Lc kei's Profile

中秋節加生日飯，揀選左呢間申居酒屋，位於天后全新美食大廈，交通便利。當日中秋節未見太多人，大約有7成入坐，人少少夠清靜方便傾計。申居酒屋最吸引我嘅係中央格調高雅的燒烤區。當日安排左我哋坐bar 枱位，可以一邊看師傅烹調燒烤食物，一邊品嘗串燒美食。我哋叫左大約10款食物，全部都好好食。Book枱時講咗係興祝生日，食到最後餐廳送上一球紅豆雪糕加一張生日卡，攪笑的是卡的下款寫左申居酒屋而唔係我，真係笑屎我😂😂…Read More

當日2:30先到，原來中午2:30-6:00 有落場時間，老闆好好人，照做埋我生意。我order左佢嘅人氣招牌厚燒牛舌定食。定食黎到之後我嘩左出嚟，因為目測牛舌厚度有一吋厚，份量極多，有厚切牛舌五舊。定食重有沙律、湯、多款酸菜，可以用嚟解油膩。 本身定食係跟飯，但我太遲到連飯都賣晒，老闆轉左湯烏冬俾我，重點係連烏冬都好好食😋口感好軟，完全唔鞋其實食到第三舊已經飽左，建議兩個人可以叫唔同定食再share，咁就冇咁漏啦。…Read More

深水埗越來越多新食店，由食物沙漠變咗食物綠洲。power burger開左幾個月，坐位大約十個，門口高枱位置最適合打卡，身為burger控一直想試power burger，今日就搵埋同事去試吓佢個smash burger。我哋叫咗power cheese burger 同 power smash burger，跟餐加$38有飲品同小食，飲品選擇比較少，得coke/Coke Zero、soda water、mineral water，我覺得可以有進步空間。 講返個burger，牛肉juicy有牛味，因為分別有2塊較薄身2安士牛，所以可以煎得更香脆。值得一讚係佢用咗羽衣甘藍，食落口感比生菜更爽脆，夠特別。 小食分別有甜薯條、炸魚手指、炸洋蔥圈。炸魚手指最有驚喜，佢唔係平時食開嗰啲魚柳，似係魚腐質地，炸完外脆內軟口感幾好。最後我希望佢哋嘅座位可以改變下，貼牆坐個身要轉90度食burger我覺得有啲麻煩，以上純粹個人意見。…Read More

近期疫情嚴重，食lunch外賣已經係常態，喺OpenRice 見到呢間漢堡包店以泰式口味作招徠，與傳統漢堡包店不同，今日特登去試吓佢。一去到就俾佢門口嘅裝飾給引住，好靚好特別，重有張凳俾人打下卡。 小店只做外賣，收銀姨姨同另一個店主/店員都似係泰國人。我今次叫咗招牌五花腩漢堡，加$20跟combo set 炸洋蔥圈＋可樂。 五花腩份量都多，有6至7塊，烤得唔會好乾亦食到五花腩油香，再加上秘製泰式辣醬汁，酸瓜，生菜非常惹味，口感豐富。 另外炸洋蔥圈好脆，炸漿唔厚，食得出入面洋蔥嘅質感，佢跟配茄汁，不過如果有sour cream 會更加好。整體來講，以$88可以食到呢個質素嘅漢堡已經算係不錯，下次可以再試埋佢個黑松露牛肉漢堡。…Read More

深水埗近年真係開咗好多高質素嘅小店，令到附近返工嘅我口福不淺。neighbor係其中一間，賣點係即叫即製嘅牛肉漢堡。今次我就試左佢地嘅大烤姑牛肉漢堡加$18配雙色薯條及自選口味汽水一罐。首先不得不提佢大烤姑個size，足足有漢堡包面層咁大，非常吸睛。另外佢哋嘅牛肉漢堡非常juicy，亦都比較有口感，而且上面有一塊熱溶芝士完全覆蓋住牛肉，每一啖都食到牛肉同芝士，再配合蕃茄同生菜，口感非常豐富，食漢堡就係要食果種漏嘅滿足感。雙色薯條都好食，我比較鍾意味道帶少少甜嘅番薯條。…Read More

呢間cafe位置比較偏遠，喺李鄭屋邨商場，長沙灣地鐵站出要行大約10分鐘。 cafe面積頗大，好闊落，cafe分兩個區域，一係正常用餐另一邊係適合兩三知己聊天嘅地方。cafe燈光柔和，好chill好舒服。我叫左和風軟芝士漢堡配香草薯條，個漢堡上餐嘅時候只係微溫，塊芝士一啲都冇溶，亦唔覺有幾軟，有啲似啱啱雪櫃攞出黎放上去，薯條正常不過都係微溫，有啲失望😞 返而杯mocha有驚喜，擺盤靚又有心思，每杯咖啡都會跟一張禪語卡，心情唔好時飲啖咖啡再望下張卡，突然有種洗滌心靈嘅安慰。飲完杯咖啡之後發現如果將杯下面個碟仔倒轉cup落咖啡杯度，有啲似以前中式酒樓的一忠兩件嘅茶杯…Read More

放工一個人行下行下去左太子搵食，經過Project B見佢地menu有春鷄，咁啱唔想食飯，所以入去試吓。當日有兩三枱客，比較清靜，幾chill幾舒服。食物方面order左春鷄配薯條，見佢哋而家做緊紅白酒買一送一優惠，於是叫左同價錢嘅一紅一白chill番晚。原隻松露醬春鷄配薯條，春鷄都幾大隻，肉質算嫩滑多汁，係鷄胸肉比較厚實，都可以接受，薯條正常，配松露醬好食d。另外叫左一紅一白酒，$65買一送一算抵飲，店員服務好好，飲完白酒之後再上紅酒都冇問題👍🏻。 今晚飲飽食醉，非常滿足。…Read More

多數人都鍾意食鬆軟嘅麵包，但大部分都添加防腐劑同人工酵母。酸種麵包相對比較健康，因為佢只係用麵粉、天然酵母、鹽和水做原料。 香港食酸種包嘅cafe唔多，Levain 喺Quarry Bay開左新店，我又剛剛經過附近所以試吓。新店面積頗大，坐得舒服，又有音樂同裝飾，都幾chill。我試左佢地main menu嘅 baguette w/ Parma ham n gruyere 同 mocha。麵包有成呎長，偏硬但脆嘅，由頭到尾都可以食到Parma ham同gruyere ，幾足料，賣相都幾給引。Mocha真係有驚喜，佢唔似出面一般cafe有靚靚嘅topping，但一飲就知佢係實而不華。一開始係濃濃嘅朱古力味，口感厚滑，隨之而來嘅係咖啡嘅少少酸味，層次豐富。老闆最後送咗我一碟蘋果，佢話配合麵包一齊食又會有另一種味道。我反而覺得飲完杯mocha食件蘋果，個味道幾特別幾fresh。櫥櫃有十多種麵包供選擇，花多眼亂。環境裝修好靚，好chill。…Read More

貴為全球最佳burger，亞洲top 50 burger，全港最佳burger，Honbo果然有番咁上下水準。 當晚7點去到荃灣分店，全店大約有20個位。可能係平日夜晚，去到一個客都冇，心諗唔通中伏。不過我等餐期間，已經有8成入座。我叫左個cheese burger combo，1個cheese burger + cheese fries (加芝士加$20)，跟一罐汽水。Total $148。Cheese burger 係包、醬、酸青瓜、芝士、漢堡牛、生菜、醬、包。個包好鬆軟，漢堡牛重牛味有咬口，唔係機攪果啲免治牛。雖然係classic嘅漢堡，但係一淡咬落去口感好豐富好滿足。Cheese fries 我覺得好食程度同burger係五五波。幼薯條夠脆口，加上大量熱溶芝士，每食一條都好滿足。我覺得加$20都值得。雖然我唔敢話佢係最好食嘅burger，整體黎講burger同其他小食都係水準之作，不負最佳burger 之名。…Read More

以往女人街俾我嘅感覺係好多排檔，兩邊有好多茶記好多野食。早兩日經過俾我發現咗呢間好有特色嘅cafe。門面簡單一句窮撚賣咖啡已經夠吸引我入去飲杯咖啡。全店以白色冰屋造型設計，光猛簡潔，適合打卡。講返食物先，首先係《腐乳雞翼》，雞翼香脆Juice，加上微辣腐乳醬，食到停唔到口。主食叫左《手打牛肉burger》，牛肉入面加咗大量雞軟骨非常juicy又有口感，啲雞軟骨都幾大粒，配合埋芝士生菜蕃茄已經非常好食，佢跟嘅係幼薯條都係即叫即炸。呢個《藥膳醉鴨胸》係fusion菜式，湯底/汁藥膳味非常濃郁濃厚，麵冇乜特別不過麵掛晒汁就好好食。啲鴨胸略嫌過乾，有少少鞋，不過都可以接受，因為個湯底/汁加返好多分。最後當然唔少得招牌甜品《品·三》，佢有三款唔同嘅甜品：黃豆奶蓋團子、鹹蛋黃拿破崙、焙茶豆乳卷蛋。三款甜品各有特色，都好食😋飲品叫咗《Apple Americano》同《Hojicha Latter》。Apple Americano攪拌左之後有少少苦澀又有少少蘋果甜味，味道有少少似檸檬茶。 Hojicha Latter拉花好靚，焙茶味都幾濃，焙茶控一定會鍾意。…Read More

深水埗食lunch其實選擇都幾多，有人氣店亦有小店。今日經開又唔係太餓唔想食飯，咁啱見到呢間台式餐廳，睇左menu 決定試吓。我哋叫左佢招牌麵餐《招牌紅燒牛肉麵》同《蕃茄牛肉麵》。佢哋嘅牛肉係選用牛肋條呢個部位再切粒，我覺得牛肋條炆嘅火喉都可以，有咬口又唔會太韌，食得出牛肉味亦有花椒八角味。 刀削麵軟硬適中，口感不錯。佢嘅配菜紅蘿蔔係煲完再放上面，冇炆過所以凈係得本身嘅籮蔔味，如果可以炆一下會好啲。飲品叫咗《日月潭紅玉》同《珍珠奶茶》，珍珠要加$3，不過珍珠數量都多。…Read More

人氣餐廳，當日walk-in 等左大約10分鐘先有位。餐廳地方寛敞，坐得舒服。裝修簡約有情調。其實佢地要掃QR code落單，而入面嘅食物選擇更多。我哋叫咗個《松露風味薯條》，薯條即叫即炸，非常香脆，配合埋特製松露醬，非常好食，配啤酒真係一流。我哋仲叫左《唐楊炸雞配韓式辣醬》，炸雞外層鬆脆，入面雞肉Juice多汁，配合埋韓式辣醬非常嘢未。個韓式辣醬唔係好辣，就算唔係好食得辣嘅都接受到。最後叫咗《特製春雞配蘑菇燒汁》，賣相有啲醜，隻春雞肉質都幾乾，亦都冇春雞嘅特有味道，一定要沾佢俾嘅特製蘑菇燒汁先較為冇咁乾。飲品方面，呢個係要掃QR code 個menu先至有嘅特色飲品，入口fruity 清新 微酸，比較重red berry味道，解膩一流。整體食物質素還可以，唯獨隻春雞係可以有進步嘅空間。…Read More

筲箕灣最近開咗一間好有特色嘅餐廳，身為東區人當然要第一時間去試吓。 Dirty Skillet 位置面向電車路個邊，平時唔多人行，如果唔係睇左報道都未必知有呢間餐廳。特別嘅設計就好似去咗嘉年華咁，餐廳中間有一條大圓柱，設計像迴旋木馬，好適合打卡。 佢哋每張枱嘅擺設好靚，刀叉餐紙係預先用紙袋入住，而個紙袋印咗自己店名，就連消毒濕紙巾都係有設計的，非常美觀。另外不得不提嘅係佢有膠口水肩提供，寫住I’m messy，攬鬼之餘又貼心。呢度食物同環境一樣高質。頭盤叫左《紅菜頭沙律》，菜新鮮又多款式，紅菜頭大舊又清甜，配合預先撈左嘅黑醋，非常開胃。本人極推介呢個《酥皮忌廉。芝士波菜》。佢個酥皮同忌廉芝士波菜係分開嘅，同我想像中的波菜酥皮卷有啲唔同，不過就係因為佢分開，個酥皮先唔會冧而係極香脆，忌廉芝士夠濃，非常好食。而全晚重頭戲就係呢個《熔岩芝士。洋蔥餡餅》，侍應上菜時已經好特別，有把刀插住個烤餅，而且內有乾坤，有極大量芝士極邪惡。建議3-4人share。佢哋而家做緊promotion， follow佢哋IG會送你《Dirty  Purple  Yam  Latte》，賣相吸引，唔太甜，有少少紫薯蓉，淡淡紫薯味。另外重叫左杯《Mango  passion fruit  smoothie  》，個杯好靚，味道微酸冰凍，非常燒膩，尤其食完個芝士餡餅之後。整體來說食物同環境同服務都非常滿意，值得推薦。順帶一提，如果你係生日嘅話，佢哋會有特別安排，會俾一個閃燈頭箍俾你影相。…Read More

角落位於中環蘭桂坊，如果唔係經OpenRice介紹其實都唔發覺呢度。波希米亞風格的角落，無疑是為了一眾愛打卡嘅女士而設。佢地特登將部分用餐位置預留做打卡位，有吊椅同特式裝修，感覺猶如置身另一個環境。講返嘢食，我哋叫咗個《自家製蕃茄乾醬烤大蝦意粉》，有兩隻大蝦彈牙爽口，意粉口感適中唔會太𣺉，加上微酸蕃茄乾，整體幾開胃。另一個主食係《西班牙有骨豬鞍》，豬鞍好軟諗juicy，有豬味，非常好食。呢度其中一個賣點就係生酮蛋糕，呢款係伯爵茶味，蛋糕鬆軟，cream幼滑，食落有微微伯爵茶味，但冇甜味，感覺比較健康。Cocktails 特飲…Read More

星期六中午出咗荔枝角，諗住早啲食個lunch，於是上咗D2 Place搵食。可能時間尚早(大概12:15)，好多餐廳都未開門，唯獨呢間Food Garden營業中。當時已經有接近8成滿坐，而其他枱大部份都reserved，質素應該有保證。啱啱有人走所以我哋唔使等。侍應俾咗個set lunch menu我哋，湯/沙律+main course + 飲品，加錢重可以跟甜品，價錢相而。田園沙律，估唔到有咁多款不同嘅沙律菜，菜非常新鮮，面頭加左藜麥，健康度倍增，配上沙律醋，非常開胃。主食叫咗《黑松露醬野菌忌廉意粉》同 《加拿大豬鞍架配芒果莎莎醬》。個醬夠杰身，野菌量多，每一啖意粉都有忌廉汁，不過黑松露味比較淡。呢個豬鞍架我覺得唔錯，雖然佢冇講係慢煮，但係個豬鞍非常軟腍juicy，另外佢個芒果醬同豬鞍好夾，佢用嘅芒果係偏酸嘅，正正可以中和到豬鞍嘅油膩感。鮮果冰茶，即刻讚嘅係佢加左片橙同迷迭香做裝飾，已經比平時嘅冰茶吸引。整體我覺得味道不錯，價錢相宜，唔怪之得咁多人幫襯…Read More