timtam mama's Profile

星期六的12點，早餐好似還未消化，行經高街餐廳很多還在準備午市，見到有人行入呢間餐廳，裝修幾靚就八卦睇下食咩，原來係食越南菜！裝飾掛畫都係越南街頭景色，睇一睇餐牌，生牛肉河要$78，好耐冇食過就試一試！一黎到就有聞到我至愛的檸檬葉香味😍牛肉係半生熟，我比較鍾意食熟少少，所以再浸熟一陣，估唔到熟左嘅牛肉都好嫩滑，加入附送的青檸及少許辣椒調味，真係好食喎❤️而且牛肉份量都不少，反而河粉就少左d😅如果男仕食可能會唔夠飽，我反而就啱啱好！仲有最重要嘅湯底，好好飲喎！飲完唔覺得好口渴，以後湊仔仔放學又多個選擇😆…Read More

星期五接完仔仔放學，就到高街這間澳洲菜式餐廳食午餐！這裡食的是半自助餐，沙律是任夾的，但只可夾一次，好有小時候去pizza hut畢沙律feel😆好好玩！沙律款式雖然唔多，但都好好味好新鮮！每一款都好好味 😋 特別喜歡南瓜，好甜！另外這裡也有兒童餐，送埋果汁！不過漢堡這一款，不知道是否就返小朋友味，味道比較淡，仔仔就最鐘意薯條😄主菜爸爸點了肉眼扒，我點了三文魚，味道中規中矩，沒有太大驚喜，反而個沙律做得很出色👍🏼 午餐還包了一杯飲品和甜品，咖啡要另加$20，甜品是芝士蛋糕，小小的一件，不過也很好味！這個價錢，性價比很高，星期五吃了這一餐，開開心心為假日掀起了序幕🥳🥳…Read More

其實有時行街搵新鋪頭試食野食，比起做哂功課去食會有更多驚喜！好似今日同家人在上環飲完茶，沿住海味街行去巴士站，竟然發現新開一間蛋糕店，排哂長龍好多人買，即刻都排一份試試係咪咁好食先啦！門外貼左蛋糕的款式，只賣6款蛋糕，最想食的流心芝士蛋糕要5:15pm先出爐，見店面只有兩款蛋糕賣，就先試試原味！Size可選一個或半個，因為我地今晚人多食飯，決定買一個一齊食！一個即有一個紙盒咁大個，大約切到5-6件，蛋糕原來好似紙包蛋糕咁鬆軟，味道都好似，但比紙包蛋糕更有口感，充滿蛋香，好好味👍🏼下次要再試其他味道😋…Read More

約朋友到灣仔附近放工食餐飯聚一聚，佢提議呢間新開的越南粉餐廳，叫西貢街頭越南牛肉粉！點解會係灣仔開間餐廳叫「西貢街頭」？search 一下，原來越南的胡志明市又名「西貢」，真係長知識！店舖夠大座位闊落，而且店舖裝潢用上我喜歡的藍色，一入去就感覺很舒適！好耐冇食過越南粉，一定要叫一碗招牌生牛肉牛丸粉試試！生牛肉牛丸湯粉（$68）牛肉的份量足，牛丸有肉汁夠彈牙，好食！朋友點的烤牛肉撈檬，牛肉烤過外脆內軟，很不錯！另外點的牛油雞翼，出奇地好好味 😋 雖然係炸過但唔會覺得好油膩，推介！大頭蝦膏炒通菜 （$68）因為唔食得辣，所以點左呢個蝦膏炒通菜，蝦膏好香，我覺得比馬拉盞更好味！薄荷青檸梳打，夠哂Fresh! 留意返加入左半條香茅做攪棍，好有特色！因為太飽，食唔到甜品，下次一定會再來試試！…Read More

台式的珍珠奶茶，對我來說，珍珠是主角，奶茶只是配角，因為我一直喜歡飲的奶茶，是港式的以濃茶沖調，加上香滑淡奶，一杯奶茶感該是香。濃。醇！知道泰國有名的ChaTraMue係銅鑼灣開分店，喜歡飲奶茶的我一定要去試試！其實前幾年呢隻泰國茶葉已經係去泰國必買手信, 因為好飲又便宜，而且包裝設計很有特色！店舖會用上這種茶去沖調飲品，好想去試試！店舖以佢地招牌一樣，用上深紅色作為店舖主色，而且還有提供十多個座位，有別於一般銅鑼灣的台式飲品街，呢點加左分！見到店面有泰國薑奶茶，秋季涼涼地係時候轉飲熱飲，老公則點正宗泰式奶茶！茶色比港式奶茶更深色，先飲原味，有港式奶茶的香濃醇，奶和茶的比例，奶比較少，突出獨特的茶味，但卻不會因此有苦澀味，而薑奶茶薑味足，很易入口，秋冬飲一杯全身暖立立，喜歡飲奶茶的一定要來試試！其他飲品賣晒討好，下次要再試吓其他飲品！…Read More

今日行過銅鑼灣，見到台式飲品條街（即係apple shop斜對面）開左間新的飲品店叫圓圓小姐，粉紅色店面好靚呀！即刻想去睇下有咩好飲！新開張有限定優惠，咁抵下次一定同朋友再黎飲！睇一睇Menu, 佢除左有台式珍珠奶茶系列之外，仲有黑糖和芝士茶系列，不過比我見到佢鮮果系列有我最鐘意食的火龍果，決定要試一試！我點左火龍果葡萄優酪晶球，個名好似好靚，店員講解原來晶球係由蒟蒻做成的晶球波波，一粒粒比珍珠大少少！我見店員整作時真係用左一整杯裝乳酪，果然真材實料！顏色好靚呀！上層就係紅肉火龍果，中間係乳酪，最底部就係蒟蒻晶球，三層顏色都好靚！店員建議飲用時要先攪勻，攪一攪成杯變左紫紅色！蒟蒻晶球同珍珠差不多，都係QQ口感，但係就零卡路里，比較健康！乳酪加上火龍果，味道酸酸甜甜，感覺好清新又健康，建議大家可以走甜，好味又健康！…Read More

難得去荃灣工作，工作前先去醫醫肚！荃灣廣場有好多美食，今日胃口想食茶餐廳，就選左翠華冰室！荃灣廣場唔係一眼望得哂所有鋪位，經扶手電梯上到3樓，唔係見到柱位有翠華冰室的廣告加門牌號碼，都唔識搵到黎，因為餐廳位置係最入面，要搵門號先行到入黎！午餐時間都唔需要等好耐，排左5分鐘就有位！門口見到蛋撻都好想食，食完飯再買一個試下！餐廳裝潢感覺好舒適，有別於一般冰室的裝修，唔講一定唔會唸到係翠華！菜式都好新穎，午餐有鐵板燒和漢堡選擇，感覺上款式都比較西式！平時食開豬軟骨米線，呢度新轉左做QQ米粉，就試下新野！豬軟骨保持翠華的水準，入味又夠淋，QQ米粉望落似公仔麵，但係碎碎的口感唔同一般長長的米粉質感，個人比較喜歡傳統米粉多點！…Read More

星期日係銅鑼灣行街突然落雨，5pm又未到食晚飯時間, 就唸住近近地係附近食個tea! 抬頭見到 He She Eat，聽朋友講過話下午茶幾抵食，就上去睇睇！餐廳環境好開揚，有落地玻璃窗，裝潢都很有特色！.原來星期六日冇下午茶餐，不過其實散叫價錢都ok, 而且下午茶餐冇咁多hotcake味道選擇！服務員提示hot cake要等30分鐘，但係我大約等15分鐘就送黎，雖然快左但唔知點解個hotcake係凍嘅！好彩都好味，只係如果係熱的會更加好！朱古力花生醬焦糖香蕉hotcake, 個hotcake係凍之外，其實都好好味！hotcake口感鬆軟似蛋糕，鐘意佢中間會有少少合桃增加口感😍.另外點左士多啤梨milkshake, 略厭太多cream令整杯飲品太甜，我鐘意食甜都覺得好甜，甜度可想而知😅.不知道大家會否認為食物就算幾好味，服務差的話都會令整餐飯印象扣分！已經很少會遇上服務差的餐廳，服務員的態度是黑口黑面加上態度似唔想做你生意，看一看單是餐廳經理，經理的服務竟然會是如此級數，再好味都不會有下次！…Read More

一直都好鐘意食日式放題，一次過可以食多種美食！見網上有人推介呢間A5和牛燒烤放題，只係$398，仲可以食兩小時，即刻book枱黎試試！餐廳室內環境寬敞，而且唔會煙霧彌漫，裝潢都幾特別，有隻網船吊係天花，令人聯想到同餐廳名字一樣，食物新鮮到好似係海上捉上黎即食一樣☺️.安排好坐位之後，服務員會先講解一次用ipad落order, 120分鐘任食，但會係最後30分鐘前Last order,之後部機就會自動熄機！主角A5和牛到喇！唔好睇我仔人仔細細，佢好鐘意食燒肉，睇下佢個樣幾興奮！好欣賞餐廳將和牛的每個部位貼上名字，咁下一轉再落order時就可以點返自己想食的部位！和牛好新鮮，油脂分佈好平均，呢個size雖然細左少少，但可以試多d唔同部位，一塊一啖剛剛好！呢碟係第二輪的和牛，一樣好好味👍🏼仲有呢個海鮮併盤，係以人頭分配每人每樣一件，鮑魚好新鮮好淋，蝦夠哂大隻！呢個就唔係任食，想再order就要每隻加錢點喇！見到海佈只需加$18可以任食珍寶燒蠔，見到隔離枱order左，每隻蠔都真係手掌咁大隻，睇落都好新鮮！今次我地呢隻焗蠔，都好好味！壽司都幾好味喎！我連點左兩轉，最鐘意鰻魚壽司，好正！最後試埋炸物，有炸番薯、炸榴連同炸鮮奶，每隻都好味！食落唔會好油，食完想再食👍🏼野飲都係任飲架！有汽水涼茶，啤酒都有！老公推介呢隻啤酒，味道很不錯！最後食埋Moven pick 雪糕，真係大滿足☺️如果想帶小朋友黎食，會有BB椅提供，收費係90cm以下免費，90cm -120cm 小童價$248，高過120cm就要當大人收費喇！…Read More

難得去Megabox玩，通常一玩就玩一日，等埋老公放工就係Megabox食埋飯先走！今次經過呢間熊小館餐廳，以熊Bear Bear做主題，原來裡面有個兒童小角落，可以比小朋友玩玩具睇下書，睇睇menu又唔貴喎！一於試下😊我仔見到咁大隻熊一d都唔驚，仲打開雙手熊抱佢！原來每張枱都會有隻小熊公仔陪食飯，我仔見到好開心！我同老公決定試試呢個二人餐！忌廉蘑菇湯，香濃磨菇味！法式蛋黃醬焗鮮蘆筍，蘆筍夠香甜爽脆，不錯👍🏼美國安格斯牛肩扒，牛扒好有肉汁，鐘意食牛的仔仔食左一半😆芝士焗波菜龍利柳飯，芝士味好香濃，龍利柳肉質夠嫩滑！.等緊上甜品，我仔仔已經急不及待要去玩車，呢個Kids corner雖然細細地，不過男仔有得玩車車，女仔又有廚房玩，仲有好多圖書睇，麻雀雖小 ，五臟俱全👍🏼最後我地加錢要左朱古力心太軟，不錯！如果以親子餐廳黎講，呢到係相對好食又抵食！而且不限時任坐，大小朋友都大滿足！…Read More

星期五約左朋放工去食泰菜，呢間位於灣仔雖然唔近地鐵站，但好近朋友公司，就選呢間試試！已經一早book左位，門面的泰式佈置好有心思，富有泰國風情！餐廳環境寬敞舒適，我們被安排坐窗邊的卡位！睇睇餐牌，屬中上價位，我們二人就點了明爐烏頭、泰式炒金邊粉！明爐烏頭好大條，食得出好新鮮！點埋個酸辣醬更加好味👍🏼泰式金邊粉是我至愛！用蛋皮包住好有泰國傳統特色！蝦好大隻又新鮮👍🏼以為呢個南瓜布甸係凍食，點知原來係熱食！口感似南瓜燉蛋多點😅青檸梳打係用泰國的梳打水，夠哂泰式風味！我地由6:30pm坐低，邊傾偈邊食飯，食到9:30pm才離開，夠哂盡興！食物環境服務都一流，價錢當然相對地提高！屬約三五知己見面食飯，或一家人食飯之選！…Read More

同仔仔係皇室堡玩完playhouse, 等埋老公放工就唸住係皇室堡食埋晚飯先返屋企，見到呢間意粉狂熱價錢唔貴，以防中伏比老公黑面，即上openrice睇睇食評，又唔錯喎！決定就試一試！餐廳環境好寬敞，很欣賞用玻璃酒樽製成的吊燈，非常有特色！呢度有BB椅提供，但就冇兒童餐具！本來想叫二人套餐，不過又冇老公想食的某款意粉，所以就散叫！事後覺得如果套餐啱食的話，真係幾抵食！原來意粉有分新鮮製和乾意粉，另外意粉可以加$10加大份量，如果男仕一人食的話可以選擇加大！我地就分別點左一款新鮮一款乾意粉黎試一下！係openrice見到好多人好評呢個pumpkin soup, 我又點黎試下，又真係幾好味喎👍🏼老公點左魷魚圈，魷魚新鮮軟硬適中，只係略為多油左d !先黎試試好多人好評的呢款乾意粉，好食喎！我仔仔食到唔停口😂之後再試鮮製意粉！一食就分高下，鮮製意粉質感比較富彈性，好煙韌！再食返乾意粉就會覺得乾意粉質感比較硬實！另外餐廳會備有呢隻辣椒蒜片，比tobasco souce更香！提升左味道的層次感👍🏼鮮製意粉真係好好味，下次要再黎試下pizza先😋…Read More

去海怡睇完戲，順便係海怡食晚餐，原來宜家海怡地下開左幾間新餐廳，一早應該咁做啦！唔好全部南區人都去哂香港仔食飯，希望海怡商場好好利用其他空置的鋪位，租比更多有質素的餐廳！第一次試呢間意式餐廳，唸住都係食意粉pizza, 地方都算大，環境都算舒適！ 坐低一打開Menu就嚇親，每款野食都只係$3-40！ 有冇咁平呀？由於已經晚上9:30pm, 我地主要點小食為主！蒜香法包 $10 即叫即製，外脆內軟，都只係$10！意大利菜湯 $12 味道一般，沒有驚喜！歐陸風香烤焗香腸 $19 抵食👍🏼黑松露野菌意粉 $34 可能已經準備收工，感覺意粉唔夠熱，有黑松露味但冇黑松露的香味！蒜蓉焗田螺 $28 $28食到田螺真係邊到搵！而且餐牌寫人氣no.1, 就叫黎試試，都好食，略嫌太多油，好似油浸田螺！如果以做街坊生意黎講，呢個係平價之選！不過味道就不能有太高要求，一家人想平平地食下西餐，呢個絕對係好選擇！…Read More

好鐘意食茶餐廳的早餐，剛好經過檀島有名茶餐廳，最鐘意食佢地的蛋撻，每次經過都會買一個食，反而早餐就未食過！望一望早餐Menu, 想食的早餐比隔離間茶餐廳貴左$8，到底係咪好食d? 我就決定比多$8 去滿足一下好奇心！檀島不難發現有遊客，但本地客佔大多數！早餐有好多選擇，我就點左至愛的火腿通粉加炒蛋的A餐！之前食過隔離的茶餐廳，比多$8 可食鬆軟甜餐包而唔係多士，炒蛋有蛋香而且好軟滑，呢兩樣都做得比教好！火腿通粉就一般茶餐廳味道，奶茶香濃但略為太多奶！ 呢個水準以 $42 一個早餐略貴左少少！…Read More

係韓國食過一次炸雞，韓國的炸雞真係同美式炸雞好唔同，除左粉槳唔同之外，味道亦有好多不同選擇！.今日我就突然想食下韓國炸雞，係銅鑼灣行完街就上左呢間，睇open rice介紹話呢間係韓國好出名，決定今日要試試！晚飯時間坐滿哂人，好彩唔洗等好耐就有位！.炸雞可以點雙併或三併，咁就可以一次過試唔同口味的炸雞！.原來除左炸雞，呢度都有其他韓國特色食品，如牛肉部隊鍋、連pizza都有，咁就唔怕只食炸雞咁單調！主菜黎喇！我今次點左韓式原味、甜酸及黃金鹹蛋味試試！.個人口味比較鐘意甜酸味，另外黃色 鹹蛋味都好有特色！ .其實我已經戒食雞皮好多年，但呢度的炸雞令我連皮都食埋，呢個就係韓式同美式炸雞的分別！原味炸雞！黃金鹹蛋炸雞！甜酸炸雞👍🏼👍🏼👍🏼不過呢杯菊花蜜就有點似糖水，下次都係叫汽水比較安全！…Read More