szechanjaiii's Profile

適逢朋友生日想食牛排就點名食呢間，真心無介紹錯！•Staff好有禮貌，詳細介紹，周不時會fill水同問fill薯條，好細心！•只要叫一個main course就會跟返一盤可以無限refill既薯條，由原個薯仔連片批出黎既幼薯條，調味適中唔會過咸，好味😋•另外有蕃茄湯同沙律～沙律正常冇投訴，而蕃茄湯偏酸麻麻地•我地3人分別叫左Special menu - 青醬慢煮12小時牛排肉質鮮嫩，易入口同時亦有口感香草平鐵牛扒肉味好出，可惜係叫medium rare但整左medium牛油果漢堡份量十足，餐廳仲好貼心用風琴包裝，就唔怕整污糟手👍🏼無論裝修服務食物味道可以話無咩投訴都唔錯～…Read More

心心念念想食串燒又見呢間多好評，book好位拉埋朋友去食!7pm餐廳有2枱客但無店員，行到入去就到廚房位置先見到人再入座..選擇唔多，價錢就正常香港價啦- 入座後先點左3個小爉燭係個爐到，坐左5分鐘先拎到qr code點餐..個店面長期無人，出餐慢，無一款食物黎到係熱既，放上個爐到都係無幫助..啲串燒都只係得孜然粉味無肉味黑白糍粑已經一上就即刻食，都仲暖暖地但係黑糖加煉奶唔夾得個甜字，外硬內韌食緊香口膠咁...最新奇係個粟米，又孜然粉又沙律醬又芝士，加上唔熱，啲芝士同醬瓊左一舊野咁，簡直係味覺大衝擊。-最後都係同朋友出去食其他野，大約8點幾走而當時入座人數都唔夠一半..抵讚既係環境闊落，好乾淨至於食物就...串燒店都有好多選擇，唔一定要揀呢間。…Read More

深水埗本身都算係cafe集中地，剛好路過比個裝修吸引左就決定試一試~見openrice都較多人評論店員態度，站我角度佢地只係比較chill同做自己，但未到無禮貌的.脆煙肉烤芝士治一黎到就襯熱食所以無影相芝士多到溢哂出黎，勁拉絲，拉到勁長!!本身以為入面會係煙肉碎，但竟然係原條~唯一挑剔係天氣凍，野食好快凍，但個三文治心keep住都係暖既脆炸薯條都係熱辣辣，調味岩岩好，份量都比我想像中大，好抵食下次再去會想試下啲burger，見到隔離枱都食得好滋味，burger望落都好juicy同足料…Read More

希望店家可以更用心去經營，晚飯時段陸續有人流但未到爆場，套餐價格都比較平民，算係唔錯~ 而食物方面真係要再落下功夫。- 叫左2個全日餐, overall 就以下啦煎餃: 羊肉大蔥 x5 (+$10)，蝦滑椰菜魚籽煎餃 x5蒸餃: 牛肉芫茜 x5芝麻拌麵小食: 中華沙律，蒜香雞翼，香脆蘿蔔乾，酸辣鳳爪飲品: 豆漿，桂花烏龍茶 (本身2杯都豆漿, 但真係唔好飲, 另一杯換左茶)- 首先，豆漿真係唔好飲，淡味而杰身，搞下杯野好快又打回原形，比朋友試左啖都表示認同就即刻換左茶，茶都唔錯，桂花味好出~然後餃子方面，煎餃黎唔齊，要問先知原來廚房趺左隻會後上比我...如果可以上菜個時話我知，唔洗我問會更好，之後店家亦後補比左2隻我，有誠意既!- 煎餃似蒸熟左先再煎下個底，唔香唔脆，只係好似做樣上色咁。蒸餃就熟既，每隻都好似開盲盒咁，隻隻都唔同就係無牛肉芫茜，反而出現左係煎餃度。餡就基本好似差唔多味咁，我地每人第一粒都係成粒啪，食左好耐都係憑洋蔥大蔥黑椒去估食緊咩，之後每隻都要咬開一半望下先知係咩餡...不論蒸定煎，都係皮餡分離，個皮好乾硬身，幸好仲有啲肉汁~小食正常，但唔建議叫雞翼。拌麵我無試到就唔作評論喇。-呢個價錢有咁既份量，抵食既~ 但連同質素去睇，會有更好既選擇。…Read More

一直都好中意食cookie department既曲奇，見到今次有同upper house合作就即時book位去試下個tea set由於遲左少少到，已經安排唔到海景位坐，但都依然望到成個view~想打卡既朋友仔記得早少少到等啲staff可以幫忙安排~1st: Mini pancake & 黃糖scone• Mini pancake少少漏，唔要牛油都ok~• Scone外脆內軟2nd: 3種口味曲奇• 3種味都好fresh, 有少少薄荷味，幾特別~除左士多啤梨外唔係好知食緊咩味 :目3rd: 碎蛋芝士包，牛油果雞肉，煙三文魚包，藍莓yogurt• 碎蛋正常，芝士包略硬• 牛油果雞肉咸點中最好食• 煙三文魚包都係個包略硬，味道正常• 藍莓yogurt..no thanks for me :)有另外上左個French Toast (唔係太影到)，甜甜地又唔會太漏基本上成個set都正仲好飽肚~本身唔中意食藍莓所以個yogurt對我黎講係唔ok之外，其他都唔錯的~另外啲staff好nice, 咁岩個位比大陽曬住，好快幫我地落簾~埋單仲會比2張cookie dept 既買一送一既coupon買走~…Read More

提早book好位，去到好快就安排左室外位置，但始終係行人路旁，好多人經過會望同停留，唔中意既朋友仔記得要request坐室內或室外較入位置會好少少~雖然聖誕有提供set dinner, 但我同同行朋友都比較細食揀左單嗌~餐前麵包幾軟熟，最好一上枱食當暖下胃~牛油果吞拿魚他他作為starter比想像中大份 (雖然影得好細份咁)，認為係誠意之作~2個人食都ok, 最後2啖會覺得有少少漏~主廚香濃雜錦海鮮燴扁意大利粉同想像中有出入，海鮮係指魚子...唔知意粉係咪係海鮮湯裡面煮(?) 而我係食唔到有味...意大利小公雞有驚喜~ 雞好嫩滑同juicy! Overall, 食物都幾有驚喜同份量比想像中多，細食既朋友仔唔好叫咁多~我地最後都係食唔哂浪費左隻雞仔...…Read More

同朋友去朗豪坊shopping, 行到攰攰地本身想去food court食野但奈何未到食飯時間已經好多人，見鮨之位置較闊就決定去食喇~店員安排左我地坐卡位，旁邊就係送餐車軌道，有自助熱水，唔洗下下叫人斟水都幾方便 :)串燒三味包括翠肉瓜/雞翼/豬腩肉，調味適中，唔會過咸過淡~呢個三味係優惠價，原價$108，但係無係menu對比過單叫差幾多，大家去食可以留意下~大蜆麵豉湯天氣凍就叫個湯暖下胃，有2隻大蜆，我認為就有小小咸，size正常吞拿魚脆餅好食！作為小食同前菜，size岩岩好~黑松露大蝦壽司卷黑松露味好出，反而大蝦食落似打到變蝦膠咁，好黏口，個感覺好怪…個人唔建議叫，寧願就咁叫返牡丹蝦壽司食好啲~散叫壽司圖為大拖，蟹子，鰻魚，三文魚腩壽司另外再叫左中拖同牡丹蝦壽司但唔記得影相全部都新鮮好味~特別推薦大拖!! 以質素黎計，$7x一件性價比幾高!總結，不論環境服務食物質素都係滿意滿足既！想坐得舒服靜靜地傾計又享受食物，係絕對推介~…Read More

係外面經過幾次一直都想試，機緣巧合下終於同朋友夾到時間去食~由於我地book左6:30pm，當時店舖內只有一枱客，但係店員安排左我地坐佢地隔離..枱與枱之間空間尚算闊落，都唔會太近或有太大影響~環境好乾淨，唔似平時食烤魚既餐廳，地下唔會痴立立，或好多油煙，成個地方好乾爽幾舒服!我地2個人叫左涼拌魚皮，豆花麻辣海爐魚，同唔同既火鍋配料~涼拌魚皮好爽，只係本身無特別中意食海爐魚好新鮮同滑嫩，唔會煮到過熟同太老，亦唔會太多骨，岩哂老人家小朋友食另外本身魚會包埋少量豆卜同薯粉，都好入味~我會建議叫多份薯粉，個湯底夠濃味，豆卜薯粉索哂啲汁好好味!! 店員都好有禮貌，好願意解答我地既問題!! …Read More

本身都幾中意食辣野, 咁岩去開銅鑼灣而見呢間係openrice上有好多好評就決定試一試, 果然無令我失望!地理位置方便, 一出MTR就見到入口, 電梯直上就係餐廳門口.上到去啲位都9成full, 環境乾淨, 店員態度好好, 位與位之間有啲近..本身安排坐長枱中間位置, 岩岩坐底就有一枱卡位埋單, 侍應都即刻幫我地安排轉位, 等我地坐得舒服啲, 服務一流~隨後送上熱水比我地洗餐具.雖則位置依然偏窄, 但都同隔離有距離唔會覺得太逼:)我地2個人叫左水煮羊, 熗炒土豆絲同紅糖糍粑~3樣都好好食, 水煮羊煮到好淋, 易入口~土豆絲好開胃!紅糖糍粑超級推介, 係我食過數一數二好食既!!上碟後熱辣辣, 好煙靭, 就算放置左15-20mins, 都仲暖唔會凍哂硬哂~係cwb食到呢個質素而價錢亦係超值, 完全唔貴, 真係好驚喜~…Read More

天氣開始涼涼地, 打邊爐既季節又到喇~~記得記得記得book位!! 上到去walk in條隊基本上都要等30mins up! book左位都要等5分鐘先排到去counter安排入座~今次揀左牛大人秘方麻辣鍋湯底同美國特級安格斯套餐, 款式都算多, 飲品蔬菜自助~基本上所有野都正常質素不過不失, 任食黎講幾高質但係唔建議叫油炸鬼!! 本身諗住可以索下湯入味啲, 但未落湯已經好油..落埋湯就....上菜收碟快手, 侍應店員都好有禮貌, 位置空間都足夠, 唔會太逼~ 咁岩坐正個風口位, 吹到個人好凍, 但食物又好夠熱, 雙重享受到落單叫雪糕先話無MOVENPICK朱古力味, 只可以要Haagen-Dazs朱古力味..如果可以一早係張紙劃走呢個選擇先會比較好..基本上好滿意, 一定會再食!!…Read More

已經係第唔知幾次食, 好快就安排位置, 第一次過地下, 可惜係有少少逼..枱與枱之間位置唔太夠, 除左好難出入, 傾計都唔太方便. 如果靜靜地食野就無咩問題的~今次揀左鴛鴦麻辣牛骨湯~ 湯底濃厚入味, 足料! 每次都一定食牛肩胛, 肩胛翼板同封門柳! 牛好新鮮, 唔會係雪藏, 完全無雪味.另外手打墨魚滑同炸魚皮都係必食, 好好味!單叫打邊爐黎講價錢份量算係性價比幾高, 正常價位高質牛肉~環境乾淨, 店員態度都幾好~ 每次用餐體驗都唔錯, 座位唔會放到咁逼就直頭100分呀!!…Read More

入座過程順暢好快, 坐底後店員亦好詳細講哂由夾蝦到燒蝦程序, 同每個食品飲品區域位置. 環境乾淨舒服, 串燒飲品雪糕都好多選擇, 真係食唔到咁多, 推介食叉燒! 呢個好有驚喜~啲蝦真心好生猛, 周圍游同跳, 要夾得實佢都好靠技巧, 放到入冰桶都仲要同佢博鬥下先暈只可惜到中段隔離枱有個小朋友係個蝦缸度玩, 用個夾追趕同時又夾又放啲蝦, 最後好多都斷腳同反肚...同店員反應後, 佢都表示無奈只係可以幫我地補蝦, 而後到既蝦既命運只係不斷循環..另外想讚下個爐好夠熱, 自己仲可以調整溫度! 之前有食過另一間個爐要用15分鐘先食到1 round蝦..總括成個用餐過程都係滿意同舒服!…Read More

預先book位唔太洗等, 只係上到去太逼, 要逼去counter話book左位, 亦好快有人帶位入座 :)今次揀左套餐B 92品 120分鐘. 選擇算多, 而且質素都算係咁! 飲品糕點都係自助出面拎, 雪糕就只可以一人一杯~基本上食物正常, 無特別驚喜, 係見隔離枱叫左長腳蟹餐, 啲長腳蟹好似幾肥美又大隻, 幾吸引當時仲淨返半個鐘既時候侍應過黎提醒然後放低張單, 淨15分鐘個時就收錢而唯一不太滿意既係到當刻先通知當日卡機壞左, 只可以比現金唔可以用信用卡或八達通.身上加埋唔夠cash, 就提出話落去撳機, 得到既回應係: 你地趕住交枱喎, 一係轉數快囉.咁我同友人覺得解決到比錢既問題就ok啦, 只係個下態度唔太令人舒服, 而由入座到食野既態度都一直ok的!…Read More

預先book位唔需要等, 一行5人食晚市, 只係大家揀湯底先用左少少時間~湯底都算多選擇, 有8款, 而我揀左藥膳麻辣鍋, 餐就揀左Lv3 澳洲和牛90分鐘放題.湯底夠濃味同足湯料, 另外配菜係自助出去拎, 選擇尚算多.肉類就正正常常, 只可以話無投訴 :)另外仲有熟食區, 各種小食, 湯品, 雪糕都可以隨別拎, 佢地既獨立包裝拉麵好食!!scan QR Code仲有其他小食可以order, 前菜炸物海鮮沙律等等都有.年糕福袋同墨魚滑都不錯~其他就正常. 飲品會推介佢地既冷泡茶, 特別係桂花女神, 幾fresh, 解渴解膩~店員上菜收碟速度幾快手, 態度正常.overall大家都食得滿足開心既:)…Read More

同2位朋友想搵間cafe不限時坐下傾計，提早book位仲有單點買一送一優惠！Set dinner包$38內飲品~我叫左煙三文魚烤堡(有fries同沙律)，烤堡調味岩岩好，sause唔會過多/少，好入味同juicy~ fries唔會淋但又未到脆卜卜，幾好👍🏼男友人叫左明太子海蝦意粉，好多醬汁夠濃味，女仔應該幾好飽肚😂女友人叫左軟殼蟹黑松露意粉，好香個汁好夠味，偷食2啖好好食但都係好飽肚😋推介！埋單加一都只係4百幾，可接受範圍👍🏼…Read More