gfgm.hk的個人專頁

早前見到網上有人介紹冬菇雞軟骨餃子同黃辣椒醬覺得幾有特色 想支持下小店 特意黎試下---可惜卻遇上一位中年女員工/老闆一開口態度異常惡劣 呼呼喝喝 非常之奇怪難怪較早前有食評都評論店家服務態度不理想估計平時有穩定街坊生意 唔太重視服務方面---講返食物 雞軟骨餃子有創意 口感較一般餃子特別可惜味道冇驚喜 平平凡凡黃辣椒醬少少都夠辣 有特色但同餃子又唔係太夾---小結相信店家有心經營 但食物味道沒大驚喜唔太建議特意黎試 但經開貪得意可以試下店家對客人沒有基本尊重 令人十分失望希望可以好好改善…查看更多

極少入屯門既我 今日特登黎探朋友既bb👶🏻經過華都 發現有好多人等緊呢間食店原來係一間新開既吐司店🍞有8款吐司選擇 可以加配套餐第一眼見到吐司個賣相真係好吸引!!😍於是二話不說 同男友一齊買左兩份吐司🍞🍞其中一份跟餐 配雞軟骨同汽水🥤身為外貌協會 首先要讚一讚個吐司盒好可愛呀😍呢個設計好貼心 唔會食到好論盡👍🏻啱晒我呢種粗心既人😆男友指定要試既💁🏻‍♂️漢堡芝士滑蛋吐司個吐司甜甜地 我覺得好好食呀💗蛋好夠滑 醬汁有驚喜 比起平時食漢堡冇咁悶👍🏻我極力推介呢個💁🏻‍♀️炸軟殼蟹滑蛋吐司軟殼蟹一定冇得輸!! 平時食手卷都必叫!!但夾落吐司一齊食 真係第一次估唔到份量咁足料呀 我直情當呢餐係正餐😆跟餐小食 揀左雞軟骨 份量竟然唔少呀!!脆卜卜 我覺得味道剛剛好☺️但食開重口味既男友就覺得可以再濃味d~下次去屯門 都會再返黎試下其他口味😍而且好少遇到咁親切有禮既店員 外賣又包得細心推介大家去試下呀💕…查看更多

❤️Dessert Makes Everything Better❤️想試呢間專賣千層蛋糕既人氣小店好耐😻但總係的唔起心肝去排隊，男友知道後就自告奮勇幫我去排隊😽小店每日1點鐘開鋪，但係未開鋪已經有人龍，據聞多數開鋪後半小時至個多小時就會賣晒！男友話當日都見到有人插隊，希望大家去既時候自律，對其他排隊既顧客公平呀😽🔻抺茶流心千層蛋糕 ($32件)第一次食流心既千層蛋糕，睇到都已經流晒口水😻個Cream好滑，抺茶味亦比平時食開既濃郁好多，有回甘。但對於抺茶控既我黎講，再濃味d會更加岩我😸🔻伯爵茶千層蛋糕 ($32件)食完濃味既抺茶，食返個清清地既Earl Grey味即刻balance返！茶味比起Lady M更濃，加上Lady M唔再出伯爵茶😿大家絕對可以試呢個止癮🙌🏻由於今次我地隔左一段時間先食，建議大家買完蛋糕盡快食，或者雪凍再食，味道應該會更加好呀！呢間店既千層蛋糕係咪好食過Lady M就暫時仲有保留，但絕對性價比高！我決定下次親自去排隊，即買即食，試下味道係咪會更加好先😻下次目標係Tiramisu同埋焙茶😽⚠️以下提供「購買攻略」比新朋友😽☑️逢星期一休息☑️每人最多買兩件切餅☑️留意小店IG，會更新每日供應既切餅口味同埋賣完都會有消息☑️店內只有數個座位供堂食☑️最穩陣開店半小時前排隊☑️冇時間排隊既可以wtsapp店主訂購原個蛋糕，要預等1-2個月呀…查看更多

🔻士多啤梨乳酪米水($38)呢間店既飲品配搭好新鮮，而且係sell養生，所以就試試佢。以為健康野就唔好飲？一試就覺得有驚喜！因為呢個年代，掛羊頭賣羊肉係好難得，而呢杯飲品就同佢改個名一樣，飲齊曬士多啤梨帶出既酸味、乳酪既微酸、淡淡既米香味，同埋飲唔到一般飲品有既糖水味或蔗糖味。米水感覺比茶飲更加解渴，而當中兩樣比較酸既食材就比米水中和左，變成開胃既酸咪咪，清新可口。健康方面，我就唔係專家，但可以同大家分享下佢同其他飲品既分別。首先，正如之前所講，無咩人工調味，相信係會比較健康。另外小弟腸胃其實唔太好，有時飲茶都刺激到個胃，但呢個米水就無呢種感覺，似乎係個比較健康的選擇。…查看更多

住黃埔既朋友應該都識呢間人氣小食店架喇，主要係提供多款串燒。而我同男友就係比佢既蛋炒腸粉而吸引去既😻提醒大家因爲人多，而且串燒製作需時，所以有時間先好去呀。🔻蛋炒腸粉($16)見到師傅都好有心機炒，落左蛋漿就上碟喇。聞落好香，賣相亦夠晒吸引，食落夠晒香脆！比平時食既煎腸粉特別，但如果多d蛋會更加好👍🏻🔻雞軟骨、牛舌、雞中翼串燒我同男友都覺得串燒過份重甜味，對個調味比較失望。可取既係牛舌唔會燒到過乾，仍然juicy，但個人都係喜歡厚切多d😽有冇同好🙌🏻？眼見好多街坊都order雞全翼，下次經過會再試試，但唔會再特登去食喇😺…查看更多

由於小弟經常出入馬鞍山，所以都幾體會到住馬鞍山既朋友面臨冇咩好食既困擾。不過呢間係新港城附近既泰國野，係請左泰國廚師返黎煮，雖然唔係真係好食到wow出黎，但當日常晚飯都算唔錯。🔻泰式蝦仁炒金邊粉($62)炒野最緊要夠鑊氣，呢樣野呢間餐廳絕對做到。因為會不時聽到廚房傳黎大火快炒既聲音。味道唔錯，有泰式酸甜味但唔會太過強烈，配料還好，有幾隻大蝦球。份量夠大份，我地2個人如果唔係極餓狀態，其實可以唔叫小食。🔻馬拉盞炒通菜($58)每次黎到都必叫，有冇人有同感食泰菜唔叫呢樣總係爭咁啲？有次試過叫泰式炒菜，但偏辣。呢個就剛剛好，唔太辣又夠晒惹味！🔻沙爹串燒($48/4串)其實冇咩肉味，因為沙爹汁味重。之前試過叫豬雞牛各一，堅係唔識分🙈呢次叫全雞先肯定到自己食緊咩肉。🔻蒜蓉包($18)Staff表示呢個係2.0版，佢自己都食上癮😂係幾好食既，但個人覺得未至於咁浮誇。好食在於烘得個包夠靚而唔係個調味正，因為一般食蒜蓉包都會有種脆但好硬好難咬既感覺，而呢度就做到個邊同個面脆，而咬落塊包仍然鬆軟👍🏻唯味道偏咸 (小弟平日已算食得咸)，女友就覺得唔夠重蒜味。…查看更多

男友之前食過呢間丼話正，所以突登帶我黎試😽我今次目標好清晰，就係要黎食拖羅，因為我真係好念念不忘係日本食過既拖羅，而且上網睇話呢間係真正做到日本築地直送！所以當日返工已經遊魂，心入面只係想快d放工仆過去，請着我呢種為食員工真係自求多福喇😹😹🔻飛天黑鮪大滿貫丼($298)配麵豉湯成碗都粉紅色好靚呀🙀到底有咩咁巴閉？就係成碗都用左魚生界中非常矜貴既黑鮪(Maguro)！包括大拖羅、中拖羅、赤身同埋魚腩蓉！咩都有一定可以滿足到拖羅控！個豉油可以帶出刺身既鮮味，配埋手磨山葵真係想大叫oishii！但身為婌女既我，當然好內斂地默默壓抑住似山洪暴發既情緒😼而我個人最喜歡肥美既大拖羅，簡直溶化埋我個心。平時食野好快既我，都停落黎慢慢享受，如果可以，我想時間停落黎等我食返夠本😹喂停幾個鐘好喇！🔻豐洲水產海鮮丼($248)配麵豉湯由於呢個丼係男友主力，所以以下係佢寫既😽呢個報稱重500g，有各式刺身十分豐富既丼，我一個男士都食唔曬，非常足料亦都好新鮮。黑鮪魚係女朋友既丼都有，就唔再重複喇。至於三文魚+帆立貝+玉子卷就冇特別驚喜。反而將響螺+松葉蟹肉+兩種魚子一齊食，口感好飽滿，同時有多重享受。女朋友表示牡丹蝦超級新鮮，相當推薦。另外本人係油甘魚控，呢間油甘魚算係小弟食過最好食既一間，明顯比其他店新鮮肥美！如果朋友們同我一樣專門指定食某幾種魚，我建議可以食$148果個丼，有黑鮪+油甘魚+三文魚+三文魚子山芋，十分抵食，份量亦剛剛好。(小弟第一次幫襯就係食呢個丼，食髓知味。) 至於個醋鯖魚，女友食完覺得條脷唔太舒服，叫我最後先食。我食落就還好，但都建議大家 (1)最後先食，因為醋味可能同其他魚生唔夾；(2)細啖細啖食，否則可能醋酸味會太勁。最後，個人強烈建議大家加豉油落個飯度，上次同我一齊食既朋友都大讚呢度既豉油好提鮮！…查看更多

最近好多餐廳都推出呢種好fluffy既pancake🥞相信冇咩女仔會抗拒😻而我當然唔例外，突登捉埋男友去試下呢間人氣小店啦！我地係星期日中午12點去到，好好彩唔洗等位，但過多陣已經開始多人喇🙀🔻Classic Pancakes 原味厚鬆餅($58)厚鬆餅真係特別吸引，未食都已經超級滿足！食落好重蛋味，好鬆軟同埋濕潤。配埋楓糖漿同whipping cream一齊食更加好味，男友知我鍾意食就叫我主力食呢個😽曾經我係屋企試過整，可惜失敗左😹所以我都係決定以後乖乖地出去食！🔻Whitewood English Breakfast 英式早餐($72)呢個all day breakfast好豐富，係男友指定要食既。腸係正宗英式Lincolnshire👍🏻另外個全黑既toast唔錯，而且係自家製既，夠晒誠意。雖然用沙律取代薯餅更加健康，但係就唔夠正宗同少左d風味。🔻Napoleon Pasta 豬柳漢堡拿破侖意大利粉($68)由於食完all day breakfast同pancakes唔夠飽，於是我地叫多個意粉share。見到都唔少人揀呢款意粉，到一上枱已經比佢隻太陽蛋吸引住！起初都覺得唔會太大驚喜，但食落蕃茄味非常濃郁，好惹味而且夠多醬汁！男友邊食邊讚嘆😹佢話下次要食返呢個意粉！…查看更多

同男友經過見到d飲品名幾有趣，所以買左杯芝士奶茶($28)試下。店員溫馨提示我唔好用飲筒住，建議先打開蓋傾斜45度角飲，飲左啖發現咁樣可以真正試到奶蓋同茶夾埋一齊既味道，奶蓋咸咸地加埋奶茶幾得意，飲完一啖會想再飲。奶蓋超過5cm厚，而且好！厚！實！之後轉用飲筒試下，發現味道差太遠，奶蓋還奶蓋，茶還茶，冇咩特別，於是索性丟左枝飲筒。比個tips大家，由於奶蓋好厚實，所以係要飲好大啖先可以飲到奶茶架！…查看更多