carmen8867's Profile

上網見人寫得咁好，係心大心細下決定黎試吓伏唔伏🤣🤣🤣book左枱，去到未夠6:30已經有幾枱食緊。我就跟網上面叫左$298既餐，一坐低就發覺個爐有好刺耳既高頻，擾攘一輪最後轉左枱，後來發現只要校到個爐最大，個個爐都會發出高頻，所以校中火就好了。$298呢個餐主打係任飲任食海鮮，榴槤同椰皇（重申係椰皇）😆首先海鮮有蝦，蟹，鮑魚，帶子，沙白，認真講海鮮中規中矩，當中都見到有啲已死，但抵讚既係沙白食唔到沙👍🏻榴連方面唔知係邊度來貨，但都算食得過，所以我都食左幾舊（我見隔離枱瘋狂食榴槤😂），椰皇係ok既，好大個幾好飲。而其他野食黎講各樣嘢都中規中矩，冇話有咩驚喜，以呢個價錢叫做食得過！最後埋單係有個88折！真係試過就算🤣🤣🤣…Read More

久仰大名既楚撚記終於有機會試下佢，位置唔太難搵，就係楊屋道街市！我去既時間尚早，冇book枱都可以直入👍🏻黑椒牛仔骨煲味道香口，牛仔骨都夠淋同入味，係可惜凍得快，變相個汁好快就滰咗金銀蛋浸菠菜啲鹹蛋同皮蛋唔會切到好碎，鍾意佢一舊舊有咬感😋又夠大碟👍🏻一口金磚豆腐一上枱賣相好靚，又好大兜😋入口熱辣辣，外脆內軟，非常好食菜乾煲豬肺湯叫左個細嘅，唔太重味好好飲，如果豬肺多啲啲就好喇😗最後仲有糖水送，可以揀椰汁西米露/清心丸綠豆糖水，咁梗係揀清心丸綠豆，雖然係送既糖水但都好有水準😉清心丸好煙韌，好食過出邊糖水舖😂兩個人食叫唔到太多野，今次叫住3餸一湯先，下次再試其他野☺️…Read More

大半年前已經bookmark左既一間酒吧，佢既酒係用廣東歌名黎命名,仲會不定更新menu, 所以都幾吸引☺️對於一啲成日EMO既人🙈其實係好岩feel, 好可惜當晚唔係播廣東歌，如果唔係仲正😗酒吧地點方便，尖沙咀N2出口行過去都唔使5分鐘，環境都好舒適，唔會好侷促，仲可以安安靜靜咁傾下計，係同三五知己消遣嘅好地方由於我係有目標既，所以我只係簡左廣東歌系列既酒，最特別係叫左杯借火，係一杯熱既cocktail 點左火真係好靚，係好深刻印象既酒，呢間酒吧係可以一試…Read More

疫情前，我三不五時食佢嘅lunch buffet，價錢經濟實惠，嘢食質素又唔錯，勝在多選擇🤭係我自助餐嘅頭三位！當公司決定嚟呢度食嘅時候，我都滿心期待😊好想知佢既質素有冇改變🤗公司請食飯，一班同事黎到Promenade梗係要拆餐勁😏今晚都係海鮮為主，不論冷盤熱食都圍繞住海鮮。冷盤有五至六款海鮮（當中有龍蝦）；而熱食方面，有避風塘雜錦海鮮、辣汁東風螺、泰式咖喱蟹、泰式青口、BB瀨尿蝦、蠔…刺身方面都有6種，原粒帶子同牡丹蝦係最好食，非常新鮮👍🏻當晚亦有即整鵝肝。肉類方面都好多種類：牛扒、燒雞、排骨（仲有1-2種唔記得咗）甜品種類係非常之多，淨係榴槤品種嘅甜品都有六至七款👻我呢啲榴槤愛好者，食得非常開心🤤仲有即整疏乎厘、芒果拿破崙、豆腐花、麵包布甸、Waffle、pancake、兩款中式糖水、多款movenpick雪糕、Candy corner…..最特別佢有手工啤-蔗汁銀菊啤，非常特別。除此之外，紅酒、白酒、果汁、汽水都係任飲。整體黎講，都十分滿意，個個同事都食得好開心👍🏻…Read More

飲食業不嬲都唔易做一個人要幾強大先可以撐落去一個機緣巧合喺社交平台發現呢間小店又係一個緣份食左呢個小店由細舖開始食，我並唔係熟客，但老闆娘對食物既執着同堅持，係令我會返轉頭。花甲粉$63一個普通size冇加野既份量都大得誇張，正常食量既女士係唔會食得晒，佢入面除咗有花甲、金菇、豆卜及大量娃娃菜再加超多粉絲，佢嗰粉可以簡唔同嘅辣同麻，而炸蒜、蔥同芫荽就隨你鍾意點加。湯底真係十分惹味，最緊要食完唔會勁飲水☺️菊花茶🌼$15味道濃郁，又唔會太甜，同個粉十分夾👍🏻佢係自家製好值得試吓…Read More

烤魚工房係元朗一早已經街知巷聞，但因為佢長期排隊，所以一直都冇去試過。咁岩有朋友想試又見早早地，應該可以唔使等，於是走去試吓啦。旺角呢間分店位於2樓，出𨋢真係見冇咩人，靚仔就帶我地直入。咁我地睇完就決定叫個鮮青椒味烤江團魚，海苔響鈴，同埋介紹話必吃既椒鹽烤粟米同2杯野飲啦鮮青椒味烤江團魚黎到係幾吸睛👀既，大大一盤望落都唔錯😌入口江團魚都算滑身，魚質亦唔會好散，味道唔錯，但魚既配菜唔多，有幾舊豆腐同少量芽菜。豆腐係有五香味個種，未必人人都岩。海苔響鈴同大部份餐廳既一樣，冇太大特別，放落個魚到浸過，我覺得俾個魚湯蓋過咗個海苔味。椒鹽烤粟米呢個我係有啲失望，見佢係有塊板仔話係推介，我滿心期待😅因為我曾經係一間餐廳食過一個好好味嘅🙈但出黎既效果係冇乜味2杯野飲我就叫左杯水果茶，水果茶係整得好靚，見到係覺得有誠意既🤣女人都係對靚野心心眼😍叫左少甜佢係有做到既，咁所以都幾好飲😋最後我地都加左2個串燒，豬頸肉同韭菜，豬頸肉做得好出色，烤既火候控制得好好，唔會整到好乾身，而韭菜個味加左少少辣粉都唔錯👍🏻整體嚟講，我覺得佢嘅串燒係較為出色😂…Read More

18:15到達我已經排第四位，咁鋪頭18:30先開，咁就排下隊先，但等到19:00終於有人開門喇。由排隊到開餐等左1個鐘頭3個字，雖然有啲耐，但個飯黎到真係好香，落埋鼓油局多2分鐘🤭食得🤤我叫左毛家田雞加潤腸，個飯色香味俱全，有飯焦😚勁正…Read More

自從男友係太子返工後，基本一個星期都有3-4晚晚餐係太子或旺角搞掂。本住我一至四晚餐盡量要係$50完成既情況下，其實我已經冇太多選擇(因為有個吃貨男友，所以冇咩選擇) 多數都係戈幾間！本住去食碗$2x牛雜河既時候，比我眼前一亮，見到呢間新開張既日本餐，大大個牌寫住$54碗拉麵平時見到多數$80起，仲有勁吸引既甜品相貼左係門口，如是者忘記了$50一餐既意念，就拉左男友入去。唔知係咪太新開張，所以唔使等都即刻有位(我再過幾日後再去門口已排滿人了)，座低後我就比mean入面花呢花碌既甜品吸引左，男友叫我簡正餐都聽唔到，最後我地叫左兩個麵+個甜品，等左10分鐘到兩個麵都黎到，唔會等好耐，我個人應為$54個拉麵佢做得唔錯，麵既口感幾好再加埋佢特別處理過既溫泉蛋，我非常滿足食完麵戲肉黎喇，我個青蘋果西柚乳酪芭菲完全將我呢個晚餐劃上完滿既句號酸酸既西柚同青蘋果原來配綠茶雪糕都好夾，將所有野都平衡返，絕對…Read More

又到左星期五而第二日係短週，緊係要食返d好野慰勞自己個胃超級難得地男朋友有主意喎(對於兩個都有選擇困難症既人係，諗食咩係一個痛苦), 緊係拿拿聲行！呢間小店位於花園街(其實係先達旁，旺角去慈雲山小巴站隔離), 呢條街我已經過無數咁多次，真係冇留意到佢，錯失左好多次呀好喇講左咁耐係時候拆解點樣一次過滿足四個願望，話說呢間小店特別在佢將唔同既野放埋一齊，係一餐飯入面我享受曬中西日泰四種菜式，咁仲唔係一次過滿足我四個願望咁等我講下我食左邊幾樣野啦！呢一餐飯認真滿足，滿足既其中一個原因係你完全唔覺得自己係食緊齋，呢個係食齋既最高層次呀！雖然坐就一定冇餐廳/cafe既咁舒服，但佢d哥哥仔非常有禮貌，值得一讚！…Read More

好耐都冇同媽媽2人世界 今日放工決定同媽媽黎個約會。行狙陣街已經好肚餓既我不停問食咩好食咩好,左行行右行行都唔知食咩,我正想是但搵間野食左就算既時間就見到茶木大大個招牌, 問左媽媽, 佢冇問題就決定走上去睇睇有冇位啦! 其實之前分別係尖沙咀同旺角都想食好多次, 但每次都要排勁耐隊, 心諗排到都胥餓扁了 了(我係個唔餓得既人), 所以一直都同佢無緣。今晚一上到去(8:30), 見到門口有幾個人, 諗住都要等一陣啦, 係門口報左2個人, 跟住佢就帶我直入, 順便講埋入座時間起90分鐘用餐時間。原來咁岩有2人枱, 而門口戈幾個係等大枱既。嘩,唔使等實在太好了!好喇, 座底左就緊係睇餐牌啦! 我地叫左個紅燒牛肉麵+一個三杯雞既set。個set係簡一個主菜配白飯、一杯野飲(好多都要加錢$9-$15)而我就加左$9要左個玄米抺茶香蕉latte、一份沙律或甜點(甜品好多都冇曬, 其他又簡唔落手, 最後要左鳳梨酥代替)。因為太肚餓關係, 已經忘記相機食先 首先黎個紅燒牛肉麵, 哥哥仔一放低就覺得賣相不太吸引, 不過當你食左啖麵之後你就會有另一種睇法, 佳因佢個麵真係做得不錯(好有口感), 而湯同牛肉就冇話太特別但味道唔差。當食緊牛肉麵之際, 媽媽見到隔離枱既toast好吸引,佢雙眼都發左光 其實我都諗住最後會叫黎食, 因為黎茶木唔食toast好似冇意思。咁我地就再加多左個紅豆抺茶蜜糖磚塊喇! 好, 叫左toast後三杯雞來了, 雞係用一個好似雪糕火鍋既器皿裝住, 細細個幾的骰, 雞夠入味唔錯唔錯。係食三杯雞既, 媽媽係咁叫我食快d, 佢話唔係一陣個toast黎冇位放, 由始可見媽咪幾咁期待個toast。說時遲那時快, 當我岩岩食完最後一舊雞既時候toast就來了。媽媽好開心咁即刻影相先, 當然個toast冇令媽咪失望, 條條toast都好脆再配上紅豆同綠茶雪糕真係好好味!食到我地兩個都超飽, 下次再食絕對可以叫少一個main course。整體黎講呢到食甜品就真係一留, 下次會返黎食另一種toast同試下佢d果荼。…Read More