ipipng's Profile

第一次去食放題有得飲大愛既朱古力奶，睇得出老細都落足晒本。去超級市場度買6包裝朱古力奶都成30幾蚊啦。坐又唔逼，出入都唔洗隔離枱就位。好鬼怕去個洗手間都要麻煩到人咁！最緊要係啲野食又齊又快 正！出既野食好明顯係岩岩整好，唔同平時食開果啲好似放左好耐又凍晒先出黎。有冇諗過食放題都可以見到件燒牛柳粒仲係出緊煙既？ 呢度就試到啦。厚切刺身就唔多講啦，好明顯有解凍真係好細心。食落都唔會覺得係岩岩喺雪櫃拎出嚟咁，溫度岩岩好。…Read More

觀塘鴻圖道夜晚真係好似個荒島咁。除左有7仔之外，其他野其本上一過左8點就收晒！加埋條街又暗，一夜左收工都唔好話唔灰啊！不過估唔到而家喺鴻圖樓上面開左間日本菜 - 一本食堂！見冇咩其他選擇就試下啦，發展都幾多喎！叫左一大盆刺身，見個餐牌上面寫住50 片！真係咁大個人都未試過一盆有咁多件刺身。點知一黎到真係超級大盆同埋好大件。有一下諗住會唔會係全部都係細細塊咁。三文魚真係一定要試，除左夠晒厚之外仲夠晒肥美！口感一流！仲有就係帶子，大粒之外又夠晒鮮甜。仲有好多唔同既刺身架，不過都係俾大家自己去食啦，保證一定有驚喜。…Read More

香港大學站一出黎就見到呢間茶記😀食物款式應有盡有👍🏻價錢合理，而且店舖面積好大好闊落，就同朋友入左去食好少見常餐既多士係酥多士，所以就叫左常餐試下😂估唔到超級好食！多士好鬆脆而且好香牛油味，配上外層既甜奶真係超正！如果唔想咁膩，可以配炒滑蛋一齊食☺️仲想推介佢既叉燒意粉，叉燒份量多而且肉好林😍湯底都好濃郁，睇得出廚師好有心思，值得欣賞👍🏻之前試過午餐既蒸飯都唔錯😍呢間餐廳野食份量較大，建議細食既朋友仔可以同朋友share幾個餐，唔好浪費食物😋…Read More

因為係西環返學😛無意中發現呢間小店有超長既鰻魚食😍本身好中意食鰻魚，所以決定去試下😂入到去見到日式風格既裝潢，好有格調，燈光有啲暗暗地，坐得好舒服☺️同朋友每人叫左個鰻魚飯，一上菜真係好驚訝😝條鰻魚長到蓋過啲飯😎鰻魚好彈牙而且完全冇骨架！配合鰻魚汁好正！雖然價錢少少貴，但個鰻魚飯好高質👍🏻絕對抵食😀😀去左兩至三次，非常推薦鰻魚飯😍每次都keep到水準👍🏻👍🏻👍🏻會再去幫襯支持下！…Read More

今日去開深水埗，去左食呢間車仔面店😍一行入去位置唔多，但坐落幾舒服👍🏻車仔面既款式好多👍🏻湯底都有6-7款任君選擇😎我叫左豬手、墨魚丸、魚腐米線🍜豬手好林而且多肉😍墨魚彈牙仲叫左招牌小食——十粒肉丸🍡超級好食！即叫即整，上菜時仲熱辣辣架！入面係豬肉加蘿蔔😛好入味👍🏻👍🏻👍🏻👍🏻外脆內軟😍有機會一定再去食！香港地道車仔面店越來越少啦，大家行開深水埗，不妨去試下啦😛…Read More