Chloris9's Profile

今次介紹嘅係一間價錢親民，打卡靚，食物有驚喜嘅小店～如果有同學喺NTWC出實習，呢度真係近到行過嚟都得 👣🧸 小熊珍珠奶茶同冬瓜茶 真係超可愛，裝喺小熊樽入面，好啱打卡📸！連冰都係一隻細細隻嘅小熊🐻，超級療癒～珍珠奶茶竟然只係 $8，冬瓜茶仲平，$5 就有交易，外面飲朱古力都要加$10啦🙃！⭐️⭐️真係極度推薦完全唔好諗減唔減肥⭐️⭐️🐦⭐️金獎乳鴿都推薦⭐️份量足，唔係得個名，真係好多肉，片段都拍到啲皮超脆，咬落去多汁得嚟唔會油膩，食完好滿足！⭐️⭐️左宗棠雞都極度推薦⭐️⭐️ 酸酸甜甜，第一啖已經好開胃，唔會死辣或者太甜，調味啱啱好，食到最後都唔會覺得漏。雞肉炸到外脆內嫩，唔會乾柴，啖啖都係肉，咬落去仲好多汁，口感超正🤤原本天氣咁熱，真係冇咩食慾，但呢碟雞完全打開我個胃，我竟然自己一個人食晒成碟，食到最後仲有啲唔捨得停口 😳🔥！因為唔係太食得辣，所以問咗可唔可以小辣，調校咗之後即時食唔落M記炸雞都食到🥹(sorry for being廢j)無論大家食唔食到辣都記得話俾舖頭知幫大家adjust🤣月滷 屯門大興街1號大興商場1樓L204號舖 …Read More

最近收工經過旺角發現有間越泰餐廳，平日夜晚都坐爆😳今次叫咗佢哋嘅二人套餐 🍽️米紙夠薄唔黏牙，雞絲唔鞋口，加埋醬汁，清新又開胃 🥬；蝦餅外層炸得啱啱好，唔油膩，蝦肉彈牙 🦐✨⭐️⭐️ 最驚喜一定係牛油雞翼 ⭐️⭐️極度推薦！外皮脆香，肉汁飽滿，啖啖都滲住牛油香，尾段再出蒜香，層次超豐富，真係好食到停唔到口 😍🔥海南雞份量十足，雞肉滑又多 🐔；冬陰功炒飯炒得入味，每啖都有蜆肉同魷魚，酸辣夠醒胃 🤤飲品方面，泰式奶茶甜度啱啱好，唔會太膩，茶香奶味平衡，配炒飯一流 🧋；百花檸蜜熱飲溫暖又舒服，飯後飲一杯好啱 🍯🍋☕…Read More

富山麵家今次同 mofusand 聯乘，真係超級可愛，好彩趕得切係土耳其返嚟仲食到😚成間舖裝修得好有心思，唔止食物，連海報、筷子套、牙籤套、飲品杯都係貓貓主題，影相一流📸。🐄 牛奶拉麵⭐️推薦⭐️湯底好香滑，有啲似白湯但冇咁膩，配料豐富，仲有mofusand圖案嘅魚蛋😍🍛 咖喱撈麵 + 炸蝦炸雞⭐️⭐️極度推薦⭐️⭐️份量勁多，炸物超脆口，mofusand炸蝦真係得意到爆！仲有心心形蘿蔔添，打卡又得，食落又好味。其實牛奶拉麵我都想比極度推薦，但係如果隻二選一嘅話呢個咖喱撈麵真係用咩角度影都超級靚🤣🍑 白桃奶茶⭐️⭐️極度推薦⭐️⭐️味道清甜，唔會太膩，上面有粒mofusand造型嘅夾心棉花糖，好打卡又唔會太甜膩。🍓 士多啤梨椰果梳打⭐️⭐️極度推薦⭐️⭐️好fresh好解渴，椰果有咬口，果味濃郁，mofusand棉花糖再加分。🐙 章魚燒⭐️⭐️極度推薦⭐️⭐️外脆內軟，每粒入面都有章魚，唔係得個樣，真材實料。🍨 三色芭菲賣相色彩繽紛，下面仲有士多啤梨同餅乾，層次感十足。🥤 所有小食同飲品都係 $38，呢個價錢真心抵到爛！最後忍唔住仲買咗紀念品，佢哋啲扣針唔係普通平面印刷，而係3D立體木製，質感超正，完全唔係求其整下。非常期待佢哋下次換咩主題❤️‍🔥…Read More

第一次食土耳其雪糕‼️極度推薦，因為口感真係好特別⭐️⭐️⭐️⭐️味道有啲似棉花糖，咬落去嘅話好煙靭，但係如果含住喺後入邊嘅話就會變咗好似棉花冰咁🫨🫨🫨通常土耳其雪糕都會有表演，但係呢度對I人非常友善，問員工就可以直接攞雪糕🤣土耳其旋轉烤肉（kebab)卷餅肉嘅份量非常之多，食一半我已經好飽🤪羊肉唔會好羶，其實烤肉已經好香，之後見到店員會將啲肉放喺一個鐵盤度加埋醬汁更加惹味🤤由於員工都係外國人，所以個menu嘅中文翻譯真係好搞笑，好彩嘅係圖文並茂🤣Falafel係menu被翻譯為「沙拉三文治」，上網search先知係油炸鷹嘴豆餅🧆打完呢個字我先發現連iPhone都有佢嘅emoji😱hummus turkish 同falafel 都係用鷹嘴豆泥加上調味料整，食落去有少少似薯泥，都幾特別😚佢仲係gluten free，食完都唔會好有罪惡感😝因為好鍾意食麵包，見到menu個包好吸引所以叫咗土耳其皮塔餅配鷹嘴豆泥🤩pita bread 外皮軟中略帶嚼勁，食嘅時候仲係熱辣辣😍Cappadocia Turkish Kebab 灣仔駱克道114-120號嘉洛商業大廈地下A號舖…Read More

🌊西灣河海旁超有氣氛餐廳🌅啱矖未諗到聖誕簡去邊度dating嘅大家🎄steak tartare with fries 生牛肉他他（$208）微微辣味，生牛肉肉味濃郁，配搭咗醃咗嘅小黃瓜同雞蛋食落更加嫩滑同口感豐富👍🏻Spanish foie Gras with fresh figs&soft butter 無花果鵝肝多士 ($168) 鵝肝表面煎到金黃色 ，油香四溢，無花果味道甘甜，除咗豐富層次之外，仲可以平衡鵝肝嘅油膩🤤BBQ pork ribs with fries 美式豬肋骨配燒烤醬（$228）pork ribs外皮香脆但做到肉質多汁嫩，燒烤醬唔會太鹹，而且充滿濃郁檸檬香🍋tiramisu （$88）呢度嘅tiramisu幾特別，staff會攞一大盤tiramisu再舀出嚟，然後灑上可可粉🍫口感非常creamy，好香奶味，作為甜品非常滿💕餐廳仲可以望到海景，食完之後可以去海旁散步🩵完全係seaside bless💓dine and unwind with great vibeBistro East 西灣河鯉景灣太康街55號蘇豪東A期地下A號舖#BistroEast #西灣河 #寵物友善 #香港餐廳…Read More

❤️‍🔥近期新發現好食cafe❤️‍🔥Dinner set最平唔洗$110😱⭐️⭐️極度推薦⭐️⭐️黑松露軟殼蟹意大利飯($142set) 包咗蘑菇湯🍄‍🟫超大隻軟殼蟹，外酥內嫩，蟹肉鮮甜🦀啲飯吸收了蟹汁和濃郁黑松露醬，好好食🤤另一個main dish揀咗黃金蟹肉意大利飯($138set)另外加咗$38升級蟹肉龍蝦湯，勁驚加完錢發現係罐頭湯（大家睇story都發現我經常被伏）🥲好彩今次真材實料好濃郁鮮甜🦞都值得加錢😤意大利飯好有鹹香，食晒成個都唔會覺得好膩，蟹肉份量十足，另外值得一讚係好有心機，原本以為個蟹蓋係空嘅，反轉先發現釀咗啲蟹肉喺個蟹蓋入面😍追加咗2隻蒜蓉焗生蠔($38)同意式白酒煮蜆($38)，呢個價錢真係超級抵😳蒜蓉焗生蠔一上枱已經聞到好香蒜蓉味，生蠔肥嘟嘟🦪白酒煮蜆除咗原有嘅鮮甜，仲吸收咗白酒酒香，完全無沙👍🏻 ‼️‼️大家記得要留肚食甜品‼️‼️之前已經有好多分享話呢度嘅蛋捲係非常好食，仲會成日賣曬🥹好彩我哋去嗰陣仲有芋泥麻糬蛋捲（$38）💕蛋捲軟鬆好香蛋味，唔會太甜，芋泥香滑，麻糬仲可以拉絲😆勁誇張我哋兩個人食咗三個甜品🙊🙉🙈原本想食開心果tiramisu，但係驚太飽所以叫咗伯爵茶（唔知道係咩邏輯）🙂入面有麻糬同海棉蛋糕，層次好豐富同creamy🫶🏼環境好舒服，邊食邊傾計忽然發現餐飯食咗1.5個鐘🤣完全無俾人趕走之餘，店員仲不停留意我哋飲晒水主動幫我哋斟水😚另外想講我哋叫咗勁多嘢食，但個店員竟然唔需要記低講一次就背到晒🙀Owens 太子砵蘭街412號地舖#bei9sik太子…Read More

想食呢間嘅本地吊籠好耐😍依家聽日開始轉涼即刻約男朋友去食！因為唔食得辣所以叫咗個招牌椰子雞鍋($248)🥥原本以為好似平時餐廳一個鍋咁攞出，點知姐姐喺我哋面前開咗2個椰子加2個椰即場落😱按住佢哋教我哋嘅指示等水滾之後再等到漏斗計時完先食，時間真係啱啱好⌛️湯底超級清甜，⭐️⭐️極度推薦⭐️⭐️要飲返幾碗先開始食其他嘢‼️由呢個湯底真係好正，建議大家要叫埋響鈴，吸埋啲湯一齊食😋我哋最近先知道咩係吊籠🤪吊籠姐係肉眼邊，係牛背脊內側😽超級好食，口感細緻嫩滑，而且肉味好濃🥹最後都好⭐️推薦⭐️芝士牛丸（$78/6粒）爆漿芝士真係好邪惡😍…Read More

日式燒汁雞扒便當$78雞扒份量超多‼️配菜除咗沙律🥗同麵豉湯之外，仲有春卷//炒雜菜//同小番薯🍠番薯仔焦糖皮好好食😍 雞扒經過醃製加埋日式燒汁好惹味！蜜桃沙冰🍧 （跟餐 $38）超級大杯勁誇張😱燒雞軟骨&雞皮 $38（2串）燒雞軟骨外焦里嫩，雞皮外酥內軟😋日式味增卡邦尼意粉$98卡邦尼意粉煙肉炒得好香脆💕 味增嘅咸香同醇厚奶油相互融合👍🏻份量好多Cocoon 觀塘開源道54號豐利中心1樓104室…Read More

三個朋友加兩隻狗一齊食飯，每個都叫咗杯嘢飲三個主食三個小食，覺得份量都算合理，開枱張單係52分，食咗40分鐘已經開始執我哋啲嘢，未夠一個鐘已經同我哋講話好多客喺出邊等，其實好想知關我咩事？大佬，我平時自己一個人食飯都食40分鐘啦，仲要係出嚟同朋友食飯都未夠一個鐘就叫我走係咩事？不如改名叫快餐店？lol雞肉串燒冇乜味、米紙卷芒果同蝦超細，海量粉絲，好難食坐位好迫，連啲侍應送餐嘅時候都會自己撞到自己嘅員工…Read More

❤️🧡Dating&紀念日必去餐廳❤️🧡⭐️⭐️極度推薦前菜blue mussels⭐️⭐️細細聲話俾大家知係隱藏menu，好認真聽staff介紹先發現🤫肥美鮮味青口配濃郁芝士醬汁，後勁有酒香，超級快就清晒成碟🥹完全無沙❗️餐廳做緊Chinese western crossover，特色卡邦尼意粉非常特別，竟然係配搭金華火腿同臘肉，但食落成件事冇違和感，非常之夾😱金華火腿鹹香濃郁，臘肉充滿熏香，兩樣加埋芝士同黑胡椒令到口感豐富咗🫨⭐️⭐️21天熟成厚切豬扒都超出色⭐️⭐️表面泛著金黃色焦香，肉質鮮嫩多汁💦厚實而富有嚼勁，由於經過21日嘅熟成 ，令到味道更加濃郁，帶有自然的甜味和微妙的鹹味🤤Flagship灣仔船街35號地舖…Read More

之前喺隔離撘小巴收工返屋企，見到成日好多人排隊堂食同外賣，終於搵到日去試嚇‼️二人餐C ($378)🩵鮮蝦冬蔭功湯⭐️⭐️極度推薦⭐️⭐️唔算好辣，充滿茄香❣️啲料多到超級誇張，2人餐有三隻蝦大大隻😱🤍泰式炸蝦餅炸到卜卜脆😋蝦肉爽口蝦牙🍤酸酸甜甜好開胃🤤🩵青咖喱(雞、牛、豬或雜菜)唔係好食得辣，員工好好俾我哋轉做黃咖哩雞肉🥹個餐包白飯或油飯2碗，如果轉蒜茸包加$10，識食緊係食油飯再加份蒜茸包‼️咖喱好大碗到可以3個大人食🫨咖喱超香椰香味🥥雞肉份量好多👍🏻🤍飛天通菜夠曬鑊氣🔥香辣惹味之餘，通菜夠新鮮，食落好爽口😚🩵飲品2杯好耐無飲過三色冰，依家好似愈來愈少見🥲冰甜香甜好消暑☀️奶茶充滿獨特嘅泰國茶香🇹🇭雖然話就話2人餐，但真係食到勁飽，3個人食加多個菜就真係差唔多🤣…Read More

煙三文魚配牛油果酸青瓜 $108⭐️⭐️極度推薦⭐️⭐️煙三文魚好濃郁魚脂香😚牛油果加埋蘋果同酸爽青瓜更清新外，仲可以平衡煙三文魚肥膩🥒酸酸甜甜配合鹹鹹哋嘅煙三文魚，非常開胃😆門西淋牛豬仁雞 VS 蝦兵蟹將 $490焗多汁豬仔骨、多汁淫蝦、慢煮蒜香春雞（半隻）、炸軟殼蟹⭐️⭐️極度推薦⭐️⭐️超級期待呢個ASSORTED PLATTER SET，果然無失望！！！龍蝦好大隻超級新鮮🦞聽員工講每日新鮮送貨，絕對唔用冰鮮😤有圖有真相，肉質厚身鮮甜，啲膏多到好誇張😱提大家記得要食埋隻蟹鉗😋 蒜香春雞慢煮令肉質更鮮嫩💦豬仔骨肉汁豐富，肉質腍滑鬆軟，輕輕一咬已經骨肉分離👍🏻醬汁好惹味💛炸軟殼蟹外殼酥脆🦀兩個人食到超級飽，大滿足✌🏻🥰洋甘菊蜜糖茶檸檬 $43健康星期四，因為第二日要返工就唔飲酒了🤣洋甘菊有安神作用，也含有抗炎功效，夜晚可以幫助睡眠💤JUST'er Bar & Restaurant 尖沙咀山林道13號地下A1-A2號舖…Read More

碳燒泰式豬頸肉 $98⭐️⭐️極度推薦⭐️⭐️豬頸肉經過碳燒的處理，軟嫩多汁。外表香脆焦糖，內裡卻保持著豬頸肉嘅鮮嫩，肉汁澎湃，而且充滿碳香🤤加埋泰國醬汁酸酸甜甜自己一個可以食晒成個飯‼️蒜蓉包（4件） $38大大件同好多醬🫶🏼牛油果香芒大蝦米紙卷 $118⭐️⭐️極度推薦⭐️⭐️牛油果🥑同大蝦都好新鮮，芒果超甜😚清新開胃菜💛米紙卷煙煙韌韌，好有口感👍🏻飲品方便▶️夏天整杯冰涼鹹檸梳打（$38）超正😍另外椰青（$48）都好大個，入啲椰青水鮮甜，椰肉一刮走甩非常新鮮😆…Read More

𝑮𝒐𝒐𝒅 𝒗𝒊𝒃𝒆𝒔 𝒄𝒂𝒇𝒆 𝒊𝒏 𝑻𝑺𝑻🤍一開始留意到間cafe因為個名實在太fun🤣食物有水準，而且服務態度非常好👍🏻氣氛非常適合dating/gathering同慶祝生日🎂波士頓龍蝦（半只）配白松露忌廉或鮮蕃茄汁意大利飯或手工扁麵 $158⭐️⭐️極度推薦⭐️⭐️今次揀咗番茄汁同手工扁麵🍅龍蝦大大隻啖啖肉配以芝士非常惹味🦞手工扁麵好煙韌而且掛汁🤤炭烤美國1855牛肋排配蜜糖燒汁 $188⭐️⭐️極度推薦⭐️⭐️1855牛肉真係好好食🥹係選用美國農業部(USDA)評鑑的最高等級的Prime與1/3強高階Choice的安格斯牛，有極高嫩度與大理石油花。邊邊烤到好焦香脆口，肉質鮮嫩多汁，一啲根位都無，超正😚喺度做乜尖沙咀山林道3號地舖…Read More

再訪觀塘手工漢堡包店😆多咗happy hour同snack menu🫨 今次食埋雞翼拼盤（$82）揀咗玫瑰蜜糖、咸蛋同柚子味，大大隻外脆內嫩勁多汁😚超級鍾意classic moo（$65）每日手打優質美國高質牛肉，牛肉味道超濃郁😍脆脆雞堡（$60）大大塊，雞肉超嫩滑😋 同上次一樣漢堡包烘得鬆脆，充滿牛油香味🧈車打芝士配搭得好好，唔會太咸🧀加埋新鮮蕃茄同生菜平衡返成個包唔會太油膩🍅呢個價錢真係好抵🥹超欣賞用甘蔗飲管，又環保又唔會好似紙飲管咁渣👍🏻#bei9sik觀塘 #手工漢堡 #🍔MOO MOO 觀塘巧明街94-96號鴻圖中心地下1A號舖…Read More