wongeoffrey的個人專頁

平時食開佢嘅個裝包覺得好好食嘅，見到佢開Cafe，重要有「French Bagel」食，以我自己鍾意食French Toast嘅人嚟講，就盡快嚟試啦French Toast一嚟到賣相好靚！問題係用刀切落去嗰下，幾乎切唔開！Bagel個皮本身已經係韌，再加埋個焦糖面「防禦力」更加高，切落去嗰下幾乎要壓扁晒個包先切得入，或者建議有把牛扒刀會好切啲切開完，見到啲麵包位都無浸到幾多蛋汁。我個人就預期，你叫得「西多/french toast」，都係浸滿蛋，做到個質地好柔軟、好濕潤先係好嘅French Toast。呢個咁乾，極其量只能叫焦糖Bagel拼雪糕。另外，個Ricotta Parma Ham Open Toast又係一樣，賣相100分，但⋯⋯嗰塊包寫到明用酸種包，咁你間舖本身賣包，我就對你啲包高期望啲。酸種包多士，我認為要個面輕輕有煎/焗香，中間層食到又濕潤又軟糯，食到陣酸種包香味就Perfect。但佢係又乾又硬，可能係切得太薄啦，一焗就無晒水份。（灣仔、金鐘有兩間B字頭嘅麵包主題Cafe，啲酸種包好食好多）食物唔好食，重要每人最低消費一杯嘢飲，埋單兩個人，無加一都要$275蚊，一定唔會有下次。Btw，梔子花綠茶好香，幾好飲。但略嫌太細杯，要$43杯，都係唔會再幫襯。個期望落差在於，平時見佢老細成日出Post又話啲食物試多好耐，研究咗好多次，好用心做⋯⋯然後先推出，點知原來係咁伏。…查看更多

平日星期四去試下排隊，11:45到達，大約係排第15個，一直等到12點佢就開始收錢。有少部分人係預先拎到張紙仔，然後有啲人就坐低咗，大概有10個位。最大問題係，等到12:20先見到佢開始著個爐，然後大約12:30先慢慢拎啲前菜畀頭幾個客，同埋大約12:30，先見到佢啱啱開始炒意粉。我就等到12:35分就放棄咗，走嗰刻都無人有意粉食過。另外，放棄係因為前面嘅人 係可以買多過一碟意粉，佢又無話會截龍，又無寫幾多點派飛，乜都無講，又唔知等幾耐。等咗50分鐘得個吉，感受十分差。…查看更多

尖沙咀店就未試過，因為當年太多人，又話無晒梳乎厘班戟，所以無去過啱啱銅鑼灣店第一日開張就去試下，重要頭50張單半價，梗係順便試多幾樣啦！寫咗梳乎厘班戟先，雖然佢係最後上枱質地的確係好鬆軟，好似梳乎厘咁，外型亦十分靚，外觀我畀滿分，呃Like一流！但味道真心差：完全無蛋、食到有麵粉味，好似未煮熟嗰種咁、啲Cream就正常Cream（所以Ok）、上面嗰Pat真係唔知佢係吉士醬定牛油，如果係牛油，咁就係無乜味嘅牛油到Plain French Toast，因為半價關係，我重加咗球雪糕當佢係塊普通丹麥包黎講就幾好味，始終都有焗過，個皮都脆脆地，但而家係法蘭西多士喎，咁就唔合格啦！係有牛油香，但中間真係乾㗎，又無畀糖漿你加埋黎食，雖然有Cream可以幫補下，但總體係似食包:(。點解會兩樣應該有蛋味嘅甜品都無蛋味⋯⋯另外重食咗Tiramisu個Pancake如果係有「金拱門」水準都叫合格，但佢個Pancake又係好乾，好似食緊一塊麥包咁，略為黏韌，而非鬆軟。味道方面，吉士醬太多，幾乎無酒味，咖啡味好似得底層嗰塊Pancake先比較足夠。無任何一層Pancake係有濕潤、浸滿咖啡/酒嘅感覺，都係比較乾身。都係賣相滿分，呃Like一流！服務、環境都正常、舒適，雖然話食1Hr，但過咗少少都無趕，唔錯。以咁樣嘅味道，就算長期半價都未必會再食！如果比半價再平少少，入去當Cafe咁坐吓飲吓嘢都算唔錯最後加返張茶嘅相，算係最中規中矩嘅一樣食品…查看更多

試咗呢度的原味Pancake同埋法式多士，兩樣都唔掂。先講Pancake，一個字，乾！本身個質地已經好似蛋糕咁，如果你以為黎呢度係食鬆軟Pancake，咁你就錯晒！你根本係一舊熱嘅Pancake型蛋糕。就算佢畀咗少少蜜糖你，都無補於事，嗰杯仔蜜糖，未食夠一半已經用晒。加上你坐低佢唔會主動提供水，咁剩返嗰半舊就要乾哽另外，法式西多士，如果同尖沙咀麼地道某cafe比，呢間原全唔合格。多士面放蕉糖，厚得黎又唔係脆。法式西多對我個人預期，中間心應該係濕潤、有奶/蛋香，但佢原全無濕潤嘅嗰種口感，只算係過程中浸過下蛋/奶，食落都仍然維持喺「麵包」嘅口感:(總結，不會再試，亦希望少啲人中伏…查看更多