Alver's Profile

今晚要去荃灣整啲嘢，冇時間坐低食晚飯，但又唔想食麵包，行行吓見到呢間雞蛋仔鋪頭，都有啲人氣，仲要寫明啲食材係來自日本，咪試吓囉。除咗原味雞蛋仔之外，仲有好多味道，例如綠茶、朱古力、紅豆，最特別嘅係有咸味，例如午餐肉。我揀咗紅豆，$22，諗住好口感啲呀嘛，等5分鐘左右就有啦！雞蛋仔冇蛋香味，又唔脆，紅豆都冇乜味，仲要唔係粒粒雞蛋仔都有紅豆，好失望！其實$22呢個時勢都唔算好貴，我就係見到價錢合理先試吓，點知原來一啲都唔OK！…Read More

無無聊聊去咗黃金海岸，好凍好大風，所以入咗Pacific Coffee坐下，見到有個新出嘅抹茶柚子撻，作為一個抹茶迷，即刻點嚟試吓，個外層mousse係好好味嘅，撻皮亦都好食，但係中間係普通海綿蛋糕，完全影響咗個口感，搞到成個甜品好似cheap咗，如果中間都係抹茶，成件事會正好多！…Read More

我諗一提起華嫂，大部分人都只會有讚冇彈。我絕對係一個華嫂粉絲，無時無刻都會好掛住華嫂！今日難得收早，即刻趕緊華嫂收鋪前的尾巴，明明唔太餓，都要去食番個招牌菠蘿包，對我黎講，真係世上最好味嘅菠蘿包，外脆內軟，雞蛋蕃茄又配合得好！記住唔去個包黎到即刻食，我覺得等啲牛油溶溶地先食正好多！另外外賣左個咸牛肉朱仔包俾老公，雖然返到去食已經凍咗，但佢都話好好味，下次再食番次即整嘅！可惜今日唔肚餓，食唔落麵，佢啲麵食又係正到飛起，下次早收工一定趕過去再食！…Read More

曾幾何時，我係非常喜歡呢度嘅Flat White，一向佢地沖嘅咖啡都唔錯！我係一個Flat White怪，去到邊間coffee shop都好，只要係有Flat White，諗都唔駛諗，我一定會揀，今次自然都係！好可惜，今次係我人生飲過嘅咖啡入面，最難飲嘅一次，杯Flat White係酸㗎，酸過檸檬呀。黑板上面寫着係Ethiopian beans，我知呢種咖啡豆係比較酸嘅，但都唔係酸都咁，冇咖啡味之餘，仲要味道好奇怪！嗰種酸係要即刻飲水沖走個味！另外，老公同朋友點咗Americano，又係勁勁勁酸，好似檸水咁！我哋一致決定一世都唔會再嚟！ …Read More

第一次食明記甜品，四個人點了四款，三凍一熱。我食楊枝甘露，唔錯唔錯，好清新，又夠味！老公同朋友都食了有榴連嘅甜品，唔食榴連嘅我都覺得ok，口感幾好！另外朋友點了芝麻糊，呢個就實係唔掂，口感極差！我諗我下次嚟都係食凍甜品！P.S. 其實我覺得都幾貴！…Read More

難得今天返半日，即刻搵朋友仔食個lunch，通常一喺觀塘食嘢，就一定去工廈，仲要lunch係平過dinner起碼一半，堅抵食！今次就試吓間喺APM後面嘅，地點非常方便！餐廳環境冇咩特別，冇室內室外，我地又怕凍又唔食煙，一定揀室內。Lunch menu 每日唔同，我揀左「帶子意大利飯」，朋友揀左「咖哩雞排」，食物唔錯，餐湯都幾好！我欣賞佢地係用迷你牛角包，而唔係普通 read roll，可惜牛角包唔夠熱，所以已經有啲淋唔夠鬆軟！餐飲我地都只係揀左普通奶茶檸茶，因為當時只有一個樓面職員，佢好忙，冇專人沖咖啡，加錢飲其他飲品都未必好飲，都係叫番茶記飲品安全啲！總括黎講，食物係ok既，但裝修佈置同飲品選擇未必會令我短期內再去！…Read More

晚餐時間無無聊聊駕車到西貢去，到處都是人，就走入比較少人的地方，發現了這間鋪子小小，但感覺舒服的小店，就進去試試吧！點了兩份餐，包飲品的！男朋友是食肉獸，他點了burger，附有potato wedges，他說肉質很不錯！我不吃牛肉，也不吃其他肉類，就點了black truffle and mushroom tart，附有salad，tart非常非常好吃，黑松露很香！飲品是整餐晚餐最令我滿足的，男朋友點的是芒果奶昔，這個對我來說不太特別，但我點的是桂花梨沙冰，這個真的很好呀，桂花味很重，很refreshing!!!…Read More

很少到旺角的我，因為要食少少野準備晚上的運動，二話不說就立刻想起urban bakery，老實說，我對這店的牛角包不大感興趣，反而覺得其他麵包非常好吃！來到的時候根本就沒有任何心水，一看到這個杏仁牛油圈就有一種我非要試你不可的感覺！買來立即試試，真的非常好味，外面非常的香脆，但內面又不會硬，非常濃烈的牛油香味！這個真是值得推介，一上再試！以$13一個那麼大份量的麵包來說，我覺得是合理的！…Read More

下午茶時間去到，不過大阪王將冇供應下午茶，咁唯有叫lunch set啦，我同我bf一日一個set!!!佢既係：拉麵+餃子3隻+蛋花湯＋汽水 我既係：天津飯+餃子3隻+蛋花湯＋汽水 我冇試到拉麵＆餃子，但我bf話拉麵都ok，不過不失，餃子就麻麻我個天津飯老實說真係唔多ok，一黎到見到賣相好似幾靚，但仔細睇就唔係，蛋同飯配合得唔係咁好，個飯好多汁，好水，但d汁冇味，簡單d黎講就係食緊煎蛋配白飯，我食左一半都已經唔係好想食!!!蛋花湯都冇咩特，比較淡，唔咸，不過食得清既我就係buy佢唔咸，唔會好味精!!!…Read More

用左OpenRice既coupon...好抵食種類都幾多...不過生蠔就每次排隊先得3隻，仲要勁多人排，等勁耐~~~冷盤唔算太吸引，都係蝦、青口、三文魚、sushi普通貨式，唔算好好味，不過不失熱盤種類算ok，都係中式款式居多甜唔唔算差，細細件，唔會因為怕食左一件就食唔到其他有朱古力噴泉，見到有威化餅可以點朱古力，一咬下去，oh! d威化餅係淋既，都係配搭水果or棉花糖最安全!!!雪糕係haagen dazs...呢樣抵番晒!!!有部自助咖啡機，沖出黎既coffee好正!!!…Read More

芝麻糊怪魔又出動啦！其實我一向都唔食海皇啲粥，太味精了，但身為芝麻糊達人嘅我嚟講，點都要試下嘅！叫外賣，等咗3分鐘左右就有，都幾大碗。返到去充滿期待咁打開，試咗一啖，嘩！咁稀嘅！其實個味道唔係真係太差，唔算太甜，但可惜真係太稀，一啲都唔糊！仲有就係有d似開水嘅，因為有少少一舊舊嘅情況！$14.5一碗，都算係平，不過試過就算喇，唔會再試海皇！…Read More

我呢個黑芝麻怪魔，有一日行行下肚餓，咁咪去買「竹炭芝麻卷」囉...點知...唉...好失望賣相的而且確係幾靚，但只有中間D cream有少少少少少少少少少少少少少少黑芝麻味，我諗黑色既蛋糕部分應該係竹炭，所以冇味，如果可以將D cream分勻一點，應該會好味好多!!!仲有一個咁既卷要$13...好貴囉...:(…Read More

成日都好想食呢間，但次次都大排長龍，其實我同我bf本身已經喺酒泉食咗晚飯，但男人真係永遠都可以肚餓，難得見到唔駛排隊，二話不說就入咗去！其實我一啲都唔肚餓，所以主要都係我bf食，佢叫咗紅燒牛肉干拌麵，佢話好味，個面嘅質感好正，我唔食牛，試唔到！另外叫咗肉鬆皮蛋豆腐，太多蠔油，太salty，$35食豆腐，太貴！跟餐可以加$10飲台式飲品，叫咗杯熱芝麻奶茶，都幾ok！…Read More

我係一個嚴重極度瘋狂喜愛食芝麻糊既人，仲一定要食起沙既，去到任何一間甜品 / 糖水店都一定係食芝麻糊。既然我咁鍾意食，得閒就會上OPEN RICE搵下邊度有正芝麻糊，搵下搵下就搵到呢間!!!入到去一坐低，咩都唔駛諗，熱芝麻糊，我BF就叫左凍合桃糊!!!芝麻糊完全唔OK，冇味，口感勁差，仲衰過開水沖果D...凍合桃糊都算OK，唔太甜!!!芝麻糊咁差都竟然話係推介，失望!!! 仲要18蚊，貴!!!…Read More