KCWong178's Profile

呢一間川亭口水雞專門店已經係第二次食，喺維園個泳池附近，游完水就過嚟食。款式都算多嘅，但係暫時食過兩次都係口水雞。今次叫咗個川亭招牌套餐，係口水雞配擔擔面再加支豆漿。以擔擔面嚟講，唔夠好濃郁，但係味道都唔錯嘅。再嚟佢個口水雞你都唔差幾嫩口，仲有唔同嘅辣度選擇，都係幾正。計返$66來講，又有豆漿其實都幾抵食。…Read More

康城入邊唯一一間拉麵舖，見唔算太多人，咁就同啲同事入咗去試吓。呢間拉麵鋪，啲款式唔算太多，但係組合嚟講都叫豐富嘅，有黑/赤/白武骨湯底選擇，而我就比較鍾意食沾麵多啲。（以上係佢個Menu）最咪試咗佢個黑武骨沾麵，味道都算唔錯，可惜淡咗少少，另外加咗一份叉燒，同埋一個替玉，一份炸雞同一杯蘋果汁，整體唔差，都值得一試嘅。…Read More

一生縣麵一直都係好值得食嘅拉麵店，但係之前係旺角店一直想試吓一生懸麵嘅雪糕拉麵，但係一直都食唔到，點知去到都係食唔到。不過，食到平時食開嘅海老拉麵都係咁滿足嘅。…Read More

檸檬仔呢間台式飲品鋪嚟講，我最鍾意飲嘅一定係🍑水蜜桃果茶🍑 ，由於果茶嘅甜度一般都比較甜，所以我建議一開始最好要少甜少冰，個果茶係用茶包沖，然後入面仲加咗鮮橙粒、蘋果粒同啫喱，所以口感幾豐富，鍾意飲果茶嘅一定要試。…Read More

最近譚仔三哥又賣廣告，見個封面廣告好似幾吸引就想試吓，新嘅湯底叫煳椒肉骨湯。整體味道偏清淡，冇真嘅肉骨湯嘅味道咁濃，試完覺得有啲少少伏。（煳椒肉骨茶豬膶米線配老油條👆🏻）…Read More

食過咁多間石磨腸粉，鳳鳴真心係高質。腸粉有口感，嫩滑有蛋香。可以按照自己嘅個人口味加唔同嘅配料。有自家製豉油、芝麻、麻香汁、麻醬、炸蒜、石磨辣椒粉和芫茜，另外可以免費升級要黑米或者紅米腸粉底。通常我一次會食兩個先夠喉，所以大食嘅話會建議加套餐。（招牌石磨雞蛋豬肉腸👆🏻）（配料可自由搭配）…Read More

以校園班房🧑🏻‍🏫為設計嘅甜品舖，坐位都係學生枱同凳，個Menu就用特色嘅練習簿設計，整體環境都算幾有心思特色。睇上去甜品嘅封面都算吸引，然後落咗一個宜蘭腐竹男神同滋潤牛乳西米桃膠雪燕，另外帶咗個麻辣餃子八隻。(👇🏻下圖)然後見到嘅賣相係唔係太吸引，味道都普普通通，芋圓嘅味道太淡，牛乳嘅味道都唔係太吸引，而且偏稀偏水，比起睇到Menu嘅時候期望落差太大，反而有啲失望，唯一最鍾意嘅係佢嘅校園主題設計。…Read More

最近開多咗好多Poke主題食物嘅店鋪，行過荔枝角市集嘅時候，發現呢間人氣夏威夷蓋飯，眼見唔係好多人排隊，就嗌個外賣返去試下。（👆🏻門面👇🏻）我揀咗DIY自選bowl，可以自由配搭，揀咗蛋黃醬配加州三文魚🍣，同泰式魚露陪泰式甜蝦🍤，整體味道香口濃郁，加埋泡菜，口感層豐富，夠哂滿足。（無論係賣相同包裝都好滿意🤤）（環境相👆🏻整體乾淨企理）（參考價錢：DIY自選$90 兩款魚生熟肉+一款配菜+一個底）…Read More

隔咗幾個月冇嚟，發現原本嗰間越南嘢執咗。然後見新開呢一間鋪面裝修幾唔錯，就想試吓。（👇🏻鋪面相）（👇🏻餐牌相）然後等位嘅時間都唔算太長，等咗5分鐘左右就入到去。之後入去環境都算幾靚(因為新裝修)，之後俾咗幾包濕紙巾我哋消毒隻手同口罩袋裝口罩。（👆🏻呢個幾好）然後就試咗佢個海南雞，係正常海南雞飯，不過不失，唔係太大驚喜。反而啲嘢飲就幾有特色同埋都整得唔錯，同埋佢個真係幾靚。整體用餐體驗都唔錯，係價錢貴咗少少。…Read More

唔使講食下午茶必選一定係佢！而家疫情期間外賣仲有九折，所以通常都係外賣多，咁樣計落就會抵啲，平均每個餐平三至四左右。基本上下午茶嘅選擇都幾豐富嘅，想份量細啲嘅都有，可以睇返最下底嘅餐牌。下午茶個人推介有幾樣一定會食：1.百里香忌廉雞皇焗珍珠飯（外賣會正啲）2.原茄烤豬扒焗珍珠飯（都係外賣正啲🤣）3.香辣橄欖油煙鴨胸炒扁意粉（下午茶Menu👇🏻）最後講多句，佢個湯飯麻麻哋，有啲似杯麵嘅湯汁撈咗落啲飯度咁，有興趣都可以試吓😂…Read More

之前喺附近經過幾次，見都係好多人咁，所以一直都冇入去食過，見今日同事邀請又Book埋位咁就試吓佢啦。（👇🏻三種Set可以選擇）見同事快快手揀咗豪華燒肉放題果款，咁就試咗呢款先，下次先試下極上和牛燒肉果隻。（👆🏻整體個環境感官都唔錯）落單可以scan QR code落單，選擇都算豐富，除咗不同牛嘅部位之外，仲有各種海鮮、豚肉、雞肉同蔬菜等。可能係豪華嗰隻唔夠極上嗰隻啲牛咁靚啦，所以睇上去唔係特別吸引。不過對於食肉獸嘅我來講，都好足夠㗎喇。📝特別講返佢個菠蘿真係好好食😋同埋上菜嘅速度都好快，等咗一陣就有，同埋啲侍應嘅服務態度幾好，提出咗一啲要求同埋換嘢都好快處理到，整體個服務體驗係幾正嘅。…Read More

之前講咗好耐話想試吓譚仔三哥嘅「菜底」，一直未有機會，咁啱今日唔係好肚餓就試吓轉吓。（米線轉菜底要加$3）之後我揀咗京白菜底配番茄湯四小辣，一開始我以為會好多菜啦，點知一羹落去全部都係湯，基本上八成係湯半成係配料同肉，剩低嘅一成先係菜。老實講加咗$3，其實個人期待係真係想食多啲菜，唔食米線咁多澱粉質，點知最後係食咗一肚嘅寂寞。（👆🏻食晒所有嘢剩低啲湯）個人建議如果想減肥嘅話，寧願嗌碟菜同小食會開心啲同滿足啲，雖然唔知道係固定份量定係咁啱俾得份量少啦，不過我就唔會再嗌啦。其他嘢係冇問題嘅，因為我都幾鍾意食譚仔三哥，基本係上都係成日食，希望佢遲啲會改良下啦。…Read More

見譚仔又推出新嘢，就想好奇試一下，點知都算幾有驚喜，個豬軟骨寬麵配花椒重慶酸辣湯底，真心咩都唔錯，最少辣度只可以由三小辣開始揀起，我揀咗最低嘅三小辣，食落寬麵口感幾好，整體配搭都滿意，不過就一定要嗌定嘢飲如果唔係就會好頸渴。…Read More

意八餐廳算係一間價錢合理性價比高嘅平民餐廳，特別係早餐時段嘅價錢都係相當吸引，而且款式都算豐富唔同類型都有。平時食早餐多數都會嚟呢一度食，而我平時特別鍾意食嘅係佢嘅美式早餐系列嘅豬扒或者雞扒餐，配熟蛋煙肉，仲有個蒜蓉牛油厚多士添。我推介豬扒餐嘅原因係因為佢個豬扒整得軟身，唔會太乾，食落去一個字正！另外佢嘅「重量級」全餐嘅特大香脆牛角酥都係整得唔錯嘅，配埋個滑蛋其實都幾正㗎。另外要注意，有啲餐係跟茄汁豆嘅，唔鍾意食嘅就可以提前走咗佢先。（👆🏻早餐餐牌）…Read More

平時啲同事都會成日去嘅，咁啱我又跟埋去就諗住試吓。平日晏晝堂食都唔係太多人，好快就有得入去坐，之後個環境係幾有特色嘅。但係…（環境相👇🏻）之後到落單啦，個侍應過嚟勁hea落單，之後冇覆番單，之後睇睇張單發現落錯，就叫佢改啦，又係態度麻麻。我要咗個C。（食物相👆🏻）然後試完味道麻麻，冇驚喜呢個價錢有啲唔抵。同事食嘅柱侯牛腩飯都就咁用鐵兜裝住扮煲仔飯，個飯仲要分開嘅，真係幾失望，仲要$58。講真呢個價錢，個份量同質素就真係唔係好掂。純Lunch體驗印象真係唔多好。…Read More