luvszero's Profile

朋友生日，喜歡食海鮮的友人特意預定了這間蒸海鮮店。二人行，選了999套餐。好豐富，好多選擇饅頭蟹，琵琶蝦 都是其他餐店較少見！所有海鮮落鍋前都仲好生猛。個人最喜歡琵琶蝦，好大隻！非常鮮甜！超多膏～～好肥美～～享用完海鮮後可以慢慢嘆個粥底。最後每人奉送甜品 椰汁燉燕窩一碗。店員會逐件海鮮幫我們蒸，不用擔心會蒸過時間影響味道。所有海鮮基本上都不用調味，蒸完可直接品嚐，非常鮮甜！好滿足的一餐！推薦喜歡海鮮的朋友前來品嚐！…Read More

第一次 未食完一餐就要寫評價。適逢openrice有外賣自取優惠，就柯打左個滷水無骨豬手飯試下。服務好，我早到都立即整俾我。一坐低打開盒飯，賣相正常，特價算係咁第一舊夾起放落口，嘩，咁大舊骨嘅？即刻check下張單，無錯喎係"無骨"豬手唔緊要，可能師傅放多左落嚟啫。再食，嘩，硬到呢！我自問牙齒都算健康，但真係無一舊肉我咬得到，我究竟食緊啲咩？無辦法，惟有放棄嗰堆所謂豬手肉，靠棵西蘭花勉強食完啲飯，盡量唔想浪費。我明白特價野唔應該期望太高，但實在質素太差，又浪費食材。我用"不知所謂"四字概括都唔過份。…Read More

母親節特地訂枱同媽媽慶祝。去到不用等就成功入座。興高采烈下單後，看著餐廳裡的開放式廚房，欣賞一碟碟準備奉客的食物，香氣四溢，非常吸引。可是，再望望廚房裡頭的員工，竟然沒有一個帶上口罩，還不斷近距離對著食物有講有笑。雖然最近疫情稍為緩和，但基本衛生意識都應該要有吧? 總不能如此鬆懈。如實向餐廳經理反映，經理竟然說給我換一張望不到廚房的枱。這不是解決辦法吧? 理論一番後他勸喻員工帶回口罩工作。但始終心裡不太舒服，還是取消柯打離開，另找其他餐廳進餐。真掃興!希望餐廳會有改善吧。…Read More

最喜愛這裡的朱古力木糠布甸只此一家，而且百吃不厭。光顧了這店子差不多有十年，在外邊根本找不到比這裡更好吃的木糠布甸。從冰櫃取出，吃下口又像雪糕又像蛋糕，一開始就停不了口。只有這家小店才能做出的味道，實在回味。一問之下，原來在於老闆親自調的忌廉，份量和材料跟外面調的不同，至於秘訣老闆就不便公開咯，總之就是心機之作還有許多不同味道，原味/咖啡/榴槤等等，總有其中一個味道適合你。還有推介老闆自創新甜品：芒果多情芒果啫喱配益力多布甸，新奇又好味，還有兩味爆珠及雪糕球，夏日最佳消暑良品，喜歡芒果及益力多的朋友絕對不能錯過！老闆很好人，我跟朋友們吃完了甜品，在吹水閒聊都不會趕走我們或施壓要我們離座，坐到店打烊也可以，的確是個吃完晚餐聚腳的好地方。雖然這小店裝潢很普通，在整條小街上並不起眼，但我就是喜歡這樣實而不華的小店。比起旁邊燈火通明、滿是排隊人龍的幾家甜品店，更有魅力。…Read More

第一次去呢間食見到餐牌有個常餐，於是叫左個豬扒炒年糕，打算加$8配個汽水，點知叫完睇一睇張單，點解年糕同汽水都分別收我正價呢？於是叫左個女店員黎問一下，我：「唔好意思，乜餐牌唔係寫住汽水跟餐加8蚊咩？點解你寫左10蚊既？」點知佢態度很差，指一指遠處近門口幅牆：「個度寫左啦，要三樣叫齊先有優惠價架嘛，咁你而家叫唔叫丫!」(下刪一百字)但我個座位係店內最角落位置，我根本冇可能會睇到近門口幅牆，除非企出去。而且我再認真睇一次個menu，真係沒有任何一隻字係有明示或暗示要叫齊小食+飲品先可享優惠價(可以睇圖)。咁擺明係呃人啦，個menu好明顯係有問題。其實唔係幾蚊既問題，只係覺得呢間舖頭咁做形同呃人。至於食物，不過不失吧。…Read More

吃完晚餐，時間尚早，於是朋友們打算吃甜品。行到煙廠街附近，見到兩間比較出名的甜品店都大排長龍，由於天氣悶熱，大家都不想等位，於是退而求其次，到了附近這間看似好吸引的店。結果是，中伏了。四人同行，每人各點一款甜品。不知名雪山。好吸引的賣相，很奇怪的味道。一心以為是青檸、青蘋果之類的味道，一入口...實在"lur都lur唔切"，完全難以形容是甚麼味道(難聽點，簡直是令人作嘔)，總之非常難吃，大家吃了一口就放棄了。芒果千層荔枝凍。竟然整碟都是暖的，連中間的果凍都是暖的。不是應該冰凍的嗎??!點了一客滿以為很安全的楊枝甘露。結果，又一次，暖的，只有那個雪糕球是凍的。而且西米又不似西米，又大粒又硬。連這款最基本的甜品都做不好，還學人家開店?木糠布甸(朱古力配藍莓味)。算是最正常的一款甜品。總結，除了環境舒適之外，毫無可取之處，食到一肚氣，絕不會再幫襯。…Read More