Jonokma10's Profile

之前嚟過一次食午餐，有semi lunch 可以慢慢食，之前坐嘅位舒服，所以星期日諗住嚟食晚餐。訂咗6點，提早嚟到，門口waitress 話可以提早入坐，講左用餐時間1.5小時，如果無人等可以繼續坐。 講完話轉頭攞水比我哋。 跟住陸續都有客人入嚟，我哋坐左一陣想叫野食，waitress 話等等，跟住見有另一個侍應行過，佢幫我哋落單。 之後我再提佢攞杯水嚟，眼見都有3-4 個侍應企係度但個個都係周圍望⋯環境係有情調既·先上餐包，個香草牛油幾好味.叫左杯Mocktail - Violet , 幾好飲，見到個bar tender 好有心機整.叫左個德州雞鎚，炸得好香，仲好juicy .叫左個ribeye, medium rare, 望落幾靚，但都好多肥膏，同埋有啲韌，食唔哂⋯.澳洲和牛竹炭漢堡 - 呢個好食，和牛同醬汁好夾，足料西紅花海鮮意大利飯 - 呢碟飯賣相精緻，但海鮮質素真係唔可以要求😅 粒元貝煎到半熟，但食落質感唔新鮮😓餐廳環境係舒服，cozy 既，但waiter 嘅服務態度真係麻麻，食完一個餸會收碟係好正常，食食下和牛漢堡嗰碟，食完個漢堡包，仲有大半份沙律菜同少量薯條，個侍應行埋嚟問可唔可以收？ 我哋都呆左，話仲未食完。 之後有位著西裝嘅侍應問我地使唔使叫甜品，我話唔使 （呢度甜品選擇唔多，同埋見佢哋嘅態度已經覺得夠，如果要食甜品會出去另一間食） 點知佢轉頭就話可唔可以埋左張單佢 😨門口有人等 （有兩個人） 我哋再一次呆左，咁好啦，唯有埋單，當時只係6:35 pm⋯ 我哋覺得應該去茶餐廳食算了～我哋都想多啲留港消費，我都知餐廳租金貴、人工貴，成本高，但餐飲業，除了味道，食物質素，服務態度真係好重要❗️ 經過今晚呢餐，我唔會再嚟了…Read More

上星五突然想食西餐，諗起Chef’s stage , 5:30 pm 打電話嚟訂位，屋企人仲話唔使訂位啦，實有位。6:30 pm 去到，嘩，應該有8 成滿坐，屋企人話好彩有打嚟訂位 之前嚟過食lunch， 食過一次晚餐，今次再嚟試其他野。 我哋叫咗個二人餐再加其他嘢先叫薯條香煎珍寶帶子及釀煙三文魚酥皮餡餅 （餐 +$18）黑松露薯條，幾好味😋我最鐘意呢個蒜香白酒煮紐西蘭蜆扁意粉，辣辣地幾惹味，意粉整得好好 👍卡邦尼長通粉好濃味，食幾啖都飽了 呢杯偽鴛鴦味就淡d炭燒美國豬鞍拼波士頓龍蝦尾配南瓜蓉，豬鞍好味 甜品叫左Tiramisu, 好香滑👍上生日甜品時會播生日歌，係幾開心既每隔一排就嚟呢度食，衣家香港食肆難做，希望佢keep 住水準，繼續長做…Read More

網上見到茶聊有熊仔咖啡，好近朗豪坊，嚟食個lunch ，順便飲咖啡。位置好方便，餐廳係1樓，好易搵，一入門口就見到電話亭裝飾 😆有午餐選擇，大部分飲品加$16 就飲得 （正價超過$40）。叫左髒髒黑糖珍珠鮮奶 同熊仔咖啡 （Tearapy ice bear coffee)Ice bear coffee 好cute 職員話先倒咖啡，之後加鮮奶。我覺得杯髒髒黑糖鮮奶好味過杯咖啡！ 但飲嘅時候要小心，隻手係會掂到朱古力粉既～熊仔冰咖啡就啱哂打卡 雖然冰熊仔係咖啡冰，但咖啡味偏淡叫左All day breakfast, 味道ok, 個麵包都好食另外叫左個美國穀飼豬扒薯條配牛肝菌汁，幾好食，牛肝菌汁好香。呢度d食物都👌🏻，到2:30 仲有人繼續入嚟食嘢，下次再嚟試吓杯髒髒紫薯鮮奶 …Read More

就到6:30pm, 晚餐唔知食咩好，突然想食泰國菜，諗起朋友介紹呢間城中泰，見有位入去試吓。我哋一行3人坐低，之後嚟嘅人就要等枱了。每樣都想試吓，叫左個2人餐，加個沙嗲。沙嗲 - 豬肉+雞肉幾好味 2人套餐有頭盤、湯、幾款主菜和甜品選擇，我地揀左小食拼盤、炸蝦餅幾好食。仲有泰大蝦冬蔭公湯、半隻海南雞、炒芥蘭，套餐只有薄餅或蒜蓉金磚 (蒜蓉多士），我地另外加左個白飯 同 泰式海鮮炒水晶粉。海南雞好滑，好味😋海鮮炒水晶粉都好食，最後有椰汁千層糕同埋椰汁西米糕做甜品，我覺得椰汁西米糕好味，仲有芋頭粒係裡面！ 個千層糕就麻麻。得個甜字😅 （甜品唔記得影相）埋單好似$57X，都算多野食，晚餐唔算太貴，經過可以一試。…Read More

今日好忙，2點幾先有時間食lunch .經過 Marks & Spencer cafe, 入去食lunch, 順便飲杯咖啡，我覺得佢嘅咖啡真係幾好味 😋叫左杯latte . 雖然無咩拉花，但我好鐘意呢個味道，少少nutty，溫度好剛剛好叫左set lunch, set lunch $88 有麵包、意粉、咖哩等，跟餐湯+麵包，但咖啡要另外買。我揀左南瓜湯，幾好飲，仲好大碗！麵包有牛油跟埋，佢嘅牛油好香，可惜麵包凍既～意粉就一般，仲有少少焗燶左，不過我都食唔哂 - 飲湯、食牛油麵包、意粉仲跟一小塊蒜茸法包，加埋杯latte, 真係好飽。下次想嚟試佢嘅下午茶，同埋加杯咖啡 😌…Read More

以往每次嚟永年都係食車仔麵，又會買永年嘅麻辣醬，嚟食早餐都係第一次。蛋撻好吸引，好想食，但早餐好豐富，下次下午茶先嚟食蛋撻。早餐價錢由$52 起，可加錢改食蛋撻、菠蘿包、菠蘿油、黑松露炒蛋等，真係好多選擇。 我叫左杯熱鴛鴦幾好飲 雞扒餐貴啲，但塊雞扒好大塊，朋友都食唔哂😅，多士烘得好脆，好味！ 食完份早餐真係好飽。餐廳係商場入面價錢一定唔會平，但食物份量夠，味道都ok，除咗車仔麵，有常餐又鐵板餐等可以揀，真係要諗定下次嚟食咩 …Read More

好耐冇食中菜，放工諗住去翠園食晚飯。坐低諗住叫定餸等屋企人嚟到有得食，7:0X pm 已入單, 等左十幾分鐘有個燒味上（豉油雞）。等到呆左，無影相。食完又等，等緊嘅時侯諗住再叫多兩個餸，其中一個餸就係鐵板叉燒，踮着個鐵板嗰啲叉燒好熱既，但面嗰幾舊就微暖⋯之後開始叫侍應幫手跟單，第一次問，個女侍應話等’我入去睇吓‘，之後嚟攞埋張菜單行去問人； 又過咗10分鐘，我問另一個女侍應，佢係近門口方向攞左我哋張單入嚟，話跟緊。 我哋都好奇怪點解張單會擺咗係第二度？ 咁之前個侍應攞去問邊個呢？ 之後有個部長經過，我哋話埋單，唔等啦，轉頭就有一個餸出嚟，佢仲問我哋食唔食埋呢個餸先，未出嚟嘅餸取消，我哋話唔要啦，唔再等啦。我睇返張單，7:10 已出哂單，8:00 只出得兩個餸，再等唔知等到幾多點以前去過尖沙咀翠園好多次都無咁嘅情況，Yoho 呢間真係唔會再嚟，食物選擇唔係好多，d 人態度懶懶閒（見好多食評都唔好），係商場食預左唔平，平時去王子食都未試過咁勞氣！ 以後都唔敢再嚟食嘢！…Read More

之前見好多人食呢間食魚生飯話好食，今日嚟試吓。 原本到想試吓朋友話好食嘅’招牌前菜寶箱‘，但衣家暫時得午市套餐。午市d定食都好吸引 做好哂安心出行後，侍應好有禮貌帶我哋埋位。 🍵鹿兒島A5 和牛吞拿魚腩丼-好好味！ 和牛同 吞拿魚腩油香，加埋溫泉蛋，好正😋迷你魚生、和牛烏東、唐揚炸雞+ 沙律定食-呢個都好味，魚生新鮮，烏東都ok.鹿兒島A5和牛、鰻魚溫泉蛋丼，大蝦天婦羅、松葉蟹魚子丼 -雖然價錢唔平，不過份量唔細，都值得。埋單時，送左3張 $100 現金卷，外賣都用得，有機會再嚟 …Read More

網上見呢間餐廳食物同環境都幾吸引，決定lunch time 去試吓。餐廳唔係係正開源道兩旁，唔算好就腳，但好易搵。 好彩訂左枱，平日呢間餐廳都好full。一入門口就見到旁邊有d 日本小物賣。之後就會見到呢啲日式小擺設👍🏻我哋準時12 點到達，坐近窗口位。好好太陽🌞好日式嘅cushion 叫左個咖哩吉列豬扒飯，幾好味 😋加錢要了 cappuccino 同朱古力奶，好好味😋另外叫了蒲燒鯛魚腩定食，鯛魚腩味道普通，是個燒汁蓋過了鯛魚味。總括嚟講呢度係舒服嘅，每枱也坐得闊落，食物亦算多選擇 （ set lunch 分左星期一、三、五 同 星期二、四兩個menu)。我哋早嚟可靜靜享受餐廳嘅感覺，差唔多12:45 pm 開始多人，開始嘈了，聽到個個都講想食炸雞同鯛魚腩等，下次有機會都嚟試吓個南蛮雞先 …Read More

好耐無去Pizza Hut 食飯，lunch 想食意粉同pizza， 又唔多人等位，就入去食。侍應安排我哋係最入嘅枱，係條柱後面。 落單時舉起餐牌好多次都無人嚟，有啲望到都好似見唔到咁等左一陣，我自己行出去叫落單，叫個二人餐，有個叫伊文士雞意粉, 我問侍應呢個意粉係咩汁？ 佢唔清楚，即刻問同事，問完我就落單。 呢個應該係新同事，我想用積分換客雞亦，佢唔知點做😓 ，叫左隔離落緊單嘅同事幫手… 飲品方面，想叫杯凍朱古力話無，咁就要凍檸水。上飲品時，侍應攞咗杯凍檸茶嚟，我話我哋叫檸水唔係檸茶，麻煩佢換過，佢個樣好唔想換咁 佢托盤上仲有兩杯熱水，我以為係比我地張枱，原來比隔離，咁我話唔該比兩杯水。 佢‘哦’完，好耐都冇過嚟，之後我叫另一個同事攞。我哋坐卡位，同後面的卡位枱連接住。我小朋友坐底時‘櫈’左一下，後面位先生已擰過嚟望我地，我都知張櫈郁，我叫我小朋友唔咁大動作。 其實佢自己一坐低嗰下張卡位櫈都郁到我哋個位，但我哋無出聲。呢種前後坐卡位👇🏻食食下後面位先生又擰過嚟，叫我小朋友可唔可以唔好再郁，好影響到人。我叫我小朋友坐過我呢邊，唔想講咁多。 佢即刻無出聲。 食食吓，兩個侍應係我後面張卡位櫈攞同擺雜物，郁得好勁，我小朋友話 ‘嘩！好櫈呀！我同侍應講唔好郁’。 （侍應應該聽到，當聽唔到）我同佢講張櫈設計連住哂實有呢個問題出現，我記得好耐之前嚟食嘢都係咁。但都無辦法，大家遷就一下。 如果次次食飯都咁，就唔使出街食飯了～我好耐無嚟呢間pizza hut，因為以前嚟都係咁，侍應好似唔想做，食物味道麻麻地，以前嚟張卡位櫈都係咁，後面一郁就感覺到。經過今次，我真係唔會再嚟呢間pizza hut 了。…Read More

之前成日經過呢間日本餐廳，每次都無意欲入去食，只食西餐。今次嚟試吓，同家人慶祝生日。餐牌都好多選擇，唔想諗嘅就可以揀定食，有飲品或刺身選擇，其中一份餐揀了刺身，有3小片薄薄的魚生，都係揀飲品較好。點了吉列豬扒飯定食（忘記影相）、鰻魚飯定食、芝士辣肉醬叉燒定食同唐揚湯烏東。鰻魚飯很一般，鰻魚有少少泥味⋯⋯這個辣肉醬叉燒飯反而有驚喜！ 配溫泉蛋好好味😋另外叫了芝士年糕、八爪魚丸和雞軟骨。仲叫左客刺身，刺身新鮮，只係蠔比較腥。我哋4個人叫左4 份定食 - 每份定食跟麵豉湯、蒸水蛋、沙律菜和一件小抹茶厥餅，再加埋散叫嘅食物，已經好飽，但嚟係慶祝生日，所以都要食甜品。留了一份‘大滿足甜品’ 比生日之星，雖然唔係款款都好味 （馬卡龍同d 抹茶紅豆拿破崙真係超甜，食剩哂）；我哋無揀雪葩，要豆腐雪糕同抹茶雪糕，個豆腐雪糕好好味 ，黑芝麻椰子奶凍都幾好味😋。一路食都好多人入嚟，我見好多人食魚生飯。差不多夠一小時了，我哋都驚要趕住埋單，侍應見甜品未到都無催我哋，都好有禮貌。最後我哋食左1小時15分鐘，今餐真係好滿足 :)…Read More

午餐吃什麼🤔之前見過有人分享D2 Place 有間食Parma ham 嘅餐廳，今日 去試試。午餐都多選擇，我哋揀左巴馬火腿野菌意大利粉配溫泉蛋、安格斯牛肉漢堡，加錢要一客橡果西班牙黑毛豬火腿 （20g)餐湯是薯仔湯，湯內有好多薯仔，飲湯都少少飽 之後上了黑毛豬火腿 （36個月），很油香，配片多士一齊食無咁油膩。主菜到，意粉好足料，睇落好似唔大碟，但幾足料，醬汁都好濃安格斯牛肉漢堡個包睇落唔大份，但塊牛肉都算大，仲好juicy , 薯格都好香。每個餐加$15 有飲品，叫了Americano 同 cappuccino, 咖啡微酸，易入口。整體食物質素幾好，店員都好有禮貌，有機會再嚟試其他野食 …Read More

之前係觀塘飲過波霸珍奶，幾好味，但排左好耐隊。 自此都無飲過。今日入左元朗，泊完車見到無咩人排隊，就去買嚟飲。 買左虎堂黑拿鐵和黑糖波霸復刻紅茶（少冰少甜），兩杯都好好飲！無諗過虎堂黑拿鐵咁香！好香醇嘅咖啡味，可能佢用明治嘅奶，好滑，飲完想再飲 黑糖波霸復刻紅茶飲落好順喉，都好飲 …Read More

其實呢餐飯係早幾個月食嘅，上星期又嚟食過，但今次食得好趕無影到相，感覺質素仍然係好好，所以想寫呢篇食評。以下嘅相係較早前影嘅，我地早食，唔多人，環境舒服。我地叫左香蒜辣味蜆意粉和蝦肉意式蕃茄忌廉意粉，意粉很有口感，兩個汁亦好好味😋飲品方面，我哋叫左玫瑰茶和半價叫的latte, 杯latte 好好味，我想叫多一杯今餐飯係同朋友慶祝生日，預先同餐廳講左，亦揀好甜品，餐廳寫了朋友的名和happy birthday, 甜品味道也不錯，餐飯食得好開心 :)…Read More

12:30 pm 了，諗緊到樓上飲咖啡定嚟茶木食飯，諗起肉燥飯，就去茶木！呢排疫情關係，好多食肆都難做，荃灣呢間茶木有七成入坐已經好好。 入坐前店員先幫食客量體溫。點左鴻喜菇肉排 （唔記得個名）配肉燥飯餐，好好味😋 加了杯Mocha 仲有紅燒牛肉麵配紅豆薏米水 ，好鐘意食呢種麵，好味😋鹽酥雞麵，雞扒份量好多，鹽酥雞啱啱炸起，食完呢份真係好飽！仲點了份台式滷水拼盤，忘記左影，感覺上份量比以前多少少，今餐食得好飽。以前成日去旺角嘅茶木，元朗也去過，之前都有去過荃灣呢間，但今次所有野都好好味，希望繼續保持落去:)係呢個時勢，大家做好衛生措施，希望疫情快快過去，各食肆、店舖也能捱過 🙏🏻…Read More