alicechingching's Profile

帶小朋友出街食飯，最怕就係佢哋坐唔定，但今次嚟到觀塘嘅炑八韓烤親子餐廳，真係完全冇呢個煩惱！一入門口就俾個充滿韓式童話感嘅世界吸引住，傳統嘅韓屋設計同色彩繽紛嘅童趣元素融合得好好，每個角落都好靚，忍唔住影咗好多相！最驚喜嘅係，店員仲主動幫我哋拎出親子韓服，小朋友換上之後，喺波波池旁邊玩得勁開心，個個都好似小韓星咁，真係影極都唔夠！夜晚7點，餐廳都幾熱鬧，但因為小朋友都忙住喺波波池度放電，成個氣氛好歡樂又唔會嘈，大人可以安安心心坐低燒肉。今次試咗佢哋幾款招牌菜式，真係樣樣都高質到令人驚喜！厚切五花腩燒到金黃香脆，油脂慢慢滲出嚟，用生菜包住五花腩同泡菜一齊食，口感好豐富，食極都唔會覺得膩！仁川鰻魚半份都份量十足，鰻魚肉質肥美，烤過之後外皮微脆，魚肉好細緻，加上甜甜嘅醬汁，真係好好味！王者牛肋骨肉質非常嫩滑得嚟又有咬口，用秘製醬汁醃得好入味，燒完原汁原味，食得出師傅嘅功力！梨汁雞腿肉呢個我好鍾意！雞肉好嫩滑，淡淡嘅梨汁清甜，食落去好清新，連平時唔多食雞嘅小朋友都話好食。乘搭燒肉香氣校巴小朋友嘅餐點都好有心思！我哋叫咗呢個，校巴造型嘅碟上放滿咗各種新鮮嘅食材，有齊牛肉、蝦、南瓜同菠蘿等，擺盤靚到好似一份禮物咁，小朋友睇到勁興奮，仲自己動手燒，特別有滿足感！快樂放學芒果刨冰食完熱辣辣嘅燒肉，食返啖冰真係好正！刨冰清涼解渴，芒果味好香甜，係完美嘅餐後甜品。知識雲朵棉花糖芒果特飲呢杯特飲真係打卡必點！芒果味香甜，上面仲有一大嚿綿花糖，好似一朵雲咁，小朋友見到都嘩一聲！總結嚟講，炑八韓烤親子餐廳係一個真正做到「邊食邊玩」嘅地方，食物高質、環境有特色、小朋友又有得玩，絕對係親子家庭假日嘅完美選擇！強烈推薦俾各位爸爸媽媽！…Read More

週末好去處！同家人去咗屯門COZi Hotel嘅The Platter試佢個海王盛宴自助晚餐，真係好豐富好滿足！😍一入到去見到個海鮮區就嘩一聲，長腳蟹、鮑魚、海蝦、青口樣樣有，而且仲有即場燒嘅海鮮，燒鮑魚同埋大蝦都好正！鮑魚燒得剛剛好，好彈牙，大蝦好鮮甜，真係食唔停口😋另外甜品區都好出色，有朱古力噴泉同即叫即整嘅窩夫，窩夫熱辣辣、脆卜卜！我試過最完美嘅時間係等十分鐘，個窩夫就會外脆內軟😋超好味。最後加埋雪糕同朱古力醬簡直係完美嘅ending！而且服務員好細心，收碟好快手，就算人多都唔會覺得手忙腳亂👍🏻👍🏻小朋友仲可以去埋兒童區玩，有半價，好抵玩😍❤️整體嚟講，食物種類多，味道好，環境乾淨企理，性價比好高，大人小朋友都食得開心！好推薦大家一家大細或者朋友聚會嚟，一定唔會失望！…Read More

🥰復活節假期想帶小朋友去食啲有節日氣氛嘅嘢，見到呢度推出咗一系列超可愛嘅復活節主題餐，裝修都配合返，好有氣氛！👶🏻我哋點咗一份自選兒童餐，揀咗「小兔奇遇全日早餐」同「復活小雞藍莓提子沙冰」。個All Day Breakfast造型好可愛，有可愛樣嘅漢堡，仲有炒蛋、腸仔同水果，色彩好豐富，小朋友見到好開心，一次過食到唔同種類嘅嘢，營養都均衡啲。杯沙冰顏色好夢幻，藍莓加提子味酸酸甜甜好開胃。🍖大人就食咗個「兔兔春日歡樂匯燒肉SET」。個Set有成五款肉，包括極上牛肋肉、梨汁牛扒、蜜糖雞腿肉、秘制醬燒梅花肉同燒韓牛漢堡。牛肋肉同梨汁牛扒都幾juicy，肉質唔錯；雞腿肉醃得入味；梅花肉嘅醬汁幾惹味；個韓牛漢堡都幾特別，點啲醬汁燒幾好食。整體份量兩個人食都好足夠。😍另外仲叫咗個「摩天輪小食」，造型係幾靚，啱哂打卡，入面有啲炸雞、薯條之類，味道都算唔錯，推介紫薯薯餅👍🏻✨餐廳環境幾舒服，可能因為復活節，都幾多家庭客。侍應服務態度OK，上菜速度都合理。價錢方面中等，考慮到食物質素、份量同埋個節日主題，都算係合理嘅。喺觀塘嚟講，呢間都算係唔錯嘅親子餐廳選擇。😋總括嚟講，係一次唔錯嘅親子用餐體驗，特別係復活節主題餐夠哂吸睛，小朋友食得好開心！值得推薦俾想搵親子餐廳或者慶祝復活節嘅家長。…Read More

😋好耐無同仔仔囡囡去食好嘢啦！🥳 今次屯門悦品度假酒店Hotel COZI 嘅自助餐主題係鵝肝花膠臻選自助晚餐！😍 真係超值又好味！先講講必食嘅鵝肝多士！鵝肝入口即化，香氣滿滿，配埋個多士，口感一流！😋 我自己都食咗幾件！另外，花膠燴鵝掌都好足料，啖啖滋補，啱曬我呢啲成日捱夜嘅媽媽！💪🏻🦞🦀海鮮控嘅我就最鍾意食海鮮！有焗龍蝦、麵包蟹同埋鱈場蟹腳等等，全部都好新鮮，味道鮮甜！特別推介個蒜蓉焗蠔，蒜香味好濃郁，蠔肉又肥美，真係忍唔住 Encore 再 Encore！🤤🐑除咗海鮮，烤羊架都好出色！肉質嫩滑，juicy到爆，而且無乜羊羶味，啱曬唔太鍾意羊肉嘅朋友！👍🏻🍨甜品方面都好豐富，有 朱古力噴泉、蛋糕、泡芙、雪糕 等等，小朋友見到真係開心到跳起！😆😋總括嚟講，今次呢個自助晚餐真係超乎預期，無論係食物種類、味道定係環境都好滿意！👍🏻 而且價錢都好合理，性價比超高！下次一定會再嚟！🥰…Read More

🍁🦀秋風起，又係去食蟹嘅季節🥰今次我地去咗悅品度假酒店，屯門分店食晚市自助餐，每位仲會送一隻大閘蟹，仲有好多其他蟹食，正呀😍🦀今次嘅自助餐主題係「蟹」逅之夜，入面有好多唔同嘅蟹菜式，我最鍾意食芝士海鮮焗釀蟹蓋😍而且仲有好多其他熱食都好正！🦐冰鎮海鮮方面，有鱈場蟹腳、麵包蟹、白蝦、藍青口、翡翠螺等等，店員仲好快就會換新，唔會驚啲海鮮唔新鮮 👍🏻推薦鱈場蟹腳，好鮮甜😋🐟雜錦刺身有三文魚、鯛魚、阿根廷赤蝦、魷魚、北寄貝、赤貝、吞拿魚等，勁多款式選擇一定唔可以錯過😍🦪燒物方面，有我最愛嘅金銀蒜燒生蠔，即叫即燒，超惹味😍😍🦞仲有焗芝士波士頓龍蝦一定要食，佢大約20 分鐘出一盤，不過好快就畀人拎曬，記得要早小小排隊等🤣🍨甜品方便都有好多選擇，仲有勁多雪糕畀你揀😍有häagen-dazs同movenpick，一定要食返幾杯回番本🥰🥰一啲仲有得自製雞蛋仔，超好玩呀！味道仲有一啲都唔差，拍得住街邊買嗰啲🤣🤣🤣下次一定會再去食😋😋…Read More

🎃就嚟到萬聖節，又同小朋友去咗波波池餐廳玩啦！今次萬聖節又轉咗新嘅餐牌，入面嘅佈置都充滿住萬聖節氣氛，好正呀！🥳👶🏻今次可以自選萬聖節主題兒童餐一份，小朋友就揀咗企鵝男爵與骷髏共舞全日早餐，入面有熱香餅，漢堡扒，紫薯條等等嘅配搭，小朋友話熱香餅好鬆軟好好食😋🥩韓式烤腹脅肉燒肉就叫咗牛腹脅肉，佢已經醃好咗唔使再調味，燒完真係好惹味，肉味香濃又唔會韌👍🏻🐟鰻魚半份我哋仲叫咗半份鰻魚一路燒一路加啲燒汁，燒完超級香脆可口，好正😍🐮驚嚇幽靈南瓜燜牛肋骨牛肋骨炆得超淋，出面仲有炆到好淋嘅蘿蔔，熱食嚟講算係幾出色，啱晒秋涼天食😋🥭芒果Oreo幽靈派對沙冰呢個配搭幾有趣，芒果沙冰打得好幼細，加埋oreo一齊幾得意，食完燒肉口渴飲就啱曬！🍨萬聖狂歡雪糕窩夫個人最鍾意呢個雪糕窩夫😍窩夫好軟綿綿，啲忌廉同埋雪糕配合得好好，加埋一齊食真係超正，令成餐飯劃上一個完滿嘅句號。…Read More

👶🏻小朋友放暑假緊係要同佢去食好西啦🤣佢指明要食波波池餐廳，緊係啦，又有得食又有得玩😝放完電返到屋企仲好好訓添，媽咪表示超開心呢😚今次去又唔同咗菜單，我地叫咗唔係好多野食，但都食得好飽😂另外值得一提嘅係呢度嘅前菜小碟都可以無限添食，小食質素仲好好添👍🏻🐧動感企鵝跑車之旅小朋友最愛，企鵝造型超可愛，又有薯條，又有飯糰，仲有蛋捲同埋炸蝦，so yummy 😋 🥭🧇狂野叢林芒果窩夫配雪糕呢個甜品超好味！一定要叫😍窩夫焗得好鬆脆，好有蛋香，而且配埋雪糕同埋雜果忌廉，大人小朋友都好鍾意！🍍菠蘿牛肋肉拼豬護心肉鍾意食燒菠蘿嘅我必叫之選😍牛肋肉同埋豬護心肉都係醃好咗唔使再自己調味，個調味調得啱啱好😋個菠蘿食完仲可以叫店員幫手切埋拎去燒㗎！🐂外群肉呢個牛外群肉真係超好味，食落好有牛味又唔會太柴。🐮韓牛前胸肉 呢塊韓牛嘅脂肪分佈得好平均，食物好有油香又唔會韌，必食之選👍🏻🥭🍓芒不了的芒果乳酸特飲 & 野生士多啤梨遇上乳酸特飲夏天一定要飲返啲水果特飲，呢兩款乳酸特飲都好開胃，食燒肉必點🤣…Read More

🥩話說好耐無打邊爐，咁啱見到有間酒樓做緊潮汕鮮牛火鍋有個潮牛套餐，一個價錢包咗湯底同埋多款手切新鮮牛肉😍仲有埋罕有部位嘅牛肉，等我即刻去試下先！香港唔係有好多地方都有新鮮手切牛肉，我最鍾意潮汕手切鮮牛肉，新鮮真係唔同啲，食落好有牛味，塊肉嘅紋理都靚好多😍超正呀！另外，手切牛胸油都好特別！食落好爽脆，一啲都唔油膩，咬落仲好有牛肉油嘅香味，真係食到停唔到口😋😋新鮮牛雜拼我都覺得好好食，入面有齊牛胃，牛腸等等，煲耐啲都唔怕，食落夠惹味🤣仲有手切牛嫩肉，潮汕牛𦟌同埋潮汕牛丸，呢個餐真係3個人食都食唔晒呀，仲啱晒我呢啲有選擇困難症唔知叫咩餸嘅人食🤣🤣🤤值得一讚嘅係湯底都好好味，好有牛骨香，下次一定會再帶埋屋企人去試埋其他菜式。餐廳推薦指數：👍🏻👍🏻👍🏻👍🏻👍🏻👍🏻👍🏻👍🏻…Read More

👶🏻今日又帶咗阿仔去親子餐廳食飯，順便慶祝埋父親節同埋母親節❤️餐廳環境寬敞明亮，佈置得好似韓屋咁，充滿傳統韓式嘅氛圍。最特別嘅係佢哋設有專門嘅親子遊戲區，裡面有滑梯、波波池、玩具架等設施，畀小朋友盡情玩耍。阿仔喺遊戲區玩得好開心，完全唔想離開🤣📌必試燒烤 🐮厚切長牛舌呢到嘅長牛舌真系與別不同！足足有成成寸咁厚，但係食落依然做到入口即溶嘅嫩滑口感。每咬一啖，都能夠感受到油脂喺口腔裏面爆開嘅香味，濃厚嘅肉香味令人回味無窮🤤 🐷🐮菠蘿豬肋肉拼牛肋條呢個絕對係必食之選！酸甜嘅菠蘿同燒烤嘅肉類簡直系完美嘅配搭。餐廳嘅菠蘿經過燒烤之後，散發住陣陣焦糖嘅香味，令成個燒烤嘅過程更加滋味。豬肋肉方面，佢哋採用咗肉質鮮嫩嘅部位，經過燒烤之後，做到外皮香脆可口，而內裡嘅肉質依然保持住嫩滑嘅口感。牛肋條就更加唔使講，肉味濃郁，經過燒烤過程逼出油脂，每一啖都juicy惹味😋 🐷醬油白切肉生菜包食完濃味嘅燒烤，食返個清淡啲嘅菜式中和一下就最啱嘞！佢哋嘅醬油白切肉色澤呈現金黃色，而且仲可以做到肥而不腻嘅口感。配埋新鮮爽脆嘅生菜，食落可以感受到肉嘅油香同埋生菜嘅清甜，係夏天一流嘅清爽菜式😍 ❤️送畀媽媽嘅愛意便當 呢個便當真係好靚好有心思！入面有蛋卷，花花飯團等等，賣相精緻之餘，味道都唔錯。📸窩心摩天輪入面有多款炸物，有炸番薯條，炸雞，飯團等等，我最鍾意個炸紫薯餅，甜甜脆脆好好味🤤🤤🥳呢間親子餐廳真係一間非常值得推薦嘅親子餐廳！無論係環境、服務、食物質素都非常出色，加上有專設嘅兒童遊戲區，非常適合一家大細聚餐👍🏻餐廳推薦指數：👍🏻👍🏻👍🏻👍🏻👍🏻👍🏻👍🏻👍🏻…Read More

平時成日經過呢度，咁啱見到有兒童餐所以入咗去食，原來質素好ok喎！呢度嘅環境坐好舒服，而且有兒童櫈同埋兒童餐具提供，最緊要係有埋兒童餐畀小朋友食，啱晒一家大細去食😍👶🏻兒童餐我哋叫咗卡邦尼貓耳朵意粉配雞翼薯條，仲有蘋果汁同埋啫喱糖，貓耳朵形狀嘅意粉仲令到成個賣相更加得意😍小朋友就最鍾意，一個餐都夠晒飽肚。🐮之後叫咗黑椒汁芝士牛肉漢堡配薯條，呢個漢堡包嘅餡料十足，漢堡扒煎得好 juicy，牛肉嫩滑新鲜。黑椒汁香濃惹味，配埋脆卜卜嘅薯條，食落真係好滿足🥰🍖跟住仲叫咗個二人午餐，湯叫咗干邑龍蝦湯，前菜係日式芝麻羽先，主菜叫咗美國安格斯西冷牛扒同埋西西里辣肉腸薄餅。😍呢塊安格斯西冷牛扒煎得非常出色，肉質嫩滑可口，食落 juicy 嫩滑，煎到 medium rare 嘅熟度啱啱好，令到啲肉仲可以保留少少血水，食落更加鮮嫩美味。仲有個薄餅餅底都做得非常好，薄得之餘又保持到一定嘅鬆脆口感。佢哋嘅辣肉腸做得入味香口，辣度亦都適中，唔會蓋過晒啲其他配料嘅味道，so yummy 😋餐廳推薦指數：👍🏻👍🏻👍🏻👍🏻👍🏻👍🏻👍🏻👍🏻…Read More

👨‍👩‍👦話說呢間親子餐廳我地已經多次再訪啦！因為小朋友真係好鍾意玩入面個波波池呀🥳，而且食物質素又好好！兒童餐嘅款式成日都有新款，唔會悶親小朋友😍今次係新年龍年款式，真係好應節呀🧧🧧又有得食又有得玩，小朋友每次嚟都超開心🤣今次我地仲叫多咗野食，小朋友竟然都食得晒！好驚喜呀！🐂王者牛肋骨上枱超誇張，好大條😍店員會幫手燒埋，條牛肋骨已經醃好咗，燒完可以即刻食，甜甜地，好惹味！🐮長牛舌超長嘅牛舌，肉味好濃，唔會韌。🐷雪花厚切五花肉超厚嘅五花肉😍店員會幫手燒埋，配埋生菜同埋泡菜食，好有韓式風味！🌸花團錦簇造型飯團花團造型好得意，小朋友見到已經即刻拎起一舊嚟食 ，配埋燒雞槌同埋薯條，so yummy 😋🥚韓國公主賀歲蛋包意粉蛋包公主裙造型好靚呀😍配埋意粉，口感好特別！🚘龍年行運小跑車小朋友一定鍾意嘅小跑車，入面有單骨炸雞翼，仲有水果，紫菜飯，夠晒飽肚呀！🍊熱情洋溢的柑橘窩夫伴雪糕呢個窩夫超正呀上面有柑橘醬，甜甜酸酸，配埋雪糕好夾呀！🍫我地野飲點咗暖意洋洋熱朱古力，🍊大橘大利柑橘奶昔同埋🍫Kitkat 朱古力忌廉沙冰。三款都好好飲，啱晒冬天飲呀！唔知下次嚟又會有咩新款式嘅主題兒童餐呢？好期待呀🥰餐廳推薦指數：👍🏻👍🏻👍🏻👍🏻👍🏻👍🏻👍🏻👍🏻…Read More

🎄就嚟放聖誕節假啦🥳🥳圓圓話想去波波池親子餐廳玩，咁啱見到餐廳有聖誕推廣，好啦一於帶你去食飯玩波波池啦！☃️呢度啲兒童餐已經換晒聖誕主題啦，場內環境仲好有聖誕氣氛🥳今次我地叫咗好多野食，兒童餐份量仲好豐富添呀，差啲食唔晒🤣👶🏻兒童餐：我地叫咗聖誕小跑車同埋 Ho!Ho!Ho! 聖誕老人飯團便當，兩個餐嘅造型都咁出色，小朋友見到實好鍾意😍尤其係個聖誕老人壽司，整得超可愛呀！圓圓就最鍾意食炸雞翼同埋魚板串😚而我就叫咗個人蔘雞湯（半份）補下身，呢個雞湯有驚喜😍雞肉好嫩滑，啲湯仲好重人蔘味，配飯一流呀！🥩燒肉就梗係唔小得啦！我地叫咗韓牛前胸肉，香烤豬五花、三味牛小排(韓式秘製醬汁)同埋梨汁雞腿肉。肉類嘅水準一直都係咁高質素，我最推薦三味牛小排同埋韓牛前胸肉，鍾意食牛一定要試下！最後，甜品係我最最最推介嘅Kitkat 朱古力趣脆窩夫，窩夫超鬆軟而且好有蛋香，甜到適中，配埋Kitkat 朱古力超夾呀😍必點！🥤而野飲就叫咗熱聖誕薑餅人棉花糖朱古力、士多啤梨奶昔同埋Kitkat 朱古力忌廉沙冰，無論熱飲定凍飲都好啱食燒肉果陣飲😋小朋友一定鍾意！餐廳推薦指數：👍🏻👍🏻👍🏻👍🏻👍🏻👍🏻👍🏻👍🏻…Read More

😋上星期同圓圓去尖沙咀發現咗一間充滿古代風嘅酒家叫做「北京老家」，入面主打東北菜餚，仲有好多我同圓圓都好鍾意嘅中菜😍😍🫘其中一道菜係高力豆沙啦，高力豆沙係一道傳統嘅中國甜點，高力粉嘅口感酥脆可口，豆沙嘅味道香甜濃郁。高力粉嘅酥脆感同豆沙嘅濃郁感完美融合，整體嘅口感非常好，我同圓圓一口氣清咗兩個🤣🤣🦆我哋再加咗一碟片皮鴨同宮爆大蝦，片皮鴨蘸上甜麵醬食用，鴨肉嘅皮酥脆，肉質鮮嫩，超級好味呀😍超快清咗碟！🦐而宮爆大蝦嘅蝦仁好鮮嫩、洋蔥嘅清甜，加埋特別醬汁嘅調味，配埋一齊好好味呀！🐟跟住我哋點咗嘅椒鹽小黃魚，小黃魚肉質鮮嫩彈牙，椒鹽嘅香味濃郁，青紅椒嘅清香提味。小黃魚嘅鮮味被椒鹽嘅香味很好地襯托出來，好夾好惹味😋🍚我地仲點咗老家炒年糕，年糕嘅軟糯，香菇嘅鮮味，都非常突出。醬油嘅調味恰到好處👍🏻✨總括嚟講，呢間充滿古代風嘅酒家各款菜式都係好啱香港人胃口，大家經過尖沙咀記得唔好錯過呀🤣🤣推薦指數：👍🏻👍🏻👍🏻👍🏻👍🏻👍🏻👍🏻👍🏻…Read More

🍕出名無咩好食嘅馬鞍山，估唔到都比我地搵到一間好正宗嘅韓國炸雞Pizza餐廳😍而且味道都好正宗呀！入到去見到啲店員姐姐都好熱情，環境都好有韓國feel呀，仲一路播住好hit嘅韓文歌，真係好似飛咗轉韓國咁🤣講返啲野食先！入到嚟梗係要叫炸雞pizza啦！我地只係叫咗幾樣野食，但份量原來都好多，差啲就食唔晒😂哈哈！🍕韓式烤肉pizza🍕原來呢個Pizza 都幾大個，個底係韓式bbq醬，咸咸甜甜，入面有牛肉，青椒，韓國火腿同埋黑橄欖，上面仲有好多芝士，配埋一齊好夾呀！個餅底仲好鬆脆，一定要趁熱食呀！叫pizza 仲會送汽水同埋小食，好抵食！🐤五味炸雞🐤分別有，雙重芝味，經典原味、蜜糖芥末、特色甜辣同埋洋蔥蛋黃醬，一上枱就好surprise，個擺盤好靚，一盒有齊咁多個味，好正呀！而且炸雞炸到脆卜卜，入面仲好juicy，五個味都好好味，我最鍾意雙重芝味，超多芝士粉😍🧀焗芝士年糕🐟呢個芝士年糕真係好正宗韓國風味，個醬好濃味好夠辣，入面仲有魚餅同埋紫菜粉絲脆條，全部都好入味好惹味，大推！😋🧀芝味脆條🥖呢個脆條炸到脆卜卜，咬落去有拉絲效果，配埋汽水真係好爽呀！推薦指數：👍🏻👍🏻👍🏻👍🏻👍🏻👍🏻👍🏻👍🏻…Read More

🎃就嚟到萬聖節，又咁啱想食燒肉，見到平時食開果間親子餐廳出左新Menu，睇落好似好好味咁，即刻同小朋友去試下先！呢度一入門口就好有萬聖節氣氛啦😍當然小朋友見到個波波池已經好想即刻衝去玩啦哈哈🤣好啦講返啲野食先！ 🐮月見韓牛前胸肉韓牛真係好好食！鍾意食牛嘅一定要試下韓牛，入口即溶，油脂同埋肉嘅分佈好平均，肉味香濃，正😋 🐷炑八特製護心肉呢個豬肉已經醃好咗，唔使再自己調味，燒完之後好入味，而且好嫩滑！ 🐖炑八秘製豬肉拼盤呢個拼盤咩都有，有豬腩肉啦，豬扒等等，唔想煩食咩部位嘅話，叫呢個就啱晒啦。 🎃嘩鬼南瓜蝴蝶粉呢個南瓜蝴蝶粉好出色，真係食得出用咗好多南瓜去整個汁，唔會太咸，健康又好味😋炸雞都唔錯！ 🏎️搞怪搗蛋小跑車呢個係小朋友最愛，又有薯條，又有沙律同埋壽司，壽司造型好特別，好襯萬聖節🤣 🎃瓜瓜叫! 南瓜奶昔南瓜奶昔真係第一次飲，好濃嘅南瓜味，加埋奶，出奇地夾~ 🍫魔法朱古力奶昔小朋友最愛，好濃朱古力味但又唔會太甜，啱晒小朋友呀~…Read More