $15 & 吉士紅牛 $15兩個都係牛角酥, 但外表同內裡都同一般既唔一樣!! 個朱古力間紋入面係用左OERO碎加忌廉, 鬆香的牛油香!!又有濃濃既朱古力味!!超CREAMY!! 另外紅紅地個嗰原來係甜菜頭粉做成的牛角酥皮, 但菜頭味唔重, 純粹頻色上起作用, 內放滿香滑的吉士, 又係超CREAMY!!相當美味!!芝士金磚 $19超邪惡啊!!! 成個方包條表面都塗左自家打成的芝士醬, 焗完之後芝香味十足, 返屋企叮左30先食!!超正, 同埋好大舊, 2個人食都得!!香菇麻糬包 $22 香菇造型的麵包超可愛, 我都係比個外型吸引左, 裡面有芝麻醬及麻糬, 煙煙韌韌, 好得意!! 薯頭 $24呢個又係做到薯仔咁既樣, 但入面有軟糯馬鈴薯粒, 火腿, 粟米, 洋蒽, 雖然個包材料係好普通, 入面又唔係好驚喜, 但係包師真係好有心思, 將一D普通包變成薯仔樣, 香菇樣!!排隊比錢既時候見到前面幾個客人都有送一個髒髒包, 心諗緊點樣先可以送包呢, 跟住到我既時候, 我又唔好意心問, 點知收銀姐姐就主動話, 送一個髒髒包我試食, 好冷淡咁回覆, 啊, 好啊, 其實心裡勁興奮!! 因為之前台灣傳過黎超HIT既髒髒包我都冇試過, 今次終於可以試下!!髒髒之胖 $39超大個包!!!!!!可以分3-4份食, 包包食起上黎堅髒!!! 建議一定要係HOME食, 係街/公司食一定超唔方便, 但真係堅好味!!用左70%比利時松露朱古力, 一D都唔會超甜, 歐式麵包超軟綿, 同佢個外面硬磞磞完全兩回事, 入面仲有好多忌廉芝士粒, 又食到朱古力, 真係好正!! 超級推!!!極濃法式可可藍芝士奶蓋 $40因為出面落緊大雨, 呢度又有位坐, 所以我又叫左杯野飲, 奶蓋奶蓋奶蓋!! 仲有得揀藍芝士/甜芝士奶蓋, 我真係未試過藍芝士啊!!!貪新鮮試下, 原來分別真係好大, 一飲落去咸咸地~~HA, 本人就麻麻地, 下次都係叫返甜奶蓋, 但係下面個可可味真係幾好味!!!…Read More

我一向都好中意LUNCH打邊爐, 今日星期六上完堂1點同個同學仔一齊去打邊爐, 十下十下, 我地都係係OPENRICE SEARCH附近有咩打邊爐, 咁岩見到呢間好似幾特別, 又平, 所以就黎試下!!間野係上樓既, 係地下見到餐牌都覺得唔錯,一路行上去仲有好多好懷舊既裝修, 但一D都唔舊!! 好乾淨! 可能係LUNCH既關係, 上面只有1-2枱客人, 所以空間感好大好舒服, 去過個廁所都好乾淨!!!午市有一人火鍋, 每位$88, 鍋底方面有3款揀, 老火清雞湯, 招牌麻辣湯同埋濃厚花膠湯底 (加$20), 我地揀左後面2款, 可以互食大家既湯底, 肉類方面可以揀一款, 真係豬牛羊齊晒, (有美國珍寶肥牛, 黑毛豬肉片, 羔羊肉片, 特級安格斯牛肉 (加$10) 同埋 頂級牛小排 (加$20) ), 我地2個都中意食牛肉架!! 所以係叫左2款唔同既牛肉, 冇叫到豬羊!頂級牛小排特級安格斯牛肉配料方面都好豐富呀, 每人一盤, 樣樣都有D, 呢個係一人一鍋好處, 唔使叫一碟野但得2個人驚食唔晒, 而家每樣小小, 中意既可以再追加, 唔會浪費食物每人一盤既配料，時令蔬菜, 粟米, 魚蛋, 玉米貢丸, 午餐肉, 炸響鈴, 腸仔, 芋絲講講個花膠湯低, 必面真係有2舊花膠既, 當然冇媽媽個D咁高級, 但都算係咁, 主要係個湯底都幾清甜幾好味, 同埋佢都有雞係入面, 不錯!! 麻辣就唔使講一定正啦, 可以再辣D同埋麻D!!!其實都飽飽地, 不過又想加多碟牛肉同埋超吸中意響鈴配麻辣湯!!!所以我地加多左一碟 頂級牛小排 (加$38) 同埋響鈴 ($10/2件)仲有一個吸引既地方就係佢免收加一及醬油錢, 但服務勁好, 姐姐會主動加湯, 又會提我地夜晚有興趣去記得做BOOKING, 因為夜晚會好FULL呀!! 但我冇問到佢夜晚係咪都係免收加一!! =]…Read More

今日見一個好耐冇見既朋友, 諗住放工靜靜地食個晚飯, 佢介紹左我去呢間係炮台山既西餐廳, 平時真係好少會去呢個位置, 原來呢度都有隱世好味餐廳, 廚師真係唔錯啊!!!有機會一定會再黎!!重點係職員既服務大好!! 店子雖然小小, 但都有成10枱客人, 但職員都係得2個, 但佢地既服務業同態度都值滿分, 呢點比食物質數更重要, 所以今晚食得好舒適滿意。我地叫左2個SET DINNER SGARE食, 是日餐湯係甘荀湯, 超好味, 湯很濃, 感覺好健康, 不過佢唔講我以為自己飲緊南瓜湯, 好味好味!!香烤豬鞍配紅酒汁 $148呢個豬鞍比我想像中好味好多好多, 除左大大塊之外, 佢一D都唔UN, 好易切, 味道甜甜地, 再配埋佢個紅酒汁真係絕配, 仲要我好中意佢個烤薯仔, 好綿, 我自己屋企整極都整唔到呢個口感!! 煙三文魚薄餅 $118另外叫左個PIZZA, 煙三文魚PIZZA好似只係普通野, 但佢都做得好好, 係薄PIZZA黎, 又薄又脆!! 佢入面加入左蕃茄溶同埋無敵多既CHEESE, 令到成個PIZZA昇華左, 欣賞!!!…Read More

新都城又開左新鋪啦!!雖然屋企樓下新都城 I II III期加埋真係好多野食, 但係每次一要唸食咩都覺得好辛苦, (可能太多大多連瑣野), 所以通常有新開鋪頭, 都會去試下, 好既去多D, 唔好既就放長雙眼睇下佢幾時BYEBYE, 結果呢間四季良晨, 我都幾肯定我會再黎!!!!YUMMY!!!MENU好多選擇, 有燉湯餐, 一定有既台灣麵, 又有米線, 仲有湯飯, 真係選擇困難!! 今次我叫左個特盛紅燒四寶麵，朋友就叫左個蕃茄花枝丸米線, 跟住左叫個餃子做小食, 同埋一人一杯台式野飲!! 叫到盡食到勁飽, 每人都係$107!!!餐廳好得意, 飲品部係另外一旁, 如果唔係食飯可以就咁係飲品部買野飲, 好方便, 而家又興返台式飲品, 呢個TEA MIKOO當然都要試下!!!入面環境裝修都好靚, 有花花牆, 又有圖書架咁樣既牆，真係有小小台灣風味, 而家落單係自己行出去門口CASHIER比左錢先, 返埋位D野食就會送上, 食完就走人, 真係跟足台灣CAFÉ咁!!特盛紅燒四寶麵我個四寶麵分別有豬手2舊,腱心牛肉2片,花枝丸2粒 卥水蛋1隻, 原來係跟紅燒牛肉湯, 但我轉左做麻辣牛肉湯 +$3 仲可以揀小,中,大,地獄辣!! 我揀左中辣!! 好味呀!!! 湯底麻辣好正!!! 真係有麻架!!! 中辣岩岩好, 重點係D餸好好味, 個麵既軟硬適中, 成件事好MATCH好夾好味!!蕃茄花枝丸米線 $51朋友既花枝丸米線雖然普普通通冇咩特別, 但要讚一讚佢個特濃蕃茄湯!!蕃茄湯真係好清甜, 岩曬今日冇咩胃口既佢!!!煎餃子 (4隻)  $28珍珠紅豆奶茶 $24*叫左小甜小凍, 我覺得甜度岩岩好!! 紅豆甜, 珍珠夠煙UN!!夏日水漾鮮果茶 $30*呢個唔記得叫少甜, 甜左小小怕甜又想健康小小但又想過下口癮既朋友仔記得叫少甜!!…Read More

我經常都要係藍田轉車, 今日好肚餓, 所以想係呢個轉車中間點食個麵, 一行山地鐵站就已經有個無限多野食既街市, 但因為都冇得坐既關係, 所以冇揀到, 跟住都見到譚仔同譚仔三哥, 開埋係隔離, 好誇張, 但難得一場黎到就梗係食下D小店, 見到呢間上海麵既舖頭, 客似雲來, 而家好多都好似好熟既街坊, 仲有好多人點外賣, 睇黎味道不錯!!我地叫左一人一個麵再加1個前菜, 當然唔小得, 我每次去呢D鋪頭一定要叫既小籠包!!雞絲粉皮 $48份量好足, 花生醬同芝麻醬混合體~天下無敵!!招牌小籠包 $38小籠包一定要趁熱食, 但太熱又會整親條利, 呢個上枱等左唔夠1分鐘, 溫度岩岩好, 但我第一粒就失手啦, 因為真係太多汁, 我一咬已經滴到條褲, HAHA, 好味好味!! 第二粒我會小心D, 個湯幾好味, 個皮就硬左小小。水餃擔擔麵 $45朋友既擔擔麵食有點辣, 但食食下又好似冇咁辣, 水餃大大隻, 湯底濃郁!酸辣豬軟骨麵 $45我既豬軟骨麵就不得了啦, 3件豬軟骨都勁大件, 真係食到好飽, 我覺得個湯底可以再酸D同再辣D, 冇問到可唔可以揀辣度, 有興趣既朋友可以問下, 講返個豬軟骨, 個味道係好特別, 酸酸味味, 又有陣薑味, 感覺有小小似浸過落豬腳薑度咁!! 好中意!!但原來擔擔麵同酸辣麵用既麵係唔一樣, 我而家先知!! 酸辣麵既麵係粗身過小小擔擔麵小小, 唔知係咪真係咁既呢? =]…Read More

之前黎將澳探朋友已經食過一次呢間台灣野, 不過係食LUNCH, 覺得水準已經不錯, 所以今晚都再ENCORE多次, 試下其他野!!上次LUNCH好似得1,2張紙, 夜晚MENU好多選擇, 花多眼亂, 真係揀左勁耐先揀到, 呢間係要自己揀好左出出面CAHIER自己點餐, 好似好多台灣CAFÉ都中意咁樣, 都OK既, 叫完野食, 好快就送到, 真係好快, 肯定唔使10分鐘!!勁!!我叫左個燉湯餐, 超豐富!鹽酥雞排卤肉飯+椰子雞湯+上湯浸時菜$76OMG!!好大碟雞排啊!!!仲要炸到外表脆脆, 好似去左台灣夜市咁, 雞肉嫩, 夠熱, 不錯, 卤肉飯望落細細碗, 其實份量不少啊, 卤肉唔咸唔肥, 岩岩好, 撈飯真係一流, 比起白飯, 咁樣會不經不覺都食多左好飯!! 椰子雞湯個味道就淡左小小, 但睇得出材料真係好多, 我個碗入面至少都有3舊棷子4舊雞!!!再加埋個時菜, 我真係好飽!!!(仲要叫左小食)朋友就叫左個呢度出名既台灣麵! 地獄三盛牛肉麵$71我估地獄意思係指好辣, 但原來叫餐既時候都係可以再揀辣度, 佢叫左麻辣小辣~原來個辣仲係另上, 真係好貼心, 開頭見佢碗麵平平冇奇, 但一加左個辣油之後真係香到好想同佢交換食!!好香, 個湯仲好好飲!!同埋真係好多牛肉, 3款牛有牛丸, 健心牛, 同牛展, 中意食牛既朋友真係一定要點呢個!!香脆墨魚腸片$28好似台灣夜市D腸咁!!鹽酥花枝丸(3粒)$23正呀!!大大粒花枝丸!!梅子綠茶(熱) +$6蜂蜜綠茶(凍) +$6…Read More

今日早左小小收工諗住去睇場戲, 所以晚餐要快狠準, 行行下見到呢間茶餐廳好企理, 又未試過, 所以就入左去, 佢裝修幾清新, 白色加淺藍色, 感覺好舒服!我叫左個 精選晚餐 B1 蜜糖雞翼配焗卡邦尼豬扒意粉 $65有餐湯同多士跟, 餐飲見D到宣傳牌有新野, 夠薑奶茶! (加$2)朋友係食肉獸, 二話不說就揀左個星級雜扒餐!!(西冷扒, 雞扒, 英式腸, 煙三文魚, 炸帶子) $95餐有餐湯, 揀左黑椒汁同跟薯條 (睇到都覺得份量不淺)野食好快送到~~餐湯+我個夠薑奶茶!!奶茶望落去同普通奶茶冇分別, 但飲落就有陣薑味, 好特別, 飲到底仲有小小薑渣, YUMMY!! 可惜係一定熱飲, 冇凍飲!!跟餐多士蜜糖雞翼看似普普通通既蜜糖雞翼, 但食落真係幾好味, 以為佢會好怪咁係個意粉上面, 但原來係分開另上既, 好味!!焗卡邦尼豬扒意粉SIZE正常, 但豬扒份量一D都唔正常!!係多!!我諗有成2扒大豬扒切成!!味道不錯!!呢個價錢係物超所值!WOW!!! 星級雜扒餐!!呢碟野咁浮誇都唔使一舊水, 真係一定要點, 真係2個女仔都食唔晒!! 薯條份量勁多, 又唔會’’林’’左, 牛扒同雞扒都好厚好大件, 冇雪味, 仲有煙三文魚, 砌到成朵花咁, 都有3-4塊!!!個2粒炸帶子都好搶鏡, 食落仲好正添!! 朋友都大讚!!…Read More

之前係尖沙咀食個間類似咁樣既台式一人一鍋, 覺得好正, 除左味道好之外, 價錢又合理, 份量又唔使好似任食咁食多左好多唔知點減, 今日出開黎旺角, 就係OPENRICE SEARCH到呢間新開既台式臭臭鍋, 所以就黎試下啦!!我地星期五差唔多8點幾去到, 都幾多人, 裝修都好台式, 乾乾淨淨咁唔錯!!我地2個人叫左2個鍋跟住叫左2款小食同2杯野飲!!招牌臭臭鍋 $108[臭豆腐 牛肉片 米血糕 鴨血 滷大腸 台灣貢丸 娃娃菜 椰菜 雲耳 金針菇 鮮冬菇 豆腐 豆角 粟米 炸薯仔 炸枝竹 蛤蜊 鳴門卷]沙茶牛肉鍋 $108[牛肉 牛肉丸 娃娃菜 椰菜 雲耳 金針菇 鮮冬菇 豆腐 豆角 粟米 炸薯仔 炸枝竹 蛤蜊 鳴門卷]唔知點解食落2個鍋都差唔多味, 係個臭臭鍋聞落去多左陣臭味, 但整體上都係好味!! 我地揀左小辣, 隔離姐姐叫左中辣好似真係好辣!! XD大家小心!!材料新鮮, 而且好多野食, 夾極都仲有, 真係食到好飽, 講下佢牛肉既份量, 其實真係算多, YUMMY!!!仲要講下佢個醬汁, MENU教我地係1份蒜蓉+2份醬油+3份豆瓣醬, 至於辣椒粉就除個人喜好, 我就照跟住做, 再加左小小辣椒粉!! 勁好味!!!!!!!!!!!點牛點菜點丸點咩都得!!一定要試下!!厚燒牛舌 $28台灣夜市小香腸 $26芝士苺苺 $39呢個當然冇大陸HEYTEA咁受歡迎. 但絕對可以頂下引, 芝士味濃郁, 苺又甜, 食火鍋配呢個雖然好飽, 但真係好開心!!超級水果綠研 $37呢個係配火鍋既不二之選!! 入面超多水果!! 而且百香果味好強, 酸酸味味既, 開胃消膩一流!!…Read More

今日又去食正野，朋友知我鍾意食扒，帶左我去尖沙咀既The Grill Room。間餐廳好好氣氛，好有情調。因為地方唔太大，所以多人既時候難免有啲吵。我地坐左喺Bar枱，Bar枱兩邊有四人座位。雖然係Bar枱位，但坐得好舒服，而且可以望住大廚煮野食，感覺唔錯。入正題，哩到無Set Dinner，我地就叫左燒美國安格斯西冷扒配黑松露薯蓉同香炒新鮮蜆仔配墨汁青檸扁意粉，另外仲哏左個湯同忌廉牛油蒜雜菌。忌廉牛油蒜雜菌哩個Side都有驚喜。啲菇吸晒牛油香味，兩種菇有唔同大細，配埋烘過的多士超夾。將啲菇放喺舊多士上面一齊，相當好味。脆多士得兩件，雖然唔夠喉，但一個Side黎講都夠晒。燒美國安格斯西冷扒配黑松露薯蓉安格斯西冷扒叫左7成熟既扒, 外面已經係全部燒到剛好熟，一切開粉紅色既肉，無血水流出，就知道廚師煮得岩岩好，所有肉汁已經鎖住，食落好嫩好肉汁。香炒新鮮蜆仔配墨汁青檸扁意粉哩個好期待，同平時食既墨汁意粉好唔同。個青檸汁令成個意粉口感清新左好多，而且好特別，值得一試。啲蜆仔食唔到沙, 而且每隻都肥美鮮甜。因為果晚唔係太舒服無試到佢地啲飲品。啲飲品全部都係凍既，留返下次黎再試。…Read More

今晚揀左行過黎將軍澳海濱長廊試呢間新開既日本餐廳，事源係我平時跑步會經過，覺得係呢個位置開餐廳好匪夷所思，覺得一定會冇人光顧，結果我錯了，當晚ＢＯＯＫ左８點半，我８點２０分去到係ＦＵＬＬ　ＨＯＵＳＥ！幸好，８點半我係有位可以入得。餐牌選擇頗多，看到有點花多眼亂，當然一定要試既就係我期待已久既蟹蓋。最後叫左２款蟹蓋，燒蠔，燒帶子，燒魷魚鬚，牛舌串燒同埋一個神奇炒麵？海膽魚籽蟹肉蟹膏燒　＄１２８蟹肉蟹膏燒　＄７８上枱既時候侍應會教你睇幾時食得，２個蟹膏蓋都好足料，海膽魚籽仲新鮮，蟹肉同蟹膏撈埋一啖一啖放入口，ＩＣＨＩＢＡＮ興奮！一啲都唔咸，ＧＯＯＤ！日本廣島蠔（２隻）　＄１１８手掌咁大隻！同蟹蓋一樣，侍應會幫你調好汁既份量，只要等蠔殻冇晒水就食得！超新鮮，蠔味ＵＰ！ＵＰ！ＵＰ！全餐飯最正！必點！明太子牛油燒魷魚鬚　＄６２丸燒大帶子（蒜蓉牛油味）　＄４８隻串燒：牛舌　＄３８ＭＡＪＩＭＥＹＡ特製：神奇炒麵（第二代）　＄７２呢個炒麵係用黎填肚！ＸＤ加上佢個名好特別，所以想試下，睇下有幾神奇！炒麵都係一般材料，豬肉洋蔥椰菜，我諗神奇既地方係佢個特別既咖哩汁，唔太甜又唔辣但又好有咖哩味，而且個汁好似融入左落Ｄ麵度咁，麵身好彈身，不錯不錯，美中不足係洋蔥太生，真係食唔到，標眼水！ＸＤ…Read More

今日放工約左個好耐冇見既朋友係觀塘APM食飯, 之前經過見到呢間餐廳既裝修格調都幾靚, 餐牌都好精美, 價錢合理, 所以就BOOK左星期五晚7點半去試下。可能星期五又放工時間都有人等位, 所以BOOK左位真係好輕鬆, 一去到就可以入去, 唔使等, 而且冇同我地講限時之類, 感覺很好。入去坐低睇左次MENU, 覺得DINNER SET係最抵, 而家佢好似MAIN MENU入面既MAIN都會出現係DINNER SET度, 唔會冇咩選擇!! VERY GOOD!!我地叫左2個SET SHARE食, 一份係T骨扒(黑椒汁), 另外佢仲配有焗薯同埋雜菜, 另外一份係大蝦扁意粉。DDINNER SET都可以揀湯或者沙律, 跟住仲有一杯FREE既COFFEE/紅茶，或者再加錢轉其他飲品, 我地好HEA咁揀左凍&熱紅茶就算。野食好快送到, 先黎餐湯, 係黑松露忌廉湯!! YUMMY!! 黑松露勁香, 湯又夠熱, 滑滑的, 很不錯!!!跟住主食都黎啦, 意粉勁大碟!!意料之外, 因為發覺而家好多西餐廳/CAFE都係百幾蚊一個意粉, 但碟大意粉小, 但佢呢個真係好大碟, 份量十足!!而味道很好!!!大蝦夠大, 肥美, 個汁濃度適中, 味道唔會偏咸, 意粉好有咬好, 好中意呢個意粉!!T骨扒都黎啦, 因為鐵板所我地叫左5成熟, 黎到都嘩左聲, 比圖片還要大!!會唔會太誇張!! XD 我地趕快咁淋左黑椒汁, 原來都幾熟, 我覺得下次可以叫3成熟, 咁鐵板完就仲會小小紅, 而家好似熟得濟, 不過味道好好, 肉控必選!! 另外個焗薯都有驚喜, 好味!!! 成件事係好飽!!雖然好飽, 但我地一早睇中左一個甜品, 原諒小女子學識少, 第一次見到呢個叫吉列西多!!真係好想試下, 所以飽飽地都叫左個吉列紫薯西多試下!!!賣相雖然冇咩特別, 但一切開…D紫薯蓉就要爆出黎!!! =P GIMMICK就有啦, 不過味道冇想像中咁好, 始終吉列都係咸咸地, 而紫薯又係甜既, 2者溝埋本人就唔太中意, 但始終特別, 不妨一試!!!…Read More

今晚買左EMAX戲飛睇戲, 其實第一次黎KITEC, 完全唔知咩環境, 點知黎到發覺原來都幾多野食可以揀, 而且可能已經係放左工既時間, 人流唔算好多, 所有餐廳幾乎都唔需要等位, 我地揀左呢間老夫子主題餐廳! 雖然老夫子我唔係由細睇到大, 但都叫有睇過, 印象中係幾搞笑既漫畫, 而家呢間餐廳係KITEC算係幾特別, 其他個D出面都有。茶餐廳好大好新, 裝修好可愛, D枱櫈呀牆呀都同老夫子有關係, 呢期接近新年仲有新年既佈置裝飾, 如果中意老夫子既大朋友真係千其唔好錯過黎打卡既機會。而且服務員既態度都好好!!我地叫左一個菠蘿咕嚕肉飯, 麻辣口水雞飯, 咸蛋五寶飯!! TOTAL都唔使200蚊!! 都算化算, (我開頭以為佢係CAFÉ咁食意粉) 雖然食既野係茶餐廳, 但水準都唔錯!!!菠蘿咕嚕肉飯 $63 (餐)咕嚕肉超好味!! 夠熱!! 唔會成團粉!! 個汁同埋菠蘿都唔會太酸, 送飯一流!!!麻辣口水雞飯 $68 (餐)我好中意食辣, 呢個口水雞都滿足到我, 佢個辣度唔算好辣, 但係個雞真係好嫰, 同埋係有肉食架, 皆因我係唔食雞皮, 平時出面個啲口水雞去左皮之後根本上係冇野落口, 但呢個唔會!!NICE!!咸蛋五寶飯 $62 (餐)CRAZY!!! 我個朋友叫左個五寶飯, 我地仲笑佢好頹, 點知個五寶飯勁靚仔!!! 有咸蛋, 叉燒, 紅腸, 燻蹄, 滷水雞翼!! 佢D燒味幾好味!!! 而且好多餸, 真係好過出面好多!! 推介!!…Read More

一直都係牧羊人少年咖啡館既忠粉，知道佢地喺將軍澳果到開左分店。莫名去試下。成日去開荃灣果間，一黎同將軍澳哩間真係好大對比。店內地方好寬敞，樓底好高。枱同枱之間好闊落，坐得舒服之餘傾起計上黎保持一定既私隱度。一邊超大落地玻璃窗，望住個大草地。夜晚未必睇到咩景，但日抖黎一定好舒服。內部裝修都用返單車館哩個主題，牆身有單車做裝飾，一如既往有書櫃，另外仲有一邊牆掛住左啲油畫，油畫隔離既電視播放住果個藝術家既訪問。比起其他分店，哩間更文藝，更清幽自在。餐廳係半自助式，落單同水都要出到Bar枱果邊。落單後拎住個號碼牌返位，野食就會由店員送上。晚餐有兩個套餐：「雙雙對對」同「大食四方」即係二人餐同四人餐。我地兩個人就叫左個二人餐，小食係9款㨂1款，我地叫左：黑椒蜜糖牛柳粒份量都唔少，粒粒都有蜜糖味。口感岩岩好，唔會太熟，仲可以保留到啲肉汁。大細適中，一啖一粒都仲可以保留到儀態。如果唔夠可以另外叫小食，隔離枱叫左沙律，個樣都好吸引。主食係7款㨂2款，我地叫左：鮮忌廉黑松露野菌意粉 同 意式茄蓉雞扒配香米飯鮮忌廉黑松露野菌意粉：賣相一般，好似好素好淡味。但食落好creamy，忌廉同野菌味都好香，唔會膩。意粉煮得岩岩好，唔會太硬。好味！意式茄蓉雞扒配香米飯：唔想食豬所以我地另一個主食叫左雞扒。賣相都係一般，有啲似餐記。不過食落就知道咩係咩記價錢但餐廳水準。個茄汁真係用上鮮蕃茄整，仲見到粒粒蕃茄肉，味道唔係淨係齋酸。另外件雞扒好滑，煮得岩岩好，多肉汁。仲有cheese cake兩款同兩杯飲品。cheese cake有幾款可以㨂，我地㨂左紐約芝士餅同藍莓芝士餅。本身件蛋糕賣相唔算太特別，但佢個碟好靚。食落都好滑，唔會太甜。隔離果舊Cream我都食埋，好味。因為都凍凍地，我地就叫左個檸檬生薑茶 同 蘋果肉桂茶。雖然係用茶包，但茶味都濃。食左咁多肉同蛋糕，飲啖茶真係舒服好多。其實佢啲沙凍都好吸引，熱返少少再去試下先。鄰近中學市同下午茶仲有學生優惠，雖然我享用唔到，但都好支持給折學生既餐廳。…Read More

今晚同朋友仔呢左呢間CAFÉ DINNER!! 都係係OPOENRICE度SEARCH見到多笑笑口所以黎, 離地鐵站幾分鐘路程, 唔算好遠, 餐廳唔算好多, 而且都頗多人流經過, 所以一定要做BOOKING!!我地一坐低隔離就有隻蒼鼠公仔同我一齊坐啦! SO CUTE!!雖然未到12月, 已經開始有聖誕既裝飾, 節日氣氛濃濃的!!我地好單咁叫左2個DINNER SET! DINNER SET有前菜沙律同埋忌廉南瓜湯，南瓜湯唔錯啊!!! CREAMY得黎又唔會太濟, 一個餐湯已經可以訐價一間CAFÉ之後主食既質數，我相信MAIN一定都會唔錯!!!好多人都點既 香脆豬手配燒汁 $168, 我地都點左個!! 豬手唔係巨型, SIZE正常, 但已經見到個皮好脆, 而且個燒汁都幾香, 側邊伴菜又同出面既德國豬手有別, 佢唔係用左酸菜, 而係有2款唔同既伴菜, 第一款係紫薯蓉, 我既大愛, 第二款係翠肉瓜同埋茄子再加南瓜汁, 呢個有小小格格不入, 不過味道係唔錯既, 講返豬手, 一啲都唔咸, 味道適中, 滿滿既骨膠原!! HAHA!!YUMMY!!另外叫左個正常不過既 煙三文魚蜆肉天使麵 $123, 多汁, 個汁仲做得幾好, 三文魚同蜆肉既份量又多, 天使麵既軟硬程度都拿捏得好好, 一個唔會失手既意粉菜式, 最有趣既係..隔離枱既2個女仔同我既點既2個DINNER SET竟然係一模一樣, HAHA!!! FUNNY!!! =]最後跟餐送既甜品今晚係抹茶雪糕, 同樣有小驚喜, 以為會好HEA, 但係抹茶雪糕的確不錯, 除左甜味, 真係有苦苦澀澀既抹茶味, NICE!!…Read More